bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Ang Biblia (1982))
/
Deuteronomy 20
Deuteronomy 20
Ilonggo (Ang Biblia (1982))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
1
“Kon magkadto ka sa pag-awayan batok sa imo mga kaaway, kag makakita sing mga kabayo kag mga kangga kag katawohan nga madamu pa sa imo, dili ka magkahadluk sa ila; kay ang Ginoo nga imo Dios nagaupud sa imo, nga nagpagowa sa imo gikan sa duta sang Egipto.
2
Kag kon magpalapit kamo sa pag-away, ang sacerdote magpalapit kag magpamolong sa katawohan,
3
kag magsiling sa ila, ‘Pamatii, O Israel, nagapalapit kamo karon sa pagpakig-away sa inyo mga kaaway: dili mapunaw ang inyo tagiposoon; dili magkahadluk, ukon magkurug, ukon malisang sa ila;
4
kay ang Ginoo nga inyo Dios amo sia ang nagaupud sa inyo, sa pagpakig-away tungud sa inyo batok sa inyo mga kaaway, sa pagluwas sa inyo.’
5
Niyan ang mga manugdumala magpamolong sa katawohan, nga nagasiling, ‘Sin-o bala ang tawo nga nakapatindug sing bag-ong balay kag wala makahalad sini? Maglakat sia kag magpauli sa iya balay, basi mapatay sia sa pag-awayan kag iban nga tawo ang magahalad sini.
6
Kag sin-o bala ang tawo nga nagtanum sing ulubasan kag wala pa sia makapulus sang iya bunga? Maglakat sia kag magpauli sa iya balay, basi mapatay sia sa pag-awayan kag iban nga tawo ang magpulus sang bunga sini.
7
Kag sin-o bala ang tawo nga kalaslon kag wala pa makasal? Maglakat sia kag magpauli sa iya balay, basi mapatay sia sa pag-awayan kag iban nga tawo ang magpakasal sa nobya.’
8
Kag ang mga manugdumala magpamolong pa sa katawohan, kag magsiling sila, ‘Sin-o bala ang tawo nga makulbaon kag mapunawon sa tagiposoon? Maglakat sia kag magpauli sa iya balay, basi ang tagiposoon sang iya mga utud matunaw subong sang iya tagiposoon.’
9
Kag kon ang mga manugdumala makatapus na sa pagpamolong sa katawohan, niyan magtangdo sila sing mga capitan sang mga kasoldadosan nga pangolo sang katawohan.
10
“Kon magpalapit ka sa isa ka banwa sa pagpakig-away batok sa iya, ibantala ang paghidait sa sini.
11
Kag kon magsabat sia sa imo sing paghidait kag magbukas sa imo, niyan ang bug-os nga katawohan nga makit-an didto manginsakup mo kag magaalagad sa imo.
12
Apang kon indi sia magpakighidait sa imo, kondi makig-away sa imo, niyan kibonon mo ini;
13
kag kon itugyan ini sang Ginoo nga imo Dios sa imo kamut patyon mo ang tagsa ka lalaki sa sulab sang espada,
14
apang ang mga babayi kag ang mga magamay, ang kahayupan, kag ang tanan nga yara sa banwa, ang tanan niyang inagaw, kuhaon mo nga inatihan nga sa imo kaugalingon; kag kaonon mo ang inagaw gikan sa imo mga kaaway, nga nahatag sa imo sang Ginoo nga imo Dios.
15
Amo ini ang himoon mo sa tanan nga kabanwaanan nga tama kalayo sa imo, nga indi sa kabanwaanan sining mga pungsud.
16
Apang sa kabanwaanan sining mga katawohan nga ginahatag sa imo nga panublion sang Ginoo nga imo Dios, walay ibilin ka nga buhi sang bisan anong nagaginhawa,
17
kondi laglagon mo sila sing bug-os gid, ang Hethanon kag ang Amornon, ang Canaanhon kag ang Pereznon, ang Hevhanon kag ang Jebusnon, sono sa ginsogo sa imo sang Ginoo nga imo Dios;
18
agud nga indi kamo nila matudloan sa paghimo sono sa tanan nilang kangil-aran nga nahimo nila sa ila mga dios, kag sa amo magapakasala kamo batok sa Ginoo nga inyo Dios.
19
“Kon likupan mo ang isa ka banwa sing malawig nga tion, sa pagpakig-away sa pag-agaw sa iya, dili mo paglaglagon ang iya kakahoyan paagi sa pagwasay sa ila; kay magakaon ka sa ila, apang dili mo pagpudlon sila. Tawo bala ang kahoy sang latagon nga likupan mo sia?
20
Lamang ang mga kahoy nga nakilala mo nga indi mga kahoy nga kalan-on laglagon mo kag pudlon sila kag magpatindug ka sing mga pamakud batok sa banwa nga nagapakig-away sa imo, tubtub nga mapukan ini.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34