Genesis 10

Ilonggo (Ang Biblia (1982))

← Chapter 9 Jump to: Chapter 11 →

1Amo ini sila ang mga kaliwatan sang mga anak nga lalaki ni Noe, ni Sem, ni Ham, kag ni Jafet; nangin-amay sila sang mga anak nga lalaki sa tapus ang anaw.

2Ang mga anak nga lalaki ni Jafet: si Gomer, si Magog, si Madai, si Javan, si Tubal, si Mesec, kag si Tiras.

3Ang mga anak nga lalaki ni Gomer: si Askenaz, si Rifat, kag si Togarma.

4Ang mga anak nga lalaki ni Javan: si Elisa, si Tarsis, si Kitim, kag si Dodanim.

5Sa ila sini ginbahinbahin ang mga pulo sang mga pungsud sa ila mga duta, ang tagsatagsa sono sa ila hambal, sono sa ila mga panimalay, sa ila mga pungsud.

6Ang mga anak nga lalaki ni Ham: si Cus, si Mizraim, si Put, kag si Canaan.

7Ang mga anak nga lalaki ni Cus: si Seba, si Havila, si Sabta, si Raama, kag si Sabteca. Ang mga anak nga lalaki ni Raama: si Saba kag si Dedan.

8Si Cus amay ni Nimrod; sia nahauna nga gamhanan sa duta.

9Sia gamhanan nga mangangayam sa atubangan sang Ginoo; busa ginasiling, “Kaangay ni Nimrod nga gamhanan nga mangangayam sa atubangan sang Ginoo.”

10Ang pamuno sang iya ginharian amo ang Babel, ang Erec, ang Acad, kag ang Calne, sa duta sang Sinar.

11Gikan sa sadtong duta nagkadto sia sa Asiria, kag nagpatindug sang Ninive, sang Rehobot-lr, sang Cala,

12kag sang Resen sa ulut sang Ninive kag Cala; nga amo ang dakung banwa.

13Si Mizraim amay sang Ludim, sang Anamim, sang Lehabim, sang Naftuhim,

14sang Patrusim, sang Casluhim (nga sa ila naggikan ang mga Filistinhon), kag sang Caftorim.

15Si Canaan amay ni Sidon nga iya panganay, kag ni Het,

16kag sang mga Jebusnon, sang mga Amornon, sang mga Girgasanhon,

17sang mga Hevhanon, sang mga Araknon, sang mga Sinhanon,

18sang mga Arvadnon, sang mga Zemarnon, kag sang mga Hamatnon. Sang olihi naglapta ang mga panimalay sang mga Canaanhon.

19Kag ang dulunan sang mga Canaanhon kutub sa Sidon, sa nagapakadto ka nayon sa Gerar, tubtub sa Gaza, kag sa nagapakadto ka nayon sa Sodoma, Gomorra, Adma, kag Zeboim, tubtub sa Lasa.

20Ini sila amo ang mga anak nga lalaki ni Ham, sono sa ila mga panimalay, sa ila mga hambal, sa ila kadutaan, kag sa ila mga pungsud.

21Sa kay Sem man, ang amay sang tanan nga mga anak ni Heber, ang magulang ni Jafet, sa iya natawo ang mga anak.

22Ang mga anak nga lalaki ni Sem: si Elam, si Asur, si Arfaxad, si Lud, kag si Aram.

23Ang mga anak nga lalaki ni Aram: si Uz, si Hul, si Geter, kag si Mas.

24Si Arfaxad amay ni Sela; kag si Sela amay si Heber.

25Si Heber amay sang duha ka anak nga lalaki: ang ngalan sang isa si Peleg, kay sa iya kaadlawan ginbahinbahin ang duta, kag ang ngalan sang iya utud si Joctan.

26Si Joctan amay ni Almodad, ni Selef, ni Hazarmavet, ni Jera,

27ni Hadoram, ni Uzal, ni Dicla,

28ni Obal, ni Abimael, ni Saba,

29ni Ofir, ni Havila, kag ni Jobab; ini sila tanan mga anak nga lalaki ni Joctan.

30Ang ila puluy-an kutub sa Mesa sa nagapakadto ka nayon sa Sefar sa bakolod sang sidlangan.

31Ini sila amo ang mga anak ni Sem, sono sa ila mga panimalay, sa ila mga hambal, sa ila kadutaan, kag sa ila mga pungsud.

32Ini sila amo ang mga panimalay sang mga anak nga lalaki ni Noe, sono sa ila mga kaliwatan, sa ila mga pungsud; kag sa ila sini ginbahinbahin ang mga pungsud sa duta sa tapus ang anaw.

← Chapter 9 Jump to: Chapter 11 →