bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Ang Biblia (1982))
/
Numbers 15
Numbers 15
Ilonggo (Ang Biblia (1982))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
1
Ang Ginoo nagpamolong kay Moises,
2
“Ipamolong sa katawohan sang Israel, Kon makasulud na kamo sa duta sang inyo mga puluy-an, nga ginahatag ko sa inyo,
3
kag maghimo sing dolot tungud sa kalayo sa Ginoo, sing halad nga sinonog ukon isa ka halad, sa pagtuman sing saad ukon isa ka halad-nga-kinabubut-on ukon sa inyo pinat-ud nga piesta, sa paghimo sing kaamyon sa Ginoo, gikan sa kabakahan ukon sa panong,
4
niyan ang nagadolot sang iya halad magdolot sa Ginoo sing halad-nga-kalan-on sang ikapulo nga bahin sang efa nga harina nga mapino, nga nasamoan sing ikap-at nga bahin sang isa ka hin nga lana;
5
kag magaaman ka sang ikap-at nga bahin sang isa ka hin nga alak nga sa halad-nga-ilimnon upud sang halad-nga-sinonog, ukon tungud sa halad, nga sa tagsa ka cordero.
6
Ukon sa tagsa ka carnero nga lalaki, mag-aman ka nga sa halad-nga-kalan-on sing duha ka ikapulo nga bahin sang isa ka efa nga harina nga mapino nga nasamoan sang ikatlo nga bahin sang isa ka hin nga lana;
7
kag sa halad-nga-ilimnon magdolot ka sang ikatlo nga bahin sang isa ka hin nga alak, nga maamyon sa Ginoo.
8
Kag kon nagaaman ka sing isa ka tinday nga baka sa halad-nga-sinonog, ukon sa halad nga sa pagtuman sing saad, ukon mga halad-sa-paghidait sa Ginoo,
9
niyan magdolot sia upud sang tinday nga baka sing halad-nga-kalan-on nga tatlo ka ikapulo nga bahin sang isa ka efa nga harina nga mapino nga nasamoan sing tunga sa hin nga lana,
10
kag magdolot ka nga sa halad-nga-ilimnon sing tunga sa hin nga alak, nga dolot tungud sa kalayo, nga maamyon sa Ginoo.
11
“Amo ini ang himoon tungud sa tagsa ka tinday nga baka ukon sa tagsa ka carnero nga lalaki, ukon sa tagsa sang mga cordero ukon sa mga tinday nga kanding.
12
Sono sa kadamuon nga amanon ninyo, amo ang himoon ninyo sa tagsatagsa sono sa kadamuon nila.
13
Ang tanan nga tumandok maghimo sini nga mga butang sono sini nga bagay, sa pagdolot sing halad tungud sa kalayo, nga maamyon sa Ginoo.
14
Kag kon ang dumuloong magpanlugayaw upud sa inyo, ukon bisan sin-o nga yara sa tunga ninyo sa bug-os ninyo nga mga kaliwatan, kag magdolot sing halad tungud sa kalayo, nga maamyon sa Ginoo, subong sang paghimo ninyo amo ang himoon niya.
15
Nahanungud sa katilingban, isa lamang ka palatukuran sa inyo kag sa dumuloong nga nagapanlugayaw upud sa inyo, isa ka palatukuran nga dayon sa bug-os ninyo nga mga kaliwatan; subong sa inyo, amo ini ang manlulugayaw sa atubangan sang Ginoo.
16
Isa ka kasogoan kag isa ka pagsolondan sa inyo kag sa dumuloong nga nagapanlugayaw upud sa inyo.”
17
Ang Ginoo nagpamolong kay Moises,
18
“Ipamolong sa katawohan sang Israel, Kon makasulud na kamo sa duta nga ginadalhan ko sa inyo
19
kag kon magkaon kamo sang kalan-on sang duta, magdolot kamo sing halad-nga-binayaw sa Ginoo.
20
Maghalad kamo sa halad-nga-binayaw sing isa ka kalan-on gikan sa nahauna sang inyo linamas; subong nga halad-nga-binayaw sang linasan, amo man bayawon ninyo ini.
21
Sa nahauna sang inyo linamas maghatag kamo sa Ginoo sing halad-nga-binayaw sa bug-os ninyo nga mga kaliwatan.
22
“Apang kon magsayup kamo, kag indi magtuman sini tanan nga sogo nga napamolong sang Ginoo kay Moises,
23
bisan ang tanan nga ginsogo sang Ginoo sa inyo paagi kay Moises, kutub sang adlaw nga nagsogo ang Ginoo, kag padayon sa bug-os ninyo nga mga kaliwatan,
24
niyan kon mahimo ini sing dihungud nga wala mahibaloi sang katilingban, ang bug-os nga katilingban magdolot sing isa ka tinday nga baka nga halad-nga-sinonog, nga maamyon sa Ginoo, pati ang iya halad-nga-kalan-on kag ang iya halad-nga-ilimnon, sono sa pagsolondan, kag isa ka lalaki nga kanding nga halad-tungud-sa-sala.
25
Kag ang sacerdote maghimo sing katumbasan tungud sang bug-os nga katilingban sang katawohan sang Israel, kag patawaron sila; kay sayup ini, kag nagdala sila sang ila halad, isa ka dolot tungud sa kalayo sa Ginoo, kag sang ila halad-tungud-sa-sala sa atubangan sang Ginoo, tungud sang ila sayup.
26
Kag patawaron ang bug-os nga katilingban sang katawohan sang Israel, kag ang dumuloong nga nagapanlugayaw sa tunga nila, kay nahanungud sa bug-os nga katawohan nahimo ini sing dihungud.
27
“Kon ang isa ka tawo makasala sing dihungud, magdolot sia sing kanding nga babayi nga isa ka tuig nga sa halad-tungud-sa-sala.
28
Kag ang sacerdote maghimo sing katumbasan tungud sa kalag nga nagasayup, kon nakasala sia sing dihungud, sa atubangan sang Ginoo, sa paghimo sing katumbasan tungud sa iya; kag patawaron sia.
29
May isa lamang ka kasogoan kamo tungud sa iya nga nagahimo sing bisan ano nga dihungud, sa iya nga tumandok sa tunga sang katawohan sang Israel, kag sa dumuloong nga nagapanlugayaw sa tunga nila.
30
Apang ang tawo nga nagahimo sing hungud sang bisan ano, bisan sia tumandok ukon manlulugayaw, ang amo nagapasipala sa Ginoo, kag ina nga tawo utdon gikan sa tunga sang iya katawohan.
31
Bangud nga nagtamay sia sang polong sang Ginoo, kag naglalis sang iya sogo, ina nga tawo utdon nga mas-a; ang iya kalautan manginsa iya.”
32
Sang sa kamingawan ang katawohan sang Israel, nakita nila ang isa ka tawo nga nagapangahoy sa adlaw nga inugpahuway.
33
Kag ang mga nakakita sa iya nga nagapangahoy nagdala sa iya kay Moises kag kay Aaron, kag sa bug-os nga katilingban.
34
Ginbilanggo nila sia, bangud nga wala pa mapahayag ang dapat himoon sa iya.
35
Kag ang Ginoo nagsiling kay Moises, “Patyon ang tawo; batohon sia sang bug-os nga katilingban sa gowa sang dologan.”
36
Kag gindala sia sang bug-os nga katilingban sa gowa sang dologan, kag ginbato sia sa kamatayon, sono sa ginsogo sang Ginoo kay Moises.
37
Ang Ginoo nagpamolong kay Moises,
38
“Ipamolong sa katawohan sang Israel, kag sogoa sila sa paghimo sing mga plikos sa mga sidsid sang ila mga panapton sa bug-os nila nga mga kaliwatan, kag nga butangan nila ang plikos sa tagsa ka sidsid sing lubid nga asul;
39
kag ini mangin-isa ka plikos sa inyo agud nga magtolok kamo sa iya kag magdumdum sang tanan nga sogo sang Ginoo kag maghimo sa ila, kag agud nga indi kamo magsonod sono sa inyo mga tagiposoon kag sa inyo mga mata, nga ginpakihilawasan ninyo anay.
40
Gani magadumdum kamo kag magahimo sang tanan ko nga sogo, kag manginbalaan kamo sa inyo Dios.
41
Ako amo ang Ginoo nga inyo Dios, nga nagpagowa sa inyo gikan sa duta sang Egipto, nga mangin-inyo Dios: Ako amo ang Ginoo nga inyo Dios.”
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36