Numbers 26 — Ilonggo (Ang Biblia (1982))

1Sa tapus ang kamatay ang Ginoo nagsiling kay Moises kag kay Eleazar nga anak ni Aaron nga sacerdote,

2“Isipa ang kadamuon sang bug-os nga katilingban sang katawohan sang Israel, kutub sa duha ka pulo ka tuig kag pa ibabaw, sono sa ila mga kabaranggayan, ang tanan nga sarang makapakig-away sa Israel.”

3Kag si Moises kag si Eleazar nga sacerdote nagpamolong sa ila sa kapatagan sang Moab sa ubay sang Jordan sa Jerico, nga nagasiling,

4“Isipa ang kadamuon sang katawohan, kutub sa duha ka pulo ka tuig kag pa ibabaw,” sono sa ginsogo sang Ginoo kay Moises. Ang katawohan sang Israel, nga naggowa gikan sa duta sang Egipto, amo:

5Si Ruben, ang panganay ni Israel; ang mga anak nga lalaki ni Ruben: gikan kay Hanok, ang panimalay sang mga Hanoknon; gikan kay Pallu, ang panimalay sang mga Pallunhon;

6gikan kay Hezron, ang panimalay sang mga Hezronhon; gikan kay Carmi, ang panimalay sang mga Carminhon.

7Ini sila amo ang mga panimalay sang mga Rubenhon; kag ang mga naisipan sa ila kap-atan kag tatlo ka libo kag pito ka gatus kag katloan.

8Kag ang mga anak ni Pallu: sanday Eliab.

9Kag ang mga anak ni Eliab: si Nemuel, si Datan, kag si Abiram. Ini sila amo yadtong Datan kag Abiram, nga gintawag gikan sa katilingban, nga nagpakigsuay kay Moises kag kay Aaron sa kabon ni Core, sang nagpakigsuay sila sa Ginoo,

10kag ang duta nagbuka sang iya baba kag naglamon sa ila sing tingub upud kay Core, sang napatay yadtong kabon, sang tion nga ang kalayo naghalonhon sang duha ka gatus kag kalim-an ka tawo; kag nangintandaan sila.

11Walay sapayan, ang mga anak ni Core wala mapatay.

12Ang mga anak nga lalaki ni Simeon sono sa ila mga panimalay: gikan kay Nemuel, ang panimalay sang mga Nemuelnon; gikan kay Jamin, ang panimalay sang mga Jaminhon; gikan kay Jaquin, ang panimalay sang mga Jaquinhon;

13gikan kay Zera, ang panimalay sang mga Zeranhon; gikan kay Saul, ang panimalay sang mga Saulnon.

14Ini sila amo ang mga panimalay sang mga Simeonhon, duha ka pulo kag duha ka libo kag duha ka gatus.

15Ang mga anak ni Gad sono sa ila mga panimalay: gikan kay Zefon, ang panimalay sang mga Zefonhon; gikan kay Hagi, ang panimalay sang mga Haginhon; gikan kay Suni, ang panimalay sang mga Suninhon;

16gikan kay Ozni, ang panimalay sang mga Ozninhon; gikan kay Eri, ang panimalay sang mga Erinhon;

17gikan kay Arod, ang panimalay sang mga Arodnon; gikan kay Areli, ang panimalay sang mga Arelinhon.

18Ini sila amo ang mga panimalay sang mga anak ni Gad sono sa mga naisipan sa ila, kap-atan ka libo kag lima ka gatus.

19Ang mga anak nga lalaki ni Juda si Er kag si Onan; kag si Er kag si Onan napatay sa duta sang Canaan.

20Kag ang mga anak ni Juda sono sa ila mga panimalay amo: gikan kay Sela, ang panimalay sang mga Selanhon; gikan kay Perez, ang panimalay sang mga Pereznon; gikan kay Zera, ang panimalay sang mga Zeranhon.

21Kag ang mga anak nga lalaki ni Perez amo: gikan kay Hezron, ang panimalay sang mga Hezronhon; gikan kay Hamul, ang panimalay sang mga Hamulnon.

22Ini sila amo ang mga panimalay ni Juda sono sa mga naisipan sa ila, kapitoan kag anum ka libo kag lima ka gatus.

23Ang mga anak nga lalaki ni Isacar sono sa ila mga panimalay: gikan kay Tola, ang panimalay sang mga Tolanhon; gikan kay Puva, ang panimalay sang mga Puvanhon;

24gikan kay Jasub, ang panimalay sang mga Jasubnon; gikan kay Simron, ang panimalay sang mga Simronhon.

25Ini sila amo ang mga panimalay ni Isacar sono sa mga naisipan sa ila, kan-uman kag apat ka libo kag tatlo ka gatus.

26Ang mga anak ni Zabulon sono sa ila mga panimalay: gikan kay Sered, ang panimalay sang mga Serednon; gikan kay Elon, ang panimalay sang mga Elonhon; gikan kay Jalel, ang panimalay sang mga Jalelnon.

27Ini sila amo ang mga panimalay sang mga Zabulonhon sono sa mga naisipan sa ila, kan-uman ka libo kag lima ka gatus.

28Ang mga anak nga lalaki ni Jose sono sa ila mga panimalay: si Manases kag si Efraim.

29Ang mga anak nga lalaki ni Manases: gikan kay Maquir, ang panimalay sang mga Maquirnon; kag si Maquir amay ni Galaad; gikan kay Galaad, ang panimalay sang mga Galaadnon.

30Ini sila amo ang mga anak nga lalaki ni Galaad: gikan kay Izer, ang panimalay sang mga Izernon; gikan kay Helek, ang panimalay sang mga Heleknon;

31kag gikan kay Asriel, ang panimalay sang mga Asrielnon; kag gikan kay Siquem, ang panimalay sang mga Siquemnon;

32kag gikan kay Semida, ang panimalay sang mga Semidanhon; kag gikan kay Hefer, ang panimalay sang mga Hefernon.

33Karon si Zelofehad nga anak nga lalaki ni Hefer wala sing mga anak nga lalaki, kondi mga anak nga babayi: kag ang mga ngalan sang mga anak ni Zelofehad amo si Mala, si Noa, si Hogla, si Milca, kag si Tirsa.

34Ini sila amo ang mga panimalay ni Manases; kag ang mga naisipan sa ila kalim-an kag duha ka libo kag pito ka gatus.

35Ini sila amo ang mga anak ni Efraim sono sa ila panimalay: gikan kay Sutela, ang panimalay sang mga Sutelanhon; gikan kay Bequer, ang panimalay sang mga Bequernon; gikan kay Tahan, ang panimalay sang mga Tahanhon.

36Kag ini sila amo ang mga anak nga lalaki ni Sutela: gikan kay Eran, ang panimalay sang mga Eranhon.

37Ini sila amo ang mga panimalay sang mga anak ni Efraim sono sa mga naisipan sa ila, katloan kag duha ka libo kag lima ka gatus. Ini sila amo ang mga anak ni Jose sono sa ila mga panimalay.

38Ang mga anak nga lalaki ni Benjamin sono sa ila mga panimalay: gikan kay Bela, ang panimalay sang mga Belanhon; gikan kay Asbel, ang panimalay sang mga Asbelnon; gikan kay Ahiram, ang panimalay sang mga Ahiramnon;

39gikan kay Sufam, ang panimalay sang mga Sufamnon; gikan kay Hufam, ang panimalay sang mga Hufamnon.

40Kag ang mga anak nga lalaki ni Bela amo si Ard kag si Naaman: gikan kay Ard, ang panimalay sang mga Ardhanon; gikan kay Naaman, ang panimalay sang mga Naamonhon.

41Ini sila amo ang mga anak ni Benjamin sono sa ila panimalay; kag ang mga naisipan sa ila kap-atan kag lima ka libo kag anum ka gatus.

42Ini amo ang mga anak nga lalaki ni Dan sono sa ila mga panimalay: gikan kay Suham, ang panimalay sang mga Suhamnon. Ini sila amo ang mga panimalay ni Dan sono sa ila mga panimalay.

43Ang tanan nga panimalay sang mga Suhamnon, sono sa naisipan sa ila, kan-uman kag apat ka libo kag apat ka gatus.

44Ang mga anak nga lalaki ni Aser sono sa ila mga panimalay: gikan kay Imna, ang panimalay sang mga Imnanhon; gikan kay Isvi, ang panimalay sang mga Isvinhon; gikan kay Beria, ang panimalay sang mga Berianhon.

45Gikan sa mga anak nga lalaki ni Beria: gikan kay Heber, ang panimalay sang mga Hebernon; gikan kay Malquiel, ang panimalay sang mga Malquielnon.

46Kag ang ngalan sang babayi nga anak ni Aser amo si Sera.

47Ini sila amo ang mga panimalay sang mga anak ni Aser sono sa mga naisipan sa ila, kalim-an kag tatlo ka libo kag apat ka gatus.

48Ang mga anak nga lalaki ni Neftali sono sa ila mga panimalay: gikan kay Jazeel, ang panimalay sang mga Jazeelnon; gikan kay Guni, ang panimalay sang mga Guninhon;

49gikan kay Jezer, ang panimalay sang mga Jezernon; gikan kay Silem, ang panimalay sang mga Silemnon.

50Ini sila amo ang mga panimalay ni Neftali sono sa ila mga panimalay; kag ang mga naisipan sa ila kap-atan kag lima ka libo kag apat ka gatus.

51Ini sila amo ang mga naisipan sang katawohan sang Israel, anum ka gatus kag isa ka libo kag pito ka gatus kag katloan.

52Ang Ginoo nagpamolong kay Moises:

53“Sa ila sini bahinbahinon nga panublion ang duta sono sa kadamuon sang mga ngalan.

54Sa labi pa kadamu ihatag mo ang labi pa kadaku nga panublion, kag sa labi pa kadiotay ihatag mo ang labi pa kadiotay nga panublion; hatagan ang tagsatagsa sang iya panublion sono sa naisipan sa ila.

55Wala sing sapayan, ang duta bahinbahinon sa papalad; sono sa mga ngalan sang mga kabikahan sang ila ginikanan magapanubli sila.

56Sono sa papalad bahinbahinon ang ila panublion sono sa labi pa kadamu kag sa labi pa kadiotay.”

57Ini sila amo ang mga naisipan sa mga Levinhon sono sa ila mga panimalay: gikan kay Gerson, ang panimalay sang mga Gersonhon; gikan kay Coat, ang panimalay sang mga Coatnon; gikan kay Merari, ang panimalay sang mga Merarinhon.

58Ini sila amo ang mga panimalay ni Levi: ang panimalay sang mga Libninhon, ang panimalay sang mga Hebronhon, ang panimalay sang mga Malinhon, ang panimalay sang mga Musinhon, ang panimalay sang mga Corenhon. Kag si Coat amay ni Amram.

59Ang ngalan sang asawa ni Amram si Jocabed nga anak ni Levi, nga natawo kay Levi sa Egipto; kag gin-anak niya kay Amram si Aaron kag si Moises kag si Miriam nga ila utud nga babayi.

60Kag kay Aaron natawo sanday Nadab, Abiu, Eleazar kag Itamar.

61Apang si Nadab kag si Abiu napatay, sang paghalad nila sing kalayo nga dibalaan sa atubangan sang Ginoo.

62Kag ang mga naisipan sa ila duha ka pulo kag tatlo ka libo, ang tagsa ka lalaki kutub sa isa ka bulan kag pa ibabaw; kay wala sila pag-isipa sa katawohan sang Israel, bangud nga wala sila paghatagi sing panublion sa tunga sang katawohan sang Israel.

63Ini sila amo ang mga naisipan ni Moises kag ni Eleazar nga sacerdote, nga nag-isip sang katawohan sang Israel sa kapatagan sang Moab sa ubay sang Jordan sa Jerico.

64Apang sa tunga nila sini wala sing bisan isa ka tawo sa ila nga naisipan ni Moises kag ni Aaron nga sacerdote, nga nag-isip sang katawohan sang Israel sa kamingawan sang Sinai.

65Kay ang Ginoo nakasiling sa ila, “Magakalamatay sila sa kamingawan.” Wala sing nabilin nga tawo sa ila, luwas si Caleb nga anak nga lalaki ni Jefone kag si Josue nga anak ni Nun.