bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 1
1 Kings 1
Ika 2018 Bible
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 2 →
1
Ogẹn Defidi gi kagụ ẹgẹdi, kakpụkpọ, ẹhụ ara kpọnzi ẹ ọkụn k'o furu, ọsụọn'a nị wẹ gi ẹkwa fụrụ a oyi ọhụnma-ọhụnma.
2
Ya ndị idibo ẹ nọ sị a, “Nị wẹ chọhan'ị nwata-okpoho wẹ kelẹni wa ụkụ, eze nwọnni ẹnyi, n'o lemẹ eze, e jẹnni eze ozi. Nwata-okpoho hụ jẹnkọ d'a gha e dinẹyen'i, nị ẹhụ hụn ụzọ e kpọn eze nwọnni ẹnyi ọkụn.”
3
Ya kẹ wẹ nọ chọma nwata-okpoho ma mma, chọgbarị alị Izrẹlụ ile. Wẹ nọ hụn Abishagị onyẹ alị Shunẹm, wẹ nọ wẹhẹni eze ya.
4
Nwata-okpoho hụ ma mma ọda-ọda; ọ nọ lemẹ eze, e yen'ẹ ẹka; kanị eze emẹni mgba a.
5
Omẹgụ, Adonija nwa Defidi, hụn wụ nwan hụn kanị, hụn nnẹ ẹ wụ Hagiti, nọ wepụhama enwẹn ẹ, a sị, “Mmẹ sikọ nwan d'a wụ eze.” Ọ chọrị ụgbọ-ẹshin lẹ ndị gi ẹshin e jẹn lẹ ikẹnnyẹ iri kwasị ọgụnnaị e burun'ẹ ụzọ.
6
(Gha alị lala, nẹdi ẹ wụ Defidi ara jụgbọ a, ara jụ a, “Kị haịn i gi mẹ ihiẹnni?” Adonija puzikwọ okorọbịa; ịya kẹ wẹ gi mụsọn Absalọm.)
7
Adonija lẹ Jụabụ nwa Zeruaya lẹ onyẹ nchụn-ẹjan wụ Abiata nọ ku, wẹ nọ banyeni ẹ, yen'ẹ ẹka.
8
Kanị Zadọkụ onyẹ nchụn-ẹjan, Bẹnaya nwa Jehoyada, Natanị onyẹ-amụma, Shimei lẹ Rei lẹzi ndị odogun-agha Defidi akwandọnni Adonija.
9
Adonija nọ gi atụnrụn lẹ efin bu ọda lẹ ụmụ-efin wẹ zụntọ chụn ẹjan elu Ọmụma Zohẹlẹtị hụn nọkunmẹ Isi-mirin Rogẹlụ. Ndị ọ kpọ wụ umunẹ ẹ ikẹnnyẹ ile, ya wụ ikẹnnyẹ ile eze mụ, lẹ ndị Juda ile hụn a rụnnị eze ọrụn;
10
kanị, ọ kpọnị Natanị onyẹ-amụma mọbụ Bẹnaya mọbụ ndị odogun-agha Defidi; ọ kpọzịkwọnị Solomọnụ nwẹnẹ ẹ.
11
Ya Natanị nọ sị nnẹ Solomọnụ wụ Bat'shẹba, “Y'e ke nụ nị Adonija nwa Hagiti e họnringụọ eze bụ di-nwọnni ẹnyi Defidi amarịn?
12
Bịa nwan nị m gwakwọ ị kẹ y'a dọn zụọ isi yụ lẹ Solomọnụ nwa ị.
13
D'e kunrun Eze wụ Defidi ozigbo-ozigbo, y'a sị a, ‘Eze nwọnni m, y'e kungụọnị ẹfan Osolobuẹ, kwe mmẹ wụ odibo i nkwa, sị, “Nwa ị wụ Solomọnụ jẹnkọ d'e rikinrịrị m eze; ịya k'a nọdị ukpo-eze m”? Kị haịn nwan Adonija gi họnrin eze?’
14
Ị gha a gwa eze oku hụ, m jẹnkọ d'a banhan d'a kwadọn ihiẹn i ku.”
15
Ya Bat'shẹba nọ buru eze imẹ mmughẹ eze. Eze a kakpụkpọgụọ ogẹnni; Abishagị onyẹ Shunẹm hụ ebẹhụ e lepụ a ẹnya.
16
Ya Bat'shẹba nọ hulụa, sekpuni eze. Eze nọ sị a, “K'ị chọ nị m mẹni i?”
17
Ọ nọ sị a, “Di-nwọnni m, ịyụ kun Osolobuẹ wụ Chuku i kwe mmẹ wụ odibo i nkwa, sị, ‘Solomọnụ nwa ị k'e rikin m eze; ịya k'a nọdị ukpo-eze m.’
18
Kanị Adonija e họnringụọ nwan eze bụ yụ nwẹn, eze nwọnni m, amarịn.
19
Ọ gigụọ anụ bugbu enwẹn ẹ ọda chụn ẹjan gi kwadọn ẹ, kẹ efin kẹ ụmụ-efin wẹ zụntọ kẹ atụnrụn; ọ kpọgụọ ikẹnnyẹ ile eze mụ lẹ Abiata onyẹ nchụn-ẹjan lẹ Jụabụ onyẹ ndu-agha. Kanị ọ kpọnị odibo i wụ Solomọnụ.
20
Eze nwọnni m, ndị Izrẹlụ ile rị nwan e che i n'ị gwa wẹ onyẹ jẹnkọ d'a nọkin ẹnya ị elu ukpo-eze i, rikin i eze.
21
Amamgbe eze nwọnni m a nwụnhụngụ laburu ndị nẹdi ẹ wẹ d'e zu ikẹn, e mẹ wẹ mmẹ lẹ Solomọnụ nwa m kẹ ndị mẹ ihiẹn alị a sọ.”
22
Ogẹn ahụn ya lẹ eze gi rị e ku, Natanị onyẹ-amụma nọ bịa.
23
Ya wẹ nọ sị eze, “Natanị onyẹ-amụma rị ebeni.” Natanị nọ bịa ihun eze, hulụanị eze isi.
24
Natanị nọ sị eze, “Ịyụ wụ eze nwọnni m e kuọlẹ nị Adonija jẹnkọ d'a kịsọn i ra? Nị ịya nwọn dịnọ ukpo-eze i?
25
O gigụọ anụ bugbu enwẹn ẹ ọda chụn ẹjan tannị, kẹ efin kẹ ụmụ-efin wẹ zụntọ kẹ atụnrụn; ọ kpọgụọ ụmụ ị ikẹnnyẹ ile lẹ ndị ndu-agha lẹ Abiata onyẹ nchụn-ẹjan. Wẹ ile rị nwan e du ẹ e ri, a ra, a sị a, ‘Eze wụ Adonija, isi i chei!’
26
Kanị, ọ kpọnị mmẹ lẹ enwẹn m lẹ Zadọkụ onyẹ nchụn-ẹjan lẹ Bẹnaya nwa Jehoyada; ọ kpọzịkwọnị odibo i nkẹ wụ Solomọnụ nwa ị.
27
Eze nwọnni m, ịyụ zi wẹ mẹ ihiẹnni? Bụ y'a nịnị ẹnyi wụ idibo i marịn onyẹ jẹnkọ d'a nọdị ukpo-eze i, rikin i eze?”
28
Ya eze wụ Defidi nọ sị, “Kpọbanhan nị Bat'shẹba.” Ya ọ nọ banhanzị ebe eze rị, turu ihun eze.
29
Ya kẹ eze nọ kun Osolobuẹ, sị, “Ma Osolobuẹ hụn gbapụha m imẹ nsọngbu ile,
30
tannị, m sikọ d'e mẹzu nkwa m kwe i, hụn m gi kun Osolobuẹ wụ Chuku Izrẹlụ, nị Solomọnụ nwa ị jẹnkọ d'e rikin m eze; ịya nwọn nọkin ẹnya m elu ukpo-eze m.”
31
Bat'shẹba nọ hulụanị eze isi, gbu osekpu ihun eze, sị a, “Eze nwọnni m wụ Defidi, isi i chei!”
32
Ya Defidi nọ sị, “Kpọbanhan nị Zadọkụ onyẹ nchụn-ẹjan, Natanị onyẹ-amụma lẹ ọkị-agha wụ Bẹnaya nwa Jehoyada.” Ya wẹ nọ bịa ihun eze.
33
Eze nọ sị wẹ, “Weri ni idibo m, ụnụ e bu Solomọnụ nwa m che elu anyịnyan-mulu mmẹ lẹ enwẹn m, ụnụ e we ẹ shi Gihọnụ.
34
Ụnụ ru ẹ, Zadọkụ onyẹ nchụn-ẹjan lẹ Natanị onyẹ-amụma e hu udẹn-nsọ kpu ẹ, kin ẹ eze Izrẹlụ; ụnụ e gbu opi, hị, ‘Eze wụ Solomọnụ, isi i chei!!’
35
Ụnụ e dukinhẹn ẹ ebeni, ọ nọdị elu ukpo-eze m. Ịya jẹnkọ d'e rikin m eze. E tumẹgụọ m'a nwan n'ọ kị Izrẹlụ lẹ Juda.”
36
Bẹnaya nwa Jehoyada nọ sị a, “Isẹẹ! Eze nwọnni m, Osolobuẹ wụ Chuku i ya mẹ ẹ bụn.
37
Osolobuẹ ya nọyezikwọnị Solomọnụ k'o dọn nọyeni yụ wụ eze nwọnni m; ya ye ukpo ẹ ọghọ karịdẹ nke eze nwọnni m wụ Defidi!”
38
Ya Zadọkụ onyẹ nchụn-ẹjan, Natanị onyẹ-amụma lẹ Bẹnaya nwa Jehoyada lẹ ndị Kẹrẹtị lẹ ndị Pẹlẹtị, ndị nche Defidi, nọ jẹn d'e bu Solomọnụ che elu anyịnyan-mulu Eze wụ Defidi lẹ enwẹn ẹ, du Solomọnụ shi Gihọnụ.
39
E ru wẹ ebẹhụ, onyẹ nchụn-ẹjan wụ Zadọkụ nọ gha imẹ Ọdụ-nsọ Osolobuẹ weri mpịn hụ udẹn-nsọ rị imẹ ẹ, hu udẹn-nsọ hụ kpu Solomọnụ. Ya wẹ nọ gbu opi hụ, ịhịan ile nọ yi, “Eze wụ Solomọnụ, isi i chei!”
40
Ịhịan ile nọ sọn Solomọnụ lụaha Jerusalẹm, e gbu ẹkpịrị, a ghọghọ ọda-ọda — nke wụnị ụzụn wẹ hụ e mẹhunmẹ alị.
41
Adonija lẹ ndị ọ kpọ rịhụ e rigụ oriri wẹ kẹ wẹ nụ okẹn ụzụn ahụn. Ogẹn Jụabụ gi nụ opi ahụn, ọ nọ sị, “Kị wụ ụzụnnị ile rị imẹ obodo?”
42
Ọ rịhụ e ku oku ahụn kẹ Jonatanị nwa onyẹ nchụn-ẹjan wụ Abiata bịa. Adonija nọ sị a, “Banhan. Ozi rị mma kẹ ezigbo ịhịan nọkẹ ịyụ e wẹhẹ.”
43
Jonatanị nọ sị Adonija, “Mba maị! Eze nwọnni ẹnyi wụ Defidi e tumẹgụọ Solomọnụ eze!
44
Eze a hangụọ nwan Zadọkụ onyẹ nchụn-ẹjan lẹ Natanị onyẹ-amụma lẹ Bẹnaya nwa Jehoyada lẹ ndị Kẹrẹtị lẹ ndị Pẹlẹtị yeni Solomọnụ. E bugụọ w'a che elu anyịnyan-mulu hụn eze lẹ enwẹn ẹ e nyin!
45
Onyẹ nchụn-ẹjan wụ Zadọkụ lẹ onyẹ-amụma wụ Natanị a nọgụọ Gihọnụ hu udẹn-nsọ kpu ẹ, kin ẹ eze. A ghagụọ wẹ nwan ebẹhụ lashi Jerusalẹm, ịhịan ile hụ a ghọghọ. Ịya rị nwan a kpọ imẹ Jerusalẹm; ụzụn a kẹ ụnụ rị a nụ.
46
Ẹlẹdẹ ọhụn sụọ: Solomọnụ e werigụọdẹ nwan ọnọdị a ukpo-eze.
47
Ịhaịmẹ eze a bịagụọdẹ d'e kele Eze nwọnni ẹnyi wụ Defidi, sị a, ‘Chuku i ya mẹ ẹfan Solomọnụ tikarị nke i, mẹ ukpo Solomọnụ ka nke i ọghọ e nwọn!’ Eze nọ nọ ebẹhụ o dinẹ biẹni Osolobuẹ, ye ẹ ọghọ,
48
sị, ‘Ọjịja-mma ya rịnị Osolobuẹ, Chuku Izrẹlụ, hụn nị m nwan gi ẹnya m hụn onyẹ rị e rikin m eze tannị!’ ”
49
Hụn wẹ gi nụ ihiẹnni, obi nọ nahịn ndị ile Adonija kpọ oriri hụ, wẹ ile nọ gbayịya.
50
Kanị Adonija nkẹ nọ gi egun Solomọnụ rị a tụn'a gbashi Ọdụ-nsọ Osolobuẹ, kwọnkẹnmẹ mpịn wẹ kpụyesọnmẹ ntịn ukpo nchụn-ẹjan.
51
Wẹ nọ sị Solomọnụ, “Egun Eze wụ Solomọnụ rị a tụ Adonija; o gbashigụọdẹ d'e kwọnkẹnmẹ mpịn ndị rị ukpo nchụn-ẹjan, a sị, ‘Solomọnụ ya kunni m Osolobuẹ tannị n'o gbukọ m — makẹni e bugụọ m nwan enwẹn m che okpuru ẹ.’ ”
52
Solomọnụ nọ sị, “O humẹọlẹ isi, akpụ ntutu ohu rị a isi a danyekọ alị; kanị wẹ hụn eje-ihiẹn ẹka a, o jẹnkọ d'a nwụn!”
53
Ya Eze wụ Solomọnụ nọ zi wẹ, wẹ nọ jẹn ukpo nchụn-ẹjan d'e wẹhẹ ẹ. Adonija nọ bịa, kụnị Eze wụ Solomọnụ isi alị, Solomọnụ nọ sị a, “Lama iwe i.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22