bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 13
1 Kings 13
Ika 2018 Bible
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
1
Kanị o nwọn okẹnnyẹ ohu wụ onyẹ-ozi Osolobuẹ hụn gha alị-eze Juda bịa obodo Bẹtẹlụ, makẹni Osolobuẹ sị a bịa. Eze wụ Jerobụam turuhụ ukpo nchụn-ẹjan mmọn hụ, a chọ n'ọ chụn ẹjan.
2
Okẹnnyẹ hụ nọ gi oku Osolobuẹ yi oro kpu ukpo nchụn-ẹjan hụ, sị, “Ukpo nchụn-ẹjan! Ukpo nchụn-ẹjan!! Lee ihiẹn Osolobuẹ ku: ‘Wẹ k'a mụ okẹnnyẹ wẹ k'a kpọ Josaya ye ikpụlọ Defidi. Josaya hụ k'e gi ihẹnrẹn mmọn ndị a nọ elu i a chụn ẹjan chụn ẹjan elu i; Josaya sikọ d'a kpọ ọkpụkpụ ịhịan ọkụn elu i, gi mẹrụ ị.’ ”
3
Ya kẹ onyẹ-ozi Osolobuẹ hụ nọzị gwatọ wẹ ihiẹn wẹ e gi marịn nị ihiẹn o ku jẹnkọ d'e mẹ: ọ sị, “Lee ni ihiẹn Osolobuẹ sị nị ya kẹ ụnụ e gi marịn: ‘Ukpo nchụn-ẹjan mmọnnị jẹnkọ d'a wahị, ntụn rị elu ẹ e hutu.’ ”
4
Ogẹn eze wụ Jerobụam gi nụ ihiẹn onyẹ-ozi Osolobuẹ ku nị ịya k'e mẹ ukpo nchụn-ẹjan mmọn hụ rị Bẹtẹlụ, ọ nọ nọ ukpo nchụn-ẹjan hụ tịnpụ ẹka zinmẹ onyẹ-ozi Osolobuẹ, sị, “Nwụndọn n'ẹ!” Kanị, ẹka ahụn ọ tịnpụ zinmẹ ẹ nọ shinwụn, shiri, ọ sazịnị ẹka wetu ẹ,
5
ukpo nchụn-ẹjan ahụn nkẹ nọ wahị, ntụn rịn'a e hutu, nọkẹ kẹ onyẹ-ozi Osolobuẹ dọn ku k'ọ nọ e zi ozi Osolobuẹ zi ẹ.
6
Ya eze wụ Jerobụam nọ sị onyẹ-ozi Osolobuẹ, “Rịọ Osolobuẹ wụ Chuku i; mẹni m ekpere, kẹni ẹka m rị mma.” Ya onyẹ-ozi Osolobuẹ hụ nọ rịọ Osolobuẹ, ẹka eze hụ nọ dịnhịn, rịzị k'ọ rị mbụ.
7
Ya eze nọ sị onyẹ-ozi Osolobuẹ hụ, “Pụha nị ẹnyi shi iwe m n'i d'e ri ihiẹn-oriri; m k'e yezikwọ ị ihiẹn.”
8
Kanị onyẹ-ozi Osolobuẹ hụ nọ sị eze, “Ọ sụọkwọ n'a n'i kebe ihiẹn i ile i nwọn ẹbụọ, ye m azụụn ohu, esọnkọ m'ị! Erikọ m ihiẹn-oriri mọbụ ra mirin ebeni.
9
Makẹni, Osolobuẹ a sịgụọ m, ‘Erikwọlẹ ihiẹn-oriri, aralẹ mirin, aghalẹ ụzọ ị gha bịa la.’ ”
10
Ya ọ nọ ghashi ụzọ ọzọ, ọ ghanị ụzọ ọ gha bịa Bẹtẹlụ la.
11
Ogẹn hụ, o nwọnzighọ onyẹ-amụma ka ẹgẹdi bi obodo Bẹtẹlụ. Ụmụ a ikẹnnyẹ nọ bịa d'a gwa a ihiẹn onyẹ-ozi Osolobuẹ hụ mẹ ebẹhụ ụhụọhịn ahụn; a gwazịkwọ wẹ nẹdi wẹ ihiẹn onyẹ-ozi Osolobuẹ hụ gwa eze.
12
Nẹdi wẹ nọ sị wẹ, “Elee ụzọ k'ọ ghashi?” Ya ụmụ a nọ ghọsị a ụzọ onyẹ-ozi Osolobuẹ hụ ghashi.
13
Ya ọ nọ sị ụmụ a, “Kwademẹni ni m anyịnyan m.” A gbamagụnị w'a ihiẹn elu anyịnyan-jaki ẹ, ọ nọ nyinrin ẹ,
14
gi ẹ chụ onyẹ-ozi Osolobuẹ hụ. Ọ nọ hụn a ebe ọ nọdị alị igungun osisi okuu, ọ nọ sị a, “Ịyụ wụ onyẹ-ozi Osolobuẹ ahụn gha Juda bịa?” Ọ nọ sị a, “Mmẹ rọ.”
15
Onyẹ-amụma ẹgẹdi hụ nọ sị a, “Pụha nị ẹnyi shi iwe m n'i d'e ri ihiẹn-oriri.”
16
Onyẹ-ozi Osolobuẹ hụ nọ sị a, “Asakọ m ẹka sọn i kin azụụn; asakọ m ẹka sọn i ri ihiẹn-oriri mọbụ ra mirin ebeni.
17
Osolobuẹ a gwagụọ m sị, ‘Erikwọlẹ ihiẹn ọwụlẹ mọbụ ra mirin ebẹhụ mọbụ gha ụzọ ị gha jẹn la.’ ”
18
Ya onyẹ-amụma hụ ka ẹgẹdi nọ sị a, “Mmẹ nwẹn wụzị onyẹ-amụma nọkẹ yụ. Mmọn-ozi gwa m nị Osolobuẹ sị m: ‘D'e wekinhẹn ẹ, n'o d'a nọ iwe i ri, ra.’ ” (Kanị, ntụ kẹ onyẹ-amụma hụ ka ẹgẹdi rị a tụ a.)
19
Ya onyẹ-ozi Osolobuẹ hụ nọ sọnkin ẹ, nọ iwe ẹ ri, ra.
20
Ebe wẹ rị nwan e ri ihiẹn-oriri hụ kẹ oku Osolobuẹ nọ bịanị onyẹ-amụma ẹgẹdi ahụn wekin ẹ azụụn.
21
Ọ nọ yibepụ, sị onyẹ-ozi Osolobuẹ hụ gha Juda bịa, “Lee ihiẹn Osolobuẹ ku: ‘Y'a paọlẹ oku Osolobuẹ; y'e mẹni ihiẹn Osolobuẹ wụ Chuku sị ị mẹ.
22
Makẹni, i kinhẹn azụụn, ri ihiẹn-oriri, ra mirin ebeni m sị yụ erilẹ, aralẹ. Ufiri ẹ, eliyekọ wẹ ozun i ebe wẹ liye ndị nẹdi i wẹ.’ ”
23
Ogẹn onyẹ-ozi Osolobuẹ hụ gi rigụ, ragụ, ya onyẹ-amụma hụ wekinhẹnn'ẹ nọ kwademẹn'ẹ anyịnyan a n'o gi la.
24
Ogẹn onyẹ-ozi Osolobuẹ hụ gi lakọ, ẹwọrọ nọ kunrun ẹ, gbu ẹ, la ozun ẹ tọ ụzọ, kẹ jaki kẹ ẹwọrọ hụ nọ wuzoyeni ozun hụ.
25
Ndị ghafekọnị a hụn ozun hụ alị ọkpụzọ ebẹhụ, hụnzịkwọ ẹwọrọ wuzoyenin'ẹ, wẹ nọ jẹn d'e ku ẹ imẹ obodo hụ onyẹ-amụma ẹgẹdi hụ bi.
26
Mgbe onyẹ-amụma ahụn wekinhẹnn'ẹ gi nụ a, ọ nọ sị, “Onyẹ-ozi Osolobuẹ hụ pa oku Osolobuẹ rọ. Osolobuẹ e wegụọ a ye ẹwọrọ, maye ẹ, gbu — nọkẹ kẹ Osolobuẹ dọn gwa a.”
27
Onyẹ-amụma ẹgẹdi hụ nọ sị ụmụ a, “Kwademẹni ni m jaki m.” Wẹ nọ Kwademẹn'ẹ ya.
28
Onyẹ amụma hụ nọ jẹnmẹ, ọ nọ hụn ozun hụ k'ọ rị alị ọkpụzọ, anyịnyan-jaki hụ lẹ ẹwọrọ hu wuzohụkwọyeni ozun hụ. Ẹwọrọ hụ erini ozun hụ, ọ mayeni anyịnyan-jaki hụ.
29
Onyẹ-amụma hụ nọ buru ozun hụ che elu jaki, bukinhẹn ẹ imẹ obodo ya nwẹn d'a kwan a, li.
30
Ili ọ rụntọnị enwẹn ẹ k'o liye ẹ. Wẹ nọ kwann'a ẹkwan, a sị, “Heuu! Nwẹnẹ m!”
31
O ligụ a, ọ nọ sị ụmụ a ikẹnnyẹ, “M nwụnhụn, li ni m ye ebeni wẹ liye onyẹ-ozi Osolobuẹni, ụnụ e bu ọkpụkpụ m che ẹhụ ọkpụkpụ a.
32
Makẹni, ozi Osolobuẹ hụn o zi banyeni ukpo nchụn-ẹjan rị Bẹtẹlụ lẹ ụlọ-mmọn ile rị imẹ obodo Sameria k'e mẹzurịrị.”
33
Ihiẹnni ile mẹkwọnị, eze wụ Jerobụam alatọkwọnị eje ụzọ hụ o sọnkọ. O tumẹsọnmẹzi ndị ọwụlẹ ọ hụn nị wẹ wụrụ ihẹnrẹn-mmọn hụn a chụn ẹjan ụlọ-mmọn ndị hụ. Onyẹ ọwụlẹ chọ n'ọ rụn ọrụn ịchụn-ẹjan, o tumẹ ẹ onyẹ a chụn ẹjan ụlọ mmọn ndị ahụn.
34
Ọhụn wụ njọ ikpụlọ Jerobụam mẹ, hụn buhẹn'ẹ ọdịdan lẹ ntikpọ elu ụwa.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22