bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 3
1 Kings 3
Ika 2018 Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Solomọnụ gi ọlụlụ di-lẹ-nwunyẹ kwọngbama ya lẹ Fẹro eze alị Ijiptu ghahanị ịlụrụ nwa Fẹro. Ọ nọ welụa nwa Fẹro hụ Obodo Defidi n'o birigụ ebẹhụ d'e ru mgbe Solomọnụ tụngụ obi-eze ẹ lẹ Ụlọ-nsọ Osolobuẹ, gbahunmẹgụ Jerusalẹm mgbọn.
2
Ogẹn ahụn, ukpo nchụn-ẹjan ichẹn-ichẹn kẹ ndị Izrẹlụ a nọ a chụnyeni Osolobuẹ ẹjan, makẹni wẹ eke tụnnị Osolobuẹ Ụlọ-nsọ hụn a za Ẹfan a.
3
Eze wụ Solomọnụ nkẹ hụ a ghọsị Osolobuẹ ihiẹn-ọsụsụọ ghahanị i gi iwu nẹdi ẹ tisọnmẹni Izrẹlụ e bi, wezụka n'ọ hụzịkwọ a nọ ebe ndị hụ jẹn elu a chụn ẹjan, a mụ nsẹnsi.
4
Ya Eze wụ Solomọnụ nọ jẹn Gibiọnụ d'a chụnyeni Osolobuẹ ẹjan, makẹni hụn rị Gibiọnụ te kachanrịn ebe ile jẹn elu wẹ nọ e fe ofufe mgbaye e nwọn. Solomọnụ nọ nọ ebẹhụ gbu anụ ọgụn-iri kwasị nnụnaị gi chụnyeni Osolobuẹ ẹjan w'a dụn ọkụn.
5
Imẹ Gibiọnụ, Osolobuẹ nọ bịa d'e kunrun Solomọnụ imẹ nrọ imẹ uhinhin. Osolobuẹ nọ sị a, “Rịọ m ihiẹn ọwụlẹ i chọ nị m ye i.”
6
Solomọnụ nọ sị a, “Y'a ghọsịgụọ odibo i wụ Defidi nẹdi m okẹn ihiẹn-ọsụsụọ makẹni o gi obi ẹ ile sọn i, bi k'ị dọn chọ, gi obi kụrụ ọtọ sọn i. Ị hụkwọ nwan a ghọsị a okẹn ihiẹn-ọsụsụọ ebe ị nọ ye ẹ nwa rikin ẹ eze, nọkin ẹ ukpo ẹ tannị.
7
“Dodo nwan, Osolobuẹ wụ Chuku m, y'e mẹgụọ mmẹ odibo i rikin nẹdi m wụ Defidi eze. Kanị m wụhụ nwata, amarịn m kẹ m'a dọn rụn ọrụn m.
8
E lee nwan mmẹ wụ odibo i imẹ igunrun ndị nke i hụn ị họrị, ndị bugbu enwẹn wẹ ọda, wẹ ghalẹni a s'ẹka a gụngụ!
9
Ye nwan odibo i uche n'o gi kị ndị nke i, gi ẹ marịn ihiẹn rị mma lẹ ihiẹn jọ njọ. Onyẹ k'a sa ẹka kị ndị nke i ni bugbu enwẹn wẹ ọda?”
10
Ihiẹnni Solomọnụ rịọ sụọ Osolobuẹ ụsụọ.
11
Ya kẹ Osolobuẹ nọ sị a, “Ebe o mẹ ni ihiẹnni k'ị rịọ, nị y'a rịọnị ụtọmị mọbụ n'ị hi ọdanfịn mọbụ nị ndị iṅẹnrẹn i nwụnhụn, ị nọ rịọ m akọ-lẹ-uche y'e gi kị ọhụnma,
12
m jẹnkọ d'e ye i ihiẹn ị rịọ! M jẹnkọ d'e ye i amamihiẹn lẹ obi nghọta, ụdị hụn o k'e gi wụrụ nị onwọnni onyẹ nọ kẹ yụ imẹ ndị bu i ụzọ, onwọnzikwọnị onyẹ k'a nọ kẹ yụ, i bigụ!
13
M jẹnkọ d'e yezi i ihiẹn ndị ị rịọlẹni m: kẹ ẹfe (akụ-lẹ-ụba) kẹ ikpẹn hụn wụnị onwọnni eze jẹnkọ d'a nọzị kẹ ịyụ y'e we nwụn.
14
Omẹni y'e sọnghọ ụzọ m, sọn uhi m, e mẹ ihiẹn ndị m sị ụnụ mẹ nọkẹ kẹ nẹdi i wụ Defidi dọn mẹ, m jẹnkọ d'e mẹ i tọ.”
15
Ya Solomọnụ nọ tẹnhin, hụn a nị nrọ rọ. Ọ nọ lakin Jerusalẹm; ọ nọ wuzo ihun Ẹkpẹti-nkwerigbama Osolobuẹ, chụn ẹjan ndị w'a dụn ọkụn lẹ ẹjan-ekele. Ya ọ nọ kpọ ihu ẹ ile oriri.
16
O mẹgụ, ịgbaraja ẹbụọ nọ weri oku wẹ bịa d'e kunrun eze, wuzo ihun ẹ.
17
Onyẹ ohu imẹ wẹ nọ sị, “Di-nwọnni m, mmẹ lẹ okpohoni bi imẹ ụlọ ohu. M mụ nwa ebẹhụ mmẹ lẹ ịya rị.
18
O zu akp'ọhịn ẹtọ m mụ, okpohoni nọ mụ. Ẹnyi sụọ rị a; onwọnni onyẹ ọzọ rị imẹ ụlọ hụ karị ẹnyi ẹbụọ.
19
“Imẹ uhinhin, nwa okpohoni nọ nwụnhụn makẹni o figbu ẹ ebe ọ rị a lụ ụran.
20
Ya ọ nọ lihi ọtọ imẹ abalị, panarịn m nwa m rị m ẹkụnkụn ebe mmẹ odibo i rị ụran. Ọ pa a che ẹkụnkụn, pa nwa a nwụnhụngụnị che m ẹkụnkụn.
21
Ogẹn m gi lihi ụz'ụtụntụn nị m ye nwa m ẹran, ọ nwụnhụngụọrị! Kanị ogẹn m gi lekpọ a kẹ eki fọnlụa, m nọ hụn a nị ẹlẹ nwa-okẹnnyẹ hụ m mụ rọ.”
22
Ya kẹ okpoho hụn ẹbọ nọ ghọbenarịn a ya, sị, “Mba! Hụn rị ndụn wụ nwa m; hụn nwụnnị wụ nwa ị.” Nke ibuzọ nọ sị a, “Mba! Hụn nwụnnị wụ nwa ị; hụn rị ndụn wụ nwa m.” Ẹrịra kẹ wẹ dọsọnmẹ ndọndọ ihun eze.
23
Ya eze nọ sị, “Ọnwan sị, ‘Nwa m rị ndụn, nwa ị nwụnhụn,’ hụn ẹbọ sị, ‘Mba! Nwa ị nwụnhụn, nke m rị ndụn.’ ”
24
Eze nọ sị, “Wẹhẹni ni m ọpịa-agha.” Ya wẹ nọ wẹhẹni eze ọpịa-agha.
25
Ọ nọ sị, “Kpọwa ni nwa hụ rị ndụn ẹbụọ, we azụụn ohu ye onyẹ ohu, we azụụn ohu ye hụn ẹbọ!”
26
Ya okpoho hụn mụ nwa hụ rị ndụn nọ gi omikẹn nwa a rị e mẹn'ẹ, sị eze, “Di-nwọnni m, dodo, we nwa hụ rị ndụn ye ẹ! Egbulẹ ẹ!” Kanị hụn ẹbọ sị, “Kẹ mmẹ kẹ ịyụ, onwọnni hụn k'e wen'ẹ. Wẹ be ẹ ẹbụọ!”
27
Ya eze nọ nwan han eṅẹn, sị, “We ni nwata hụ rị ndụn ye okpoho ibuzọ. Egbulẹ n'ẹ; ịya wụ nnẹ ẹ!”
28
Ogẹn Izrẹlụ ile gi nụ eṅẹnni eze han, egun eze nọ tụma wẹ, makẹni o we wẹ ẹnya nị Osolobuẹ e yeọl'a akọ-lẹ-uche o gi a han eṅẹn.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22