bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 11
1 Kings 11
Ika 2018 Bible
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Ikpoho ndị alị ọzọ wẹ lẹ eze wụ Solomọnụ gba a sụọ bu ọda cheni nwa Fẹro eze Ijiptu: kẹ ikpoho Mụabụ kẹ ikpoho Amọnụ kẹ ikpoho Ẹdọm kẹ ikpoho Sidọnụ kẹ ikpoho Hẹti.
2
Uwẹ wụ alị ndị nwẹn Osolobuẹ sị ndị Izrẹlụ, “Ụnụ lẹ wẹ alụtarịkwọlẹ di-lẹ-nwunyẹ, makẹni wẹ k'e gbehutọrịrị obi ụnụ, ụnụ e femẹ mmọn ndị w'e fe.” Kanị ihiẹn wẹ a sụọgbu nwan Solomọnụ.
3
Solomọnụ nwọn inyẹnmẹ ọgụn-mmisẹn kwasị nnụ (700) lẹ mgba ọgụn-mmisẹn. Inyẹnmẹ ẹ mẹ ẹ gbakitọ Osolobuẹ azụụn —
4
makẹni, ogẹn Solomọnụ gi kama ẹgẹdi, inyẹnmẹ ẹ nọ mẹ ẹ sọnmẹ mmọn-lẹ-iyi ichẹn-ichẹn, o wechanrịnzịnị obi ẹ kwanị Osolobuẹ wụ Chuku ẹ kẹ nẹdi ẹ wụ Defidi dọn mẹ.
5
O femẹ Ash'ta — onyẹnnyẹ-mmọn ndị Sidọnụ, femẹ Molẹkị — ihiẹn ahụn rụnị ndị Amọnụ e fe.
6
Ya wụ, Solomọnụ mẹ Osolobuẹ njọ; o sọnchanrịnnị Osolobuẹ kẹ nẹdi ẹ wụ Defidi dọn mẹ.
7
Solomọnụ rụnzị ụlọ-mmọn ye elu ugu rị ẹbamịn ọwụwa-ẹnyanwụn Jerusalẹm hụn wẹ nọ e fe Kẹmọshi, ihiẹn-ụrụ hụ ndị Mụabụ e fe, lẹ hụn wẹ nọ e fe Molẹkị, ihiẹn-ụrụ ndị Amọnụ e fe.
8
Ẹrịra k'o rụnzịkwọnị inyẹnmẹ ẹ ndị alị ọzọ ile ụlọ-mmọn, a nọ wẹ wẹ a mụye nsẹnsi, a chụnyeni mmọn wẹ ẹjan.
9
Ya kẹ iwe Solomọnụ nọ we Osolobuẹ, makẹni obi Solomọnụ a pụọlẹ ebe Osolobuẹ wụ Chuku Izrẹlụ rị — Osolobuẹ, hụn bịapụ mgbe ẹbụọ d'e kunrun ẹ,
10
gwapụ a ya efekwọlẹ mmọn-lẹ-iyi. Solomọnụ emẹni ihiẹn Osolobuẹ sị a mẹ.
11
Osolobuẹ nọ nwan sị Solomọnụ, “Ebe o mẹ ni agụngụnnị k'ị rị a gụn, latọ iwu m lẹ ihiẹn m sị ị mẹ, m sikọ nwan d'a napụ ị alị-ezeni, we ẹ ye odibo i.
12
Kanị, makẹ ufiri nẹdi i wụ Defidi, anapụkọ m'i ya ebe ị rị ndụn: nwa ị kẹ m sikọ d'a napụ a.
13
Kanị anapụchanrịnkọ m'a alị-ezeni ile. M k'e gi ufiri odibo m wụ Defidi lẹ ufiri Jerusalẹm hụn m họrị latọn'a ebọn ohu.”
14
Ogẹn hụ, Osolobuẹ nọ mẹ onyẹ ohu họnrin eṅẹnrẹn Solomọnụ: Hadadị onyẹ ebọn eze Ẹdọm rọ.
15
Ẹnịna k'o dọn mẹ: mgbe mbụ, ogẹn Defidi lẹ Ẹdọm gi rị a lụ ọgụn, Jụabụ onyẹ-isi agha Defidi jẹn Ẹdọm d'e li ndị nwụnnị, nọ ebẹhụ gbuchanrịn ikẹnnyẹ ile rị Ẹdọm;
16
ifọn isin kẹ Jụabụ lẹ ikẹnnyẹ Izrẹlụ ile nọ Ẹdọm, d'e runi e gbuchanrịn wẹ ikẹnnyẹ ile rị Ẹdọm.
17
Kanị Hadadị, hụn wụ nwata ogẹn hụ, nọ gbashi alị Ijiptu, ya lẹ ịhaịmẹ ndị Ẹdọm ya lẹ wẹ wị hụn fe nẹdi ẹ.
18
A gha wẹ Midianị buli, shi Paranị, gha Paranị weri ikẹnnyẹ shi Ijiptu d'e kunrun Fẹro wụ eze Ijiptu, Fẹro nọ nabanhan Hadadị, ye ẹ ụlọ, e ye ẹ ihiẹn-oriri, yezikwọ a alị.
19
Ihiẹn Hadadị sụọ Fẹro ọda-ọda, nke wụnị Fẹro nọ yedẹ ẹ nwẹnẹ Tapẹnẹsị wụ nwunyẹ ẹ lụrụ.
20
Nwẹnẹ Tapẹnẹsị hụ nọ mụn'a okẹnnyẹ ẹfan a wụ Genubatị hụn Tapẹnẹsị nọ obi-eze Fẹro zụnpụha. Genubatị lẹ ụmụ ẹfọ Fẹro gba bi ebẹhụ.
21
Ebẹhụ Hadadị rị imẹ Ijiptu k'ọ nọ nụ nị Defidi a nwụnhụngụọ, laburu ndị nẹdi ẹ, nị Jụabụ onyẹ-isi agha a nwụnhụngụọzị. Ya Hadadị nọ sị Fẹro, “Nị m la, nị m hụn ụzọ lakin alị m.”
22
Fẹro nọ sị a, “Kị rị a kọ ị ebeni i gi chọ n'ị lakin alị ị?” Hadadị nọ sị a, “Onwọnni, ka nị m hụ lama.”
23
Chuku mẹzi okẹnnyẹ ọzọ bunụmanị Solomọnụ. Okẹnnyẹni wụ Rezọnụ nwa Ẹliada. Rezọnụ gha ẹka di-nwọnn'ẹ wụ Hadadeza eze Zoba gbapụ.
24
Ọ nọ kịrị ikẹnnyẹ, họnrin onyẹ-isi wẹ, wẹ nọ yemẹ nsọngbu d'e ru mgbe Defidi gi mẹrigụ alị Zoba. Ya Rezọnụ wẹ nọ shi Damaskọsụ d'a nọdị, kịma obodo Damaskọsụ ebẹhụ.
25
Rezọnụ wụchanrịn eṅẹnrẹn Izrẹlụ Solomọnụ e we nwụn, Rezọnụ hụ e kpokpo wẹ e cheni nsọngbu Hadadị rị e ye wẹ. Rezọnụ hụ a kị Aram, e sọngbu Izrẹlụ.
26
Jerobụam nwa Nebatị e fezighọnị Solomọnụ isi. Jerobụam rị ndị isi-ọkịkị Solomọnụ; onyẹ ebọn Ifrem k'ọ wụ, onyẹ obodo Zẹreda. Ẹfan nnẹ ẹ wụ Zẹrụa; di ẹ a nwụnhụngụọ.
27
Ẹnịna k'o dọn femẹni eze isi: ogẹn wẹ gi rị a tụnkin mkpọnyin wẹ gha e ru obi-eze, a tụnkinzi oghe rị mgbọn obodo hụ nẹdi ẹ wụ Defidi tụn,
28
Jerobụam, hụn ma rụn ọrụn ọhụnma-ọhụnma, rị ndị rị a rụnn'a. Mgbe Solomọnụ gi hụn kẹ okorọbịanị dọn rị a ọrụn a, ya Solomọnụ nọ tumẹ ẹ onyẹ a kị igbọn ile Solomọnụ gi a rụn ọrụn, ndị hụn rị igunrun ebọn Josẹfụ — ya wụ, imẹ igunrun ndị Ifrem lẹ ndị Manasẹ.
29
Ụhụọhịn ohu, kẹ Jerobụam gha Jerusalẹm pụkọ, onyẹ-amụma wụ Ahija onyẹ Shilo nọ kunrun ẹ ụzọ. Ahija yi ẹwuru ọhụn elu ẹ. Wẹ ẹbụbụọ sụọ rị ụzọ-ugbo ebẹhụ.
30
Ahija nọ kwọndọn ẹwuru ọhụn nwẹn o yiye elu ẹ, dọka a ụzọ mmẹbụọ.
31
Ya Ahija nọ sị Jerobụam, “Weri iri, nị Osolobuẹ wụ Chuku Izrẹlụ e kuọlẹ sị: ‘M k'e dọkarị alị-ezeni ẹka Solomọnụ, we ebọn iri ye i.
32
Kanị, makẹ ufiri odibo m wụ Defidi lẹ ufiri Jerusalẹm hụn m họrị imẹ ebọn ile rị Izrẹlụ, m jẹnkọ d'a hapụn'a ebọn ohu n'o weri.
33
M k'a napụ Solomọnụ ya makẹni a lagụọ wẹ m tọ, femẹ Ash'ta onyẹnnyẹ-mmọn ndị Sidọnụ, Kẹmọshi mmọn ndị Mụabụ lẹ Molẹkị mmọn ndị Amọnụ; esọnni wẹ ụzọ m, emẹni wẹ ihiẹn rị mma ẹnya m, esọnni wẹ uhi m lẹ iwu m kẹ Defidi nẹdi Solomọnụ dọn mẹ.
34
“ ‘Kanị, anapụkọ m Solomọnụ alị-eze ogẹnni; m k'a nị a kị o we nwụn, makẹ ufiri odibo m wụ Defidi, hụn m họrị, hụn dọnmẹ iwu m lẹ uhi m.
35
M k'a napụ nwa a alị-ezeni, we ebọn iri ye i.
36
M k'e we ebọn ohu ye nwa a kẹni odibo m wụ Defidi nwọnferi ukpẹ rị e nwunn'ẹ ihun m imẹ Jerusalẹm, obodo m họrị bu ẹfan m che.
37
Yụ nwẹn, m k'e weri i, mẹ i kị ndịnị ile ị chọ n'ị kị; i jẹnkọ d'a wụ eze Izrẹlụ.
38
“ ‘Omẹni y'e mẹ ihiẹn ile m k'a sị ị mẹ, sọn ụzọ m, e mẹ ihiẹn rị mma ẹnya m ghahanị isọn uhi m lẹ iwu m tumẹsọnmẹ, kẹ odibo m wụ Defidi dọn mẹ, m k'a nọyen'i. M sikọ d'e mẹmẹn'i eze e rigụ-e-ye-nwa nọkẹ hụn m mẹmẹni odibo m wụ Defidi, e we m Izrẹlụ ye i.
39
M k'e gi ufiri njọ Solomọnụ welụa ụmụ Defidi alị, kanị ẹlẹ jẹnrin ejẹn.’ ”
40
Solomọnụ a nwanghọ n'o gbu Jerobụam, kanị Jerobụam nọ gbashi Ijiptu, gbaburu Shishakị eze Ijiptu. Jerobụam nọ nọdị ebẹhụ d'e ru mgbe Solomọnụ nwụn.
41
Ihiẹn ndị ọzọ Solomọnụ mẹ — ihiẹn ile ọ rụn lẹ amamihiẹn ẹ, wẹ de wẹ ye imẹ ẹkụkwọ “Ihiẹn Solomọnụ Rụn”.
42
Ahụa ọgụnnaị kẹ Solomọnụ nọ imẹ Jerusalẹm kị Izrẹlụ ile.
43
Solomọnụ nọ nwan nwụnhụn, laburu ndị nẹdi ẹ. Wẹ li ẹ ye obodo hụ Defidi nẹdi ẹ tụn. Ya nwa a wụ Rehobụam nọ wụrụ eze rikin ukpo ẹ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22