bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 18
1 Kings 18
Ika 2018 Bible
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
O tebe, hụn mẹ ẹ ahụa ẹtọ mirin zuelẹni, Osolobuẹ nọ sị Ẹlaịja, “Jẹn d'e kunrun eze wụ Ehabụ; m jẹnkọ d'e mẹ mirin zue.”
2
Ya Ẹlaịja nọ jẹn d'e kunrun Ehabụ. Ogẹn ahụn, ụnwụn hụ rị a mụnị a karịgụọ ẹka imẹ obodo Sameria.
3
Ehabụ a kpọgụọ Obadaya, onyẹ hụn obi-eze Ehabụ rị ẹka a n'ọ bịa d'a hụn a. (Obadaya gichanrịn obi ẹ e fe Osolobuẹ —
4
nke wụnị, ogẹn nwunyẹ eze wụ Jezibẹlụ gi rị e gbu ndị-amụma Osolobuẹ, Obadaya nọ zuemẹ ndị-amụma ọgụn-isẹn ye imẹ okporo ẹbụọ: iri kwasị ọgụnnaị hụ imẹ okporo ohu, iri kwasị ọgụnnaị hụ imẹ okporo hụn ẹbọ, ọ hụ e ye wẹ ihiẹn-oriri lẹ mirin.)
5
Obadaya hụ kẹ Ehabụ kpọ nwan, sị a, “Ghagbarị alịnị — jẹnsọnmẹ isi-mirin lẹ ọdanmgbugbu ile. Ikẹnkwọ ẹnyi a hụn ẹfịfịa ẹnyi e gi dọnmẹ ẹshin lẹ anyịnyan-mulu ẹnyi ndụn, makẹ ndụn gha a gụ wẹ ru hụn ẹnyi e gi gbumẹ wẹ ri.”
6
Ya wẹ nọ kebe alị hụ, Ehabụ e shi azụụnnị, Obadaya e shi azụụn hụn ẹbọ.
7
Hụn Obadaya jẹnkọ, e lee Ẹlaịja k'ọ bịa d'e kunrun ẹ idẹnmizi. Obadaya hụn a nị Ẹlaịja rọ, ọ nọ hulụa alị, kele Ẹlaịja, sị a, “Diọkpa Ẹlaịja, ọnwan wụ ẹnya ị?!”
8
Ẹlaịja nọ sị a, “Mmẹ rọ. Jẹn nwan d'a gwa di-nwọnn'i, sị a, ‘Ẹlaịja rị ebeni.’ ”
9
Obadaya nọ sị Ẹlaịja, “Elee njọ kẹ m mẹ hụn y'e gi bu m che ẹka Ehabụ gbu?
10
Ma Osolobuẹ wụ Chuku i, onwọnni alị mọbụ alị-eze di-nwọnni m zilẹni wẹ chọjẹn i. Ebe ọwụlẹ wẹ nọ sị ‘Ẹlaịja arị ebeni’, ọ sị alị-eze hụ mọbụ alị hụ kun iyi nị ezioku-ezioku ahụnnị wẹ i.
11
Ị rị nwan a sị m d'e kunrun di-nwọnni m, sị a, ‘Ẹlaịja rị ebeni!’
12
Bụ amarịn m ebe Mmọn Osolobuẹ jẹnkọ d'e we i shi hụn m gihụ la ị tọ. M jẹn nwan d'a gwa Ehabụ, ọ bịa bụ ọ hụnn'ị, o gbu m — bụ Osolobuẹ kẹ mmẹ wụ odibo i e fe gha alị lala.
13
Diọkpa, y'e ke nụ ihiẹn m mẹ ogẹn hụ Jezibẹlụ gi rị e gbu ndị-amụma Osolobuẹ? Ndị-amụma Osolobuẹ ọgụn-isẹn gbegbegbe kẹ m zuemẹ imẹ okporo ẹbụọ — madụ iri kwasị ọgụnnaị, madụ iri kwasị ọgụnnaị, e ye wẹ ihiẹn-oriri lẹ mirin.
14
Hụnnị ị rị a sị m, ‘D'e kunrun di-nwọnni i, sị a, “Ẹlaịja rị ebeni!” ’ O k'e gbukwọ m!”
15
Ẹlaịja nọ sị a, “Ma Osolobuẹ nwọn ikẹn ile, hụn m rị e fe, m jẹnkọ d'e kunrunrịrị Ehabụ tannị.”
16
Ya kẹ Obadaya nọ jẹn d'e kunrun Ehabụ, gwa a, Ehabụ nọ jẹn d'e kunrun Ẹlaịja.
17
Ogẹn Ehabụ gi hụn Ẹlaịja, Ehabụ nọ sị a, “Yụ wụ ọnwan? Ịyụ hụn rị e sọngbu Izrẹlụ?”
18
Ẹlaịja nọ sị a, “Arị m e sọngbu Izrẹlụ. Ịyụ lẹ ikpụlọ nẹdi i wụ ndị rị e sọngbu Izrẹlụ, makẹni ụnụ a gbakitọgụọ iwu Osolobuẹ azụụn, femẹ Baalụ ndịnị wẹ.
19
Kpọ nwan ndị Izrẹlụ ile, nị we d'e kunrun m Ugu Kamẹlụ, y'e wẹhẹ mmadụ iri kwasị ọgụnnaị kwasị nnụ (450) hụ wụ ndị-amụma mmọn Baalụ lẹ mmadụ nnụ (400) hụ wụ ndị-amụma mmọn Ashẹra, ndị ahụn Jezibẹlụ rị e ye ihiẹn-oriri.”
20
Ya Ehabụ nọ zi ozi jẹnni ndị Izrẹlụ ile, kpọkikomẹ wẹ ile elu Ugu Kamẹlụ — ndị alị lẹ ndị-amụma hụ.
21
Ẹlaịja nọ jẹnpụha ihun wẹ, sị, “Elee mgbe ụnụ k'a danshibehi azụụnnị lẹ azụụnnị? Omẹni Osolobuẹ wụ Chuku, ụnụ e fe ẹ! Kanị omẹni Baalụ wụ Chuku, ụnụ e fe ẹ!” Ya wẹ ile nọ gba nkịtịn.
22
Ya Ẹlaịja nọzị sị wẹ, “Mmẹ sụọ wụ nwan onyẹ-amụma Osolobuẹ họdụnị, kanị ndị-amụma Baalụ rị iri-kwasị-ọgụnnaị kwasị nnụ (450).
23
Wepụhanị nị nwan ẹnyi okẹn-efin ẹbụọ. Ndị-amụma Baalụ wẹ hanrịn okẹn-efin ohu imẹ wẹ ẹbụbụọ, wẹ jakịka a, dọnye elu nkụn, ka, wẹ ebiyelẹ ẹ ọkụn; mmẹ nwẹn k'e mẹmẹ okẹn-efin hụn ẹbọ rịn'a ẹrịra, kanị ebiyekọkwọ m'a ọkụn.
24
Ụnụ a kpọku mmọn ụnụ, mmẹ nwẹn a kpọku Osolobuẹ. Hụn gi ọkụn za, ịya wụ Chuku wẹ k'e fe.” Ndị ahụn ile nọ sị, “Ọ hụ mma!”
25
Ya Ẹlaịja nọ sị ndị-amụma Baalụ, “Bu ni ụzọ họrị okẹn-efin ohu gbu, dọnye — ebe o mẹ nwan nị ụnụ ka ọda; ụnụ a kpọku mmọn ụnụ — ka amụyelẹ ni anụ hụ ọkụn.”
26
Ya wẹ nọ weri okẹn-efin ohu k'o dọn ku, gbu ẹ, dọnye. A hịma wẹ Baalụ, hị a gha ụtụntụn d'e ru ni ẹnyanwụn e ru isi, e yi, “Baalụ-e, dodo, za ẹnyi oku!” Kanị, onwọndẹni ihiẹn wẹ nụ, azịza abịanị kaka; wẹ hụ a tụshi elu a ghahunmẹ ukpo nchụn-ẹjan hụ wẹ mẹmẹ.
27
O ru ogẹn anwụn gi ru isi, Ẹlaịja nọ mụma wẹ ẹmụ, a sị wẹ, “Yikẹnmẹ ni oro! Okẹn-mmọn k'ọ wụ, ẹlẹ ya?! Ikẹnkwọ ọ rị e ro iroro mọbụ n'o jẹn azụụn-ụlọ! Ikẹnkwọ ọ rị ụzọ ijẹn! Ikẹnkwọ ọ rị ụran, o furu ni wẹ kpọtiẹn ẹ!”
28
Ya wẹ nọ yikẹnmẹ oro, e gi ọpịa-agha lẹ obo a dọkịka enwẹn wẹ ẹhụ kẹ wẹ e mẹ ẹ, d'e ru ni ẹdeke e jun wẹ ẹhụ.
29
Ẹrịra kẹ wẹ mẹ ẹ, anwụn e we rọma, e busọnmẹ wẹ ẹka wẹ bukọ, o rumẹ ogẹn hụ Izrẹlụ gi a chụnnị Osolobuẹ ẹjan-ẹnyasị, onwọnkwọnị ihiẹn mẹni, onwọnni onyẹ shịarịnị, onwọnni onyẹ gọn ntịn.
30
Ya Ẹlaịja nọ sị ndị hụ ile, “Jẹnzụnhan nị!” Wẹ ile nọ nọzụnhan. Ọ nọ dọnzi ukpo nchụn ẹjan Osolobuẹ wẹ te tikpọgụ:
31
o weri ọmụma mmẹbụọ: o gi nọkin ẹnya ebọn ohu-ohu imẹ ụmụ Jekọpụ — onyẹ hụn Osolobuẹ sị, “Ẹfan ị k'a wụ Izrẹlụ”.
32
Ọ nọ gi ọmụma ndị hụ rụnzịnị Osolobuẹ ukpo nchụn-ẹjan. Ọ nọ gu olu k'e ripụ galọnụ mirin ẹtọ lẹ mkpikpi ghahunmẹ ukpo nchụn-ẹjan hụ.
33
Ọ nọ dọnye nkụn elu ukpo nchụn-ẹjan hụ, jakịka okẹn-efin hụ, dọn ẹ ye elu nkụn ndị hụ. Ya ọ nọ sị wẹ, “Gba nị mirin jun ite-mirin ẹnọ hi-ogbe, ụnụ e hu ẹ kpu anụ lẹ nkụn.”
34
Ọ nọ sị wẹ, “Huyezi ni.” E huyezi wẹ; ọ nọzị sị wẹ “Huye ni nke mgbe ẹtọ.” Ya wẹ nọ huye nke mgbe ẹtọ.
35
Mirin ahụn hụ a gha ụsụọ ukpo nchụn-ẹjan ahụn ile e hutu, hujundẹ olu hụ o guhunmẹ ẹ.
36
O ru nwan ogẹn wẹ gi a chụnnị Osolobuẹ ẹjan-ẹnyasị, onyẹ-amụma wụ Ẹlaịja nọ jẹnpụha ihun ịhịan ile, mẹ ekpere, sị, “Osolobuẹ, Chuku Ebraham lẹ Aziki lẹ Izrẹlụ! Ghọsị tannị nị ịyụ wụ Chuku imẹ alị Izrẹlụ lẹni m wụ odibo i, lẹzi ni ịyụ sị m mẹ ihiẹn ndịnị m mẹ.
37
Euu Osolobuẹ, dodo za m! Za m nị ndịnị marịn nị ịyụ, ịyụ hụn wụ Osolobuẹ, wụ Chuku lẹ ni ị rị nwan e wekinhẹn obi wẹ ebe ị rị.”
38
Ọkụn Osolobuẹ nọ bịa “Waaa!!” Ọ dụnpụ kẹ anụ ahụn kẹ nkụn kẹ ọmụma kẹ uzunzun rị ebẹhụ, rachanpụdẹ mirin nwẹn ile rị olu hụ!
39
Ogẹn ndị ahụn ile gi hụn ihiẹnni, wẹ nọ tụha enwẹn wẹ ye alị, bu ihun kpumẹ alị, yimẹ “Osolobuẹ, ịya wụ Chuku! Osolobuẹ, ịya wụ Chuku!”
40
Ya kẹ Ẹlaịja nọ sị, “Kwọndọn ni ndị-amụma Baalụ! Anịkwọlẹ ni kaka akpụ onyẹ ohu gbapụ!!” Ndị hụ nọ kwọndọn wẹ ile, Ẹlaịja nọ we wẹ shi Ọdanmgbugbu Kishọnụ, nọ ebẹhụ gbu wẹ.
41
Ya Ẹlaịja nọ sị eze wụ Ehabụ, “Lama; d'e ri, ra — makẹni m rị a nụ ụzụn okẹn mirin k'e zueni!”
42
Ehabụ nọ lama d'e ri, ra. Kanị Ẹlaịja nkẹ nọ nyinshi mkpọnụnụ Ugu-Kamẹlụ; o hulụa alị, bu ihun ẹ che ẹgbata mkpụkụ a ẹbụbụọ.
43
Ọ nọbe ọ sị odibo ẹ, “Jẹnmẹ nwan d'e lee ẹnya ibẹka Ohimin.” Odibo e jẹn d'e lee. O kinhẹn, ọ sị Ẹlaịja, “Onwọnni ihiẹn m hụn.” Mgbe ẹsa kẹ Ẹlaịja sị a, “Kin azụụn d'e lele.”
44
Nke mgbe ẹsa rịn'a, odibo ẹ hụ nọ sị, “Orukpu mẹ ẹkẹrẹ nọkẹ ẹka ịhịan rị a gha Ohimin e shi elu.” Ẹlaịja nọ sị, “Jẹn d'a sị Ehabụ, ‘Nyinrinkẹnrinkwọ ụgbọ-ẹshin i lama ozigbo, amamgbe mirin e ke i tọ.’ ”
45
O k'e mẹ emẹ, igwere nọ gitọ. Ufere a kpọma, okẹn-mirin nọ zuemẹ, Ehabụ nọ gi ụgbọ-ẹshin ẹ dọn ihun Jezriẹlụ.
46
Ẹka Osolobuẹ nọ kwọndọn Ẹlaịja. Ẹlaịja nọ fa ẹwuru ẹ ye akpụkpọ-ukun ẹ kẹn'ọ nị a gba ọsọ; ọ nọ gbaghafe Ehabụ hụn nyinkọ ụgbọ-ẹshin, burun'ẹ ụzọ — d'e rukwọrị obodo Jezriẹlụ.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22