bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 17
1 Kings 17
Ika 2018 Bible
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”
2
Ya kẹ Osolobuẹ nọ sị Ẹlaịja,
3
“Gha ebeni pụ; dọn ihun azụụn ọwụwa-ẹnyanwụn, n'ị d'a warị ẹhụ Ọdanmgbugbu Kẹriti ẹhụ Iyi Jọdanị.
4
Mirin iyi udu-mirin rị ebẹhụ k'ị k'a gha a ra; a gwagụọ m nnụnụ (uroko) nị wẹ e wẹhẹn'i ihiẹn-oriri.”
5
Ya kẹ Ẹlaịja nọ jẹnmẹ d'e mẹ ihiẹn Osolobuẹ gwa a, o jẹnmẹ Ọdanmgbugbu Kẹriti, ẹhụ Iyi Jọdanị d'a nọdị.
6
Uroko hụ e wẹhẹn'ẹ brẹdi lẹ anụ ụtụntụn lẹ ẹnyasị; ọ hụ a ra mirin rị iyi udu-mirin hụ rị ebẹhụ.
7
Kanị, o tebe, mirin hụ nọ tahị, makẹni mirin arịzị e zue alị hụ ile.
8
Ya kẹ Osolobuẹ nọ sị Ẹlaịja,
9
“Buli, shi obodo Zarẹfatị alị Sidọnụ, y'a nọdị ebẹhụ. A gwagụọ m okpoho ohu rị ebẹhụ hụn di ẹ nwụnhụngụ n'o k'a gha e ye i ihiẹn-oriri.”
10
Ya Ẹlaịja nọ shi Zarẹfatị. O ruhụ ebe wẹ gha a banye obodo hụ, e lee okpoho ohu di ẹ nwụnhụngụ k'ọ rị a kparị nkụn. Ẹlaịja nọ hị a, sị, “Dodo, d'e wẹhẹni m ẹkẹrẹ mirin ra!”
11
O jẹnmẹ n'o d'e wẹhẹ ẹ, Ẹlaịja nọ hịzị a, sị a, “Dodo, wẹhẹzini m ẹkẹrẹ brẹdi ị lalanị!”
12
Kanị okpoho nwẹn nọ sị a, “Ma Osolobuẹ wụ Chuku i, enwọn m brẹdi, ọka wẹ gweriẹn k'e junhụ ọb'ẹka ohu sụọ kẹ m nwọn, ya lẹ ofugbọn-olivu mẹ ẹkẹrẹ họdụ imẹ ọgọ. M rịhụ a kparị ẹkẹrẹ nkụn m bulakọ, nị m d'e shini mmẹ lẹ nwa m ya — ẹnyi rigụ a, ẹnyi e cheri nị ẹgụn gbu ẹnyi.”
13
Ẹlaịja nọ sị a, “Atụlẹ egun. La d'e mẹ kẹ i dọn ku. Ka gha imẹ hụn ahụn i nwọn shigụnị m ẹkẹrẹ brẹdi, y'e wẹhẹni m'ẹ; y'e jẹn nwan d'e shi hụn yụ lẹ nwa ị jẹnkọ d'e ri.
14
Makẹni, ọnwan wụ ihiẹn Osolobuẹ wụ Chuku alị Izrẹlụ ku: ọ sị, ‘Ọka wẹ gweriẹn agụkọ imẹ ẹkpoko i, ofugbọn-olivu akọkọ imẹ ọgọ ofugbọn i, d'e ru ụhụọhịn Osolobuẹ zihẹzi mirin d'e zueye alị.’ ”
15
Ya kẹ okpoho hụ nọ jẹnmẹ, ọ nọ mẹ kẹ Ẹlaịja dọn gwa a; ya kẹ Ẹlaịja lẹ okpoho ahụn lẹ ikpụlọ okpoho ahụn nọ nwan rị a hụn ihiẹn-oriri e ri ụhụọhịn ile.
16
Makẹni, ọka rị imẹ ẹkpoko hụ agụnị, ofugbọn-olivu akọnị imẹ ọgọ ofugbọn hụ. Ẹrịra kẹ oku Osolobuẹ gi Ẹlaịja ku dọn bụn.
17
O tebe, emu nọ kụma nwa okpoho hụ Ẹlaịja rị iwe ẹ. Emu ahụn hụ e kẹnrẹn, e kẹnrẹnwaye, o mẹgụ nwata hụ nọ nwụnhụn.
18
Okpoho hụ nọ sị Ẹlaịja, “Kịnị kẹ m mẹ i, odibo Osolobuẹ? Ị bịa d'a nyanhannị m njọ m, gbunarịn m nwa?”
19
Ẹlaịja nọ sị a, “Paye m nwa hụ.” Ẹlaịja nọ panarịn a nwata hụ, pa a shi mmughẹ rị ibe elu hụn Ẹlaịja a nọdị, pa a dinẹ elu-ukpo ẹ.
20
Ya Ẹlaịja nọ kwanghọsị Osolobuẹ, sị, “Euu, Osolobuẹ wụ Chuku m, y'e gbugụọ nwa okpohoni m rị iwe ẹ gi ẹ wẹhẹzikwọn'a nsọngbu ọnwụn nwa?”
21
Ẹlaịja nọ dinẹkwasị nwata hụ mgbe ẹtọ, kpọku Osolobuẹ, sị a, “Euu, Osolobuẹ wụ Chuku m, dodo mẹ ndụn nwatanị kinhẹnn'ẹ!”
22
Osolobuẹ nọ nụ ẹkwan Ẹlaịja, ndụn nwata hụ nọ kinhẹnn'ẹ, ọ nọ rịzị ndụn.
23
Ẹlaịja nọ parị nwata hụ, gha mmughẹ hụ rị ibe elu hidan shi imẹ ụlọ rị ibe alị. Ọ nọ we ẹ ye nnẹ ẹ, sị a, “Lee ẹ, nwa ị hụ ndụn!”
24
Ya kẹ okpoho hụ nọ sị Ẹlaịja, “Echẹn kẹ m marịn n'ị wụ odibo Chuku lẹ ni oku Osolobuẹ ị rị e ku wụ ezioku.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22