bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 21
1 Kings 21
Ika 2018 Bible
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Ihiẹn ndịnị e mẹgụ, oku alị vaịnị Nabọtụ onyẹ Jezriẹlụ nọ pụha. Alị vaịnị hụ nọkunmẹ obi-eze Ehabụ nọ a kị imẹ Sameria.
2
Ya Ehabụ nọ sị Nabọtụ, “Ye m alị vaịnị ị nị m gi rụn ugbo mkp'ẹhụhụọ, ebe o mẹni ọ nọkunmẹ obi-eze m. M k'e ye i alị vaịnị ka mma gi nọkin ẹnya a; omẹni ọ ka ị mma n'i reye m'ẹ, m k'a kụ ị ihiẹn ọwụlẹ ị sị m kụ ị.”
3
Nabọtụ nọ za, sị, “Osolobuẹ ajụ! Eyekọkwọ m'ị ukuu ndị nẹdi m wẹ!”
4
Ya Ehabụ nọ rọnmẹ ihun lama, iwe hụ e we ẹ nị Nabọtụ onyẹ Jezriẹlụ sị, “Eyekọ m'ị ukuu ndị nẹdi m wẹ.” Ehabụ e dinẹ elu-ukpo, rọnmẹ ihun, bu ihun zinmẹ ụsụọ-ẹjan, jụ ihiẹn-oriri.
5
Nwunyẹ ẹ wụ Jezibẹlụ a banhan, ọ nọ jụma a, “K'i rọnmẹni hụnnị ile? K'i jụnị ihiẹn-oriri?”
6
Ehabụ nọ sị a, “M sị Nabọtụ onyẹ Jezriẹlụ ‘Reye m alị vaịnị ị; omẹni i chọ nị m ye i ọzọ gi nọkin ẹnya a, e ye m'i.’ Kanị, ọ sị, ‘Eyekọ m'ị alị vaịnị m.’ ”
7
Nwunyẹ ẹ wụ Jezibẹlụ nọ sị a, “Ẹlẹdẹ ịyụ wụ eze Izrẹlụ?! Lihi n'i ri ihiẹn-oriri! Shịapụ ihun. M k'e ye i alị vaịnị Nabọtụ onyẹ Jezriẹlụ.”
8
Ya Jezibẹlụ nọ gi ẹfan Ehabụ de ẹkụkwọ-ozi ndị o de, gi ihiẹn Ehabụ gi e biye ẹka biye wẹ ẹka. Ọ nọ zisọnmẹ ẹkụkwọ-ozi ndị hụ jẹnni ndị-ichẹn lẹ ndị-isi ọkịkị obodo hụ Nabọtụ bi.
9
Ọnwan wụ ihiẹn o de: “Kpọye ni ibu-ọnụ, ụnụ e bu Nabọtụ che isi-ocho ihun ndị alị.
10
Ụnụ e bu ndị eje-ịhịan ẹbụọ che ihun ẹ, sị wẹ shịa ẹri nị Nabọtụ kpọ Chuku lẹ eze iyi. Wepụ n'a d'e gi ọmụma magbu ẹ.”
11
Ya ndị-ichẹn lẹ ndị-isi ọkịkị bi obodo hụ Nabọtụ bi nọ mẹ ihiẹn Jezibẹlụ gwa wẹ imẹ ẹkụkwọ-ozi o dehẹni wẹ.
12
A kpọye wẹ ibu-ọnụ, we Nabọtụ che isi-ocho ihun ndị alị.
13
Ya ndị eje-ịhịan ẹbụọ nọ pụha, nọdị alị ihun ẹ, buokinmẹ ẹ ọnụ idẹnya ndị alị, a sị, “Nabọtụ a kpọgụọ Chuku lẹ eze iyi.” Ya kẹ ndị alị nọ gha imẹ obodo wepụ Nabọtụ, gi ọmụma magbu ẹ.
14
Ya wẹ nọ zi ozi jẹnni Jezibẹlụ, sị a, “E gigụọ wẹ ọmụma magbu Nabọtụ; ọ nwụnhụngụọ.”
15
Jezibẹlụ a nụhụ nị e gigụọ wẹ ọmụma magbu Nabọtụ, ọ nọ sị Ehabụ, “Lihi d'e weri alị vaịnị Nabọtụ onyẹ Jezriẹlụ hụn ọ jụ n'o reyekọ ị, nị Nabọtụ arịzị ndụn: ọ nwụnhụngụọ.”
16
Ogẹn Ehabụ gihụ nụ nị Nabọtụ a nwụnhụngụọ, ọ nọ lihi d'e weri alị vaịnị Nabọtụ.
17
Ya kẹ Osolobuẹ nọ sị Ẹlaịja onyẹ Tishibẹ:
18
“D'e kunrun Ehabụ eze Izrẹlụ hụn nọ Sameria a kị. Ọ rị nwan alị vaịnị Nabọtụ. O jẹn ebẹhụ n'ọ hụn ụzọ weri ẹ.
19
Sị a, ‘Lee ihiẹn Osolobuẹ ku: ọ sị, “Y'e gbugụọnị ịhịan weri ukuu ẹ?” ’ Sịzị a, ‘Lee nwan ihiẹn Osolobuẹ ku: “Ebẹhụ nkitẹ nọ ra ẹdeke Nabọtụ kẹ nkitẹ k'a nọzịkwọ ra ẹdeke i — ẹghẹẹ, nke i!” ’ ”
20
Ya Ẹlaịja nọ jẹn d'e kunrun Ehabụ. Ehabụ a hụn Ẹlaịja, ọ nọ sị a, “Onyẹ-iwe m, y'a hụnzịkwọ m!” Ẹlaịja nọ sị a, “A hụngụọ m'ị, makẹni y'e buchanrịngụọ enwẹn i che imẹ ihiẹn rịlẹni mma ẹnya Osolobuẹ.
21
Lee nwan ihiẹn Osolobuẹ ku: ‘M sikọ d'e mẹ i ihiẹn jọgbu enwẹn ẹ. M k'e gbunarịn ị ikẹnnyẹ ile rị ezi-lẹ-ụlọ ị imẹ Izrẹlụ, kẹ igbọn kẹ onyẹ nwọn enwẹn ẹ!
22
M k'e mẹ ikpụlọ ị ihiẹn m mẹ nke Jerobụam nwa Nebatị lẹ nke Baasha nwa Ahija, makẹni y'a kpasuọlẹ m iwe, y'a dọgụọ ndị Izrẹlụ ye imẹ njọ.’
23
“Nke Jezibẹlụ, Osolobuẹ sị, ‘Nkitẹ k'a nọ ụsụọ mgbọn obodo Jezriẹlụ ripụ a.’
24
“Nkitẹ k'e ri ndị nke Ehabụ ile hụn k'a nwụntọ imẹ obodo, udele e ri ndị hụn k'a nwụntọ ọfịa.”
25
(Onwọntuni onyẹ wechanrịn enwẹn ẹ kwanị eje-ihiẹn jọgbu enwẹn ẹ ẹnya Osolobuẹ kẹ Ehabụ dọn mẹ makẹni nwunyẹ ẹ wụ Jezibẹlụ rị e nu ẹ.
26
Hụn kachanrịndẹ njọ Ehabụ mẹ wụ ife-mmọn — nọkẹ ndị Amọ hụn Osolobuẹ chụpụ buche ndị Izrẹlụ.)
27
Ogẹn Ehabụ gi nụgụ ihiẹn ndịnị Ẹlaịja ku, ọ nọ tika ẹwuru ẹ, yiri ẹkpa-mkpụrụ hụn wụ ẹkwa-achọ, nọkẹ onyẹ njọ a rị e wutẹ; o bu ọnụ. O yi ẹkpa ahụn ranhịn; o mẹshịazịnị ẹhụ.
28
Ya kẹ Osolobuẹ nọ sị Ẹlaịja onyẹ Tishibẹ,
29
“Y'a hụnghọ kẹ Ehabụ welụa enwẹn ẹ alị ihun m? Makẹni o welụa enwẹn ẹ alị, emẹkọ m'a ihiẹn m ku ogẹn nke ẹ, kama, ogẹn nwa a kẹ m'e gi mẹ ẹ.”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22