bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 15
1 Kings 15
Ika 2018 Bible
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Hụn mẹ ẹ ahụa mmẹsatọ Jerobụam nwa Nebatị kịma Izrẹlụ Ẹbamịn-ugu, Abija nọ họnrin eze Juda,
2
Abija nọ Jerusalẹm kị Juda; ahụa ẹtọ k'ọ kị. Ẹfan nnẹ ẹ wụ Maaka nwa Abishalọm.
3
Abija mẹchanrịn njọ ile nẹdi ẹ mẹ; o wechanrịnnị obi ẹ ye Osolobuẹ wụ Chuku ẹ kẹ nẹdi ẹ kanị wụ Defidi dọn mẹ.
4
K'osilẹrị, Osolobuẹ wụ Chuku Defidi nọ gi ufiri Defidi ye Abija nwa okẹnnyẹ rikin eze ẹ, gi ye ẹ ukpẹ e nwunsọnmẹni imẹ Jerusalẹm, gizikwọ a chemẹ Jerusalẹm.
5
Makẹni, Defidi mẹ ihiẹn rị mma ẹnya Osolobuẹ, onwọnni hụn ọ latọ imẹ ihiẹn ile Osolobuẹ sị a mẹ o we nwụn — wezụka ihiẹn o mẹ Yuria onyẹ Hẹti.
6
Agha hụn rị ẹgbata Rehobụam nẹdi Abija lẹ Jerobụam rịsọnmẹ Abija e we nwụn.
7
Ihiẹn ndị ọzọ ile mẹni ogẹn Abija gi rị a kị lẹ ihiẹn ile o mẹ rị imẹ ẹkụkwọ w'e detọ ihiẹn mẹ ogẹn ndị-nze ichẹn-ichẹn hụn kị Juda. Abija lẹ Jerobụam lụsọnmẹ agha.
8
Ogẹn Abija (Abijam) gi nwụnhụn, laburu ndị nẹdi ẹ, wẹ nọ li ẹ ye imẹ Obodo Defidi. Nwa a wụ Asa nọ rikin eze ẹ.
9
Ọ rị ahụa ọgụn Jerobụam kịma Izrẹlụ kẹ Asa kịma Juda.
10
Asa nọ Jerusalẹm kị Juda ahụa ohu kwasị ọgụnnaị. Ẹfan nnẹ ẹ wụ Maaka nwa Abishalọm. Maaka wụzị nnẹ-eze ogẹn Asa.
11
Asa mẹ ihiẹn rị mma ẹnya Osolobuẹ kẹ nẹdi ẹ kanị wụ Defidi dọn mẹ.
12
Ọ nọ chụpụ ikẹnnyẹ wụ ịgbaraja ụlọ-mmọn imẹ alị Juda, wepụchanrịn mmọn ile nẹdi ẹ kọma.
13
Ọ napụdẹ nnẹ ẹ kanị wụ Maaka ọkwa nnẹ-eze, makẹ arụ hụn o mẹ ebe ọ nọ zumẹ osisi wẹ gi a rụa Ashẹra. Asa nọ gbutu osisi mmọn ahụn, nọ Ọdanmgbugbu Kidrọnụ dụn a ọkụn.
14
Ọsụọn'a nị Asa akụsịnị ofufe hụ wẹ nọ ebe jẹnsọnmẹ elu e fe, Asa we obi ẹ ile kwanị Osolobuẹ o we nwụn.
15
O bubanhan siliva lẹ goru lẹ arịa ya lẹ nẹdi ẹ gi kwanị Osolobuẹ imẹ ụlọ-nsọ Osolobuẹ.
16
Agha rịchanrịn ẹgbata Asa eze Juda lẹ Baasha eze Izrẹlụ, e we wẹ kịchanrịn.
17
Baasha jẹn d'a maye alị Juda, weri obodo Rama, tụnhunmẹmẹ ẹ mgbọn hi ogbe makẹ ịhịan ghazị a banye mọbụ a pụha ẹgbẹrẹ Asa eze Juda.
18
Ya kẹ Asa nọ kpọnrin siliva lẹ goru ile họdụ imẹ aza wẹ e butọ wẹ imẹ Ụlọ-nsọ Osolobuẹ lẹ hụn rị obi-eze. Ọ nọ bu ẹ ye ịhaịmẹ ẹ, zi wẹ jẹnni Bẹn-Hadadị, eze Aram hụn rị Damaskọsụ a kị — Bẹn-Hadadị nwa Tabrimọnụ nwa Hẹziọnụ.
19
Ọ sị, “Nị mmẹ lẹ ịyụ kwetarị nkwa, k'o dọn rị ẹgbata nẹdi m lẹ nẹdi i. Lee siliva lẹ goru m buhẹn'i nwan. Latọ Baasha eze Izrẹlụ hụn yụ lẹ ya wị e yetarị ẹka, kẹn'o mẹ ẹ hatu m.”
20
Bẹn-Hadadị nọ kweyeni Eze wụ Asa, zi ndị isi-agha a wẹ d'a mayen'ẹ obodo ndị rị Izrẹlụ, azụụn nke Baasha. Ọ nọ mẹri Ijọnụ, Danị, Ebẹlụ-Bẹt-Maaka lẹzi ẹgbẹrẹ Kinẹrẹti (Galili) ile lẹ alị ebọn Naf'tali ile.
21
Ogẹn Baasha eze Izrẹlụ Ẹbamịn-ugu gi nụ ihiẹnni, ya ọ nọ rụnbehi mgbọn hụ ọ rị a rụn imẹ Rama, lashi Tẹza.
22
Ya Asa wụ eze Juda nọ zi ikẹnnyẹ Juda ile gbegbegbe, onwọnni onyẹ ọ gụnpụ, wẹ nọ jẹn Rama d'e burukwama ọmụma lẹ ogwe osisi ndị hụ Baasha te gi rị a rụn ọrụn ebẹhụ. Eze wụ Asa nọ gi wẹ rụnhunmẹ Gẹba rị imẹ Bẹnjamini mgbọn, ya lẹ alị Mizpa.
23
Ihiẹn ndị ọzọ ile mẹni ogẹn Asa gi rị a kị lẹ ihiẹn ile o mẹ lẹ obodo ndị ọ tụn, wẹ ile rị imẹ ẹkụkwọ wẹ detọ ihiẹn mẹ ogẹn ndị-nze hụn kịsọnmẹ Juda. Kanị, ogẹn Asa gi kagụ ẹgẹdi, ụkụ-alị nọ tụrụma a.
24
Ogẹn Asa gi nwụnhụn, laburu ndị nẹdi ẹ, wẹ nọ li ẹ ye ebe wẹ liye ndị nẹdi ẹ imẹ Obodo Defidi. Nwa a wụ Jehoshẹfatị nọ họnrin eze, nọkin ẹnya a.
25
Ọ rị ahụa ẹbụọ Asa họnrin eze Juda kẹ Nadabụ nwa Jerobụam kịma Izrẹlụ; ahụa ẹbụọ k'ọ kị Izrẹlụ.
26
O mẹ ihiẹn rịlẹni mma ẹnya Osolobuẹ, e sọn nzọmụkụ nẹdi ẹ, mẹkọ njọ hụn Jerobụam nẹdi ẹ mẹ, hụn nẹdi ẹ dọye ndị Izrẹlụ rị azụụn nke wẹ.
27
O mẹgụ, Baasha nwa Ahija, onyẹ ikpụlọ Isaka nọ zuni Nadabụ eje-umẹ, nọ Gibẹtọnụ, obodo rị alị ndị Filistia, gbu ẹ — ebe Nadabụ lẹ ndị-agha Izrẹlụ Ẹbamịn-ugu ile kehunmẹ obodo Gibẹtọnụ ni wẹ mẹri ẹ.
28
Ọ rị ahụa ẹtọ eze wụ Asa kịma Juda kẹ Baasha gbu Nadabụ, họnrin eze azụụn nke wẹ.
29
Ọ kịmahụ, ọ nọ gbuchanrịn ikpụlọ Jerobụam ile, ọ latọnịnị Jerobụam kaka akpụ onyẹ ohu rị e kwọnni; o gbuchanrịn wẹ ile, ihiẹn nwẹn Osolobuẹ gi odibo Osolobuẹ wụ Ahija onyẹ Shilo ku nọ mẹ —
30
makẹ njọ Jerobụam mẹsọnmẹ, njọ ọ dọ ndị Izrẹlụ ye imẹ ẹ, lẹ iwe ọ kpasu Osolobuẹ wụ Chuku Izrẹlụ.
31
O mẹ nke ihiẹn ndị ọzọ ile mẹni ogẹn Nadabụ gi rị a kị lẹ ihiẹn ile o mẹ, wẹ de wẹ imẹ ẹkụkwọ w'e detọ ihiẹn mẹ ogẹn ndị-nze hụn kịsọnmẹ Izrẹlụ.
32
Agha-agha kẹ Asa eze rị azụụn hụn ẹbọ wụ Juda lẹ Baasha eze Izrẹlụ Ẹbamịn-ugu lụsọnmẹ e we wẹ kịchanrịn.
33
Ọ rị ahụa ẹtọ Asa wụ eze Juda kịma kẹ Baasha nwa Ahija họnrin eze Izrẹlụ ile rị Ẹbamịn-ugu. Tẹza k'ọ nọ kị. Ahụa ẹnọ kwasị ọgụn k'ọ kị.
34
O mẹ ihiẹn rịlẹni mma ẹnya Osolobuẹ, sọn nzọmụkụ Jerobụam, e mẹ njọ Jerobụam mẹ, njọ hụn ọ dọ ndị Izrẹlụ ye imẹ ẹ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22