bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 12
1 Kings 12
Ika 2018 Bible
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Omẹgụ, Rehobụam nọ shi Shẹkẹm — makẹni Izrẹlụ ile e zugụọ imẹ Shẹkẹm nị wẹ hụn ụzọ kin ẹ eze.
2
Ogẹn Jerobụam nwa Nebatị gi nọ Ijiptu ọ gbashi k'ọ gbakọnị Solomọnụ nụ ihiẹnni, ọ nọ lụakin.
3
Ya wẹ nọ zi ozi sị Jerobụam bịa; ya lẹ Izrẹlụ ile nọ jẹnburu Rehobụam, sị a:
4
“Nẹdi i bu okẹn ibu che ẹnyi olu; belụa nwan okẹn ọrụn lẹ okẹn ibu hụ o buche ẹnyi olu, nị ẹnyi femẹ i.”
5
Rehobụam nọ sị wẹ, “Jẹnmẹgụ nị, o zu akp'ọkịn ẹtọ ụnụ e kinhẹn.” Ya wẹ nọ la.
6
Ya Rehobụam wụ Eze nọ jụ ndị-ichẹn alị, hụn fe nẹdi ẹ wụ Solomọnụ k'ọ rị ndụn, sị, “Kị ụnụ sị m shịarị ndịnị?”
7
Wẹ nọ sị a, “I dannị hụ ndịnị alị tannị, fe wẹ, shịarị wẹ oku rị mma tannị, e fesọnmẹ wẹ i.”
8
Kanị Rehobụam a jụ ọdụn ndị-ichẹn ahụn dụn a. Ọ nọ jụ ndị ikorọbịa ya lẹ wẹ gba sue rị e fen'ẹ ihiẹn o k'a shịarị.
9
Ọ sị wẹ, “Kị wụ uche ụnụ? Kịnị kẹ ẹnyi k'a shịarị ndịnị rị a sị m, ‘Belụa ibu nẹdi i bu che ẹnyi olu’?”
10
Ikorọbịa hụ ya lẹ wẹ gba sue nọ sị a, “Ihiẹn i jẹnkọ d'a shịarị ndị ahụn sị ị, ‘Nẹdi i bu okẹn ibu che ẹnyi olu; mẹ nwan n'ọ rịnị ẹnyi nfe,’ wụ ọnwan: ‘Mkpịnsịn-ẹka nta m kadẹ ukun nẹdi m.
11
Nẹdi m buye ụnụ okẹn ibu; m k'e buzidẹ ibu chen'ẹ! Nẹdi m gi mkpịnsịn mmaka sọn ụnụ; akpị kẹ mmẹ nwẹn k'e gi sọn ụnụ!’ ”
12
O zu akpọhịn ẹtọ, Jerobụam lẹ ndị Izrẹlụ ile nọ kinhẹn d'e kunrun eze wụ Rehobụam k'o dọn gwa wẹ sị, “O zu akp'ọhịn ẹtọ, ụnụ e kinhẹn.”
13
Eze nọ shịarị wẹ eje-oku. Ọ latọ ọdụn ndị-ichẹn ahụn dụn a,
14
weri ndụnmọdụn ikorọbịa: ọ sị ndị Izrẹlụ, “Nẹdi m buye ụnụ ibu nyịnnị; m k'e buzidẹ ibu chen'ẹ! Nẹdi m gi mkpịnsịn mmaka sọn ụnụ; akpị kẹ mmẹ nwẹn k'e gi sọn ụnụ!!”
15
Ya wụ, eze egọnni wẹ ntịn: ihiẹnni mẹni gha ẹka Osolobuẹ bịa kẹni ihiẹn Osolobuẹ gi Ahija onyẹ Shilo gwatọ Jerobụam nwa Nebatị hụn ụzọ mẹzu.
16
Mgbe ndị Izrẹlụ ile gi hụn a nị eze ekweni gọn wẹ ntịn, wẹ nọ sị eze: “Elee hụn wụdẹ nwan nke ẹnyi imẹ ẹbozo Defidi? Onwọnni hụn ru ẹnyi imẹ nwa Jese. A la nị iwe ụnụ, ndị Izrẹlụ! Ẹbozo Defidi, lepụma nị iwe ụnụ ẹnya!” Ya kẹ ndị Izrẹlụ nọ la iwe wẹ.
17
Kanị Rehobụam hụkwọ a kị ndị Izrẹlụ hụn bi imẹ obodo ndị rịsọnmẹ alị Juda.
18
O mẹgụ, eze wụ Rehobụam nọ zi Adoram (Adoniram) hụn a kị ndị wẹ waye ọrụn olu d'e kunrun ndị Izrẹlụ. Izrẹlụ ile nọ gi ọmụma magbu ẹ kanị eze lẹ enwẹn a hụnghọ isi ban ụgbọ-ẹshin, gbashi Jerusalẹm.
19
Ya Izrẹlụ nọ nwan pụ okpuru ikpụlọ Defidi d'e ru tannị.
20
Mgbe ndị Izrẹlụ ile gi nụ nị Jerobụam a lụahagụọ, wẹ nọ zu ọgwa, zi wẹ d'a kpọ a, ya wẹ nọ kin ẹ eze Izrẹlụ ile. Onwọnni ndị ọzọ nọyeni ikpụlọ Defidi mmanị ebọn Juda sụọ.
21
Rehobụam e ru Jerusalẹm, ọ nọ kpọpụha ikpụlọ Juda lẹ ebọn Bẹnjamini, ikẹnnyẹ nnụ-uku ọgụn-itenẹi (180,000) hụn ma lụ agha, kẹni wẹ jẹn d'a maye ikpụlọ Izrẹlụ họdụnị ọgụn, wekinhẹnni Rehobụam nwa Solomọnụ alị-eze Izrẹlụ ile.
22
Kanị Osolobuẹ nọ gwa onyẹ-amụma wụ Shẹmaya oku, sị a,
23
“Sị eze ndị Juda wụ Rehobụam nwa Solomọnụ, ya lẹ ikpụlọ Juda lẹ Bẹnjamini ile lẹ ndị ile họdụnị,
24
‘Lee ni ihiẹn Osolobuẹ ku: Ejẹnkwọlẹ ni d'a maye umunẹ ụnụ ndị Izrẹlụ ọgụn. Onyẹ ọwụlẹ ya la iwe ẹ, makẹni mmẹ rị e mẹ ihiẹnni.’ ” Ya wẹ nọ gi oku Osolobuẹ dọn, lama iwe wẹ kẹ Osolobuẹ dọn ku.
25
Jerobụam hụn rị a kị Izrẹlụ Ẹbamịn-ugu nọ dọnzi obodo Shẹkẹm hụn rị elu ugu Ifrem, biri ebẹhụ, a kị. Omẹgụ, ọ nọ gha ebẹhụ pụ d'a tụndọnzi obodo Pẹniẹlụ.
26
Omẹgụ, Jerobụam nọ sị enwẹn ẹ, “Omẹni akpachanpụnị m ẹnya, alị-ezeni e kinzini ikpụlọ Defidi.
27
Ndịnị jẹnsọnmẹ Ụlọ-nsọ Osolobuẹ rị Jerusalẹm, o tebe tan e sọnmẹzi wẹ Rehobụam eze Juda hụn te nwọnni wẹ; wẹ sikọ d'e gbu m, buruzi Rehobụam wụ eze.”
28
Eze a jụgụ ndị ọ jụ uche wẹ, ọ nọ gi goru kpụ ụmụ-efin ẹbụọ. Ọ sị ndị ọ rị a kị, “Jerusalẹm e tekẹzi ụnụ e jẹn. Ndị Izrẹlụ, lee ni mmọn ụnụ, hụn gha alị Ijiptu wepụha ụnụ!”
29
Ọ nọ bu ohu che alị Bẹtẹlụ, bu hụn ẹbọ che alị Danị.
30
Ọnwan nọ wụrụ ihiẹn ndị Izrẹlụ gi e mẹ njọ; ndị Izrẹlụ hụ e jẹnkwọrị obodo Danị d'a rụa hụn rị ebẹhụ.
31
Jerobụam nọzịkwọ tụnsọnmẹ ụlọ-mmọn ye ebe jẹn elu, e tumẹsọnmẹ onyẹ ọwụlẹ ọ hụn n'ọ wụrụ ohẹn-mmọn, a chụn ẹjan, ọsụọn'a nị ẹlẹ wẹ ndị Livaị, ndị hụn Osolobuẹ ye ọrụn ndị nchụn-ẹjan.
32
Eze wụ Jerobụam nọ tumẹ mmẹmmẹ wẹ jẹnkọ d'a gha e mẹ nke akp'ọhịn mmisẹn imẹ ifọn nke ẹsatọ, nọkẹ mmẹmmẹ hụ w'e mẹ azụụn hụn ẹbọ wụ Juda. Ọ chụnsọnmẹ ẹjan elu ukpo nchụn-ẹjan hụ. Ihiẹnni k'o mẹ imẹ obodo Bẹtẹlụ, ọ chụnyeni ụmụ-efin ndị hụ ọ kpụ ẹjan. O tumẹsọnmẹzikwọ ndị o tumẹ ohẹn mmọn buche ụlọ-mmọn ndị hụ ọ rụnsọnmẹ ebe rị ichẹn-ichẹn jẹn elu imẹ Bẹtẹlụ.
33
O ru nwan nke akp'ọhịn mmisẹn imẹ ifọn nke ẹsatọ hụ, ifọn ahụn o gi ẹka a tumẹ, ọ nọ chụn ẹjan elu ukpo nchụn-ẹjan hụ ọ rụn imẹ Bẹtẹlụ. O tumẹgụọnị ndị Izrẹlụ rị azụụn nke ẹ mmẹmmẹ wẹ k'a gha e mẹ, o nyinrin ukpo nchụn-ẹjan hụ d'a chụn ẹjan.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22