bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 6
1 Kings 6
Ika 2018 Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Hụn mẹ ẹ ahụa ọgụn-ẹnọ kwasị nnụ (480) ndị Izrẹlụ gha alị Ijiptu pụha, hụn wụzị ahụa ẹnọ Solomọnụ kịma Izrẹlụ, imẹ ifọn Zivu, ifọn nke ẹbụọ, kẹ Solomọnụ tụnma Ụlọ-nsọ Osolobuẹ.
2
Usue ụlọ-nsọ hụ Solomọnụ tụnnị Osolobuẹ wụ ụbụkụ iri kwasị ọgụn-ẹnọ, ụshịa a wụ ụbụkụ iri kwasị ọgụn, ojijẹn-elu ẹ wụ ụbụkụ isẹn kwasị ọgụnnaị.
3
Ẹtu-ụlọ rị ibe ihun hụn wẹ gha a ban ibẹrẹ Ụlọ-NSỌ hụ. Ụshịa a wụ ụbụkụ iri kwasị ọgụn, ụshịa ya lẹ ihun Ụlọ-NSỌ wụ ahanmahan; usue ẹ wụ ụbụkụ mmisẹn.
4
Solomọnụ beye windo ndị shịalẹni ghahunmẹ Ụlọ-nsọ hụ.
5
Ọ tụn mmughẹ-mmughẹ ye ezi nyanmasọnmẹni ẹhụ-ẹjan Ụlọ-NSỌ hụ — kẹ ẹhụ-ẹjan ọgwa rịn'a kẹ ẹhụ-ẹjan Ebẹhụ Kachanrịn Nsọ rị imẹ-imẹ Ụlọ-nsọ.
6
Ụshịa mmughẹ ndị hụn rịchanrịn ibe alị wụsọnmẹ ụbụkụ ẹsa-lẹ-nkirishi, ndị rị etintin wụsọnmẹ ụbụkụ itenẹi, ndị rịchanrịn elu wẹ wụ ụbụkụ iri lẹ mkpikpi. K'ọ dọn rụn a, o nwọn ebe suepụhasọnmẹ ẹhụ Ụlọ-nsọ hụn kwọndọn mmughẹ ndịnị; wẹ rịsọnmẹ Ụlọ-nsọ hụ azụụnnị lẹ azụụnnị lẹ ibe azụụn, makẹ wẹ gha a dụpu ẹhụ Ụlọ-nsọ.
7
Kẹ wẹ rị a tụn Ụlọ-nsọ hụ, ọmụma ndị wẹ tụgụ ebe wẹ nọ gupụha wẹ sụọ kẹ wẹ gi rụn a; anụnị wẹ ukwere otutu-uzun (hama) mọbụ anyụn mọbụ ihiẹn-ọrụn ọwụlẹ wẹ gi igwe mẹmẹ ebẹhụ wẹ nọ a tụn Ụlọ-nsọ.
8
Ebe wẹ gha a banye mmughẹ ndị hụn rịchanrịn ibe alị rị ẹbamịn ndịdan-mirin Ụlọ-nsọ; mgbanyinrin rị ebẹhụ, hụn wẹ gi e nyinjẹn ndị rị etintin lẹ hụn wẹ gi a gha etintin pụ ndị rịchanrịn elu ẹ.
9
Ya ọ nọ tụn Ụlọ-nsọ hụ, tụnchanrịn a; ọ nọ gi osisi sida lẹ ibe osisi sida makwama elu ẹ.
10
Ọ tụnyesọnmẹ mmughẹ ndị ahụn ghahunmẹ Ụlọ-nsọ hụ. Ojijẹn elu mmughẹ ndị hụ wụsọnmẹ ụbụkụ ẹsa lẹ mkpikpi; osisi sida kẹ wẹ gi wegbama wẹ lẹ Ụlọ-nsọ hụ.
11
Osolobuẹ nọ sị Solomọnụ:
12
“Ụlọ-nsọnị ị rị a tụn, omẹni y'e sọn uhi m, dọnmẹ iwu m, gbayechanrịn oku m, gi wẹ bi, m jẹnkọ d'e mẹni i ihiẹn m kwe Defidi nẹdi i nkwa a,
13
m jẹnkọ d'e biri imẹ igunrun ndị Izrẹlụ, a gbakitọkọ m ndị nke m wụ Izrẹlụ azụụn.”
14
Ya Solomọnụ nọ tụn Ụlọ-nsọ hụ, tụnchanrịn a.
15
Ibe osisi sida k'o gi machanrịn ẹhụ-ụlọ ile rị imẹ ẹ, ma a gha alị d'e ru ifiri, gi ibe osisi-paịnị machanrịn akpakalị Ụlọ-nsọ.
16
Ọ nọ gi ibe osisi sida gbọnbepụ ebe shịaru ụbụkụ iri kwasị ọgụn imẹ-imẹ Ụlọ-nsọ hụ. Ibe sida ndị hụ gha alị d'e ru ifiri. O gi ebẹhụ họnrin ebe pụ ichẹn rịchanrịn imẹ-imẹ, “Ebe Kachanrịn Nsọ”.
17
Ebe ka mmughẹni rị imẹ-imẹ a shịa, hụn rị ihun ẹ, wụ ụbụkụ ọgụn-ẹtọ.
18
Osisi sida sụọ kẹ wẹ gi ma imẹ Ụlọ-nsọ ahụn ile, Osisi sida wẹ tụyesọnmẹ obele lẹ obobo shịapụnị wẹ gi chọ a mma. Ihiẹn ile w'e legha wụ sida-sida, onwọnni ọmụma w'e legha.
19
Ya Solomọnụ nọ nwan kwademẹ Ebẹhụ Kachanrịn Nsọ imẹ Ụlọ-nsọ ọhụnma nị wẹ hụn ụzọ butọ Ẹkpẹti Nkwerigbama Osolobuẹ ebẹhụ:
20
Usue ebẹhụ Kachanrịn Nsọ wụ ụbụkụ iri kwasị ọgụn, ụshịa a wụ ụbụkụ iri kwasị ọgụn, ojijẹn-elu ẹ wụzị iri kwasị ọgụn. Ọ nọ gi ezigbo goru wẹ buchelẹni ihiẹn ọzọ makwama Ebẹhụ kachanrịn nsọ, gizi goru hụ makwama ukpo nchụn-ẹjan hụn o gi osisi sida rụn.
21
Solomọnụ gi ezigbo goru wẹ buchelẹni ihiẹn ọzọ nyankwama imẹ Ụlọ-nsọ hụ ile, tan ẹgan goru ye ihun Ebẹhụ Kachanrịn Nsọ.
22
Goru k'o gi makwama imẹ Ụlọ-nsọ hụ ile. Goru k'o gizi makwama ukpo chụn ẹjan hụn rị Ebẹhụ Rị Nsọ, ihun Ebe Kachanrịn Nsọ.
23
O gi osisi olivu tụ chẹrobu ẹbụọ nwọn nku, bu wẹ che imẹ Ebẹhụ Kachanrịn Nsọ; ojijẹn-elu wẹ wụsọnmẹ ụbụkụ mmisẹn.
24
Usue ẹka-nku ẹbụọ chẹrobu ibuzọ imẹ wẹ wụsọnmẹ ụbụkụ ẹsa lẹ mkpikpi, ụbụkụ ẹsa lẹ mkpikpi; gha ọnụnụ ẹka-nku ẹ ohu d'e ru ọnụnụ nku ẹ hụn ẹbọ wụ ụbụkụ mmisẹn.
25
Nku chẹrobu hụn ẹbọ wụzị ụbụkụ mmisẹn. Chẹrobu ẹbụbụọ hụ han, wẹ ẹbụbụọ yichanrịn eyi.
26
Ojijẹn-elu wẹ wụsọnmẹ ụbụkụ mmisẹn.
27
Mmughẹ hụ rịchanrịn imẹ-imẹ Ụlọ-nsọ hụ k'o buche chẹrobu ẹbụbụọ hụ; wẹ ẹbụbụọ shịapụ ẹka-nku. Nku chẹrobu ohu mẹtụ ẹhụ-ụlọ azụụn ohu, nku chẹrobu hụn ẹbọ mẹtụ ẹhụ-ụlọ azụụn hụn ẹbọ, nku wẹ ẹbụbụọ a nọ ahanmahan mmughẹ hụ mẹtụ.
28
O gi goru makwama ndị chẹrobu ẹbụọ hụ o gi osisi pịn.
29
Ọ tụsọnmẹ chẹrobu lẹ nkụ lẹzi obobo ndị shịapụnị yesọnmẹ ụsụọ-ẹjan Ụlọ-nsọ hụ ile, kẹ mmughẹ rịchanrịn imẹ kẹ hụn w'e buzọ e ru.
30
Goru k'o gizi makwama alị mmughẹ ẹbụọ hụ rị imẹ Ụlọ-nsọ hụ, kẹ hụn rịchanrịn imẹ kẹ hụn w'e buzọ e ru.
31
Ẹkwe wẹ gi osisi olivu pịn k'o gi yikin ọnụmụzọ Ebẹhụ Kachanrịn Nsọ rịchanrịn imẹ; ntịn isẹn kẹ frem ọnụmụzọ hụ nwọn.
32
Ọ nọ tụsọnmẹ chẹrobu lẹ nkụ lẹ obobo ndị shịapụnị ye ẹhue ẹbụọ hụ wẹ gi osisi olivu mẹmẹ, gi goru wẹ tipịa makwama chẹrobu ndị hụ wẹ tụ lẹ nkụ ndị hụ wẹ tụ.
33
Ọ nọzị gi osisi-olivu mẹmẹ frem ọnụmụzọ wẹ gha a banye mmughẹ uku ibuzọ hụn rị Ụlọ-NSỌ hụ, kanị ntịn ẹnọ kẹ amaran -ọnụmụzọ hụnnị nwọn.
34
O gizi osisi-paịnị mẹmẹ ọnụmụzọ ẹbụọ nwọnsọnmẹ ẹkwe w'a magi.
35
Ọ nọ tụ chẹrobu lẹ nkụ lẹ obobo ndị shịapụnị yesọnmẹ ẹkwe ndị hụ, gi goru makwama wẹ, mẹ goru hụ n'o riẹnchanrịn.
36
Ọmụma wẹ be, hụn wẹ dọnye, dọnyezi, dọnyekwasị, wẹ kebe dọnye akp'osisi sida elu ẹ, kẹ wẹ gi rụn ezi-ọgwa rị imẹ hụn nọkunmẹchanrịn ụlọ-nsọ.
37
Ifọn Zivu, imẹ ahụa nke ẹnọ Solomọnụ kịma kẹ wẹ gbe iyetọ Ụlọ-nsọ Osolobuẹ.
38
Imẹ ifọn Bulu, ifọn nke ẹsatọ, imẹ ahụa nke mmanaị rịn'a kẹ wẹ rụnchanrịn Ụlọ-nsọ hụ lẹ ihiẹn ile rịn'a nọkẹ kẹ wẹ dọn se ẹ. Ahụa ẹsa k'o gi rụn a.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22