bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 14
1 Kings 14
Ika 2018 Bible
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
1
Ogẹn hụ, emu nọ kụma Abija nwa Jerobụam.
2
Jerobụam nọ sị nwunyẹ ẹ, “Kẹnhutọ makẹ wẹ gha a marịn n'ị wụ nwunyẹ Jerobụam. Jẹn Shilo, Ahija onyẹ-amụma hụn gwa m nị m k'a wụrụ eze ndịnị hụ ebẹhụ.
3
Weri ogbe brẹdi iri lẹ donọtụ lẹ ọgọ mirin-ẹnwụn ohu jẹn d'e kunrun ẹ. O k'a gwa ị ihiẹn k'e mẹ nwatanị emu rị a kụ.”
4
Ya nwunyẹ Jerobụam nọ mẹ ihiẹn ọ sị a mẹ, shi iwe Ahija rị Shilo. Ahija nkẹ arịzị e legha ụzọ, makẹni ọ kayegụọ ẹnya ọda-ọda.
5
Kanị Osolobuẹ a sịgụọ Ahija, “Nwunyẹ Jerobụam lala d'a jụ ị banyeni nwa a, makẹni emu rị a kụ a; ihiẹn m k'a gwa ị kikẹnni k'i k'a gwa a ọ bịa. Ọ bịa, o jẹnkọ d'e mẹ nọkẹ sị ọ wụ onyẹ ọzọ.”
6
Ogẹn Ahija gi nwan nụ nkiti ụkụ a ọnụmụzọ, ọ nọ sị a, “Nwunyẹ Jerobụam, banhan. Kị rị e mẹni nọkẹ sị ẹlẹ yụ? Eje-ozi kẹ Osolobuẹ sị m zi i.
7
Jẹn; d'a gwa Jerobụam nị ihiẹnni kẹ Osolobuẹ wụ Chuku Izrẹlụ ku: ‘M gha imẹ igunrun ndị Izrẹlụ ile bushi i elu, tumẹ i onyẹ-ndu ndị nke m wụ Izrẹlụ.
8
A napụ m ikpụlọ Defidi alị-eze te rị wẹ ẹka, we ẹ ye i. Kanị, y'a nọnị kẹ odibo m wụ Defidi, hụn mẹchanrịn ihiẹn ile m sị a mẹ, gi obi ẹ ile sọn m, e mẹ ihiẹn rị mma ẹnya m.
9
Y'e mẹkarịgụọ ndị ile buni i ụzọ eje-ihiẹn. Y'a kọmarịngụọ mmọn-lẹ-iyi, ihiẹn ndị wẹ gisọnmẹ igwe mẹmẹ; y'a kpasugụọ m iwe, gbakitọ m azụụn.
10
“ ‘Makẹ ufiri ihiẹnni, m jẹnkọ d'e wẹhẹni ikpụlọ Jerobụam ezigbo nsọngbu. M k'e gbunarịnchanrịn Jerobụam ikẹnnyẹ ile wụ nke ẹ imẹ Izrẹlụ — kẹ igbọn kẹ onyẹ nwọn enwẹn ẹ. M k'a dụn ikpụlọ Jerobụam ọkụn kẹ wẹ dọn a dụn nsịn-anụ ọkụn, d'e ru n'ọ gụchanrịn.
11
Nkitẹ k'e ri ndị nke Jerobụam hụn k'a nwụntọ imẹ obodo, udele e ri ndị k'a nwụntọ ọfịa. Osolobuẹ e kuọlẹ a!’
12
“Yụ nwẹn, lama nwan; ị zọhụ ụkụ ye obodo ụnụ, nwata okẹnnyẹ hụ k'a nwụnhụn.
13
Kanị, Izrẹlụ ile jẹnkọ d'a kwan a, li ẹ. Ya sụọ kẹ wẹ k'e li imẹ ndị ile wụ nke Jerobụam, makẹni, imẹ ikpụlọ Jerobụam, ịya sụọ kẹ Osolobuẹ wụ Chuku Izrẹlụ hụn ihiẹn rị mma imẹ ẹ.
14
“Osolobuẹ k'e wepụhanị enwẹn ẹ eze k'a kị Izrẹlụ, eze hụn k'e gbupụ ikpụlọ Jerobụam. Ẹlẹdẹ ọhụn sụọ! Ihiẹn kikẹnni-kikẹnni rọ!
15
Osolobuẹ k'e mẹ Izrẹlụ ihiẹn, o mẹhunmẹmẹ nọkẹ ẹfịfịa rị e sue imẹ mirin hụn ufere rị e buhunmẹ. O k'e huepụ Izrẹlụ imẹ alị-ọmanị o ye ndị nẹdi wẹ kanị, feyịya wẹ ye nfetu Iyi-Yufretisi, makẹni e gigụọ wẹ osisi ndị hụ wẹ zumẹsọnmẹni mmọn Ashẹra kpasu Osolobuẹ iwe.
16
O k'e we Izrẹlụ ye ndị iṅẹnrẹn makẹ njọ Jerobụam mẹ, hụn ọ dọzị Izrẹlụ ye.”
17
Nwunyẹ Jerobụam nọ lihi, lakin Tẹza. Hụn o gihụ zọ ụkụ ye iwe wẹ, nwata okẹnnyẹ hụ nọ nwụnhụn.
18
Wẹ nọ li ẹ, Izrẹlụ ile nọ kwan a: ihiẹn ile mẹ kẹ Osolobuẹ dọn ku ghahanị odibo ẹ wụ Ahija onyẹ-amụma.
19
Ihiẹn ndị ọzọ Jerobụam mẹ k'ọ rị a kị, agha ile ọ lụ lẹ k'ọ dọn kị, hụ imẹ ẹkụkwọ wẹ detọ ihiẹn mẹ ogẹn ndị-nze hụn kịsọnmẹ Izrẹlụ.
20
Ahụa ẹbụọ kwasị ọgụn kẹ Jerobụam kị. Jerobụam a nwụnhụn, laburu ndị nẹdi ẹ, nwa a wụ Nadabụ nọ rikin ẹ eze.
21
Ogẹn hụ, nwa Solomọnụ wụ Rehobụam wụ eze Juda. Ọ rị nwa ahụa ohu kwasị ọgụnnaị k'o ri eze; ahụa mmẹsa k'ọ kị; imẹ Jerusalẹm k'ọ nọ kị, obodo hụ Osolobuẹ họrị imẹ ebọn ile rị Izrẹlụ n'ọ wụrụ ebe wẹ nọ e ye ẹfan a ọghọ. Nnẹ Rehobụam wụ Naama onyẹ alị Amọnụ.
22
Ndị Juda mẹ ihiẹn rịlẹni mma ẹnya Osolobuẹ, gi njọ wẹ mẹ ẹnya fụma Osolobuẹ, mẹ ẹ karịdẹ hụn ndị nẹdi wẹ mẹ.
23
Makẹni wẹ nwẹn tụnsọnmẹzikwọ ụlọ-mmọn, kọmasọnmẹ ọmụma-nsọ lẹ osisi w'e zumẹni mmọn Ashẹra — yesọnmẹ elu òke ile jẹn elu lẹ okpuru osisi ile duni.
24
O nwọndẹ ikẹnnyẹ ndị wụ ịgbaraja ụlọ-mmọn imẹ alị hụ; arụ ile alị ndị ahụn Osolobuẹ chụpụnị Izrẹlụ mẹ kẹ ndị Juda bu nwan enwẹn wẹ che imẹ ẹ.
25
Hụn mẹ ahụa isẹn Rehobụam kịma, Shishakị eze Ijiptu nọ maye Jerusalẹm.
26
Shishakị nọ kwarịchanrịn ihiẹn ile rị mma rị Ụnọ-nsọ Osolobuẹ lẹ obi-eze — kẹ akpaịn ndị hụ Solomọnụ gi goru mẹmẹ kẹ wẹ ile.
27
Ya eze wụ Rehobụam nọ mẹmẹ akpaịn igwe-bronzu gi nọkin ẹnya akpaịn goru ndị ahụn, bu wẹ che ẹka ndị-isi ndị-nche e che ebe wẹ gha a banye obi-eze.
28
Ogẹn ọwụlẹ eze jẹn Ụlọ-nsọ Osolobuẹ, ndị nche e buru akpaịn ndị ahụn sọnmẹ ẹ. O mẹgụ, e bukin wẹ wẹ shi ebe ndị-nche a nọdị.
29
Ihiẹn ndị ọzọ ile mẹni ogẹn Rehobụam gi wụ eze lẹ ihiẹn ile ọ rụn rị imẹ ẹkụkwọ wẹ detọ ihiẹn mẹ ogẹn ndị-nze hụn kịsọnmẹ Juda.
30
Agha-agha kẹ Rehobụam eze Juda lẹ Jerobụam eze Izrẹlụ ẹbamịn-ugu lụsọnmẹ.
31
Rehobụam a nwụnhụn, laburu ndị nẹdi ẹ, wẹ nọ li ẹ ye ebe wẹ liye ndị nẹdi ẹ imẹ Obodo Defidi. Nnẹ Rehobụam wụ Naama, onyẹ alị Amọnụ. Nwa Rehobụam wụ Abija nọ rikin Rehobụam eze.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22