bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Kings 2
1 Kings 2
Ika 2018 Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
Mgbe o gi rumẹ ogẹn Defidi e gi nwụn, ọ nọ gwa Solomọnụ nwa a ihiẹn ndịnị:
2
“M'e d'a gha ụzọ ịhịan ile rị ụwa a gha. Kakẹnmẹ nwan; ghọsị n'ị wụ okẹnnyẹ,
3
e mẹ ihiẹn Osolobuẹ wụ Chuku i chọ, ghahanị isọn ụzọ a lẹ uhi ẹ lẹ ihiẹn ile o ku, lẹ iwu ẹ lẹ ihiẹn ọ chọ — kẹ wẹ dọn de wẹ imẹ Iwu Mozizi, kẹni ihiẹn ile i buche ẹka lẹ ijẹn i ile ghan'ị,
4
lẹni Osolobuẹ hụn ụzọ mẹzu nkwa o kwe m, sị, ‘Ụmụ ị dọnrin ẹnya bi obibi rị mma, gi obi wẹ ile lẹ umẹ-ndụn wẹ ile bini m k'o furu nị wẹ bi, y'e nwọnbehikọ onyẹ ẹbozo ị k'a nọdị ukpo-eze Izrẹlụ.’
5
“Ịyụ lẹ enwẹn i a marịnghọ ihiẹn Jụabụ nwa Zeruaya mẹ m, ihiẹn o mẹ ndị ndu-agha Izrẹlụ ẹbụọ wụ Abna nwa Nẹ lẹ Amasa nwa Jeta. K'o dọn gbu wẹ, gbu wẹ ogẹn udọn nọkẹsị imẹ agha rọ, gi ẹdeke wẹ mẹrụchanrịn enwẹn ẹ — kẹ akpụkpọ-ukun ẹ kẹ akpụkụ o yi ụkụ.
6
Gi akọ-lẹ-uche i sọn ẹ, ka anịlẹ ya lẹ isi-ẹwọ nwụn ọnwụn-ẹhi.
7
“Ka mẹni ụmụ Bazilaị onyẹ Gilẹdị ọhụnma, mẹ wẹ rị ndị e sọn i e ri. Makẹni, wẹ nọye m azụụn ogẹn m gi gbapụnị Absalọm nwẹnẹ i.
8
“Ịyụ lẹ Shimei nwa Gẹra onyẹ Bẹnjamini hụn rị obodo Bahurim rịkwọ ebeni, hụnnẹi kpọ m eje iyi ụhụọhịn hụ m gbashi Mahanaim. Ọ bịaghọ Iyi-Jọdanị d'a rịọ m kẹ m kinla, m nọ kunn'ẹ Osolobuẹ, sị, ‘Egbukọ m'ị.’
9
Kanị yụ nwẹn, anịkwọl'a la ọfẹ — ni y'e nwọnghọ uche, y'a marịnghọ ihiẹn i k'e mẹ n'o buru isi-ẹwọ nwụn ọnwụn-ikẹn.”
10
Ya Defidi nọ nwụnhụn, laburu ndị nẹdi ẹ, wẹ nọ li ẹ ye, Obodo Defidi wụ Jerusalẹm.
11
Ahụa ọgụnnaị kẹ Defidi kị Izrẹlụ ile: ahụa ẹsa k'ọ nọ Hibrọnụ kị, nọ Jerusalẹm kị ahụa mmẹtọ kwasị ọgụn.
12
Ya Solomọnụ nọ nọkin ẹnya nẹdi ẹ wụ Defidi ukpo-eze ẹ, ọkịkị a e kẹnrẹn ọhụnma-ọhụnma.
13
Omẹgụ, Adonija nwa Hagiti nọ jẹn d'e kunrun nnẹ Solomọnụ wụ Bat'shẹba. Bat'shẹba nọ sị a, “Ndemẹ ọ hụkwọ mma?” Adonija nọ sị a, “Nsọngbu arịa.”
14
Adonija nọzị sị a, “O nwọn ihiẹn m bịa nị ẹnyi ku.” Bat'shẹba nọ sị a, “Kumẹ.”
15
Adonija nọ sị a, “Y'a marịnghọ nị mmẹ kẹ ọkịkị alị-ezeni te ru; ndị Izrẹlụ ile te rị a tụ ẹnya nị mmẹ jẹnkọ d'a kị. Kanị ihiẹn ile e gbehutọ nwan, ọkịkị nọ ban Solomọnụ nwẹnẹ m ẹka makẹni Osolobuẹ e yegụọ a ya.
16
M nwọn nwan akpụ ihiẹn ohu m chọ nị m rịọ ị. Dodo, ajụkwọlẹ.” Bat'shẹba nọ sị a, “Kumẹ.”
17
Adonija nọ sị a, “Dodo, rịọnị m eze wụ Solomọnụ — makẹni ị rịọ a ihiẹn, ọ jụkọ — sị a ye m Abishagị onyẹ Shunẹm lụrụ.”
18
Bat'shẹba nọ sị a, “Ọ hụghọ mma; m jẹnkọ d'a rịọn'ị eze.”
19
Mgbe Bat'shẹba gi jẹn d'e kunrun Eze wụ Solomọnụ n'ọ rịọnị Adonija, ya eze nọ lihi ọtọ, sị a a lụa, hulụan'a isi, nọdịzị alị elu ukpo-eze ẹ, wezi ocho-eze ọzọ tọnị nnẹ ẹ, nnẹ eze, n'ọ nọdị ye ẹ azụụn ẹka-nni.
20
Ya ọ nọ sị eze, “O nwọn ihiẹn mẹ ẹkẹrẹ m jẹnkọ d'a rịọ ị; ajụkwọlẹ.” Solomọnụ nọ sị, “Nnẹ, kị rọ? Ajụkọ m.”
21
Ya ọ nọ sị eze, “Wẹ we Abishagị onyẹ Shunẹm ye Adonija nwẹnẹ i lụrụ.”
22
Ya eze wụ Solomọnụ nọ sị nnẹ ẹ, “Nanị y'a rịọ nị wẹ ye Adonija Abishagị onyẹ Shunẹm? Nkẹ y'a rịọzị m we alị-eze y'ẹ kịma — ebe o mẹ ni ịya dịan m, ebe omẹni Abiata onyẹ nchụn-ẹjan lẹ Jụabụ nwa Zeruaya rị azụụn nke ẹ!”
23
Ya Eze wụ Solomọnụ nọ kun Osolobuẹ, sị, “Chuku ya mẹ m ihiẹn, mẹshi m'ẹ ikẹn — omẹni Adonija egini isi ẹ kụ ụgwọ ihiẹnni ọ rịọ!
24
Ma Osolobuẹ hụn mẹ m turu, bu m che elu ukpo nẹdi m wụ Defidi, tumẹ m eze e rigụ-e-ye-nwa k'o dọn kwe nkwa, tannị kẹ wẹ jẹnkọ d'e gbu Adonija!”
25
Ya Eze wụ Solomọnụ nọ zi Bẹnaya nwa Jehoyada, Bẹnaya nọ gbu Adonija.
26
Nke onyẹ nchụn-ẹjan wụ Abiata, eze sị a, “Lashi Anatọtụ d'a rụnma ugbo i. O te furu n'ị nwụn, kanị egbukọ m'ị kikẹnni, makẹni yụ buni Defidi nẹdi m Ẹkpẹti-nsọ Osolobuẹ, Onyẹ hụ Kachanrịnnị, du nẹdi m ta afụnfụn ile ọ ta.”
27
Ya Solomọnụ nọ wepụ Abiata imẹ ndị a rụn ọrụn nchụn-ẹjan Osolobuẹ, ya kẹ oku Osolobuẹ ku imẹ Shilo banyeni ikpụlọ Ẹlaị gizi mẹzu.
28
Jụabụ kwadọn Adonija ogẹn o gi kin enwẹn ẹ eze, ọ sụọn'a n'ọ kwadọnni Absalọm ogẹn Absalọm gi mẹ nke ẹ. Ogẹn o gi nụ ihiẹn mẹni, ọ nọ gbashi Ọdụ-nsọ Osolobuẹ, kwọnkẹnmẹ mpịn ndị hụ wẹ kpụyesọnmẹ ukpo nchụn-ẹjan rị ebẹhụ.
29
Wẹ nọ gwa eze wụ Solomọnụ nị Jụabụ a gbashigụọ Ọdụ-nsọ Osolobuẹ, nọdịyeni ukpo nchụn-ẹjan. Solomọnụ nọ sị Bẹnaya nwa Jehoyada, “Jẹn ebẹhụ d'e gbu ẹ!”
30
Bẹnaya nọ banye imẹ Ọdụ Osolobuẹ, sị Jụabụ, “Eze sị ị, ‘Pụha!’ ” Jụabụ nọ sị, “Mba! M jẹnkọ d'a nwụntọ ebeni!” Ya Bẹnaya nọ gwa eze k'o jẹn, sị, “Lee ihiẹn Jụabụ ku.”
31
Eze nọ sị Bẹnaya, “Mẹ k'o dọn ku. Gbu ẹ, y'e li ẹ. Ọnwan nwọn wepụnị mmẹ lẹ ezi-lẹ-ụlọ nẹdi m ikpe-ọmụma ọchụn Jụabụ gbu.
32
Osolobuẹ jẹnkọ d'a kụ a ụgwọ ọchụ o gbu, makẹni, ọ jụnị nẹdi m wụ Defidi, ọ nọ gi ọpịa-agha maye ikẹnnyẹ ẹbụọ, gbu wẹ. Wẹ ẹbụbụọ — kẹ Abna nwa Nẹ hụn te kị ndị-agha Izrẹlụ ile wezụka Juda kẹ Amasa nwa Jeta hụn te kị ndị-agha Juda — ka a ezigbo ịhịan a wụ, ka a ọchan a rị.
33
Ikpe-ọmụma rịnị ẹdeke wẹ ya rị Jụabụ lẹ ụmụ a isi jẹnrin-ejẹn. Kanị, nke Defidi lẹ ụmụ a, ikpụlọ a lẹ ukpo ẹ, ngọzi Osolobuẹ ya rịferini wẹ jẹnrin-ejẹn!”
34
Ya Bẹnaya nwa Jehoyada nọ shi elu ebẹhụ Ọdụ Osolobuẹ rị, gbu Jụabụ, li ẹ tọ ụlọ a rị ibẹka alị ọkpọ-nkụn.
35
Ya eze nọ tumẹ Bẹnaya nwa Jehoyada onyẹ isi-agha, gi ẹ nọkin ẹnya Jụabụ, gi Zadọkụ onyẹ nchụn-ẹjan nọkin ẹnya Abiata.
36
Ịya eze nọ kpọ Shimei, sị a, “Tụnrụn ụlọ imẹ Jerusalẹm biri. Ka ejẹnkwọlẹ ebe ọwụlẹ.
37
I ma-ama, fetu Ọdanmgbugbu Kidrọnụ, marịnkwọ n'ị k'a nwụnrịrị. Ya wụ yụ gbu enwẹn i, ẹdeke i a rị ị isi.”
38
Shimei nọ sị eze, “Ihiẹn eze nwọnni m ku hụ mma. Mmẹ wụ odibo i jẹnkọ d'e mẹ kẹ eze nwọnni m dọn ku.” Ya Shimei nọ bibie imẹ Jerusalẹm.
39
Kanị mgbe ahụa ẹtọ gi ghafegụ, ya kẹ igbọn Shimei ẹbụọ nọ gbapụ, gbaburu Akishi nwa Maaka, eze alị Gatị; ozi nọ bịanị Shimei, sị “Imẹ Gatị kẹ igbọn i ndị hụ rị.”
40
Ya Shimei nọ nyinrin jaki ẹ, jẹn d'e kunrun Akishi imẹ Gatị d'a chọ igbọn ẹ ndị hụ, ya wụ, Shimei a gha Jerusalẹm pụ; ọ nọ welụa igbọn ẹ ndị hụ.
41
Mgbe wẹ gi gwa Solomọnụ nị Shimei gha Jerusalẹm jẹn Gatị, n'ọ lụahagụọzị,
42
eze nọ kpọ Shimei, sị a, “Ẹlẹ m mẹ i kun Osolobuẹ, gba ị mkpịnsịn-ẹka ẹnya, sị ị, ‘Ụhụọhịn ị k'a gha Jerusalẹm pụ, jẹn ebe ọwụlẹ, yụ marịnkwọ n'ị k'a nwụnrịrị’? Ya ị nọ sị m ụhụọhịn hụ, ‘Ihiẹn i ku hụ mma. M jẹnkọ d'e mẹ k'i dọn ku.’
43
Kị haịn nwan i gilẹni mẹzu ihiẹn i kunni Osolobuẹ, mẹ ihiẹn m sị ị mẹ?”
44
Eze nọ sịzị Shimei, “Imẹ obi i, y'a marịnghọ njọ ile i mẹ nẹdi m wụ Defidi. Osolobuẹ jẹnkọ nwan d'a kụ ị ụgwọ njọ i mẹ.
45
Kanị Osolobuẹ k'a gọzi mmẹ wụ Eze Solomọnụ; ukpo Defidi k'e turusọnmẹ ihun Osolobuẹ.”
46
Ya kẹ eze nọ zi Bẹnaya nwa Jehoyada, ọ nọ we Shimei pụ, gbu ẹ. Ya kẹ ọkịkị nọ banchanrịn Solomọnụ ẹka.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22