Deuteronomy 12

Mien Bible (Thai Script) © Thailand Bible Society, 2007

← Chapter 11 Jump to: Chapter 13 →

1น้าย เซ เม่ย บัว เปียะ มี่ง เยียม เฒี้ยว, เม่ย บัว เญย อง-ถาย เญย ทิน-ฮู่ง, จิว ปุน เป๋น เม่ย บัว เญย ป่วน เต่ย-ปูง, ตะฟ่าน หธ่อ เฒี่ยง เจี๊ยน เญย เฒี่ยง โห่, อ๋อย หฒุ กัน หลง เญย เล์ย-หลัด เหธา เล์ย.

2เม่ย บัว อ๋อย หฒุ เหมียด เหฑ่ง เม่ย บัว หฒุ่น ธ้วด วั้ว เต๋ย ฝีงๆ เมี่ยน หฒั่ง เฒี่ยน เญย นอมๆ ต๋อง, ไม้ กุ๊น เยียม บง-ฮลัง บง-ไอ๊ ไฟ ติ้วๆ เดี๋ยง-เญี์ยม กะเดี๊ย.

3อ๋อย หฒุ แธะ นิ่น บัว เญย เหฒี่ย-ต้อง, เบ๊าะ ฮู้ นิ่น บัว เญย หละเปย๊ย-ต่ง, หล่ง โต์ว ปั๊ว เหมียด อาเซลา เฒี่ยน เญ์ย เญย ฝัง. ฮงะ หว่าย เหฑ่ง นิ่น บัว เญย เฒี่ยน เญย หมิ่ว-ฝัง, ปุน เยียม วั้ว เต๋ย ต๋อง ฒู้ง ไม้ ม่าย วั้ว เต๋ย เฒี่ยน เญย บั๋ว.

4เม่ย บัว หฒั่ง เฒี้ยว, เม่ย บัว เญย ทิน-ฮู่ง, ไม้ ตู๋ง ฮนั้ง นิ่น บัว หฒั่ง นิ่น บัว เญย เฒี่ยน นอ.

5เฒี้ยว, เม่ย บัว เญย ทิน-ฮู่ง, อ๋อย เยียม เม่ย บัว ฝีงๆ บุด๋ง กิ๊น นอม ต๋อง เหว่ย เหลียบ นิ่น เญย เม่ง หย่า เป๋น นิ่น กั้น เยียม เญย ต๋อง. เม่ย บัว อ๋อย หฒุ มี่ง วั้ว ล์อ นิ่น, หฒั่ง นิ่น.

6เม่ย บัว อ๋อย หฒุ ต้อ เม่ย บัว ฝ่ง ห่อ เหฒี่ย เญย กะน้าย มี่ง วั้ว. เซ ต้อ เม่ย บัว ปั๊ว เหฒี่ย เญย เหธา ฝ่ง ห่อ เหฒี่ย เญย, เม่ย บัว เหฒียบ โก๊ว เญย เหยียด โก๊ว, เหธา เหล่ง เจ๊ย ฝ่ง ห่อ เญย, จ๊าว ซูง แล์ง แหง่ง หว่า เหฒี่ย เญย, ธ้วด ฟิม เหฒี่ย เญย, เหธา เม่ย บัว เญย ง่ง กวั้น ปะกี ยู่ง กวั้น เญย ต้าว ทอย ตอน.

7เม่ย บัว เหธา เม่ย บัว เญย ฮมวั้ง ต่อย อ๋อย หฒุ เยียม วั้ว นอม ต๋อง, เฒี้ยว, เม่ย บัว เญย ทิน-ฮู่ง เญย หฑะเฮมียน, หญั่น หย่า เฌียน-โย่ว อะเฮน้ย เม่ย บัว กั้น เญย ปั์ว โหฒว ธ้วด เญย หญู่งๆ กะน้าย. เซ เฒี้ยว, เม่ย บัว เญย ทิน-ฮู่ง เหธย ฟุ ปุน เม่ย บัว.

8เยียม วั้ว เญย เฒี่ยง โห่, เม่ย บัว ไม้ ตู๋ง โหฒว ฮนั้ง บัว อี้ หฒั่น เยียม น้าย โหฒว เญย นอ, เซ เก๊าะ-เมี่ยน โหฒว หฒิว เก๊าะ-เมี่ยน ปวัด หอบ หฒุ โหฒว เญย,

9เหว่ย หฒุ เม่ย บัว ไม้ แก้ง เถา ฮิด ขวน ต๋อง, เซ เฒี้ยว, เม่ย บัว เญย ทิน-ฮู่ง, ปุน เม่ย บัว หฑิบ เญย ต๋อง.

10มป่า เม่ย บัว เจี๋ย จอแดน ด้าย, เยียม เฒี้ยว, เม่ย บัว เญย ทิน-ฮู่ง, อ๋อย ปุน เม่ย บัว หฑิบ เญย เต่ย-ปูง วั้ว หฒั่น, นิ่น อ๋อย ปุน เม่ย บัว ตุ๊ ฮิด ขวน, ไม้ หฒุ เว่ย ก๋อม เญย วิน-วั้ง ห่อย, เม่ย บัว ฯฒฯ ตุ๊ ถาย-แป้ง เญย เยียม.

11อ๋อย หฒุ มี่ง เฒี้ยว, เม่ย บัว เญย ทิน-ฮู่ง, อ๋อย กิ๊น ต้าย เหลียบ นิ่น เญย เม่ง วั้ว นอม ต๋อง. อ๋อย หฒุ ต้อ เยีย บั๋ว เม่ย บัว เญย หญู่งๆ กะน้าย, เซ ปั๊ว เหฒี่ย เญย เหธา ฝ่ง ห่อ เหฒี่ย เญย, เม่ย บัว เหฒียบ โก๊ว เญย เหยียด โก๊ว เหธา ธ้วด ฟิม ฝ่ง ห่อ เญย กะน้าย, เหธา เหฒี่ย เหว่ย จ๊าว ซูง แล์ง แหง่ง หว่า เญย เหยียด ฒู้ง กะน้าย.

12อ๋อย หฒุ เยียม วั้ว นอม ต๋อง, เฒี้ยว, เม่ย บัว เญย ทิน-ฮู่ง เญย หฑะเฮมียน, เฌียน-โย่ว ออน-เหลาะ. เลี่ยม เม่ย บัว กั้น เหธา เม่ย บัว เญย น่าม โญ์ว, โน่ว เก๊า โน่ว เป์ย, เหธา เยียม เม่ย บัว เญย ฒี่ง เญย เลวี เมี่ยน, เหว่ย หฒุ เลวี เมี่ยน ไม้ ตุ๊ เหธา เม่ย บัว ปุน ฆอย เญย ป่วน หย่า ไม้ ม่าย นิ่น บัว กั้น หฑิบ เญย ป่วน.

13อ๋อย หฒุ บู้ง หลง, ไม้ ตู๋ง เซว่ย กั้น ล์อ ต๋อง ปั๊ว กะน้าย เหฒี่ย ปุน เฒี้ยว.

14เฒี้ยว เยียม เม่ย บัว เญย เหยียด ฝีง บุด๋ง กิ๊น วั้ว นอม ต๋อง, เม่ย บัว ขูง อ๋อย หฒุ เยียม วั้ว ฝ่ง ห่อ กะน้าย ปั๊ว เหฒี่ย ปุน นิ่น. เยียม วั้ว นอม ต๋อง หย่า อ๋อย หฒุ เอย เยีย บั๋ว เม่ย บัว เญย หญู่งๆ โหฒว เหฑ่ง.

15มป่า เยียม เม่ย บัว เญย หาย นอม มู้ง เซว่ย เอ๋ย ไต๋ แซง-คู้ หญั่น หย่า ตุ๊, หฒิว เฒี้ยว, เม่ย บัว เญย ทิน-ฮู่ง, เหธย ฟุ ปุน เม่ย บัว. ไม้ กุ๊น เมี่ยน ม่าย หวุย ไฟ ไม้ ม่าย หวุย, หญั่น ตุ๊ เญย ฮนั้ง จูง ไฌ่ นอ.

16มป่า ไม้ ตู๋ง หญั่น แซง-คู้ เญย ฑย้าม. อ๋อย หฒุ โต๋ กะเดี๊ย เดา ฮนั้ง โต๋ ววม นอ.

17เม่ย บัว ฝ่ง ห่อ เหฒียบ โก๊ว เญย เหยียด โก๊ว ล่าง หฒิ, เซียง-อะหงุ่น ติ๊ว ไฟ กะลั้น โย่ว ไฟ เม่ย บัว เญย ง่ง กวั้น ยู่ง กวั้น เญย ต้าว ทอย ตอน, ไฟ เม่ย บัว เหฒี่ย เหว่ย จ๊าว ซูง แล์ง เญย แหง่ง หว่า, ไฟ ธ้วด ฟิม ฝ่ง ห่อ เญย, ไฟ เหล่ง เจ๊ย ฝ่ง ห่อ เญย หาย หญู่ง, ไม้ ตู๋ง เยียม กั้น เญย มู้ง หญั่น.

18ฒู้ง อ๋อย หฒุ เยียม เฒี้ยว, เม่ย บัว เญย ทิน-ฮู่ง, เญย หฑะเฮมียน หญั่น, เซ เยียม เฒี้ยว อ๋อย กิ๊น ต้าย เญย ต๋อง, เลี่ยม เม่ย บัว กั้น, เหธา เม่ย บัว เญย น่าม โญ์ว, เม่ย บัว เญย โน่ว เก๊า โน่ว เป์ย, เหธา เยียม เม่ย บัว เญย มู้ง เญย เลวี เมี่ยน. อ๋อย หฒุ เยียม เฒี้ยว, เม่ย บัว เญย ทิน-ฮู่ง, เญย หฑะเฮมียน เฌียน-โย่ว อะเฮน้ย เม่ย บัว เญย ปั์ว โหฒว ธ้วด เญย หญู่งๆ.

19ตะฟ่าน เม่ย บัว เยียม วั้ว นอม เต่ย-ปูง อ๋อย หฒุ จั๋ง หลง, ไม้ ตู๋ง หละคุ เลวี เมี่ยน.

20เฒี้ยว, เม่ย บัว เญย ทิน-ฮู่ง, หฒิว นิ่น เหธา เม่ย บัว แล์ง เญย หว่า ธับ เม่ย บัว เญย กั๊บ-จ๋าย จั๊ง เจี๊ยน ธ้วด วั้ว หฒั่น, เม่ย บัว ไฮ์ หง่อ อ๊อ ฯฒฯ ก๊อง, “เยีย ไฮ์ อ๋อย หญั่น อ๊อ.” เม่ย บัว ไฮ์ อ๋อย หญั่น บัวะ เหฒีย กุ๊น หญั่น อ๊ะ.

21สี ก๊อง เฒี้ยว, เม่ย บัว เญย ทิน-ฮู่ง, กิ๊น ต้าย เหลียบ นิ่น เญย เม่ง วั้ว นอม ต๋อง เล่ย เม่ย บัว โก เญย, กุ๊น หฒิว เยีย บั๋ว เญย หว่า เฒาะ เฒี้ยว เหธย ปุน เม่ย บัว เญย ง่ง กวั้น ยู่ง กวั้น เญย แซง-คู้ ต้าย ไต๋, เซว่ย ปิ่น เยียม กั้น เญย มู้ง หญั่น.

22หญั่น น้าย เต๋ย อ๊อ อ๋อย หฒุ หญั่น ฮนั้ง จูง ไฌ่ นอ. ม่าย หวุย เญย เมี่ยน เหธา ไม้ ม่าย หวุย เญย หญั่น ตุ๊ เญย.

23มป่า เม่ย บัว ด่ง หาย ฒู้ง ไม้ ตู๋ง หญั่น ฑย้าม เหว่ย หฒุ ฑย้าม ปุน นิ่น ม่าย แหม่ง. ไม้ ตู๋ง เฒาะ ฑย้าม เหธา เจี๊ยน อ๊อ หญั่น.

24ไม้ ตู๋ง หญั่น ฑย้าม. อ๋อย หฒุ โต๋ กะเดี๊ย เดา ฮนั้ง โต๋ ววม นอ.

25ไม้ ตู๋ง หญั่น ฑย้าม. ฮนั้ง หน่าย เม่ย บัว เหธา เม่ย บัว เญย เฒ้ย-ฟุน ฯฒฯ ตุ๊ หลง, เหว่ย หฒุ เฒี้ยว ปวัด เม่ย บัว โหฒว ตุ๊ หอบ.

26มป่า เม่ย บัว ฝูง ปุน เฒี้ยว เญย ธีง-เหฑ่ง กะน้าย เหธา จ๊าว ซูง แล์ง แหง่ง หว่า เหฒี่ย เญย กะน้าย อ๋อย หฒุ ต้อ มี่ง เฒี้ยว อ๋อย กิ๊น ต้าย วั้ว นอม ต๋อง.

27เฒาะ เม่ย บัว ปั๊ว เหฒี่ย เญย กะน้าย, เลี่ยม อ๊อ เลี่ยม ฑย้าม, อัน เฒี้ยว, เม่ย บัว เญย ทิน-ฮู่ง เญย เหฒี่ย-ต้อง กู้ หงว่าย. เม่ย บัว เหฒี่ย เญย กะน้าย อ๋อย หฒุ โต๋ ฑย้าม เยียม เฒี้ยว, เม่ย บัว เญย ทิน-ฮู่ง, เญย เหฒี่ย-ต้อง กะเฮลน. มป่า อ๊อ เม่ย บัว กั้น หญั่น ตุ๊ เญย.

28อ๋อย หฒุ เหฒียบ ฒัวะ เญย กัน หลง เยีย พ้าย เม่ย บัว น้าย เต๋ย เหยียด ฒู้ง เล์ย, เม่ย บัว เหธา เม่ย บัว เญย เฒ้ย-ฟุน หธีง ต้าย เหยียด ลิ์ว ตุ๊ หลง เหว่ย หฒุ เอย เฒี้ยว, เม่ย บัว เญย ทิน-ฮู่ง, หมั่ง, เม่ย บัว โหฒว ตุ๊ หลง หย่า โหฒว ตุ๊ หอบ.

29เฒี้ยว, เม่ย บัว เญย ทิน-ฮู่ง, อ๋อย เยียม เม่ย บัว เญย วั้ว ด่าง แหมง ไพ กวั่ง เม่ย บัว อ๋อย เปียะ มี่ง หฒุ่น ธ้วด วั้ว เต๋ย ฝีงๆ เมี่ยน. เม่ย บัว หฒุ่น นิ่น บัว ธ้วด ลิ์ว แอ๋ง เยียม เจี๊ยน นิ่น บัว เญย เต่ย-ปูง วั้ว หฒั่น,

30อ๋อย หฒุ ไฝ ฟิม. ไม้ ตู๋ง หฒวด นิ่น บัว เญย หญู่ง ฯฒฯ หฒุ ฮนั้ง โขว นอ, ฮลบ เจี๊ยน เม่ย บัว. นิ่น บัว เยียม เม่ย บัว เญย หฑะเฮมียน หฒุ เหมียด ลิ์ว, ไม้ ตู๋ง หน่าย เถา นิ่น บัว เญย เฒี่ยน เญย เจ๊า-โหล่ว ฯฒฯ ก๊อง, “น้าย เต๋ย ฝีงๆ เมี่ยน ฮนั้ง หาย นอ หฒั่ง นิ่น บัว เญย เฒี่ยน? เยีย บัว หย่า อ๋อย ฮนั้ง วั้ว นอ โหฒว.”

31เม่ย บัว หฒั่ง เฒี้ยว, เม่ย บัว เญย ทิน-ฮู่ง, ไม้ ตู๋ง ฮนั้ง นิ่น บัว นอ โหฒว, เหว่ย หฒุ นิ่น บัว หฒั่ง นิ่น บัว เญย เฒี่ยน นิ่น บัว โหฒว เฒี้ยว ฑอง เญย หญู่งๆ โหยว ไห่, กั้ม เฑี้ย ไห่ เญย สี่. นิ่น บัว ฒู้ง เฒาะ กั้น เญย น่าม โญ์ว หล่ง โต์ว ปั๊ว เหฒี่ย ฝ่ง ห่อ ปุน นิ่น บัว เญย เฒี่ยน.

32ตะฟ่าน เยีย หัด เม่ย บัว เญย หญู่งๆ อ๋อย หฒุ เอย เจี๊ยน โหฒว. ไม้ ตู๋ง จา ทิม หย่า ไม้ ตู๋ง จั๊ม ธ้วด.

← Chapter 11 Jump to: Chapter 13 →