Deuteronomy 26

Mien Bible (Thai Script) © Thailand Bible Society, 2007

← Chapter 25 Jump to: Chapter 27 →

1เม่ย บัว ตุ๊ เปียะ มี่ง เยียม เจี๊ยน เฒี้ยว, เม่ย บัว เญย ทิน-ฮู่ง, จิว ปุน เม่ย บัว หฑิบ เญย เต่ย-ปูง,

2เยียม เฒี้ยว, เม่ย บัว เญย ทิน-ฮู่ง, เหธย ปุน เญย เดา เซียว ต้าย เญย หญู่งๆ ต้าว ถอง ธุน-แกง, เหยียด หญู่ง เฒาะ เต๋ย, ตั๊บ เจี๊ยน ดาน. อ๋อย หฒุ มี่ง เฒี้ยว, เม่ย บัว เญย ทิน-ฮู่ง, กิ๊น ต้าย เหลียบ นิ่น กั้น เญย เม่ง วั้ว นอม ต๋อง,

3หย่า อ๋อย หฒุ บั๋ว ต๋อย วั้ว นอม เฒี่ยง โห่ โหฒว ไซ เมี่ยน วั้ว เต้า, “อี้ ฮนอย เยีย บั๋ว เฒี้ยว, เม่ย เญย ทิน-ฮู่ง, เยีย ต้าย เถา เฒี้ยว เหธา บัว เญย อง-ถาย-แงะ โฮ้ว เจี๊ยน แล์ง จิว ปุน บัว เญย เต่ย-ปูง อ๊ะ.”

4ไซ เมี่ยน ฯฒฯ ฒิบ เม่ย บัว โป้ว เจี๊ยน เญย ดาน อัน เจี๊ยน เฒี้ยว, เม่ย บัว เญย ทิน-ฮู่ง, เญย เหฒี่ย ต้อง หฑะเฮมียน แหมง.

5เม่ย บัว อ๋อย หฒุ แอ๋ง เยียม เฒี้ยว, เม่ย บัว เญย ทิน-ฮู่ง, เญย หฑะเฮมียน เหญี่ยม ก๊อง, “เยีย เญย อง-ถาย-แงะ เซ อาลัม เมี่ยน. นิ่น โย่ว เจี๊ยน มี่ง เหฌี่ย เถา อียิบ เต่ย-ปูง, เยียม เจี๊ยน วั้ว. นิ่น เญย เมี่ยน โหฒะ เญย. ฆะฮ้า นิ่น บัว หฮยาง ต้าย เป๋น เหยียด ฝีง โฮล เญย, เฮ้น เญย, เมี่ยน ธั้ม เญย.

6มป่า อียิบ เมี่ยน โหฒว โตะ ปุน เยีย บัว, ปุน เยีย บัว เสี่ยว โค้ว, หย่า ห่อย โหฒว กง เฮนี้ย.

7เยีย บัว ชะ โท้ เฒี้ยว, เยีย บัว เญย อง-ถาย เญย ทิน-ฮู่ง. เฒี้ยว หย่า ไฮ์ เยีย บัว โท้ เญย หว่า, หย่า ปวัด เยีย บัว เญย หน่าน ฒี่ง, โหฒว กง โค้ว, หฒุ นิ่น บัว ห่อย.

8เฒี้ยว ฯฒฯ หล่ง เฮ้น ไห่ เญย ปั์ว, หล่ง ต้ม ชะ, หล่ง กั้ม เหฑีย เญย สี่ เหธา บัวะ ฮ่อง เญย สี่ เหธา จั๋ง-โห่ ต้อ เยีย บัว ธ้วด อียิบ เต่ย-ปูง.

9นิ่น ต้อ เยีย บัว เถา น้าย นอม ต๋อง, เฒาะ น้าย นอม เต่ย-ปูง ปุน เยีย บัว, เซ เดา-โท้ว หลง เญย เต่ย-ปูง.

10โอ เฒี้ยว อ่า, อี้ หฒั่น เยีย ต้อ เม่ย เหธย ปุน เยีย บัว เญย เดา ธ้วด เญย ต้าว ถอง ธุน-แกง ต้าย ฝ่ง ห่อ ปุน เม่ย.” ก๊อง ลิ์ว ฯฒฯ เฒาะ เม่ย บัว เญย ดาน อัน เจี๊ยน เฒี้ยว, เม่ย บัว เญย ทิน-ฮู่ง เญย หฑะเฮมียน, แอ๋ง ป๋าย นิ่น.

11เม่ย บัว เหธา เลวี เมี่ยน เหธา เยียม เม่ย บัว บุด๋ง เญย กั้น ฝีง เมี่ยน อ๋อย หฒุ เฌียน-โย่ว ออน-เหลาะ เหว่ย เฒี้ยว, เม่ย บัว เญย ทิน-ฮู่ง, เหธย ปุน เม่ย บัว เหธา เม่ย บัว เญย เปย๊า ฒง เมี่ยน เญย เหยียด ฒู้ง.

12โม์ว หฑุ่น ปวั๊ง ปัว หฮญัง วั้ว หฮญัง, เซ เซียว เหฒียบ โก๊ว เญย เหยียด โก๊ว เญย หฮญัง, อ๋อย หฒุ เฒาะ ธ้วด เม่ย บัว เซียว เหฒียง เหยียด ฒู้ง ธุน-แกง เหฒียบ โก๊ว เญย เหยียด โก๊ว, ปุน เลวี เมี่ยน, กั้น ฝีง เมี่ยน, กู้ ฮั่น ฝุเจว๊ย เหธา เอ๊า-กว๊า, เหว่ย ปุน นิ่น บัว เยียม เม่ย บัว เญย มู้ง ตุ๊ หญั่น เป๊ว.

13อ๋อย หฒุ ก๊อง บั๋ว เฒี้ยว, เม่ย บัว เญย ทิน-ฮู่ง, “เยีย เยียม เปย๊า เฒาะ ธ้วด ธีง-เหฑ่ง เญย ป่วน กะน้าย ปุน เลวี เมี่ยน เหธา กั้น ฝีง เมี่ยน, กู้ ฮั่น ฝุเจว๊ย เหธา เอ๊า-กว๊า หฒิว เม่ย หัด เญย หว่า. เม่ย เญย เหยียด ฒู้ง เล์ย-หลัด เยีย ไม้ แหง่ง หย่า ไม้ หละคุ.

14เหว่ย เมี่ยน ไต่ เยีย เฑ่า เญี้ยม เญย เฒี่ยง โห่ เยีย ไม้ หญั่น น้าย เต๋ย ธีง-เหฑ่ง กะน้าย. ม่าย หวุย เญย เฒี่ยง โห่ เยีย ไม้ ต้อ น้าย หญู่ง ธีง-เหฑ่ง เญย กะน้าย ธ้วด เปย๊า หย่า ไม้ ฝ่ง ห่อ หาย หญู่ง ปุน ไต่ มี่ง เญย เมี่ยน. เยีย หมวัง เฒี้ยว, เยีย เญย ทิน-ฮู่ง, เญย หว่า, เอย เจี๊ยน เม่ย บั๋ว เยีย เญย เหยียด ฒู้ง.

15โท้ เฒี้ยว เยียม กู้ หงว่าย ลู่ง, เม่ย เญย ธีง-เหฑ่ง ต๋อง, หมั่ง เหฌี่ย เหธย ฟุ ปุน เม่ย เญย แปะ ฝีง, อิสะลาเอน เมี่ยน, หย่า เหธย ฟุ ปุน เม่ย จิว ปุน เยีย บัว เญย เต่ย-ปูง, ฮนั้ง เม่ย โฮ้ว เจี๊ยน เหธย ปุน เยีย บัว เญย อง-ถาย วั้ว นอม เดา-โท้ว หลง เญย เต่ย-ปูง.”

16อี้ ฮนอย เฒี้ยว, เม่ย บัว เญย ทิน-ฮู่ง, หัด เม่ย บัว กัน เหฑ่ง น้าย เต๋ย เล์ย-หลัด เหธา เล์ย. เหว่ย น้าย อ๋อย หฒุ หล่ง เหฑ่ง เฮญี้ยว, หล่ง เหฑ่ง หฒะเอ๋ย เอย เจี๊ยน โหฒว.

17อี้ ฮนอย เม่ย บัว เหญี่ยม เฒี้ยว โหฒว เม่ย บัว เญย ทิน-ฮู่ง, แล์ง ยั่ง นิ่น เญย โต์, เอย เจี๊ยน นิ่น เญย เล์ย-หลัด, เหธา หลี่ง, เหธา เล์ย หย่า หมวัง นิ่น เญย หว่า.

18อี้ ฮนอย เฒี้ยว หย่า เหญี่ยม เม่ย บัว โหฒว นิ่น เญย เมี่ยน, หฒิว นิ่น เหธา เม่ย บัว แล์ง เญย หว่า ปุน เม่ย บัว เป๋น นิ่น กั้น เญย แปะ ฝีง. เม่ย บัว หย่า อ๋อย หฒุ เอย เหฑ่ง นิ่น เญย เหยียด ฒู้ง หลี่ง.

19เฒี้ยว อ๋อย ปุน เม่ย บัว เก้า โฮล เจี๋ย นิ่น เหฒย ต้าย เญย หม่าน ฝีง หย่า เหว่ย เม่ย บัว ปุน เมี่ยน เธง, ปุน เมี่ยน ท่าย นิ่น เญย บั๋ว. เม่ย บัว ฯฒฯ เป๋น เฒี้ยว, เม่ย บัว เญย ทิน-ฮู่ง, เญย ธีง-เหฑ่ง เมี่ยน ฮนั้ง นิ่น แล์ง วั้ว นอ.

← Chapter 25 Jump to: Chapter 27 →