Deuteronomy 13

Mien Bible (Thai Script) © Thailand Bible Society, 2007

← Chapter 12 Jump to: Chapter 14 →

1สี ก๊อง เยียม เม่ย บัว บุด๋ง ม่าย โต่ว หว่า เมี่ยน ไฟ ม่าย เบ๋ยๆ เญย เมี่ยน ธ้วด ต้าย ตอง เจี๊ยน เม่ย บัว ก๊อง นอม จั๋ง-โห่ ไฟ บัวะ ฮ่อง เญย สี่,

2วั้ว เต๋ย จั๋ง-โห่ ไฟ บัวะ ฮ่อง เญย สี่ หย่า ธ้วด ต้าย เฒียน, นิ่น ฯฒฯ ก๊อง, “บัว มี่ง กัน กั้น เต้า เฒี่ยน เอาะ?” (ต้ง เม่ย บัว ไม้ ฮิ้ว ตุ๊ เญย เฒี่ยน,) “บัว หย่า มี่ง หฒั่ง วั้ว เต๋ย เฒี่ยน ม่าะ!”

3ไม้ ตู๋ง หมวัง วั้ว เต้า โต่ว หว่า เมี่ยน ไฟ เบ๋ยๆ เญย เมี่ยน เญย หว่า. เฒี้ยว, เม่ย บัว เญย ทิน-ฮู่ง, เสย เม่ย บัว เญย เฮญี้ยว หมั่ง ก๋า, เม่ย บัว หล่ง เหฑ่ง เฮญี้ยว, หล่ง เหฑ่ง หฒะเอ๋ย ฮนั้ม เฒี้ยว, เม่ย บัว เญย ทิน-ฮู่ง, เฒ์ย ไฟ ไม้ เฒ์ย.

4เม่ย บัว อ๋อย หฒุ กัน เฒี้ยว, เม่ย บัว เญย ทิน-ฮู่ง, ท่าย นิ่น, เอย เจี๊ยน นิ่น เญย เล์ย-หลัด, หมวัง นิ่น เญย หว่า, ฟู-สู นิ่น, เขา ว้วน นิ่น.

5มป่า อ๋อย หฒุ เฒาะ วั้ว เต้า โต่ว หว่า เมี่ยน ไฟ เบ๋ยๆ เญย เมี่ยน ไต๋ กวั่ง เหว่ย หฒุ นิ่น หฌาว เม่ย บัว แหง่ง เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อียิบ เต่ย-ปูง หย่า หฒัวะ เม่ย บัว เล่ย ดุ๊ด หฒุ โหฒว โน่ว เญย ต๋อง, วั้ว เต้า ทิน-ฮู่ง. น้าย หญู่ง เมี่ยน เซ หว่าย ไห่, เอ๊าะ ไห่, อ๋อย ดั๊ว เม่ย บัว กวั่ง เฒี้ยว, เม่ย บัว เญย ทิน-ฮู่ง, หัด เญย เจ๊า. อ๋อย หฒุ เฒาะ นิ่น ไต๋ กวั่ง ฯฒฯ ปุน เยียม เม่ย บัว บุด๋ง ไม้ ม่าย น้าย หญู่ง เอ๊าะ สี่.

6สี ก๊อง เม่ย บัว เญย ก๋อ ไฟ โย์ว, ตอน ไฟ เซียะ, ไฟ ฮนั้ม ไห่ เญย เอ๊า, ไฟ เก้า หฒัวะ เจี๋ย เญย โล์-แกง ต่อย, เป่ย เดี๊ย หยัวะ เม่ย บัว ฯฒฯ ก๊อง, “บัว มี่ง หฒั่ง กั้น เต้า เฒี่ยน เอาะ?” (เซ เม่ย บัว กั้น เหธา เม่ย บัว เญย อง-ถาย ไม้ ฮิ้ว ตุ๊ เญย เฒี่ยน,

7ต้ง เยียม เว่ย ก๋อม เม่ย บัว วั้ว เต๋ย ฝีงๆ เมี่ยน หฒั่ง เญย, ไม้ กุ๊น นิด เม่ย บัว ฟัด ไฟ เล่ย เม่ย บัว โก, เยียม น้าย ปูง ลู่ง กอน เถา วั้ว ปูง ลู่ง กอน เญย เฒี่ยน,)

8ไม้ ตู๋ง เอย นิ่น หย่า ไม้ ตู๋ง หมวัง นิ่น เญย หว่า. ไม้ ตู๋ง ค้อ-เลี่ยน นิ่น. ไม้ ตู๋ง เลี่ยว นิ่น เญย แหม่ง หย่า ไม้ ตู๋ง เถง นิ่น ปี๋ง.

9เม่ย บัว ฒู้ง อ๋อย หฒุ ไต๋ นิ่น. เม่ย บัว กั้น อ๋อย หฒุ เหฌี่ย ปั์ว ด่าง, ฆะฮ้า หฒวัง เมี่ยน หย่า เหฌี่ย ปั์ว เถง เจี๊ยน ไต๋.

10อ๋อย หฒุ หล่ง หละเปย๊ย ฒง ไต่ นิ่น เหว่ย หฒุ นิ่น ล์อ ฉัง ดั๊ว เม่ย บัว กวั่ง เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อียิบ เต่ย-ปูง หฒุ โหฒว โน่ว เญย ต๋อง.

11ฮนั้ง หน่าย, อิสะลาเอน เญย หฒวัง เมี่ยน หมวัง ไฮ์ น้าย เต๋ย สี่ ฯฒฯ กั้ม เหฑีย. เยียม เม่ย บัว บุด๋ง เหยียด ลิ์ว ไม้ ม่าย หาย เต้า ก๊าม โหฒว น้าย เต๋ย หว่าย สี่.

12สี ก๊อง เม่ย บัว ไฮ์ ก๊อง เยียม เฒี้ยว, เม่ย บัว เญย ทิน-ฮู่ง, เหธย ปุน เม่ย บัว เญย หาย นอม ฒี่ง,

13เยียม นิ่น บัว กะญั์ว ม่าย เต๋ย เมี่ยน หว่าย เมี่ยน ธ้วด ต้าย หยัวะ กั้น เญย ป๊วน-ฒี่ง เมี่ยน. นิ่น บัว ก๊อง, “บัว มี่ง หฒั่ง กั้น เต้า เฒี่ยน เอาะ?” (ต้ง เม่ย บัว ไม้ ฮิ้ว ตุ๊ เญย เฒี่ยน.)

14สี ก๊อง เม่ย บัว ไฮ์ น้าย เต๋ย สี่, เม่ย บัว อ๋อย หฒุ หลงๆ เญย ฒิ่ม, ฒ่า หน่าย, หมั่ง ก๋า. ฮิ้ว ตุ๊ เฒียน ม่าย น้าย หญู่ง โหยว ไห่, กั้ม เฑี้ย ไห่ เญย สี่ เยียม เม่ย บัว บุด๋ง ธ้วด ต้าย,

15อ๋อย หฒุ หล่ง หฑุ ด๊าว ไต๋ เหฑ่ง วั้ว นอม ฒี่ง เญย เมี่ยน. เลี่ยม เมี่ยน เลี่ยม แซง-คู้ อ๋อย หฒุ เหมียด เหฑ่ง.

16อ๋อย หฒุ เฑ์า เหฑ่ง วั้ว นอม ฒี่ง เญย กะน้าย ดุย เจี๊ยน วั้ว นอม ฒี่ง เญย ต้ม หฒวัง หฒ่าม หล่ง โต์ว ปั๊ว. เลี่ยม ฒี่ง เลี่ยม วั้ว เต๋ย กะน้าย อ๋อย หฒุ ปั๊ว ชุย เหฑ่ง, โหฒว ปั๊ว เหฒี่ย ปุน เฒี้ยว, เม่ย บัว เญย ทิน-ฮู่ง เญย กะน้าย. อ๋อย หฒุ กวั่ง วั้ว นอม ฒี่ง เหยียด ลิ์ว เป๋น ฒี่ง ฮวาง. ไม้ ตู๋ง แอ๋ง เซียง-เหลียบ เจี์ย.

17น้าย เต๋ย ฝูง ตั๋ง ปุน ทิน-ฮู่ง เญย กะน้าย ไม้ ตู๋ง เลี่ยว เหยียด เต๋ย เหว่ย กั้น หล่ง. เฒี้ยว ฯฒฯ ก๊อย เอ๋ย ไม้ เฉีย เจี์ย, ไม้ โน์ว เม่ย บัว, ฒู้ง ค้อ-เลี่ยน เม่ย บัว. นิ่น อ๋อย ค้อ-เลี่ยน เม่ย บัว, ปุน เม่ย บัว หฮยาง ต้าย, ฮนั้ง นิ่น เหธา เม่ย บัว เญย อง-ถาย โฮ้ว เจี๋ย นอ,

18สี ก๊อง เม่ย บัว หมวัง เฒี้ยว, เม่ย บัว เญย ทิน-ฮู่ง เญย หว่า, เอย เจี๊ยน เยีย อี้ ฮนอย จิว ปุน เม่ย บัว เญย เหยียด ฒู้ง เล์ย, หย่า หฒิว นิ่น หมั่ง, เม่ย บัว โหฒว ตุ๊ หอบ.

← Chapter 12 Jump to: Chapter 14 →