Deuteronomy 23

Mien Bible (Thai Script) © Thailand Bible Society, 2007

← Chapter 22 Jump to: Chapter 24 →

1ตะฟ่าน หฒุ อิม โต๊ เญย ไฟ หฒุ ลั่ม เบว์ย ต๋อง ก๊าด จวด เญย มจั่ง ตอน, ไม้ ตู๋ง ปุน เปียะ เฒี้ยว เญย เมี่ยน กั๊บ ฒุ้น เญย หวุ่ย.

2ทอย ต้าย เญย ฝุเจว๊ย, ไม้ ตู๋ง ปุน เปียะ เฒี้ยว เญย เมี่ยน กั๊บ ฒุ้น เญย หวุ่ย. เลี่ยม เหฌี่ย เถา เหฒียบ ต่อย เฒ้ย-ฟุน, ไม้ ตุ๊ เปียะ เฒี้ยว เญย เมี่ยน กั๊บ ฒุ้น เญย หวุ่ย.

3ตะฟ่าน อัมโมน เมี่ยน ไฟ โมอับ เมี่ยน, ไม้ ตู๋ง ปุน เปียะ เฒี้ยว เญย เมี่ยน กั๊บ ฒุ้น เญย หวุ่ย. เลี่ยม เหฌี่ย เถา นิ่น บัว เญย เหฒียบ ต่อย เฒ้ย-ฟุน, หย่า ไม้ ตุ๊ เปียะ.

4เม่ย บัว ธ้วด อียิบ เต่ย-ปูง วั้ว หฒั่น, น้าย เต๋ย อี ฝีง เมี่ยน ไม้ ต้อ หญั่น ฮบ, ไม้ ต้อ ววม ต้าย ฒิบ เม่ย บัว. นิ่น บัว ฒู้ง ธี้ง เยียม เมโสโปเตเมีย เญย เปโท ฒี่ง, เบโอ เญย ตอน, บาลาอัม, เหฒียว เม่ย บัว.

5มป่า เฒี้ยว, เม่ย บัว เญย ทิน-ฮู่ง, ไม้ หมวัง บาลาอัม เญย หว่า. ต๋าว หฑวน นิ่น ปุน วั้ว เต๋ย เหฒียว เญย หว่า ทิ้ว เป๋น ปวัง เญย หว่า, เหว่ย หฒุ เฒี้ยว, เม่ย บัว เญย ทิน-ฮู่ง, ฮนั้ม เม่ย บัว.

6เม่ย บัว เหยียด ลิ์ว เหยียด เสย ไม้ ตู๋ง เถง นิ่น บัว ตุ๊ แป้ง ออน ไฟ ตุ๊ หลง.

7ไม้ ตู๋ง ฑอง เอโดม เมี่ยน เหว่ย หฒุ นิ่น บัว โหฒว เม่ย บัว เญย ก๋อ-โย์ว. หย่า ไม้ ตู๋ง ฑอง อียิบ เมี่ยน เหว่ย หฒุ เม่ย บัว โหฒว กั้น ฝีง เมี่ยน เยียม เจี๋ย นิ่น บัว เญย เต่ย-ปูง.

8น้าย เต๋ย เมี่ยน เญย ตะฟาม ต่อย เฒ้ย-ฟุน ไฮ่ ตุ๊ เปียะ เฒี้ยว เญย เมี่ยน กั๊บ ฒุ้น เญย หวุ่ย.

9เม่ย บัว ธ้วด มี่ง เหธา วิน-วั้ง เบ๊าะ จ๋า, เยียม เธี้ยง เญย เฒี่ยง โห่ อ๋อย หฒุ ซิ้ม ฆอย หญู่งๆ ไฮ่ ปุน เม่ย บัว ม่าย หวุย เญย กะน้าย.

10สี ก๊อง เม่ย บัว เญย หาย เต้า เมี่ยน ลู่ง ม์วน หฒั่น เปว๋ย มฌ่อม ม่าย ไจ๋-หน่ง ธ้วด, นิ่น ฯฒฯ ม่าย หวุย. นิ่น อ๋อย หฒุ ธ้วด กะเหญี่ย ด๊บ-ลิ่ว เธี้ยง เยียม เจี๊ยน วั้ว.

11มป่า เถา ลู่ง ม์าน-หฮมวัง อ๋อย หฒุ หฑาว เหฑ่ง ซิน. เถา บะฮนอย ม้วด, เปียะ ด๊บ-ลิ่ว เธี้ยง ตุ๊ อ๊ะ.

12เยียม เม่ย บัว เญย เธี้ยง กะเหญี่ย แหมง อ๋อย หฒุ ตี่ง นอม ต๋อง โหฒว ไจ๊ ปั์ว เญย ต๋อง.

13อ๋อย หฒุ ม่าย ติ้ว ธิว เหธา เจี๊ยน เม่ย บัว เญย จา-สี่ อัน. หาย หฒั่น มี่ง ไจ๊ ปั์ว อ๋อย หฒุ หล่ง ธิว เว้ด ค้วด. ไจ๊ ลิ์ว ปั์ว, ฆะฮ้า แอ๋ง ปย๊บ เจี๊ยน.

14เฒี้ยว, เม่ย บัว เญย ทิน-ฮู่ง, เหธา เม่ย บัว เยียม เธี้ยง กะญั์ว เหว่ย เปว เจี๊ยน เม่ย บัว, เถง เม่ย บัว เบ๊าะ ฮี่ง เม่ย บัว เญย วิน-วั้ง. เหว่ย น้าย เม่ย บัว เญย เธี้ยง อ๋อย หฒุ ธีง-เหฑ่ง เหว่ย ปุน เฒี้ยว ไม้ ปวัด เยียม เม่ย บัว บุด๋ง ม่าย หาย หญู่ง ม่าย หวุย, ไล่ ฮลบ เญย กะน้าย ฯฒฯ เล่ย ฆอย เม่ย บัว.

15สี ก๊อง ม่าย เต้า โน่ว เปย๋า นิ่น เญย เฒี้ยว ฯฒฯ ต้าย เขา เม่ย บัว, ไม้ ตู๋ง เฒาะ นิ่น จิว ปุน นิ่น เญย เฒี้ยว.

16ปุน นิ่น เยียม เม่ย บัว บุด๋ง. อ๋อย เยียม หาย นอม มู้ง, หาย นอม ต๋อง, เซว่ย นิ่น กิ๊น. หย่า ไม้ ตู๋ง โหฒว โตะ ห่อย นิ่น.

17อิสะลาเอน เมี่ยน มจั่ง มเซียะ ไม้ ตู๋ง ม่าย หาย เต้า เยียม หฒั่ง เฒี่ยน เญย เปย๊า โหฒว หม่าย ป๊วน-ซิน เญย เมี่ยน.

18มจั่ง ไฟ มเซียะ หม่าย ป๊วน-ซิน ตุ๊ ต้าย เญย ญ่าน ไม้ ตู๋ง ต้อ เปียะ เฒี้ยว, เม่ย บัว เญย ทิน-ฮู่ง, เญย เปย๊า เหว่ย จ๊าว ซูง แล์ง เญย แหง่ง หว่า, เหว่ย หฒุ น้าย เต๋ย อี หญู่ง เมี่ยน, เฒี้ยว, เม่ย บัว เญย ทิน-ฮู่ง, โหยว! ไห่.

19ก๊า หาย หญู่ง ปุน เม่ย บัว เญย ก๋อ-โย์ว, ไม้ ตู๋ง หล่ง เหล่ย ฒิ่น, ไม้ กุ๊น ก๊า ญ่าน ไฟ หญั่น ฮบ ไฟ หาย หญู่ง ไฮ่ ตุ๊ เหล่ย ฒิ่น เญย กะน้าย.

20ก๊า ปุน กั้น ฝีง เมี่ยน เหว่ย หล่ง เหล่ย ตุ๊ เญย. มป่า ก๊า ปุน เหธา เม่ย บัว จวั่ง ฝีง เญย อิสะลาเอน เมี่ยน ก๋อ-โย์ว ไม้ ตู๋ง ก๊า เหว่ย หล่ง เหล่ย. ฮนั้ง หน่าย เม่ย บัว เปียะ อ๋อย เป๋น เม่ย บัว เญย ป่วน วั้ว นอม เต่ย-ปูง, เฒี้ยว, เม่ย บัว เญย ทิน-ฮู่ง, ฯฒฯ เหธย ฟุ เม่ย บัว เญย ปั์ว โหฒว เญย หญู่งๆ กง.

21สี ก๊อง เม่ย บัว แล์ง แหง่ง หว่า ปุน เฒี้ยว, เม่ย บัว เญย ทิน-ฮู่ง, ไม้ ตู๋ง ไง่, อ๋อย หฒุ จ๊าว, เหว่ย หฒุ เฒี้ยว, เม่ย บัว เญย ทิน-ฮู่ง, ด่ง หาย ฒู้ง อ๋อย อ๊าบ เม่ย บัว จ๊าว. ไม้ จ๊าว นอ, เป๋น ฒุ์ย หมี่ อ๊ะ.

22มป่า สี ก๊อง เม่ย บัว ซิ้ม เจี๊ยน, ไม้ แล์ง หาย หญู่ง, เม่ย บัว ฯฒฯ ไม้ ม่าย ฒุ์ย.

23เม่ย บัว เญย ฑุ่ย ก๊อง ธ้วด แล์ง หาย หญู่ง, หฒะเก้ง อ๋อย หฒุ เอย เจี๊ยน วั้ว หญู่ง โหฒว, เหว่ย หฒุ เซ เม่ย บัว กั้น ม่าย เฮญี้ยว แล์ง ปุน เฒี้ยว, เม่ย บัว เญย ทิน-ฮู่ง.

24สี ก๊อง เม่ย บัว เปียะ จวั่ง ล์าง เมี่ยน เญย อะหงุ่น หฮวีง, เซว่ย ปิ่น หญั่น อะหงุ่น เปี๊ยว, มป่า ไม้ ตู๋ง แก๊ะ ตั๊บ ดาน ต้อ หฑวน.

25สี ก๊อง เปียะ กั้น เต้า เมี่ยน เญย เบย้า เด่ย, หล่ง ปั์ว เนี้ยด เบย้า ต๊อ ฮลัด หญั่น ตุ๊ เญย, มป่า ไม้ ตู๋ง หล่ง หฑุ ลิ่ม ก๊าด.

← Chapter 22 Jump to: Chapter 24 →