Deuteronomy 34

Mien Bible (Thai Script) © Thailand Bible Society, 2007

← Chapter 33 Jump to:

1โมเซ ฯฒฯ เยียม โมอับ เดา-แป้ง ฝาว เนโบ บง เถา ปิดกา บง- นี้ง, เยียม เยลีโค ฒี่ง เญย ต๋อย-หง่าน. เยียม วั้ว เฒี้ยว ปุน นิ่น หมั่ง ก๋อม วั้ว นอม เต่ย-ปูง, เซ หมั่ง เยียม กิเลอาด เต่ย เถา ดาน ฒี่ง,

2นับทาลี เต่ย ฮวีง หฑวน เญย เหยียด ฒู้ง, หมั่ง เอฟาอิม เต่ย เหธา มะนัดเส เต่ย, หมั่ง ก๋อม ยูดา เต่ย มี่ง ไฟ ปูง เถา เมดิเตเลเนียน ค้อย,

3แอ๋ง หมั่ง เนเกบ เหธา เยลีโค ห่อง หฒั่ง เญย เดา-แป้ง, ตาว-หล่ม ฒี่ง มี่ง เถา โสอา ฒี่ง.

4เฒี้ยว ก๊อง บั๋ว โมเซ, “น้าย เซ เยีย โฮ้ว ปุน อับลาฮัม, ยาโค้บ เหธา อีสัก เญย เต่ย-ปูง. วั้ว หฒั่น เยีย ก๊อง, ‘เยีย อ๋อย จิว ปุน เม่ย บัว เญย เฒ้ย-ฟุน.’ อี้ หฒั่น เยีย ปุน เม่ย หมั่ง เหยียด เหมว่ย มป่า เม่ย ไม้ ตุ๊ เปียะ.”

5เฒี้ยว เญย โปว, โมเซ, ฯฒฯ เยียม โมอับ เต่ย-ปูง เกวย เสย ฮนั้ง เฒี้ยว ก๊อง วั้ว นอ.

6เฒี้ยว ฯฒฯ เฒาะ โมเซ เญย เซย หฒัง เจี๊ยน วั้ว โมอับ เต่ย, เยียม เบดเปโอ ฒี่ง ต๋อย-หง่าน เญย ฮ์อง, มป่า เถา อี้ จ๋า ฮนอย ไม้ ม่าย หาย เต้า ฮิ้ว ตุ๊ นิ่น เญย โฒ้ว เยียม หาย.

7โมเซ เกวย เสย วั้ว หฒั่น, นิ่น เญย หฮญัง-เจ๊ย ตุ๊ เหยียด แป๊ะ หญี่ เหฒียบ หฮญัง. นิ่น เญย มฒีง ไม้ แก้ง บั๊ว, นิ่น เญย ชะ หย่า ไม้ แก้ง ถุย.

8อิสะลาเอน เมี่ยน เยียม โมอับ เดา-แป้ง เหว่ย โมเซ เฑ่า เญี้ยม ฟ่า เหฒียบ ฮนอย, เถา นิ่น บัว เฑ่า เญี้ยม เญย เฒี่ยง โห่ ปวั๊ง.

9นุน เญย ตอน, โยซูวา, ม่าย ธง-เม่ง ปวั๊ง เฮญี้ยว, เหว่ย หฒุ โมเซ ต้อ ปั์ว มาน เจี๊ยน นิ่น. อิสะลาเอน เมี่ยน ฯฒฯ หมวัง นิ่น หย่า เอย เจี๊ยน เฒี้ยว พ้าย โมเซ เญย หว่า โหฒว.

10เยียม หน่าย ต้าย ไม้ ม่าย หาย เต้า โต่ว หว่า เมี่ยน ฮนั้ง โมเซ, เซ เฒี้ยว เหธา นิ่น เฮมียน ต๋อย เฮมียน ก๊อง หว่า.

11ไม้ ม่าย กั้น เต้า โต่ว หว่า เมี่ยน โหฒว บัวะ ฮ่อง เญย สี่ เหธา จั๋ง-โห่ ฮนั้ง เฒี้ยว พ้าย โมเซ ต๋อย อียิบ เต่ย-ปูง เญย ฟาโล ฮู่ง เหธา ฟาโล เญย เจียน เหธา นิ่น เญย กั๊วะ เญย แปะ ฝีง โหฒว.

12ไม้ ม่าย กั้น เต้า โต่ว หว่า เมี่ยน ฮนั้ง โมเซ เยียม อิสะลาเอน เหยียด หฒวัง เมี่ยน เญย หฑะเฮมียน ม่าย ต้ม ชะ โหฒว เหยียด ฒู้ง บัวะ ฮ่อง, กั้ม เหฑีย ไห่ เญย สี่.

← Chapter 33 Jump to: