Deuteronomy 24

Mien Bible (Thai Script) © Thailand Bible Society, 2007

← Chapter 23 Jump to: Chapter 25 →

1สี ก๊อง เมี่ยน หล่ง เจี๊ยน เอ๊า, ฆะฮ้า ไฮ์ ไม้ หอบ เฮญี้ยว นิ่น เญย เอ๊า เหว่ย หฒุ ปวัด นิ่น เญย เอ๊า โหฒว สี่ ไม้ เฒี่ยง ฮ่อง, โหฆ ฯฒฯ เฟี้ย เล่ย ไธ โซว ปุน เจี๊ยน นิ่น หย่า เห่ว นิ่น ธ้วด เปย๊า มี่ง อ๊ะ.

2สี ก๊อง เอ๊า ธ้วด เปย๊า มี่ง แอ๋ง หล่ง กั้น เต้า โหฆ,

3ตะเหญ่ย เต้า โหฆ หย่า ไม้ ฮนั้ม นิ่น แอ๋ง เฟี้ย เล่ย ไธ โซว ปุน นิ่น ฯฒฯ เห่ว นิ่น มี่ง หมี่ อ๊ะ, ไฟ ตะเหญ่ย เต้า โหฆ ไต่ หมี่ อ๊ะ,

4ต้าว เต้า โหฆ, ต้ง หฒุ่น นิ่น เปย๋า วั้ว เต้า, แอ๋ง หล่ง นิ่น โหฒว เอ๊า ไม้ ตุ๊ อ๊ะ, เหว่ย หฒุ วั้ว เต้า เอ๊า ม่าย หวุย. หฒิว เฒี้ยว หมั่ง, น้าย เซ กั้ม เฑี้ย ไห่, โหยว ไห่ เญย สี่. ไม้ ตู๋ง ปุน เฒี้ยว, เม่ย บัว เญย ทิน-ฮู่ง, จิว ปุน เม่ย บัว หฑิบ เญย เต่ย-ปูง หฒุ ม่าย ฒุ์ย.

5หล่ง เจี๊ยน เซียง-เอ๊า เญย เมี่ยน ไม้ ตู๋ง พ้าย นิ่น มี่ง โหฒว แปง, หย่า ไม้ ตู๋ง เห่ว นิ่น ดาม หาย หญู่ง ต้ม หฒวัง เญย กง. อ๋อย หฒุ ปุน นิ่น ตุ๊ เยียม เปย๊า เหยียด หฮญัง เหว่ย ปุน นิ่น เญย เอ๊า เฌียน-โย่ว.

6ไม้ ตู๋ง เฒาะ เมี่ยน เญย หม่อ ไฟ กู้ หงว่าย วั้ว แหมง หม่อ โหฒว ต๋อง-ต้าว เหว่ย หฒุ น้าย หญู่ง ต๋อง-ต้าว เซ เมี่ยน ยู์ง แหม่ง เญย กะน้าย.

7สี ก๊อง เฒาะ ตุ๊ เมี่ยน หนิ่ม เหธา นิ่น จวั่ง ฝีง เญย อิสะลาเอน เมี่ยน หล่ง โหฒว โน่ว ไฟ หม่าย นิ่น, วั้ว เต้า หนิ่ม เมี่ยน เญย เมี่ยน อ๋อย หฒุ ตี่ง ฒุ์ย ไต๋ ไต่. ฮนั้ง น้าย โหฒว ฯฒฯ ปุน เยียม เม่ย บัว บุด๋ง ไม้ ม่าย น้าย หญู่ง เอ๊าะ สี่.

8เมี่ยน ปุ๊ด ก้ม ฮู้ แป่ง, เม่ย บัว อ๋อย หฒุ เอย เจี๊ยน เลวี ไซ เมี่ยน บั๋ว เม่ย บัว เญย เหยียด ฒู้ง หว่า โหฒว. เยีย ฮนั้ง หาย นอ หัด นิ่น บัว, เม่ย บัว อ๋อย หฒุ ฮนั้ง วั้ว นอ โหฒว.

9อ๋อย หฒุ จั๋ง เจี๊ยน, ธ้วด อียิบ เต่ย-ปูง กัน เจ๊า ต้าย วั้ว หฒั่น, เฒี้ยว, เม่ย บัว เญย ทิน-ฮู่ง, ฮนั้ง หาย นอ โหฒว ปุน มิเลียม.

10เม่ย บัว ก๊า กะน้าย ปุน เมี่ยน, ไม้ ตู๋ง เปียะ นิ่น เญย เปย๊า เฒาะ นิ่น อ๋อย หล่ง โหฒว ต๋อง-ต้าว เญย กะน้าย.

11อ๋อย หฒุ เยียม กะเหญี่ย แหมง ฒั้ว ก๊า เม่ย บัว เญย กะน้าย วั้ว เต้า เมี่ยน กั้น ต้อ โหฒว ต๋อง-ต้าว เญย กะน้าย ธ้วด ต้าย ปุน เม่ย บัว.

12สี ก๊อง วั้ว เต้า เมี่ยน จ่ม ไห่, ไม้ ตู๋ง เซียว นิ่น หล่ง โหฒว ต๋อง-ต้าว เญย กะน้าย เจี๋ย ม์วน.

13บะฮนอย ม้วด เญย เฒี่ยง โห่ ฒู้ง อ๋อย หฒุ ฝูง หล่ง โหฒว ต๋อง-ต้าว เญย ต้ม ลุย หฑวน เหว่ย ปุน นิ่น ห่ม เจี๊ยน เปว๋ย หย่า ปวัง หว่า ปุน เม่ย บัว. หฒิว เฒี้ยว, เม่ย บัว เญย ทิน-ฮู่ง หมั่ง, เม่ย บัว โหฒว ตุ๊ หอบ.

14ไม้ ตู๋ง เควย ธี้ง ต้าย เญย เมี่ยน จ่ม เมี่ยน เหธา ตั๋ง-ต๋น เญย เมี่ยน, ไม้ กุ๊น จวั่ง อิสะลาเอน ฝีง เญย ก๋อ-โย์ว ไฟ เยียม เม่ย บัว เญย ฒี่ง เญย กั้น ฝีง เมี่ยน.

15ตะฟ่าน โหฒว กง เญย ฮนอย, บะฮนอย ไม้ แก้ง ม้วด เญย เฒี่ยง โห่, อ๋อย หฒุ ปุน นิ่น เญย กง-ฒิ่น, เหว่ย หฒุ นิ่น จ่ม ไห่, เขา กง-ฒิ่น ยู์ง แหม่ง. สี ก๊อง ไม้ ปุน นอ, นิ่น อ๋อย โก๋ เฒี้ยว. เม่ย บัว ฯฒฯ ม่าย ฒุ์ย อ๊ะ.

16ไม้ ตู๋ง เหว่ย ตอน-เจว๊ย โหฒว เญย ฒุ์ย ไต๋ เตี๋ย หม่า. หย่า ไม้ ตู๋ง เหว่ย เตี๋ย หม่า โหฒว เญย ฒุ์ย ไต๋ ตอน-เจว๊ย. เก๊าะ-เมี่ยน อ๋อย หฒุ เหว่ย เก๊าะ-เมี่ยน เญย ฒุ์ย หฒุ ไต่.

17ไม้ ตู๋ง เควย กั้น ฝีง เมี่ยน ไฟ กู้ ฮั่น ฝุเจว๊ย ปุน นิ่น บัว ไม้ ตุ๊ แป้ง ฟิม เญย ป่วน. หย่า ไม้ ตู๋ง เฒาะ เอ๊า-กว๊า เญย ต้ม ลุย โหฒว ต๋อง-ต้าว.

18จั๋ง เจี๊ยน เม่ย บัว เยียม อียิบ เต่ย-ปูง โหฒว เจี๋ย โน่ว, เฒี้ยว, เม่ย บัว เญย ทิน-ฮู่ง, หย่า หฒัวะ เม่ย บัว ธ้วด. เหว่ย น้าย เยีย หัด เม่ย บัว ฮนั้ง น้าย นอ โหฒว.

19เม่ย บัว เยียม เด่ย ก๊าด เบย้า หย่า หละคุ เบย้า เฒ้ย วั้ว เด่ย, ไม้ ตู๋ง ต๋าว ซิน มี่ง เฒาะ. ธิ่น นิ่น เยียม วั้ว เด่ย เป๋น กั้น ฝีง เมี่ยน เหธา กู้ ฮั่น ฝุเจว๊ย เหธา เอ๊า-กว๊า เญย ป่วน. ฮนั้ง หน่าย เฒี้ยว, เม่ย บัว เญย ทิน-ฮู่ง, อ๋อย เหธย ฟุ เม่ย บัว เญย ปั์ว โหฒว เญย เหยียด ฒู้ง กง.

20เม่ย บัว พยุ กะลั้น เปี๊ยว, เหฒ่ง เหฌี่ย เยียม ฆว่า เญย ไม้ ตู๋ง แอ๋ง มี่ง พยุ. อ๋อย หฒุ เลี่ยว ปุน กั้น ฝีง เมี่ยน เหธา กู้ ฮั่น ฝุเจว๊ย เหธา เอ๊า-กว๊า.

21เยียม อะหงุ่น หฮวีง แก๊ะ ลิ์ว อะหงุ่น เปี๊ยว, เหฒ่ง เหฌี่ย วั้ว เต๋ย ไม้ ตู๋ง แอ๋ง มี่ง แก๊ะ. อ๋อย หฒุ เลี่ยว เจี๊ยน ปุน กั้น ฝีง เมี่ยน เหธา กู้ ฮั่น ฝุเจว๊ย เหธา เอ๊า-กว๊า.

22อ๋อย หฒุ จั๋ง เจี๊ยน ฒิ่น ด่าง เม่ย บัว เยียม อียิบ เต่ย-ปูง โหฒว เจี๋ย โน่ว. เหว่ย น้าย เยีย หธีง หัด เม่ย บัว ฮนั้ง น้าย นอ โหฒว.

← Chapter 23 Jump to: Chapter 25 →