Deuteronomy 15

Mien Bible (Thai Script) © Thailand Bible Society, 2007

← Chapter 14 Jump to: Chapter 16 →

1โม์ว หฑุ่น ปวั๊ง เสี่ย หฮญัง วั้ว หฮญัง, เม่ย บัว อ๋อย หฒุ กวั่ง แฒะ.

2อ๋อย หฒุ ฮนั้ง น้าย นอ โหฒว. เต้าๆ แฒะ-เฒี้ยว อ๋อย หฒุ กวั่ง นิ่น เญย ก๋อ-โย์ว, เซ เหธา นิ่น จวั่ง ฝีง เญย อิสะลาเอน เมี่ยน, เฉียม นิ่น เญย แฒะ, เหว่ย หฒุ เฒี้ยว กั้น ก๊อง กวั่ง แฒะ เญย เฒี่ยง โห่ เถา อ๊ะ.

3สี ก๊อง ก๊า ปุน กั้น ฝีง เมี่ยน, เห่ว นิ่น จ๊าว ตุ๊ เญย. มป่า ก๊า หาย หญู่ง ปุน เหธา เม่ย บัว จวั่ง ฝีง เญย ก๋อ-โย์ว, อ๋อย หฒุ กวั่ง ปุน นิ่น.

4สี ก๊อง เม่ย บัว เอย เหฑ่ง เฒี้ยว, เม่ย บัว เญย ทิน-ฮู่ง, เญย หว่า, หลงๆ เญย กัน เยีย อี้ ฮนอย จิว ปุน เม่ย บัว น้าย เต๋ย เหยียด ฒู้ง หลี่ง, เยียม เม่ย บัว บุด๋ง ฯฒฯ ไม้ ม่าย เมี่ยน จ่ม เมี่ยน, เหว่ย หฒุ เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว หฑิบ เป๋น เม่ย บัว เญย ป่วน เต่ย-ปูง, เฒี้ยว อ๋อย ธั้มๆ เญย เหธย ฟุ ปุน เม่ย บัว.

6เฒี้ยว, เม่ย บัว เญย ทิน-ฮู่ง, อ๋อย หฒิว นิ่น แล์ง เญย หว่า เหธย ฟุ ปุน เม่ย บัว. เม่ย บัว อ๋อย ก๊า ปุน ธั้ม-กั๊วะ เญย แปะ ฝีง, มป่า เม่ย บัว ไม้ หฒุ ก๊า หาย นอม กั๊วะ เญย. เม่ย บัว อ๋อย กุ๊น ธั้ม-นอม กั๊วะ เญย แปะ ฝีง, มป่า นิ่น บัว ไม้ ตุ๊ กุ๊น เม่ย บัว.

7สี ก๊อง เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว เญย เต่ย-ปูง, ไม้ กุ๊น หาย นอม มู้ง กะญั์ว ม่าย เต้า เม่ย บัว เญย ก๋อ-โย์ว จ่ม, เม่ย บัว ไม้ ตู๋ง โหฒว เฮญี้ยว แหง่ง เฮญี้ยว ฌับ, ไม้ เถง นิ่น.

8ฒู้ง อ๋อย หฒุ โหฒว เฮญี้ยว จั๊ง, ปุน นิ่น ก๊า เก๋า นิ่น เฉียม หล่ง เญย กะน้าย.

9อ๋อย หฒุ ไฝ ฟิม ไม้ ตู๋ง เยียม เฮญี้ยว ฮนั้ม ไม้ เป๋น เญย สี่ ฯฒฯ ฮนั้ม, “อ๊า ลั่ม เถา ตะเธี้ยด หฮญัง, กวั่ง แฒะ เญย หฮญัง อ๊ะ.” เม่ย บัว เญย เฮมียน หย่า เมี้ยนๆ เญย หมั่ง เม่ย บัว จ่ม ไห่ เญย ก๋อ-โย์ว, เม่ย บัว หย่า ไม้ ปุน หาย หญู่ง นิ่น, นิ่น อ๋อย โก๋ เฒี้ยว, เม่ย บัว ฯฒฯ ม่าย ฒุ์ย อ๊ะ.

10อ๋อย หฒุ ปวั๊ง เฮญี้ยว ปุน นิ่น หย่า ไม้ ตู๋ง ค้อ-ฟิ. ฮนั้ง น้าย โหฒว, เฒี้ยว, เม่ย บัว เญย ทิน-ฮู่ง, ฯฒฯ เหธย ฟุ ปุน เม่ย บัว เญย หญู่งๆ กง, ไม้ กุ๊น เม่ย บัว โหฒว หาย หญู่ง.

11เยียม วั้ว นอม เต่ย-ปูง เมี่ยน จ่ม เมี่ยน เหยียด ลิ์ว ไม้ ไฮ่ เหฑ่ง. เหว่ย น้าย เยีย บั๋ว เม่ย บัว อ๋อย หฒุ โหฒว เฮญี้ยว จั๊ง เถง เมี่ยน จ่ม เมี่ยน เหธา ตั๋ง-ต๋น เญย เมี่ยน.

12สี ก๊อง เหธา เม่ย บัว จวั่ง ฝีง เญย ฮิบลู เมี่ยน, ไม้ กุ๊น มจั่ง ไฟ มเซียะ, หฒุ หม่าย เถง เม่ย บัว โหฒว โน่ว ฟู-สู เม่ย บัว จุ๊ หฮญัง, เถา เสี่ย หฮญัง วั้ว หฮญัง อ๋อย หฒุ ปู๋ง นิ่น ธ้วด.

13ปู๋ง นิ่น ธ้วด เญย เฒี่ยง โห่, ไม้ ตู๋ง ปุน นิ่น ขูง-ปั์ว แปะ เหฒา เญย มี่ง.

14อ๋อย หฒุ โหฒว เฮญี้ยว จั๊ง ปุน กะน้าย นิ่น. ปุน ยู่ง, ปะกี ยู่ง, เบย้า เหธา อะหงุ่น ติ๊ว. เฒี้ยว, เม่ย บัว เญย ทิน-ฮู่ง, ฮนั้ง หาย นอ เหธย ฟุ ปุน เม่ย บัว, เม่ย บัว หย่า อ๋อย หฒุ ฮนั้ง วั้ว นอ ปุน นิ่น.

15อ๋อย หฒุ จั๋ง เจี๊ยน เม่ย บัว เยียม อียิบ เต่ย-ปูง โหฒว เจี๋ย โน่ว. เฒี้ยว, เม่ย บัว เญย ทิน-ฮู่ง, หย่า หฒัวะ เม่ย บัว ธ้วด ต้าย. เหว่ย น้าย เยีย อี้ ฮนอย หธีง ฮนั้ง น้าย หัด เม่ย บัว.

16มป่า สี ก๊อง เม่ย บัว เญย โน่ว เก๊า ก๊อง, “เยีย เซี้ย ไม้ ตุ๊ เม่ย มี่ง,” เหว่ย หฒุ นิ่น ฮนั้ม เม่ย เหธา เม่ย เญย ฮมวั้ง ต่อย หย่า ตุ๊ เยียม หลง,

17เม่ย อ๋อย หฒุ เฒาะ นิ่น เญย มน่อม ปั่ง แก้ง หล่ง เฒวย เฒวย ทง. ฮนั้ง หน่าย นิ่น ฯฒฯ เหยียด เสย เป๋น เม่ย เญย โน่ว อ๊ะ. โน่ว เป์ย หย่า ฟี่ ฮนั้ง เญย โหฒว.

18ปู๋ง นิ่น ธ้วด วั้ว หฒั่น หย่า ไม้ ตู๋ง ค้อ-ฟิ. นิ่น ฒู้ง ฟู-สู เม่ย จุ๊ หฮญัง. เป๊ย ธี้ง ต้าย เญย กง-เมี่ยน เญย กง-ฒิ่น เก้า ธั้ม เหยียด ป่วน. เม่ย ฮนั้ง น้าย โหฒว, เยียม เม่ย โหฒว เญย เหยียด ฒู้ง สี่, เฒี้ยว, เม่ย เญย ทิน-ฮู่ง, อ๋อย เหธย ฟุ ปุน เม่ย.

19เม่ย บัว เญย ง่ง กวั้น, ยู่ง กวั้น เหธา ปะกี ยู่ง กวั้น เญย ต้าว ทอย ตอน, ตะฟ่าน โก๊ว วั้ว เต๋ย, อ๋อย หฒุ ฝูง ปุน เฒี้ยว, เม่ย บัว เญย ทิน-ฮู่ง. ไม้ ตู๋ง หล่ง เม่ย บัว เญย ต้าว ทอย ง่ง โหฒว กง, หย่า ไม้ ตู๋ง จั๊บ ต้าว ทอย ปะกี ยู่ง เญย เปยย.

20หฮญังๆ เม่ย บัว เหธา เม่ย บัว เญย ฮมวั้ง ต่อย อ๋อย หฒุ เยียม เฒี้ยว, เม่ย บัว เญย ทิน-ฮู่ง, อ๋อย กิ๊น ต้าย เญย ต๋อง, เยียม นิ่น เญย หฑะเฮมียน หญั่น น้าย เต๋ย ต้าว ทอย แซง-คู้ เญย อ๊อ.

21สี ก๊อง หาย เต้า แซง-คู้ ม่าย ต๋อง เฆ่ม, เซ ปั์ว-เหฒา หว่าย ไฟ มฒีง แม่ง ไฟ หว่าย ฝัง ธั้ม, ไม้ ตู๋ง เหฒี่ย ปุน เฒี้ยว, เม่ย บัว เญย ทิน-ฮู่ง.

22อ๋อย หฒุ เยียม กั้น เญย มู้ง หญั่น. ม่าย หวุย เหธา ไม้ ม่าย หวุย เญย เมี่ยน หญั่น ตุ๊ เญย, ฮนั้ง หญั่น จูง ไฌ่ วั้ว นอ.

23มป่า ไม้ ตู๋ง หญั่น ฑย้าม. อ๋อย หฒุ โต๋ กะเดี๊ย เดา ฮนั้ง โต๋ ววม นอ.

← Chapter 14 Jump to: Chapter 16 →