Jeremiah 19

Mien Bible (Thai Script) © Thailand Bible Society, 2007

← Chapter 18 Jump to: Chapter 20 →

1เฒี้ยว ฮนั้ง น้าย ก๊อง, “เม่ย มี่ง ม์าย นั้น เนีย หฒั่ง เญย เหยียด นอม เนีย-หะโล่ว แอ๋ง ต้อ เต๋ย แปะ ฝีง เญย เมี่ยน โก๋ เหธา เต๋ย โก๋ เญย ไซ เมี่ยน

2มี่ง เถา เบนฮินโนม ฮ์อง เยียม เนีย-มอ ฮู้ เญย แก้ง ต๋อย-หง่าน. เยียม วั้ว ฒุ่น เยีย บั๋ว เม่ย น้าย เต๋ย หว่า.

3อ๋อย หฒุ ก๊อง, ‘ยูดา เญย ฮู่ง เหธา เยียม เยลูซาเลม เญย แปะ ฝีง อ้า! อ๋อย หฒุ หมวัง เฒี้ยว เญย หว่า. เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, “เยีย อ๋อย ปุน เธี้ยว ไห่ เญย เหฒะ หน่าน เถา น้าย นอม ต๋อง. ตะฟ่าน หมวัง ไฮ์ น้าย เต๋ย สี่ เญย เมี่ยน, มน่อม ฯฒฯ หฆีง เหฑ่ง,

4เหว่ย หฒุ แปะ ฝีง กวั่ง เยีย. นิ่น บัว เยียม น้าย นอม ต๋อง ปั๊ว ฮูง เก๋ง เหญี่ย เญย เฒี่ยน, ต้ง นิ่น บัว กั้น เหธา นิ่น บัว เญย อง-ถาย เหธา ยูดา เญย ฮู่ง ไม้ ไฮ์ เจี๋ย เญย เฒี่ยน, ฯฒฯ ปุน น้าย นอม ต๋อง ม่าย หวุย. นิ่น บัว หย่า ปุน ไม้ โหฒว ต่อง เญย เมี่ยน เญย ฑย้าม ปวั๊ง เหฑ่ง น้าย นอม ต๋อง.

5นิ่น แอ๋ง เหว่ย บาอัน เฒี่ยน โหฒว ฮลัง เญย ต๋อง, เหว่ย เฒาะ นิ่น บัว เญย ฝุเจว๊ย โหฒว ฝ่ง ห่อ ปั๊ว เหฒี่ย เญย กะน้าย ปุน บาอัน เฒี่ยน. หย่า ไม้ เฒ์ย เยีย พ้าย ไฟ เห่ว นิ่น บัว โหฒว. เยีย เลี่ยม ไม้ ฮนั้ม เถา.”

6เฒี้ยว ก๊อง, ‘เหว่ย น้าย, ฮนอย-เหญียะ อ๋อย เถา, น้าย นอม ต๋อง ไม้ เห่ว โทเฟ้ด ไฟ เบนฮินโนม ฮ์อง. ฒู้ง อ๋อย เห่ว ไต๋ ไต่ เญย ฮ์อง.

7“‘เยียม น้าย นอม ต๋อง เยีย อ๋อย ปุน ยูดา เมี่ยน เหธา เยลูซาเลม เมี่ยน ต๊า เญย หฒะเอ๋ย ด๊อด หมี่ อ๊ะ. เยีย อ๋อย ปุน นิ่น บัว เญย เมี่ยน เยียม วิน-วั้ง เญย หฑะเฮมียน หฒุ หฑุ ด๊าว ไต๋, หย่า ปุน หฒุ เยียม ห่อย นิ่น บัว เญย แหม่ง วั้ว เต๋ย เญย ปั์ว-เดี๊ย. เยีย อ๋อย เฒาะ นิ่น บัว เญย เซย เป๋น ด๊าม-ลู่ง เญย เหนาะ เหธา กะเดี๊ย เดา เญย เฮยี่ย ฒ่อย เญย หญั่น ฮบ.

8เยีย อ๋อย ปุน น้าย นอม ฒี่ง เป๋น กั้ม เหฑีย เญย ต๋อง หย่า เป๋น เมี่ยน ฮว้วด เญย กะน้าย. หลาย น้าย นอม ฒี่ง หฒุ เญย เหยียด ฒู้ง เหฒะ หน่าน, ตะฟ่าน เจี๋ย เจ๊า เญย เมี่ยน เก้ง! กั้ม เหฑีย ไห่ หย่า ฮว้วด.

9วิน-วั้ง เหธา อ๋อย ห่อย แหม่ง วั้ว เต๋ย เว่ย เจี๊ยน ฒี่ง, ปุน นิ่น บัว หฒุ โค้ว เญย เฒี่ยง โห่, เยีย อ๋อย ปุน เก๊าะ-เมี่ยน หญั่น เก๊าะ-เมี่ยน เญย ตอน เซียะ เญย อ๊อ เหธา นิ่น บัว เญย จวั่ง ล์าง เมี่ยน เญย อ๊อ.’

10“เม่ย อ๋อย หฒุ ตอง เจี๊ยน เหธา เม่ย มี่ง วั้ว เต๋ย เมี่ยน เบ๊าะ วั้ว นอม เนีย-หะโล่ว ฮู้,

11หย่า ก๊อง บั๋ว นิ่น บัว, ‘เน่น เจี๋ย เญย เฒี้ยว ฮนั้ง น้าย ก๊อง, “ฮนั้ง เยีย เบ๊าะ นั้น เนีย หฒั่ง เญย เนีย-หะโล่ว ฮู้, เยีย อ๋อย เบ๊าะ น้าย เต๋ย เมี่ยน เหธา น้าย นอม ฒี่ง ฮู้ เหฑ่ง, เหยียด ลิ์ว ไม้ ไฮ่ แอ๋ง หฒ่อ. เมี่ยน อ๋อย หฒุ เยียม โทเฟ้ด ปย๊บ เซย, เหว่ย หฒุ ไม้ ม่าย กั้น นอม ต๋อง ปย๊บ.”’

12เฒี้ยว ก๊อง, “เยีย อ๋อย ฮนั้ง น้าย โหฒว ปุน น้าย นอม ต๋อง เหธา เยียม น้าย นอม ต๋อง เญย เมี่ยน, ปุน น้าย นอม ฒี่ง ฮนั้ง โทเฟ้ด.

13เยลูซาเลม เญย เปย๊า เหธา ยูดา เญย หฒวัง ฮู่ง เหยียด ฒู้ง ฮู่ง ติ่น, เซ ตะฟ่าน เยียม หาย นอม เปย๊า เญย เปย๊า-ง่อ ม่าย เมี่ยน ปั๊ว ฮูง ปุน ลู่ง หฒั่ง เญย หญู่งๆ เหฮลย, ไฟ เธี้ย เหฒี่ย ปุน เหญี่ย เญย เฒี่ยน, ฒู้ง หฒุ ม่าย หวุย ฮนั้ง โทเฟ้ด นอ.”’

14เยเลมี ฯฒฯ เยียม โทเฟ้ด, ต้ง เฒี้ยว พ้าย นิ่น มี่ง โต่ว หว่า เญย ต๋อง หฑวน. นิ่น หย่า โซ้ว เจี๊ยน หฒั่ง เฒี้ยว เญย เปย๊า หลาด กะญั์ว ก๊อง บั๋ว หฒวัง แปะ ฝีง,

15“เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘หมั่ง ม่าะ! เยีย อ๋อย ปุน น้าย นอม ฒี่ง เหธา เว่ย ก๋อม เญย เหยียด ฒู้ง ฟิ้ว-ล์าง หฒุ หฒิว เยีย ก๊อง เญย เหยียด ฒู้ง เหฒะ หน่าน, เหว่ย หฒุ นิ่น บัว เฮญี้ยว แหง่ง, ไม้ คั้ง หมวัง เยีย เญย หว่า.’”

← Chapter 18 Jump to: Chapter 20 →