Jeremiah 29

Mien Bible (Thai Script) © Thailand Bible Society, 2007

← Chapter 28 Jump to: Chapter 30 →

1น้าย เซ โต่ว หว่า เมี่ยน, เยเลมี, เฟี้ย เญย เฝียน ปุน หฒุ กว๊าด มี่ง เญย เมี่ยน โก๋ เหธา เนบูคัดเน้ดซา เยียม เยลูซาเลม กว๊าด มี่ง บาบีโลน เญย ไซ เมี่ยน, โต่ว หว่า เมี่ยน เหธา หฒวัง แปะ ฝีง.

2น้าย เซ เยโคนียา ฮู่ง เหธา ฮู่ง เญย มา, เหธา อิม โต๊ เญย เมี่ยน, เยียม ยูดา เหธา เยลูซาเลม โหฒว โฮล เญย เมี่ยน, หฒั่ง เมี่ยน เหธา เฮลียะ-หฒั่ง เยียม เยลูซาเลม ธ้วด หมี่ อ๊ะ.

3น้าย เฒ้ย เฝียน นิ่น ปั่ง ซาฟาน เญย ตอน, เอลาซา, เหธา ฮินคียา เญย ตอน, เกมาลิยา, เญย ปั์ว ต้อ มี่ง, ต้ง ยูดา เญย ฮู่ง, เสเดคียา, พ้าย มี่ง บาบีโลน เญย ฮู่ง, เนบูคัดเน้ดซา, เญย เมี่ยน. เฝียน ก๊อง,

4เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง บั๋ว หฒุ กว๊าด มี่ง เญย หฒวัง เมี่ยน, ต้ง เยียม เยลูซาเลม เยีย ปุน หฒุ กว๊าด มี่ง บาบีโลน เญย เมี่ยน.

5เม่ย บัว อ๋อย หฒุ ก๊ม เปย๊า หย่า เยียม เจี๊ยน หน่าย กะญั์ว. อ๋อย หฒุ โหฒว หฮวีง แอ๋ง หญั่น หฮวีง ธ้วด เญย กะน้าย.

6อ๋อย หฒุ ตอง จา ม่าย ตอน ม่าย เซียะ. อ๋อย หฒุ เหว่ย เม่ย บัว เญย ตอน ล์อ เอ๊า, หย่า ปู๋ง เม่ย บัว เญย เซียะ เหว่ย ปุน นิ่น บัว ม่าย ตอน ม่าย เซียะ. อ๋อย หฒุ เยียม หน่าย หฮยาง เจี๊ยน ฝาว ไม้ เฒ์ย โหฒะ เจี๊ยน เหฌี่ย.

7อ๋อย หฒุ เถง ต้ง เยีย ปุน เม่ย บัว หฒุ กว๊าด มี่ง วั้ว นอม ฒี่ง ตุ๊ หลง, หย่า อ๋อย หฒุ เหว่ย วั้ว นอม ฒี่ง เต๋า เก๋า โท้ เฒี้ยว, เหว่ย หฒุ วั้ว นอม ฒี่ง ตุ๊ หลง นอ, เม่ย บัว หย่า ตุ๊ หลง อ๊ะ.

8เหว่ย หฒุ เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, “ไม้ ตู๋ง ปุน เยียม เม่ย บัว บุด๋ง เญย โต่ว หว่า เมี่ยน เหธา โบ๊ว กว๋า เมี่ยน ดั๊ว เม่ย บัว. ไม้ ตู๋ง เสียน นิ่น บัว เบ๋ย เญย เบ๋ย,

9เหว่ย หฒุ นิ่น บัว เต๊ง เยีย เญย เม่ง โต่ว เญย หว่า เซ จ๊า เญย. ไม้ เฒ์ย เยีย พ้าย นิ่น บัว.” น้าย เซ เฒี้ยว ก๊อง เญย หว่า.

10เฒี้ยว ฮนั้ง น้าย ก๊อง, “เยียม บาบีโลน เญย เธี้ยด เหฒียบ หฮญัง ปวั๊ง, เยีย ฯฒฯ มี่ง ล์อ เม่ย บัว หย่า เอย เยีย แล์ง เญย หว่า โหฒว เหฒียง, แอ๋ง ต้อ เม่ย บัว หฑวน น้าย นอม ต๋อง.”

11เฒี้ยว ก๊อง, “เยีย ฮิ้ว ตุ๊ เยีย เหว่ย เม่ย บัว ม่าย เญย หฒะเอ๋ย, เซ เหว่ย ปุน เม่ย บัว ตุ๊ หลง ไม้ เฒ์ย ตุ๊ เธี้ยว, เหว่ย ปุน เม่ย บัว ม่าย โฮ์ ฆาง หย่า ม่าย ลั่ม ฮนั้ม ต๋อง.

12วั้ว หฒั่น เม่ย บัว อ๋อย เห่ว เจี๊ยน โท้ เยีย, แอ๋ง ต้าย เต๋า เก๋า ล์อ เยีย. เยีย หย่า อ๋อย หมวัง เม่ย บัว.

13เม่ย บัว ล์อ เยีย, อ๋อย หฒุ หล่ง เหฑ่ง เฮญี้ยว ล์อ ฯฒฯ ล์อ ตุ๊ ปวัด.”

14เฒี้ยว ก๊อง, “เยีย อ๋อย ปุน เม่ย บัว ล์อ ปวัด เยีย. เยีย หย่า อ๋อย ปุน เม่ย บัว หฑวน ต้าย ตุ๊ หลง ฮนั้ง โล์ วั้ว นอ. เยีย อ๋อย เยียม หม่าน กั๊วะ บุด๋ง เหธา เยีย หฒุ่น เม่ย บัว มี่ง เญย นอมๆ ต๋อง, ต้ง เยีย ปุน เม่ย บัว หฒุ กว๊าด มี่ง เญย ต๋อง, ต้อ เม่ย บัว หฑวน.” น้าย เซ เฒี้ยว ก๊อง เญย หว่า.

15เหว่ย หฒุ เม่ย บัว ก๊อง, “ เฒี้ยว เหว่ย เยีย บัว เยียม บาบีโลน เหลียบ โต่ว หว่า เมี่ยน.”

16เฒี้ยว ฮนั้ง น้าย ก๊อง เถา เฒว์ย ดาวิด เญย เหว่ย เญย ฮู่ง หย่า ก๊อง เถา เยียม น้าย นอม ฒี่ง เหยียด ฒู้ง แปะ ฝีง, ต้ง ไม้ เหธา เม่ย บัว หฒุ กว๊าด มี่ง เญย ก๋อ-โย์ว.

17เน่น เจี๋ย เญย เฒี้ยว ฮนั้ง น้าย ก๊อง, “หมั่ง ม่าะ! เยีย อ๋อย ปุน นิ่น บัว หฒุ หฑุ ด๊าว, หฒุ หง่อ หฮนาง, หฒุ ววน-แป่ง หย่า ปุน นิ่น บัว ฮนั้ง หว่าย ไห่ เญย ง่ง หญอ เปี๊ยว. หว่าย เกา, ฒู้ง ไม้ เป๋น หญั่น.

18เยีย อ๋อย หล่ง หฑุ ด๊าว, หง่อ หฮนาง เญย เจ๊า เหธา ววน-แป่ง หฒุ่น นิ่น บัว. เยีย อ๋อย ปุน นิ่น บัว เหว่ย ลู่ง เดี๊ย หม่าน กั๊วะ เป๋น กั้ม เหฑีย ไห่ เญย เมี่ยน, หย่า ปุน นิ่น บัว เยียม เยีย หฒุ่น นิ่น บัว มี่ง เญย นอมๆ กั๊วะ บุด๋ง หฒุ เมี่ยน เหฒียว, แฮะ เมี่ยน กั้ม เหฑีย, หฒุ เมี่ยน ฮว้วด หย่า หฒุ เมี่ยน หมั่ง เผีย.”

19เฒี้ยว ก๊อง, “เซ เหว่ย หฒุ นิ่น บัว ไม้ หมวัง เยีย เญย หว่า, ต้ง เยีย หฒั่นๆ พ้าย เยีย เญย โปว วั้ว เต๋ย โต่ว หว่า เมี่ยน ก๊อง ปุน เม่ย บัว หมวัง. มป่า นิ่น บัว ไม้ คั้ง หมวัง.” น้าย เซ เฒี้ยว ก๊อง เญย หว่า.

20เม่ย บัว เหยียด ฒู้ง หฒุ กว๊าด มี่ง เญย เมี่ยน, เซ เยียม เยลูซาเลม เยีย เห่ว มี่ง เถา บาบีโลน เญย เมี่ยน อ้า! อ๋อย หฒุ หมวัง เฒี้ยว เญย หว่า.

21เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง เถา โคลายา เญย ตอน, อาหับ, เหธา มาอาเสอา เญย ตอน, เสเดคียา. นิ่น บัว เต๊ง เยีย เญย เม่ง โต่ว จ๊า หว่า บั๋ว เม่ย บัว. หมั่ง ม่าะ! เยีย อ๋อย เฒาะ นิ่น บัว จิว ปุน บาบีโลน เญย ฮู่ง, เนบูคัดเน้ดซา. นิ่น ฯฒฯ ตอง เจี๊ยน เม่ย บัว ไต๋ นิ่น บัว.

22เซ หลาย น้าย เต๋ย อี เต้า, เยียม บาบีโลน หฒุ กว๊าด มี่ง เญย ยูดา เมี่ยน อ๋อย หล่ง น้าย โจ๋ว เป๋น เหฒียว เญย หว่า ก๊อง, “โท้ เฒี้ยว ปุน เม่ย ฮนั้ง เสเดคียา เหธา อาหับ, ต้ง บาบีโลน ฮู่ง เลี่ยม นั่ง เญย ปั๊ว ไต่.”

23เหว่ย หฒุ นิ่น บัว เยียม อิสะลาเอน กะญั์ว โหฒว หฮงง เญย สี่. นิ่น บัว เหฮยียน จวั่ง ล์าง เมี่ยน เญย เอ๊า, หย่า เต๊ง เยีย เญย เม่ง โต่ว จ๊า หว่า, ต้ง ไม้ เฒ์ย เยีย พ้าย นิ่น บัว ก๊อง เญย หว่า. ฮิ้ว เญย เซ ต้ง เยีย. โหฒว ฒอง-เหฒง เญย หย่า ต้ง เยีย.” น้าย เซ เฒี้ยว ก๊อง เญย หว่า.

24เม่ย อ๋อย หฒุ ก๊อง บั๋ว เนเฮลาม เมี่ยน, เซไมอา,

25“เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เม่ย หล่ง เม่ย กั้น เญย บั๋ว ฝูง เฝียน ปุน เยียม เยลูซาเลม เญย หฒวัง เมี่ยน หย่า ปุน มาอาเสอา เญย ตอน, เสฟันยา ไซ เมี่ยน, เหธา หฒวัง ไซ เมี่ยน. เม่ย บั๋ว เสฟันยา,

26‘ เฒี้ยว ฒู้ง เหลียบ เม่ย โหฒว ไซ เมี่ยน ตี๊ เยโฮยาดา ไซ เมี่ยน, โก๋ว หฒั่ง เฒี้ยว เญย เปย๊า กุ๊น เต้าๆ ปุ๊ด ดิน เญย โต่ว หว่า เมี่ยน, ฯฒฯ หล่ง เดี๋ยง กับ เจี๊ยน นิ่น เญย ปั์ว-เหฒา, แอ๋ง หล่ง เฮลียะ-โคว โคว เจี๊ยน จาง.

27อี้ หฒั่น เม่ย บัว เหว่ย หาย ติ่ว ไม้ ก๊อง อานาโท้ด เมี่ยน, เยเลมี, ต้ง โต่ว หว่า บั๋ว เม่ย บัว วั้ว เต้า?

28เหว่ย หฒุ นิ่น เฟี้ย เฝียน ปุน เยีย บัว เยียม บาบีโลน เญย เมี่ยน ก๊อง, “หฒุ กว๊าด มี่ง เญย เฒี่ยง โห่ เล่า ด๊าว อ๊ะ. เม่ย บัว อ๋อย หฒุ ก๊ม เปย๊า หย่า เยียม เจี๊ยน หน่าย กะญั์ว. อ๋อย หฒุ โหฒว หฮวีง หฒวัง กะน้าย แอ๋ง หญั่น หฮวีง ธ้วด เญย กะน้าย.”’”

29เสฟันยา โตะ น้าย เฒ้ย เฝียน ปุน โต่ว หว่า เมี่ยน, เยเลมี, หมวัง.

30เยเลมี แอ๋ง ตุ๊ ฒิบ เฒี้ยว เญย หว่า ก๊อง,

31“เม่ย อ๋อย หฒุ เฟี้ย เฝียน มี่ง ปุน เหยียด ฒู้ง หฒุ กว๊าด มี่ง เญย เมี่ยน ก๊อง, ‘ เฒี้ยว ฮนั้ง น้าย ก๊อง เถา เนเฮลาม เมี่ยน, เซไมอา, ‘เหว่ย หฒุ เซไมอา โต่ว หว่า บั๋ว เม่ย บัว หย่า ไม้ เฒ์ย เยีย พ้าย นิ่น มี่ง, นิ่น หย่า ปุน เม่ย บัว เขา ก๊อง-แปะ เญย หว่า.’

32เหว่ย น้าย เฒี้ยว ฮนั้ง น้าย ก๊อง, ‘หมั่ง ม่าะ! เยีย อ๋อย ตี่ง เนเฮลาม เมี่ยน, เซไมอา, เหธา นิ่น เญย เฒ้ย-ฟุน เญย ฒุ์ย. นิ่น ฒู้ง ไม้ ม่าย เหยียด เต้า เยียม เจี๊ยน น้าย เต๋ย แปะ ฝีง บุด๋ง ตุ๊ ปวัด เยีย โหฒว หลง ปุน เยีย เญย แปะ ฝีง เญย สี่, เหว่ย หฒุ นิ่น ก๊อง หว่า แหง่ง เฒี้ยว. ” น้าย เซ เฒี้ยว ก๊อง เญย หว่า.

← Chapter 28 Jump to: Chapter 30 →