Jeremiah 8

Mien Bible (Thai Script) © Thailand Bible Society, 2007

← Chapter 7 Jump to: Chapter 9 →

1“ เฒี้ยว ก๊อง, ‘เถา วั้ว หฒั่น เมี่ยน อ๋อย เฒาะ ยูดา ฮู่ง เญย บู๊ง เหธา ยูดา เญย เจียน เญย บู๊ง, เหธา ไซ เมี่ยน เญย บู๊ง, โต่ว หว่า เมี่ยน เญย บู๊ง เหธา เยียม เยลูซาเลม วั้ว เต๋ย เมี่ยน เญย บู๊ง, เยียม นิ่น บัว เญย โฒ้ว ธ้วด ต้าย,

2ปุน ฟ้าด หฑาน เยียม บะฮนอย, หฮลา เหธา ลู่ง หฒั่ง เญย หฒวัง เหฮลย กะเดี๊ย. น้าย เซ ฒิ่น ด่าง นิ่น บัว ฮนั้ม เญย, ฟู-สู เญย, กัน เจี๊ยน เญย, นิ่น บัว ล์อ เญย, ปัวะ หฒั่ง เญย. น้าย เต๋ย บู๊ง หย่า ไม้ ม่าย หาย เต้า เฑ์า ฒุ้น ไฟ ปย๊บ ฯฒฯ ฮนั้ง ไฆ้ เยียม เดา-เป้ย นอ.

3น้าย เต๋ย เหฒ่ง เหฌี่ย เอ๊าะ ไห่ เญย ฝีง เยียม เยีย หฒุ่น นิ่น บัว มี่ง เญย นอมๆ ต๋อง, ขูง ฮนั้ม อ๋อย ไต่ เก้า ธั้ม อ๋อย ม่าย แหม่ง เฒี่ยง.’ น้าย เซ เน่น เจี๋ย เญย เฒี้ยว ก๊อง เญย หว่า.

4“เม่ย อ๋อย หฒุ บั๋ว นิ่น บัว, ‘ เฒี้ยว ฮนั้ง น้าย ก๊อง, “‘เมี่ยน ดอบ เหฌี่ย, ไม้ แอ๋ง เจี์ย ซิน ไฟ? สี ก๊อง ม่าย เต้า เมี่ยน มี่ง ต่อง เจ๊า, นิ่น ไม้ ต๋าว ฆาง หฑวน ไฟ?

5วั้ว หญู่ง น้าย เต๋ย แปะ ฝีง, เซ เยลูซาเลม เมี่ยน, เหว่ย หาย ติ่ว หฒั่นๆ ถุย ฆาง? นิ่น บัว นั้น ว้วน ดั๊ว เมี่ยน เญย สี่, นิ่น บัว แหง่ง เจี๊ยน ไม้ คั้ง หฑวน.

6เยีย หล่ง เฮญี้ยว หมวัง มป่า นิ่น บัว ก๊อง ไม้ หอบ. ไม้ ม่าย หาย เต้า ก๊อย เฮญี้ยว กวั่ง นิ่น โหฒว เอ๊าะ เญย เจ๊า ก๊อง, “เยีย โหฒว หาย หญู่ง แล่?” เต้าๆ ฮวิน มี่ง นิ่น กั้น เญย เจ๊า, ฮนั้ง ม์า ปิว เปียะ เบ๊าะ จ๋า เธี้ยง นอ.

7เลี่ยม ด๊าม-ลู่ง เญย เหนาะ เญี่ย ฮิ้ว ตุ๊ นิ่น เญย เฒี่ยง โห่, เหนาะ โฆ, เหนาะ บะหิน เหธา เหนาะ แปะ เหาะ หย่า เอย เจี๊ยน นิ่น บัว เญย เฒี่ยง โห่ ต้าย. มป่า เยีย เญย แปะ ฝีง ไม้ ฮิ้ว ตุ๊ เฒี้ยว เญย เล์ย.

8“‘เม่ย บัว ฮนั้ง หาย นอ ไฮ่ ก๊อง, “เยีย บัว ม่าย ธง-เม่ง เหว่ย หฒุ เยีย บัว ม่าย เฒี้ยว เญย เล์ย-หลัด”? มป่า หมั่ง ม่าะ! โซว-ปิ๊ว เญย ปั๊ด เฟี้ย จ๊า ปุน เล์ย-หลัด เป๋น ก๊อง-แปะ เญย หว่า.

9ธง-เม่ง เมี่ยน ฒู้ง หฒุ ไญ้. นิ่น บัว อ๋อย หฒุ กั้ม เหฑีย หย่า หฒุ เฒาะ มี่ง. นิ่น บัว เฆ่ม เฒี้ยว เญย หว่า, เยียม นิ่น บัว กะญั์ว ม่าย หาย หญู่ง ธง-เม่ง?

10เหว่ย น้าย เยีย อ๋อย เฒาะ นิ่น บัว เญย เอ๊า ปุน กั้น ล่าน เมี่ยน หล่ง, หย่า เฒาะ นิ่น บัว เญย ลี่ง เต่ย ปุน เซียง-เฒี้ยว, เหว่ย หฒุ เยียม โหฒว ไฝ เจี๋ย เถา โหฒว โฮล เจี๋ย, นิ่น บัว เหยียด ฒู้ง เม้า ไม้ แป้ง ฟิม เญย เหล่ย ฒิ่น, เซ เยียม โต่ว หว่า เมี่ยน เถา ไซ เมี่ยน โหฒว จ๊า, ดั๊ว เมี่ยน.

11นิ่น บัว หฒ่อ เยีย เญย แปะ ฝีง มุน เญย ต๋อง ฮนั้ง ไม้ เฒ์ย มุน ธั้ม นอ. นิ่น บัว ก๊อง, “แป้ง ออน อ๊ะ, แป้ง ออน อ๊ะ,” ไม้ กุ๊น ไม้ ม่าย แป้ง ออน.

12นิ่น บัว โหฒว กั้ม เฑี้ย ไห่ เญย สี่, นิ่น บัว ฮิ้ว ตุ๊ ไญ้ เญย ไฟ? นิ่น บัว ฒู้ง ไม้ ไญ้ เหยียด เต๋ย, นิ่น บัว ไม้ ฮิ้ว ตุ๊ ป่าย เฮมียน. เหว่ย น้าย นิ่น บัว อ๋อย หฒุ คีง เหฌี่ย ไต่ เยียม คีง เหฌี่ย ด่าง วั้ว เต๋ย เมี่ยน บุด๋ง. เยีย ตี่ง นิ่น บัว เญย ฒุ์ย เญย เฒี่ยง โห่, นิ่น บัว ฯฒฯ หฒุ เบี๊ยน เหฌี่ย เหฑ่ง หมี่ อ๊ะ.” น้าย เซ เฒี้ยว ก๊อง เญย หว่า.

13“‘ เฒี้ยว ก๊อง, “เยีย อ๋อย เซียว นิ่น บัว เญย เฒี่ยง โห่ อะหงุ่น เฮมย ไม้ ม่าย เปี๊ยว, ง่ง หญอ เดี๋ยง หย่า ไม้ ม่าย เปี๊ยว, เลี่ยม น่อม หย่า ฆาย เหฑ่ง. เยีย จิว ปุน นิ่น บัว เญย กะน้าย หย่า เจี๋ย หมี่ อ๊ะ.”’” ทิน-ฮู่ง เญย แปะ ฝีง หน่าย,

14“บัว เหว่ย หาย ติ่ว เฒว์ย เจี๊ยน น้าย, ไม้ ต์ง? กั๊บ ฒุ้น ต้าย ม่าะ! บัว เปียะ เว่ย ว้วน เญย ฒี่ง เยียม วั้ว หฒุ เหมียด, เหว่ย หฒุ เฒี้ยว, บัว เญย ทิน-ฮู่ง, ฒู้ง ตี่ง ปุน บัว หฒุ ไต่, แอ๋ง ปุน ววม-โตะ บัว ฮบ, หลาย บัว ป์าม ฒุ์ย ต่อง เฒี้ยว.

15บัว ล์อ แป้ง ออน หย่า ไม้ ตุ๊ หาย หญู่ง หลง. บัว ล์อ หฒ่อ หลง เญย เฒี่ยง โห่ มป่า ขูง หฒุ แฮะ กั้ม เหฑีย ฮนั้ง.

16หมวัง ไฮ์ เยียม ดาน, วิน-วั้ง เญย ม์า ฟ์อๆ เญย เฉีย. นิ่น บัว เญย ม์า-โก๊ว แฮ้ๆ เญย เห่ว, เฒี่ยง นอม เต่ย-ปูง ต์ง. นิ่น บัว ต้าย นะ เหฑ่ง เต่ย-ปูง เหธา เยียม เต่ย-ปูง เญย เหยียด ฒู้ง กะน้าย, หย่า นะ ฒี่ง เหธา เยียม ฒี่ง เญย เมี่ยน.”

17“หมั่ง ม่าะ! เยีย อ๋อย ปุน นาง-โตะ ต้าย เยียม เม่ย บัว บุด๋ง, เป๋น ไม้ ไฮ่ โหฒว ฟ้าด แฆะ เญย นาง. นาง ฯฒฯ เญาะ เม่ย บัว.” น้าย เซ เฒี้ยว ก๊อง เญย หว่า.

18“เยีย เฑ่า ฟ่าน เจี๋ย ด่าง ไฮ่ หฒ่อ ตุ๊ หลง, เยีย เญย เฮญี้ยว กะญั์ว ฒู้ง ฮววน หมี่ อ๊ะ.

19หมวัง ม่าะ! เยีย เญย แปะ ฝีง เห่ว เญย เฉีย เยียม เต่ย-ปูง โก เจี๋ย, จั๊ง เจี๋ย เญย ต๋อง ก๊อง, ‘ เฒี้ยว ไม้ เยียม สิโอน ไฟ? สิโอน ฒี่ง เญย ฮู่ง ไม้ เยียม หน่าย ไฟ?’ “นิ่น บัว เหว่ย หาย ติ่ว หล่ง นิ่น บัว เญย หมิ่ว-ฝัง เหธา กั้น ฝีง เญย เฒี่ยน ธัวะ เยีย เฉีย เจี์ย?”

20“เซียว เญย เฒี่ยง โห่ เจี๋ย หมี่ อ๊ะ, ฆาย กอง หย่า เจี๋ย ลิ์ว, เยีย บัว หธ่อ ไม้ ตุ๊ เหฌียว.”

21“หลาย เยีย เญย แปะ ฝีง หฒุ มุน, เยีย เญย เฮญี้ยว หย่า หฒุ มุน ไห่. เยีย เฑ่า เญี้ยม, กั้ม เหฑีย เญย เจ๊า เญา เจี๊ยน เยีย.

22เยียม กิเลอาด ไม้ ม่าย เดีย-ดาง อัน ไฟ? เยียม หน่าย ไม้ ม่าย เดีย-ไซ ไฟ? เยีย เญย แปะ ฝีง ไม้ หวั่ง เสียง เญย ต๋อง เหว่ย หาย ติ่ว ไม้ ตุ๊ หฒ่อ หลง?

← Chapter 7 Jump to: Chapter 9 →