Jeremiah 40

Mien Bible (Thai Script) © Thailand Bible Society, 2007

← Chapter 39 Jump to: Chapter 41 →

1โก๋ว ฮู่ง เญย แปง-เปย๊ย, เนบูซาละดาน, เฒาะ เยเลมี เหธา เยียม เยลูซาเลม เหธา ยูดา เหยียด ฒู้ง เมี่ยน, โด้ เจี๊ยน หลิ่ม กว๊าด มี่ง บาบีโลน. เยียม ลามา นิ่น ปู๋ง เยเลมี. ฆะฮ้า เยเลมี ตุ๊ ฒิบ เฒี้ยว เญย หว่า.

2โก๋ว ฮู่ง เญย แปง-เปย๊ย เห่ว เยเลมี ต้าย ก๊อง, “ เฒี้ยว, เม่ย เญย ทิน-ฮู่ง, ก๊อง น้าย นอม ต๋อง อ๋อย หฒุ น้าย เต๋ย เธี้ยว เญย เหฒะ หน่าน.

3เฒี้ยว ปุน น้าย เต๋ย สี่ ธ้วด, หย่า เอย เจี๊ยน นิ่น ก๊อง เญย หว่า โหฒว. หลาย เม่ย บัว ป์าม ฒุ์ย ต่อง เฒี้ยว, ไม้ หมวัง นิ่น เญย หว่า, เม่ย บัว หธีง หฒุ น้าย เต๋ย สี่.

4อี้ หฒั่น เยีย ไจ๊ ฆอย โด้ เม่ย เญย ปั์ว เญย หลิ่ม. สี ก๊อง เม่ย ปวัด หอบ เหธา เยีย มี่ง บาบีโลน, กุ๊น มี่ง, เยีย ฯฒฯ โก๋ว หลง เม่ย. มป่า สี ก๊อง เม่ย ปวัด ไม้ หอบ หฒุ เหธา เยีย มี่ง บาบีโลน, ไม้ ตู๋ง มี่ง. หมั่ง ม่าะ! เฒี่ยง นอม เต่ย-ปูง เยียม เม่ย เญย หฑะเฮมียน. หฒิว เม่ย ปวัด หาย นอม ต๋อง หลง หย่า หอบ, กุ๊น มี่ง อ๊ะ.

5สี ก๊อง เม่ย หธ่อ เยียม น้าย กุ๊น หฑวน มี่ง เหธา ซาฟาน เญย ฟุน, อาหิคัม เญย ตอน, เกดาลิยา, วั้ว. บาบีโลน เญย ฮู่ง พ้าย นิ่น โหฒว ยูดา เญย ฒี่ง เญย แซ้ง-เฒี้ยว. เหธา นิ่น เยียม หน่าย แปะ ฝีง เญย บุด๋ง. ไฟ เม่ย ปวัด หาย นอม ต๋อง หอบ หฒุ มี่ง นอ, กุ๊น มี่ง อ๊ะ.” โก๋ว ฮู่ง เตี๋ย เญย แปง-เปย๊ย ฯฒฯ ปุน เต๋ย เปี้ยน ฝุย เหธา ฒี่ง เหญ่ย เยเลมี หย่า ปู๋ง นิ่น มี่ง อ๊ะ.

6เยเลมี ฯฒฯ มี่ง มิดปา ล์อ อาหิคัม เญย ตอน, เกดาลิยา, เหธา นิ่น เยียม วั้ว เต่ย-ปูง เหฒ่ง เหฌี่ย เญย แปะ ฝีง บุด๋ง.

7เยียม หล่ม-ฮวาง เญย เหยียด ฒู้ง แปง-เปย๊ย เหธา นิ่น บัว เญย แปง หมวัง ไฮ์ บาบีโลน ฮู่ง เหลียบ อาหิคัม เญย ตอน, เกดาลิยา, โหฒว เต่ย-ปูง เญย แซ้ง-เฒี้ยว, ปุน นิ่น กุ๊น ไม้ หฒุ กว๊าด มี่ง บาบีโลน เหฒ่ง เหฌี่ย เก้า จ่ม เจี๋ย เญย เมี่ยน, มจั่ง มเซียะ เหธา ฝุเจว๊ย.

8นิ่น บัว มี่ง มิดปา ล์อ เกดาลิยา. ม่าย เนทานิยา เญย ตอน, อิสะมาเอน, เหธา คาเลอา เญย ตอน, โยฮานัน, เหธา ทันหุเม้ด เญย ตอน, เสไลอา, เหธา เนโทฟา เมี่ยน, เอฟาย เญย ตอน บัว เหธา มาอาคา เมี่ยน เญย ตอน, เยซันยา, เลี่ยม นิ่น บัว กั้น เหธา นิ่น บัว เญย เมี่ยน.

9ซาฟาน เญย ฟุน, อาหิคัม เญย ตอน, เกดาลิยา, โฮ้ว เจี๊ยน แล์ง หว่า บั๋ว นิ่น บัว เหธา นิ่น บัว เญย เมี่ยน ก๊อง, “ไม้ ตู๋ง กั้ม เหฑีย ฟู-สู เคนเดีย เมี่ยน. กุ๊น เยียม เต่ย-ปูง ฟู-สู บาบีโลน ฮู่ง, เม่ย บัว ฯฒฯ ตุ๊ หลง.

10เยีย กั้น แอ๊ะ, อ๋อย เยียม มิดปา. ฒั้ว เคนเดีย เมี่ยน ต้าย ล์อ บัว, เยีย ไฮ่ เยียม นิ่น บัว เญย หฑะเฮมียน ตี๊ เม่ย บัว. เม่ย บัว แอ๊ะ, อ๋อย หฒุ เซียว อะหงุ่น ติ๊ว เหธา ฆาย กอง เญย เปี๊ยว เหธา กะลั้น โย่ว, ตั๊บ เจี๊ยน เม่ย บัว เญย จา-ต๋อง กะญั์ว. กุ๊น เยียม เจี๊ยน เม่ย บัว ธ้าง ตุ๊ เญย ฒี่ง.”

11ฟี่ ฮนั้ง เญย, เยียม โมอับ เต่ย, เยียม อัมโมน เมี่ยน บุด๋ง, เยียม เอโดม เต่ย, เหธา เยียม กั้น กั๊วะ เญย เหยียด ฒู้ง ยิวไท เมี่ยน, ไฮ์ ก๊อง บาบีโลน เญย ฮู่ง เลี่ยว เหฌี่ย เต๋ย ยูดา เมี่ยน, หย่า พ้าย ซาฟาน เญย ฟุน, อาหิคัม เญย ตอน, เกดาลิยา, โหฒว แซ้ง-เฒี้ยว กุ๊น นิ่น บัว.

12เหยียด ฒู้ง ยิวไท เมี่ยน ฯฒฯ เยียม นิ่น บัว หฒุ หฒุ่น มี่ง เยียม เญย นอมๆ ต๋อง หฑวน ต้าย เถา ยูดา เต่ย-ปูง มี่ง มิดปา, เกดาลิยา วั้ว. นิ่น บัว ตุ๊ เซียว อะหงุ่น ติ๊ว เหธา ฆาย กอง เญย เปี๊ยว ธั้ม เญย.

13คาเลอา เญย ตอน, โยฮานัน, เหธา เยียม หล่ม-ฮวาง วั้ว เต๋ย จุน-แปง เญย เหยียด ฒู้ง แปง-เปย๊ย, ต้าย เถา มิดปา ล์อ เกดาลิยา,

14หย่า ก๊อง บั๋ว นิ่น, “เม่ย ฮิ้ว เญย ไฟ? อัมโมน เมี่ยน เญย ฮู่ง, บาอาลิด, พ้าย เนทานิยา เญย ตอน, อิสะมาเอน, ต้าย เฒาะ เม่ย เญย แหม่ง.” มป่า อาหิคัม เญย ตอน, เกดาลิยา, ไม้ เสียน นิ่น บัว.

15คาเลอา เญย ตอน, โยฮานัน, เยียม มิดปา ปี๋ง เจี๊ยน ก๊อง บั๋ว เกดาลิยา, “โท้ ปุน เยีย มี่ง ไต๋ เนทานิยา เญย ตอน, อิสะมาเอน, หย่า ไม้ ม่าย หาย เต้า ฮิ้ว. เหว่ย หาย ติ่ว ปุน นิ่น เฒาะ เม่ย เญย แหม่ง, ปุน กั๊บ ฒุ้น ต้าย เม่ย น้าย เญย ยิวไท เมี่ยน หฑาน, หย่า ปุน เหฒ่ง เหฌี่ย เญย ยูดา เมี่ยน หฒุ เหมียด?”

16มป่า อาหิคัม เญย ตอน, เกดาลิยา, บั๋ว คาเลอา เญย ตอน, โยฮานัน, “เม่ย ไม้ ตู๋ง ฮนั้ง หน่าย โหฒว, เหว่ย หฒุ เม่ย ก๊อง เถา อิสะมาเอน วั้ว เต๋ย หว่า เซ จ๊า เญย.”

← Chapter 39 Jump to: Chapter 41 →