Jeremiah 44

Mien Bible (Thai Script) © Thailand Bible Society, 2007

← Chapter 43 Jump to: Chapter 45 →

1น้าย เซ เยเลมี ฒิบ เญย หว่า ก๊อง เยียม อียิบ เต่ย-ปูง เญย เหยียด ฒู้ง ยิวไท เมี่ยน, เซ เยียม มิกโดน, ทาปานเหด เหธา เมมฟิด หย่า เยียม ปัดโล้ด เต่ย. หว่า ก๊อง,

2“เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เม่ย บัว ตุ๊ ปวัด เยีย เยียม เยลูซาเลม เหธา ยูดา เญย นอมๆ ฒี่ง ปุน นิ่น บัว หฒุ เญย เหยียด ฒู้ง เธี้ยว เญย เหฒะ หน่าน. หมั่ง ม่าะ! วั้ว เต๋ย ฒี่ง อี้ ฮนอย เป๋น ป่าย ฮวาง เญย ต๋อง, ไม้ ม่าย เมี่ยน เยียม,

3เหว่ย หฒุ แปะ ฝีง โหฒว เอ๊าะ ไห่ เญย สี่, ธัวะ เยีย เฉีย เจี์ย. นิ่น บัว ปั๊ว ฮูง หย่า ฟู-สู เหญี่ย เญย เฒี่ยน, ต้ง นิ่น บัว ไม้ ฮิ้ว เญย เฒี่ยน, เซ นิ่น บัว กั้น ไฟ เม่ย บัว ไฟ เม่ย บัว เญย อง-ถาย ไม้ ฮิ้ว เญย เฒี่ยน.

4มป่า เยีย หฒั่นๆ พ้าย เยีย เญย โปว, หฒวัง โต่ว หว่า เมี่ยน, มี่ง ก๊อง บั๋ว เม่ย บัว, “ไม้ ตู๋ง โหฒว เยีย ฑอง ไห่ น้าย เต๋ย กั้ม เฑี้ย เญย สี่ ม่าะ!”

5มป่า นิ่น บัว ไม้ หมวัง, หย่า ไม้ แปง มน่อม หมวัง, ไม้ กวั่ง นิ่น บัว โหฒว เญย เอ๊าะ สี่ หย่า ปั๊ว ฮูง ปุน เหญี่ย เญย เฒี่ยน.

6เหว่ย น้าย เยีย โน์ว ไห่, กะเฉีย แป๊ด ธ้วด ฮนั้ง หฌบ โต์ว เยียม ยูดา เญย ฒี่ง เหธา เยลูซาเลม เญย จาย-ห่อง. วั้ว เต๋ย ฒี่ง ฯฒฯ เป๋น ป่าย หว่าย ป่าย ฮวาง เญย ต๋อง ฮนั้ง อี้ ฮนอย นอ.’

7“อี้ หฒั่น เฒี้ยว, เน่น เจี๋ย เญย ทิน-ฮู่ง, อิสะลาเอน เญย ทิน-ฮู่ง, ฮนั้ง น้าย ก๊อง, ‘เม่ย บัว เหว่ย หาย ติ่ว โหฒว น้าย เต๋ย โฮล ไห่ เญย เอ๊าะ สี่ ห่อย กั้น, ฯฒฯ ปุน เม่ย บัว เญย มจั่ง มเซียะ, ฝุเจว๊ย เหธา ฮบ หญอ เญย กู้งว์า เยียม ยูดา หฒุ ไพ กวั่ง. เม่ย บัว ฯฒฯ ไม้ เหฒ่ง เหยียด ล่าน อ๊ะ.

8เม่ย บัว เหว่ย หาย ติ่ว หลาย เม่ย บัว เญย ปั์ว โหฒว เญย สี่ ธัวะ เยีย เฉีย เจี์ย ไห่, เยียม เม่ย บัว ต้าย เยียม อียิบ เต่ย-ปูง ปั๊ว ฮูง ปุน เหญี่ย เญย เฒี่ยน. เม่ย บัว ฯฒฯ ปุน กั้น หฒุ ไพ กวั่ง ฯฒฯ เยียม ลู่ง เดี๊ย หม่าน กั๊วะ บุด๋ง เป๋น เหฒียว เญย หว่า หย่า หฒุ เมี่ยน ฮว้วด.

9เม่ย บัว หละคุ เยียม ยูดา เต่ย-ปูง เหธา เยลูซาเลม เญย จาย-ห่อง เม่ย บัว เญย อง-ถาย โหฒว เญย เอ๊าะ สี่, ยูดา ฮู่ง เหธา นิ่น บัว เญย เอ๊า โหฒว เญย เอ๊าะ สี่, เม่ย บัว กั้น เหธา เม่ย บัว เญย เอ๊า โหฒว เญย เอ๊าะ สี่ ไฟ?

10เถา อี้ ฮนอย นิ่น บัว ไม้ เหญี่ยม กั้น โหฒว ไฝ หย่า ไม้ กั้ม เหฑีย, หย่า ไม้ เอย เจี๊ยน เยีย เยียม เม่ย บัว เหธา เม่ย บัว เญย อง-ถาย เญย หฑะเฮมียน เหลียบ เญย เล์ย-หลัด เหธา หลี่ง.’

11“เหว่ย น้าย เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เยีย อ๋อย เบี๊ยน เฮมียน ฯฒฯ ปุน เม่ย บัว หฒุ เธี้ยว เญย เหฒะ หน่าน, เหว่ย เฒาะ ยูดา เญย หฒวัง เมี่ยน ไพ กวั่ง.

12เยีย อ๋อย เฒาะ ยูดา เหฒ่ง เหฌี่ย เญย เมี่ยน, ต้ง ตี่ง เฮญี้ยว มี่ง เยียม อียิบ เต่ย-ปูง. นิ่น บัว เหยียด ฒู้ง ฯฒฯ หฒุ เหมียด เหฑ่ง. เยียม อียิบ เต่ย-ปูง นิ่น บัว ฒู้ง หฒุ ไต่. เยียม โหฒว ไฝ เจี๋ย เถา โหฒว โฮล เจี๋ย นิ่น บัว หฒุ หฑุ ด๊าว, หฒุ หง่อ หฮนาง ไต่. นิ่น บัว ฯฒฯ หฒุ เมี่ยน เหฒียว, เป๋น กั้ม เหฑีย เญย กะน้าย, เป๋น เหฒียว เญย หว่า, หย่า หฒุ เมี่ยน ฮว้วด.’

13เยีย อ๋อย หล่ง หฑุ ด๊าว, หง่อ หฮนาง เญย เจ๊า เหธา ววน-แป่ง ตี่ง เยียม อียิบ วั้ว เต๋ย เญย ฒุ์ย, ฮนั้ง เยีย ตี่ง เยลูซาเลม เมี่ยน เญย ฒุ์ย นอ.

14ฮนั้ง น้าย, ต้าย เยียม เจี๊ยน อียิบ เหฒ่ง เหฌี่ย เญย ยูดา เมี่ยน, ไม้ ม่าย หาย เต้า เปย๋า ตุ๊ ดุ๊ด, ไฟ ตุ๊ เฒี่ยง เจี๊ยน หฑวน ยูดา เต่ย-ปูง, ต้ง นิ่น บัว ม่าย เฮญี้ยว อ๋อย หฑวน มี่ง เยียม เญย ต๋อง. เหว่ย หฒุ นิ่น บัว ไม้ ตุ๊ หฑวน, ธ้วด ลิ์ว เต้า ป๊า เปย๋า ธ้วด เญย เมี่ยน.”

15วั้ว หฒั่น ฮิ้ว ตุ๊ กั้น เญย เอ๊า ปั๊ว ฮูง ปุน เหญี่ย เญย เฒี่ยน วั้ว เต๋ย เหยียด ฒู้ง มจั่ง ตอน, เหธา โซ้ว เจี๊ยน กะเฮลน เญย เหยียด ฒู้ง มเซียะ ตอน, เป๋น เหยียด ต้ม กวั้น เมี่ยน, เซ เยียม อียิบ เต่ย-ปูง, ปัดโล้ด เต่ย เญย หฒวัง เมี่ยน, เตา เยเลมี,

16“ก๊อง เถา เม่ย เต๊ง เฒี้ยว เญย เม่ง ก๊อง บั๋ว เยีย บัว วั้ว เต๋ย หว่า, เยีย บัว ไม้ หมวัง.

17มป่า เยีย บัว อ๋อย โหฒว เหฒียง หฒิว เยีย บัว โฮ้ว เจี๊ยน เญย เหยียด ฒู้ง หว่า. เยีย บัว อ๋อย ปั๊ว ฮูง ปุน ลู่ง เญย ฮู่ง หม่า แอ๋ง เธี้ย เหฒี่ย ปุน นิ่น ฮนั้ง เยีย บัว, เลี่ยม เยีย บัว เญย อง-ถาย, เยีย บัว เญย ฮู่ง เหธา เจียน เยียม ยูดา เญย ฒี่ง เหธา เยลูซาเลม เญย จาย-ห่อง โหฒว เญย นอ. วั้ว หฒั่น เยีย บัว ฮนั้ง หน่าย โหฒว เยีย บัว ม่าย หญั่น ฮบ ธั้ม, หย่า ตุ๊ หลง, ฒู้ง ไม้ ปวัด หฒุ เธี้ยว เญย เหฒะ หน่าน.

18มป่า เยียม เยีย บัว ตี้ง, ไม้ ปั๊ว ฮูง ปุน ลู่ง เญย ฮู่ง หม่า หย่า ไม้ เธี้ย เหฒี่ย ปุน นิ่น, เยีย บัว ธา หญู่งๆ หย่า หลาย หฑุ ด๊าว เหธา หง่อ หฮนาง หฒุ เหมียด.”

19วั้ว เต๋ย มเซียะ ตอน ก๊อง, “เยีย บัว ปั๊ว ฮูง ปุน ลู่ง เญย ฮู่ง หม่า หย่า เธี้ย เหฒี่ย ปุน นิ่น, เซ เยีย บัว โหฒว วั้ว เต้า ฮู่ง หม่า เญย ฝัง เญย ฌั้ว, หย่า เธี้ย เหฒี่ย ปุน นิ่น, ไม้ เฒ์ย เยีย บัว เญย โหฆ ฆอย ฑุ่ย โหฒว ไฟ?”

20เยเลมี ฯฒฯ บั๋ว หฒวัง แปะ ฝีง, มจั่ง มเซียะ, เหยียด ฒู้ง ฮนั้ง หน่าย เตา นิ่น เญย เมี่ยน,

21“ต้ง เม่ย บัว เยียม ยูดา เญย ฒี่ง เหธา เยลูซาเลม เญย จาย-ห่อง ปั๊ว ฮูง, เซ เม่ย บัว เหธา เม่ย บัว เญย อง-ถาย, เม่ย บัว เญย ฮู่ง เหธา เม่ย บัว เญย เจียน, เหธา เยียม เต่ย-ปูง เญย แปะ ฝีง, เฒี้ยว ไม้ จั๋ง ไฟ? นิ่น ไม้ ฮนั้ม เถา ไฟ?

22เฒี้ยว เญี์ยน ไม้ ตุ๊ เม่ย บัว โหฒว เอ๊าะ เญย เจ๊า เหธา เม่ย บัว โหฒว กั้ม เฑี้ย เญย สี่. เซ เหว่ย น้าย เม่ย บัว เญย เต่ย-ปูง หฒุ ป่าย หว่าย ป่าย ฮวาง หย่า หฒุ เหฒียว, ไม้ ม่าย เมี่ยน เยียม ฮนั้ง อี้ ฮนอย นอ.

23เซ หลาย เม่ย บัว ปั๊ว ฮูง หย่า ป์าม ฒุ์ย ต่อง เฒี้ยว, ไม้ หมวัง นิ่น ก๊อง เญย หว่า, ไม้ กัน นิ่น เญย เล์ย-หลัด เหธา นิ่น เญย เล์ย เหธา นิ่น เญย เล์ย-เหญ่ย เม่ย บัว หธีง ต้าย หฒุ น้าย เต๋ย เธี้ยว เญย เหฒะ หน่าน ฮนั้ง อี้ ฮนอย นอ.”

24เยเลมี ก๊อง บั๋ว หฒวัง แปะ ฝีง เหธา เหยียด ฒู้ง มเซียะ ตอน, “ตะฟ่าน เม่ย บัว เยียม อียิบ เต่ย-ปูง เญย ยูดา เมี่ยน อ้า! หมวัง เฒี้ยว เญย หว่า ม่าะ!

25เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เม่ย บัว เหธา เม่ย บัว เญย เอ๊า กั้น เญย ฑุ่ย ก๊อง, เม่ย บัว กั้น เญย ปั์ว หย่า โหฒว เหฒียง. เม่ย บัว ก๊อง, “เยีย บัว ฒู้ง อ๋อย จ๊าว ซูง เยีย บัว โฮ้ว เญย หว่า, เซ ปั๊ว ฮูง ปุน ลู่ง เญย ฮู่ง หม่า หย่า เธี้ย เหฒี่ย ปุน นิ่น.” เม่ย บัว กุ๊น เอย เจี๊ยน โหฒว หย่า จ๊าว ซูง เม่ย บัว แล์ง เญย แหง่ง หว่า.’”

26“ฮนั้ง หน่าย เม่ย บัว เหยียด ฒู้ง เยียม อียิบ เต่ย เญย ยูดา เมี่ยน หมวัง เฒี้ยว เญย หว่า ม่าะ! เฒี้ยว ก๊อง, ‘เยีย เฒี้ยง เจี๊ยน เยีย กั้น โฮล ไห่ เญย เม่ง โฮ้ว หว่า ก๊อง, เยียม น้าย มี่ง เยียม ก๋อม อียิบ เต่ย-ปูง เยีย ไม้ ปุน หาย เต้า ยูดา เมี่ยน ก๊อง, ‘เยีย เฒี้ยง เจี๊ยน เฒี่ยง เจี๊ยน เญย เฒี้ยว ทิน-ฮู่ง โฮ้ว หว่า.’

27หมั่ง ม่าะ! เยีย ฒั้ว เจี๊ยน อ๋อย ปุน นิ่น บัว หฒุ เธี้ยว ไม้ เฒ์ย ตุ๊ หลง. ตะฟ่าน เยียม อียิบ เต่ย-ปูง เญย ยูดา เมี่ยน ฒู้ง หฒุ หฑุ ด๊าว, หฒุ หง่อ หฮนาง เหมียด เหฑ่ง, เถา นิ่น บัว หฒุด เหฑ่ง.

28เปย๋า หฑุ ด๊าว เยียม อียิบ หฑวน ยูดา เต่ย-ปูง เญย เมี่ยน โหฒะ เญย. ต้าย เยียม เจี๊ยน อียิบ เต่ย-ปูง เหฒ่ง เหฌี่ย เญย ยูดา เมี่ยน เหยียด ฒู้ง ฯฒฯ ฮิ้ว ตุ๊ หาย เต้า เญย หว่า เหลียบ ตุ๊ ว้วน, เซ เยีย เญย ไฟ นิ่น บัว เญย.’

29“ เฒี้ยว ก๊อง, ‘น้าย โหฒว นอม เหล่ง เจ๊ย เญย จั๋ง-โห่. เยีย อ๋อย เยียม น้าย นอม ต๋อง ตี่ง เม่ย บัว เญย ฒุ์ย เหว่ย ปุน เม่ย บัว ฮิ้ว ตุ๊ เยีย อ๋อย ปุน เม่ย บัว หฒุ เธี้ยว วั้ว เต๋ย หว่า ฒู้ง เหลียบ ตุ๊ ว้วน.’

30เฒี้ยว ฮนั้ง น้าย ก๊อง, ‘หมั่ง ม่าะ! เยีย อ๋อย เฒาะ อียิบ ฮู่ง, ฟาโลโฮฟา, จิว ปุน เยียม นิ่น เญย วิน-วั้ง เญย ปั์ว-เดี๊ย เหธา ล์อ นิ่น เญย แหม่ง วั้ว เต๋ย เญย ปั์ว-เดี๊ย, ฮนั้ง เยีย เฒาะ ยูดา ฮู่ง, เสเดคียา, จิว ปุน เยียม นิ่น เญย วิน-วั้ง เหธา ล์อ นิ่น เญย แหม่ง วั้ว เต้า บาบีโลน ฮู่ง, เนบูคัดเน้ดซา, เญย ปั์ว-เดี๊ย.

← Chapter 43 Jump to: Chapter 45 →