Jeremiah 42

Mien Bible (Thai Script) © Thailand Bible Society, 2007

← Chapter 41 Jump to: Chapter 43 →

1จุน- แปง เญย หฒวัง แปง-เปย๊ย เหธา คาเลอา เญย ตอน, โยฮานัน, เหธา โฮซายา เญย ตอน, อาซาลิยา, เหธา เจี๊ยน เหยียด ฒู้ง แปะ ฝีง เยียม โหฒว ไฝ เจี๋ย เถา โหฒว โฮล เจี๋ย เญย เมี่ยน, เปียะ ต้าย ฟัด,

2หย่า ก๊อง บั๋ว โต่ว หว่า เมี่ยน, เยเลมี, “โท้ หมวัง เยีย บัว โจ้ว เญย หว่า, หย่า โท้ เถง เยีย บัว เต๋า เก๋า โจ้ว เฒี้ยว, เม่ย เญย ทิน-ฮู่ง, เซ เหว่ย เยีย บัว เหยียด ฒู้ง เหฒ่ง เหฌี่ย เญย เมี่ยน. ฒิ่น ด่าง เยีย บัว ธั้ม มป่า อี้ หฒั่น โหฒะ ฮนั้ง เม่ย เญย มฒีง ปวัด เจี๊ยน เญย นอ.

3โท้ เฒี้ยว, เม่ย เญย ทิน-ฮู่ง, ปุน เยีย บัว ฮิ้ว ตุ๊ เยีย บัว หอบ หฒุ ยั่ง เญย เจ๊า, เยีย บัว หย่า อ๋อย หฒุ โหฒว หาย หญู่ง.”

4โต่ว หว่า เมี่ยน, เยเลมี, ก๊อง บั๋ว นิ่น บัว, “เยีย หมวัง ไฮ์ เม่ย บัว หมี่ อ๊ะ. หฒิว เม่ย บัว โจ้ว เญย หว่า เยีย อ๋อย เต๋า เก๋า โท้ เฒี้ยว, เม่ย บัว เญย ทิน-ฮู่ง. เฒี้ยว ฮนั้ง หาย นอ เตา, เยีย ฒู้ง บั๋ว เม่ย บัว. เยีย ไม้ ปี๋ง เหยียด หญู่ง เม่ย บัว.”

5นิ่น บัว ก๊อง บั๋ว เยเลมี, “สี ก๊อง เยีย บัว ไม้ เอย เฒี้ยว, เม่ย เญย ทิน-ฮู่ง, พ้าย เม่ย เญย เหยียด ฒู้ง หว่า โหฒว, โท้ เฒี้ยว โหฒว เฒียน เญย, เหฒียบ ฒัวะ เญย ฒอง-เหฒง ฯฒฯ เหธา เยีย บัว ต๋อย-เตก.

6ไม้ กุ๊น หลง ไฟ เธี้ยว, เยีย บัว อ๋อย หมวัง เฒี้ยว, เยีย บัว เญย ทิน-ฮู่ง เญย หว่า, ต้ง เยีย บัว เห่ว เม่ย ล์อ วั้ว เต้า. เยีย บัว หมวัง เฒี้ยว, เยีย บัว เญย ทิน-ฮู่ง เญย หว่า เยีย บัว ฯฒฯ ไฮ่ ตุ๊ หลง.”

7เจี๋ย ลิ์ว เหฒียบ ฮนอย, เยเลมี ตุ๊ ฒิบ เฒี้ยว เญย หว่า.

8นิ่น ฯฒฯ เห่ว คาเลอา เญย ตอน, โยฮานัน, เหธา จุน-แปง เญย หฒวัง แปง-เปย๊ย เหธา เหยียด ฒู้ง แปะ ฝีง เยียม โหฒว ไฝ เจี๋ย เถา โหฒว โฮล เจี๋ย.

9นิ่น ก๊อง บั๋ว นิ่น บัว, “ เฒี้ยว, อิสะลาเอน เญย ทิน-ฮู่ง, ต้ง เม่ย บัว พ้าย เยีย มี่ง ล์อ เหว่ย ต้อ เม่ย บัว โจ้ว เญย หว่า, ฮนั้ง น้าย ก๊อง,

10‘สี ก๊อง เม่ย บัว เยียม เจี๊ยน น้าย นอม เต่ย-ปูง, เยีย ฯฒฯ เหธย เจี์ย เม่ย บัว, ไม้ เฒ์ย แธะ เม่ย บัว เหฌี่ย. เยีย หฒวัง เม่ย บัว, หย่า ไม้ แปง เม่ย บัว ธ้วด, เหว่ย หฒุ เยีย ก๊อย เฮญี้ยว ไม้ ปุน เม่ย บัว หฒุ เธี้ยว เญย เหฒะ หน่าน ฮนั้ง หฒุ เจี๋ย นอ.

11ไม้ ตู๋ง กั้ม เหฑีย บาบีโลน ฮู่ง, ต้ง เม่ย บัว กั้ม เหฑีย วั้ว เต้า.’ เหว่ย หฒุ เฒี้ยว ก๊อง, ‘ไม้ ตู๋ง กั้ม เหฑีย นิ่น เหว่ย หฒุ เยีย เหธา เม่ย บัว เยียม, อ๋อย เหฌียว เม่ย บัว, ปุน เม่ย บัว เปย๋า ดุ๊ด นิ่น เญย ปั์ว-เดี๊ย.

12เยีย อ๋อย ค้อ-เลี่ยน เม่ย บัว, เหว่ย ปุน นิ่น ค้อ-เลี่ยน เม่ย บัว หย่า ปุน เม่ย บัว หฑวน เม่ย บัว กั้น เญย เต่ย-ปูง.’

13“มป่า สี ก๊อง เม่ย บัว ก๊อง, ‘เยีย บัว ไม้ เยียม น้าย นอม เต่ย-ปูง อ๊ะ,’ ฯฒฯ ไม้ หมวัง เฒี้ยว, เม่ย บัว เญย ทิน-ฮู่ง, เญย หว่า,

14แอ๋ง ก๊อง, ‘เยีย บัว ไม้ เยียม อ๊ะ. เยีย บัว อ๋อย มี่ง อียิบ เต่ย-ปูง. เยียม วั้ว ไม้ ปวัด เบ๊าะ จ๋า เญย สี่, ไม้ ไฮ์ จอง เญย เฉีย, หย่า ไม้ หง่อ หฮนาง. เยีย บัว ฯฒฯ เยียม วั้ว.’

15โอ เม่ย บัว เหฒ่ง เหฌี่ย เญย ยูดา เมี่ยน อ้า! อ๋อย หฒุ หมวัง เฒี้ยว เญย หว่า. เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘สี ก๊อง เม่ย บัว ตี่ง เฮญี้ยว เปียะ อียิบ เต่ย-ปูง เยียม,

16ต้ง เม่ย บัว กั้ม เหฑีย เญย หฑุ ด๊าว อ๋อย เยียม อียิบ หฒุ่น หฒ่าย เม่ย บัว. เม่ย บัว กั้ม เหฑีย หง่อ หฮนาง เญย เจ๊า, มป่า หง่อ หฮนาง เญย เจ๊า อ๋อย กัน เจี๊ยน เม่ย บัว มี่ง อียิบ. เม่ย บัว ฯฒฯ เยียม วั้ว ไต่.

17ตะฟ่าน ตี่ง เฮญี้ยว มี่ง เยียม อียิบ เญย เมี่ยน ฯฒฯ หฒุ หฑุ ด๊าว, หฒุ หง่อ หฮนาง, หฒุ ววน-แป่ง ไต่. นิ่น บัว ไม้ เหฒ่ง เหยียด ล่าน ไฮ่ เปย๋า ตุ๊ ดุ๊ด. เยีย อ๋อย ปุน นิ่น บัว หฒุ เธี้ยว เญย เหฒะ หน่าน.’

18เหว่ย หฒุ เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เยีย ฮนั้ง หาย นอ โน์ว ไห่, กะเฉีย แป๊ด ธ้วด ปุน เยียม เยลูซาเลม เญย แปะ ฝีง, เม่ย บัว มี่ง อียิบ เต่ย-ปูง เญย เฒี่ยง โห่, เยีย เญย กะเฉีย หย่า อ๋อย ฮนั้ง วั้ว นอ แป๊ด ธ้วด ปุน เม่ย บัว. เม่ย บัว ฯฒฯ หฒุ เมี่ยน โหยว, เป๋น กั้ม เหฑีย เญย กะน้าย, เป๋น เหฒียว เญย หว่า, หย่า หฒุ เมี่ยน ฮว้วด. เม่ย บัว ไม้ ตุ๊ แอ๋ง ปวัด น้าย นอม ต๋อง.’

19“เหฒ่ง เหฌี่ย เญย ยูดา เมี่ยน อ้า! เฒี้ยว ก๊อง บั๋ว เม่ย บัว, ‘ไม้ ตู๋ง มี่ง อียิบ เต่ย-ปูง.’ เม่ย บัว อ๋อย หฒุ ฮิ้ว ตี่ง, อี้ ฮนอย เยีย ต๊น เจี๊ยน เม่ย บัว ก๊อง,

20เม่ย บัว มี่ง ต่อง เจ๊า ฯฒฯ หฒุ กวั่ง แหม่ง อ๊ะ, เหว่ย หฒุ เม่ย บัว โท้ เยีย มี่ง ล์อ เฒี้ยว, เม่ย บัว เญย ทิน-ฮู่ง, ก๊อง, ‘โท้ เหว่ย เยีย บัว เต๋า เก๋า โจ้ว เฒี้ยว, เยีย บัว เญย ทิน-ฮู่ง. เฒี้ยว, เยีย บัว เญย ทิน-ฮู่ง ก๊อง หาย หญู่ง โท้ บั๋ว เยีย บัว, เยีย บัว ฯฒฯ เอย เจี๊ยน โหฒว อ๊ะ.’

21อี้ ฮนอย เยีย เฒาะ น้าย เต๋ย หว่า บั๋ว เม่ย บัว, เซ เฒี้ยว, เม่ย บัว เญย ทิน-ฮู่ง, พ้าย เยีย ต้าย บั๋ว เม่ย บัว เญย หว่า, มป่า เม่ย บัว ไม้ หมวัง.

22อี้ หฒั่น เม่ย บัว อ๋อย หฒุ ฮิ้ว ตี่ง, เม่ย บัว อ๋อย มี่ง เยียม เญย ต๋อง เม่ย บัว อ๋อย หฒุ หฑุ ด๊าว, หฒุ หง่อ หฮนาง, หฒุ ววน-แป่ง ไต่.”

← Chapter 41 Jump to: Chapter 43 →