Jeremiah 30

Mien Bible (Thai Script) © Thailand Bible Society, 2007

← Chapter 29 Jump to: Chapter 31 →

1เยเลมี ตุ๊ ฒิบ เฒี้ยว เญย หว่า ก๊อง,

2“ เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เฒาะ เยีย ก๊อง บั๋ว เม่ย เญย เหยียด ฒู้ง หว่า เฟี้ย เจี๊ยน โซว.’

3เฒี้ยว ก๊อง, ‘ฮนอย-เหญียะ อ๋อย เถา, เยีย อ๋อย ปุน เยีย เญย แปะ ฝีง, อิสะลาเอน เมี่ยน เหธา ยูดา เมี่ยน, ตุ๊ หลง ต้าย ฮนั้ง โล์ วั้ว นอ. เยีย อ๋อย ต้อ นิ่น บัว หฑวน ต้ง เยีย เหธย ปุน นิ่น บัว เญย อง-ถาย เญย เต่ย-ปูง. นิ่น บัว ฯฒฯ ตุ๊ หฑิบ เป๋น นิ่น บัว เญย ป่วน.’” น้าย เซ เฒี้ยว ก๊อง เญย หว่า.

4เยียม น้าย มี่ง เซ เฒี้ยว ก๊อง เถา อิสะลาเอน เหธา ยูดา เญย หว่า.

5เฒี้ยว ฮนั้ง น้าย ก๊อง, “เยีย บัว ไฮ์ เห่ว เจี๊ยน เฮญี้ยว ฮวาง เญย เฉีย, กั้ม เหฑีย ไห่, ไม้ ม่าย แป้ง ออน.

6เม่ย บัว อ๋อย หฒุ หน่าย หย่า หมั่ง ก๋า, มจั่ง ตอน ไฮ่ ยู์ง กู้งว์า เญย ไฟ? วั้ว หญู่ง เยีย เหว่ย หาย ติ่ว ปวัด เต้าๆ มจั่ง ตอน หล่ง ปั์ว ชัม เจี๊ยน กะเซีย ฮนั้ง มเซียะ ตอน มุน กู้งว์า? เต้าๆ เญย เฮมียน เหว่ย หาย ติ่ว เบี่ยน เหฑ่ง?

7โค้ว อ๊ะ. น้าย นอม ฮนอย หฒะเก้ง เป๋น ต้ม ฮนอย อ๊ะ. ไม้ ม่าย หาย นอม ฮนอย ด่ง น้าย นอม ฮนอย. เซ ยาโค้บ หฒุ เหฒะ หน่าน เญย เฒี่ยง โห่, มป่า เยียม วั้ว นอม ฮนอย นิ่น หธ่อ ตุ๊ เหฌียว ธ้วด.’

8“เน่น เจี๋ย เญย เฒี้ยว ฮนั้ง น้าย ก๊อง, ‘เถา วั้ว ฮนอย เยีย อ๋อย ว้วด เน้า ก์า เจี๊ยน นิ่น บัว เญย จาง เญย เดี๋ยง-ก์า, หย่า ธุด ตั๋ง โด้ นิ่น บัว เญย ฮลาง. กั้น ฝีง เมี่ยน หย่า ไม้ ตุ๊ ปุน นิ่น บัว แอ๋ง โหฒว โน่ว.

9นิ่น บัว อ๋อย ฟู-สู เฒี้ยว, นิ่น บัว เญย ทิน-ฮู่ง, หย่า ฟู-สู เยีย เหว่ย นิ่น บัว เหลียบ ต้าย เญย ฮู่ง, ดาวิด.’

10“ เฒี้ยว ฮนั้ง น้าย ก๊อง, ‘เยีย เญย โปว, ยาโค้บ อ้า! ไม้ ตู๋ง กั้ม เหฑีย. อิสะลาเอน เมี่ยน อ้า! ไม้ ตู๋ง หฒุ แฮะ กั้น, เหว่ย หฒุ หมั่ง ม่าะ! เยีย อ๋อย เยียม โก เญย ต๋อง เหฌียว เม่ย, หย่า เยียม หฒุ กว๊าด มี่ง เญย เต่ย-ปูง เหฌียว เม่ย เญย เฒ้ย-ฟุน. ยาโค้บ ฯฒฯ ตุ๊ หฑวน ต้าย เซ้ก เหฑียะ แป้ง ออน เญย เยียม, หย่า ไม้ ม่าย หาย เต้า โหฒว ปุน นิ่น กั้ม เหฑีย.’

11“ เฒี้ยว ฮนั้ง น้าย ก๊อง, ‘เยีย เหธา เม่ย เยียม เหว่ย เหฌียว เม่ย. เยีย อ๋อย ปุน ต้ง เม่ย หฒุ หฑาน มี่ง เยียม วั้ว เต๋ย เหยียด ฒู้ง กั๊วะ บุด๋ง หฒุด เหฑ่ง. มป่า เยีย ไม้ ปุน เม่ย หฒุด เหฑ่ง. หฒิว เม่ย โหฒว เญย เยีย อ๋อย เบ๊าะ หฌาว เม่ย ผุย หอบ หฒุ โหฒว เญย. ไม้ กุ๊น ฮนั้ง หาย นอ, เยีย อ๋อย หฒุ ตี่ง เม่ย เญย ฒุ์ย ไม้ กวั่ง.’

12“ เฒี้ยว ฮนั้ง น้าย ก๊อง, “‘เม่ย หฒุ มุน เญย ต๋อง หฒ่อ ไม้ ไฮ่ หลง, เม่ย หฒุ เซียง เญย ต๋อง หฒะเก้ง หฒุ เฮนี้ย.

13ไม้ ม่าย เมี่ยน เถง เม่ย แหธง สี่, ไม้ ม่าย เดีย หฒ่อ เม่ย บัว หฒุ มุน เญย ต๋อง, ไม้ ไฮ่ หฒ่อ ตุ๊ เม่ย หลง.

14ฮนั้ม เม่ย วั้ว เต๋ย เหยียด ฒู้ง หละคุ เม่ย. นิ่น บัว ฒู้ง ไม้ กุ๊น เม่ย อ๊ะ, เหว่ย หฒุ เยีย เบ๊าะ เม่ย ฮนั้ง วิน-วั้ง เบ๊าะ นอ, หย่า ตี่ง เม่ย เญย ฒุ์ย ฮนั้ง ตี่ง โตะ ไห่ เญย เมี่ยน เญย ฒุ์ย, เหว่ย หฒุ เม่ย เญย ฒุ์ย โฮล ไห่, เม่ย เญย ฒุ์ย-หนิบ หย่า ธั้ม.

15เม่ย เหว่ย หาย ติ่ว เญี้ยม หลาย หฒุ มุน? เม่ย หฒุ มุน เญย ต๋อง หฒ่อ ไม้ ไฮ่ หลง, เหว่ย หฒุ เม่ย เญย ฒุ์ย โฮล ไห่, เม่ย เญย ฒุ์ย-หนิบ หย่า แหฆ่ง, เยีย หธีง ฮนั้ง น้าย โหฒว น้าย เต๋ย สี่ ปุน เม่ย.

16“‘เหว่ย น้าย ตะฟ่าน หาย เต้า หญั่น เม่ย, วั้ว เต้า ฯฒฯ หฒุ หญั่น อ๊ะ. เม่ย เญย เหยียด ฒู้ง วิน-วั้ง, เต้าๆ ฒู้ง อ๋อย หฒุ กว๊าด มี่ง. ลู้ เม่ย วั้ว เต๋ย หย่า อ๋อย หฒุ ลู้, ตะฟ่าน ธ้าง เม่ย วั้ว เต๋ย หย่า อ๋อย หฒุ ธ้าง.’

17เฒี้ยว ก๊อง, ‘เยีย อ๋อย หฒ่อ เม่ย หลง, ปุน เม่ย ฮนั้ง โล์ วั้ว นอ. เยีย หย่า อ๋อย หฒ่อ เม่ย หฒุ มุน เญย ต๋อง หลง, เหว่ย หฒุ เมี่ยน ก๊อง เม่ย เซ หฒุ หฒุ่น ธ้วด เญย เมี่ยน, ‘เซ สิโอน, ต้ง ไม้ ม่าย หาย เต้า ถาน.’

18“ เฒี้ยว ฮนั้ง น้าย ก๊อง, “เยีย อ๋อย ปุน ยาโค้บ เญย ด๊บ-ลิ่ว หฑวน ต้าย ตุ๊ หลง ฮนั้ง โล์ วั้ว นอ, หย่า ค้อ-เลี่ยน นิ่น เยียม เญย ต๋อง. ฒี่ง หย่า อ๋อย ตุ๊ เหธย เจี์ย เยียม ฒี่ง เญย โล์-บง, ฮู่ง ติ่น หย่า เยียม โล์-ต๋อง เหลียบ เจี์ย.

19ม่าย แล์ง ฒี่ง เญย ฑูง เหธา เฌียน-โย่ว เญย เฉีย เยียม น้าย เต๋ย ต๋อง กะญั์ว ธ้วด. เยีย อ๋อย ปุน นิ่น บัว หฮยาง เจี๊ยน ฝาว, นิ่น บัว ฯฒฯ ไม้ เฒ์ย โหฒะ. เยีย อ๋อย ปุน นิ่น บัว ตุ๊ เมี่ยน ท่าย, นิ่น บัว ฯฒฯ ไม้ เฒ์ย โหฒว ไฝ.

20นิ่น บัว เญย ฝุเจว๊ย อ๋อย ฮนั้ง โล์ วั้ว นอ. นิ่น บัว กั๊บ ฒุ้น เญย หวุ่ย หย่า เยียม เยีย เญย หฑะเฮมียน เหลียบ เจี์ย. เยีย อ๋อย ตี่ง ตะฟ่าน เหฒย นิ่น บัว วั้ว เต๋ย เญย ฒุ์ย.

21กุ๊น นิ่น บัว วั้ว เต้า ฒู้ง เป๋น นิ่น บัว กั้น เญย เมี่ยน, นิ่น บัว เญย เปย๊ย เฒ้ย เป๋น เยียม นิ่น บัว กั้น บุด๋ง เญย เมี่ยน. เยีย อ๋อย ปุน นิ่น ต้าย นิด ฟัด, นิ่น ฯฒฯ ต้าย นิด ฟัด เยีย, เหว่ย หฒุ ม่าย หาย เต้า นิ่น กั้น ก๊าม ต้าย นิด ฟัด เยีย?’ น้าย เซ เฒี้ยว ก๊อง เญย หว่า.

22“‘เม่ย บัว ฯฒฯ โหฒว เยีย เญย แปะ ฝีง, เยีย หย่า โหฒว เม่ย บัว เญย ทิน-ฮู่ง.’”

23หมั่ง ม่าะ! เฒี้ยว เญย หฑยาว-เจี๊ยะ. กะเฉีย แป๊ด ธ้วด ฮนั้ง หฑยาว-หฒุ่น กวิ้น เจี๊ยน เอ๊าะ เมี่ยน เญย มฆ้อง.

24เฒี้ยว เธี้ยว เญย กะเฉีย แป๊ด ธ้วด หย่า ไม้ ต๋าว ฆาง, เถา นิ่น เยียม เฮญี้ยว ตี่ง อ๋อย โหฒว เญย โหฒว เหฒียง. เถา เซ้ด เมว์ย เญย ฮนอย-เหญียะ เม่ย บัว ฯฒฯ เม่ง แปะ น้าย เต๋ย สี่.

← Chapter 29 Jump to: Chapter 31 →