bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Leviticus 11
Leviticus 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 12 →
1
Na Yeova aneena na Mose na Aluni, akĩmea,
2
Neenai na ana ma Isilaeli, mũimea, Ii nĩsyo syĩndũ syĩ thayũ ila mũtonya kũya nyamũnĩ syonthe ila syĩ kũũ nthĩ.
3
O ĩla yĩ na ĩvũngũ yatũe, na mathaio matũku katĩ, na ĩthaumasya, nyamũnĩ syonthe, nĩyo mũtonya kũya.
4
Ĩndĩ ii mũikaaye sya ila ithaumasya, kana sya ila syĩ na ĩvũngũ yatũe: ngamĩle, nĩkwĩthĩwa nĩthaumasya ĩndĩ ndĩ na ĩvũngũ yatũe, nĩ mbuku kwenyu.
5
Na kĩnyowe, nĩkwĩthĩwa nĩkĩthaumasya ĩndĩ kĩti na ĩvũngũ yatũe, nĩ kĩvuku kwenyu.
6
Na mbũkũ, nĩkwĩthĩwa nĩthaumasya ĩndĩ ndĩ na ĩvũngũ yatũe, nĩ mbuku kwenyu.
7
Na ngũlũe, nĩkwĩthĩwa yĩ na ĩvũngũ yatũe, na mathaio matũku katĩ, ĩndĩ ndĩthaumasya, nĩ mbuku kwenyu.
8
Mũikaaye nyama syasyo, na mũikaakiite syĩ ngw’ũ: nĩ mbuku kwenyu.
9
Ii nĩsyo mũtonya kũya sya syonthe ila syĩ manzĩnĩ: o ĩla yĩ na nthwau na makwaũ manzĩnĩ, maũkanganĩ, na mbũsĩnĩ, isu nĩmũtonya kũya.
10
Na syonthe ila ite na nthwau na makwaũ maũkanganĩ, na mbũsĩnĩ, sya syonthe ila ithambĩaa manzĩnĩ, na sya syonthe ila syĩ thayũ ila syĩ manzĩnĩ, nĩ ũthatyo kwenyu,
11
na ikeethĩwa ũthatyo kwenyu; mũtikaaye nyama syasyo, na syĩ ngw’ũ ikeethĩwa ũthatyo kwenyu.
12
O ĩla yĩ manzĩnĩ ĩte na nthwau kana makwaũ, nayo nĩ ũthatyo kwenyu.
13
Na ii nĩsyo sya nyũnyi ila ikeethĩwa ũthatyo kwenyu; itikaaĩwe, nasyo nĩ ũthatyo: ndiũ, na ndiũ ya ĩthingi, na ndei,
14
na kĩmangaũ, na kĩvaalala o mũthemba wakyo,
15
na kĩla ngũngũũ o mũthemba wayo,
16
na nyaa, na ĩowe, na ĩng’aa, na mbolosya o mũthemba wayo,
17
na mũnyũũ, na ĩvutavutĩlya, na ndundu nene,
18
na ndundu yĩ mbya, na ngunĩ, na ndei ya ĩthingi,
19
na ĩsaũ, na ĩkuthakũthĩi o mũthemba wayo, na ĩlumi, na ũvuvu.
20
Na tũsamũ tw’onthe tũla twĩ na nthwau na tũtambũkaa o tũla tũendaa na maũũ ana nĩ ũthatyo kwenyu.
21
Ĩndĩ tũũ nĩtw’o mũtonya kũya twa tũsamũ tw’onthe tũla twĩ na nthwau na tũtambũkaa o tũla tũendaa na maũũ ana, twĩ na maũũ maasa, ma kũthaanyũkanga ĩũlũ wa nthĩ namo;
22
tũla mũtonya kũya twatw’o nĩ tũũ: ngie o mũthemba wayo, na ngie nene o mũthemba wayo, na ndandalĩka o mũthemba wayo, na kĩtooli o mũthemba wakyo.
23
Ĩndĩ tũsamũ tw’onthe tũla twĩ na nthwau na tũtambũkaa, tũla twĩ na maũũ ana, nĩ ũthatyo kwenyu.
24
Na kwondũ wa isu mũkeethĩwa avuku: o ũla wĩikiita syĩ ngw’ũ akeethĩwa mũvuku kũvika wĩoo;
25
o na ũla ũkakua kĩlungu kyasyo syĩ ngw’ũ akathambya ngũa syake, na kwĩthĩwa mũvuku kũvika wĩoo.
26
Kĩla nyamũ yĩ na ĩvũngũ yatũe, na mathaio mate matũku katĩ, na ndĩthaumasya, nĩ mbuku kwenyu: kĩla mũndũ ũla wĩikiita akeethĩwa mũvuku.
27
Na o ĩla ĩendaa na ithu syayo, nyamũnĩ syonthe ila iendaa na maũũ ana, nĩ mbuku kwenyu: o ũla wĩikiita syĩ ngw’ũ akeethĩwa mũvuku kũvika wĩoo.
28
Na ũla wĩikua syĩ ngw’ũ akathambya ngũa syake, na kwĩthĩwa mũvuku kũvika wĩoo: nĩ mbuku kwenyu.
29
Tũsamũnĩ tũla tũtambũkaa ĩũlũ wa nthĩ tũũ nĩtw’o tũvuku kwenyu: kamũũngũu, na kavĩla, na ndĩlya nene o mũthemba wayo,
30
na mwilũ, na ngusw’ĩ, na ĩtelembũ, na nzana, na kĩmbu.
31
Tũu nĩtw’o tũvuku kwenyu twa tw’onthe tũla tũtambũkaa: o ũla ũkatũkiita twĩ tũkw’ũ, akeethĩwa mũvuku kũvika wĩoo.
32
Na kamwe katw’o ke kakw’ũ kakavalũkĩla kĩndũ o na kĩva, kĩkeethĩwa kĩvuku: ethĩwa nĩ kĩndũ kĩseũvĩtw’e kya mũtĩ, kana ngũa, kana kĩthuma, kana ĩkunia, kĩndũ o na kĩva, kĩla kĩtetheaw’a wĩa o na wĩva, mũvaka kĩkĩwe manzĩnĩ, na kĩkeethĩwa kĩvuku kũvika wĩoo; nĩvo ĩndĩ kĩĩthĩwa kĩtheu.
33
Kĩla kĩndũ kyũmbĩtwe kya yũmba, kĩla kamwe katw’o kakavalũka nthĩnĩ wakyo, o kĩla kĩ nthĩnĩ wakyo kĩkeethĩwa kĩvuku, na mũkakyũaa.
34
Lĩu w’onthe nthĩnĩ wakyo ũla ũtonya kũĩwa, ũla manzĩ asu meĩkĩwa ĩũlũ waw’o, ũkeethĩwa mũvuku; na kya ũnyw’a kyonthe kĩla kĩtonya kũnyw’ĩwa kĩ mũionĩ ũilyĩ ũu kĩkeethĩwa kĩvuku.
35
Na kĩla kĩndũ kĩkavalũkĩlwa nĩ kĩlungu o na kĩva kyatw’o twĩ tũkw’ũ kĩkeethĩwa kĩvuku; ethĩwa nĩ iko, kana mbisũ, ĩkooawa ilungu: nĩ mbuku, na ikeethĩwa mbuku kwenyu.
36
Ĩndĩ nthongo kana ĩima yĩla manzĩ mombanĩe yĩkeethĩwa yĩ ĩtheu: ĩndĩ o ũla ũkatũkiita twĩ tũkw’ũ akeethĩwa mũvuku.
37
Na ethĩwa kĩlungu kyatw’o twĩ tũkw’ũ kĩkavalũkĩla mbeũ ila sya ũvandwa, nĩ ntheu.
38
Ĩndĩ ethĩwa mbeũ ikeekĩwa manzĩ, na kĩlungu kyatw’o twĩ tũkw’ũ kĩkaivalũkĩla, nĩ mbuku kwenyu.
39
Na ethĩwa nyamũ o na yĩva, ĩla mũtonya kũya, ĩkakw’a; ũla wĩmĩkiita yĩ ngw’ũ akeethĩwa mũvuku kũvika wĩoo.
40
Na ũla wĩya nyama syayo yĩ ngw’ũ akathambya ngũa syake, na kwĩthĩwa mũvuku kũvika wĩoo: o nake ũla wĩmĩkua yĩ ngw’ũ akathambya ngũa syake, na kwĩthĩwa mũvuku kũvika wĩoo.
41
Na kĩla kasamũ katambũkaa, kala katambũkaa ĩũlũ wa nthĩ nĩ ũthatyo, katikaĩwe.
42
O kĩla kĩendaa na ĩvu, na kĩla kĩendaa na maũũ ana, kana kĩla kĩ na maũũ maingĩ, o tũsamũ tw’onthe tũla tũtambũkaa ĩũlũ wa nthĩ, tũu mũtikatũye; nũndũ nĩ ũthatyo.
43
Mũtiketw’ĩkĩthye ũthatyo ũndũ wa kasamũ o na keva kala katambũkaa, o na mũikevukye ũndũ watw’o, mũvukw’e nĩtw’o.
44
Nũndũ nyie nĩ Yeova Ngai wenyu: kwondũ wa ũu ĩvathan’yei, na ĩthĩwai atheu; nũndũ nyie nĩ mũtheu: o na mũikevukye na kasamũ o na keva kala katambũkaa kala kaendaa ĩũlũ wa nthĩ.
45
Nũndũ ninyie Yeova ũla wamumisye nthĩ ya Misili, nĩthĩwe Ngai wenyu: kwondũ wa ũu ĩthĩwai atheu, nũndũ nyie nĩ mũtheu.
46
Ĩsu nĩyo mĩao ya nyamũ, na ya nyũnyi, na ya kĩla kyũmbe kĩ thayũ kĩthambĩaa manzĩnĩ, na ya kĩla kyũmbe kĩla kĩtambũkaa ĩũlũ wa nthĩ;
47
kũvathũkan’ya katĩ wa kĩla kĩvuku na kĩla kĩtheu, na katĩ wa kĩla kĩ thayũ kĩtonya kũĩwa, na kĩla kĩ thayũ kĩtatonya kũĩwa.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27