bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Leviticus 18
Leviticus 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 19 →
1
Na Yeova aneena na Mose, akĩmwĩa,
2
Neena na ana ma Isilaeli, noimea, Ninyie Yeova Ngai wenyu.
3
Mũtikeke kũatĩĩa meko ma nthĩ ya Misili, vala mwatwĩe: na mũtikeke kũatĩĩa meko ma Kanaani, vala nĩmũtwaĩte; o na mũtikaaende myamũlonĩ yoo.
4
Motw’ĩo makwa mũkekaa, na myamũlo yakwa mũkasũvĩaa, mũendae nthĩnĩ wayo: ninyie Yeova Ngai wenyu.
5
Kwondũ wa ũu mũkasũvĩaa myamũlo yakwa, na motw’ĩo makwa; ala mũndũ ethĩwa nũmekaa, akekala thayu kwondũ wamo: ninyie Yeova.
6
Kũtikethĩwe mũndũ o na wĩva wenyu kũthengeea ũmwe wa ala ma mũvĩa wake, amũvue amwone e mũthei: ninyie Yeova.
7
Ndũkavue ĩthe waku ũmwone e mũthei, ũu nĩ kũvua inyia waku, nake nĩ inyia waku; ndũkamũvue ũmwone e mũthei.
8
Ndũkavue mũka wa au ũmwone e mũthei; nĩ kũvua au.
9
Ndũkavue mwĩĩtu wa au ũmwone e mũthei kana mwĩĩtu wa mwenyu, ethĩwa nĩwasyaĩwe kwenyu, kana nĩwasyaĩwe kũngĩ, ndũkamavue ũmone me athei.
10
Ndũkavue mwĩĩtu wa mwana waku, kana mwĩĩtu wa mwĩĩtu waku, ũmone me athei: nũndũ kũmavua ũmone me athei nĩ kwĩvua mwene.
11
Ndũkavue mwĩĩtu wa mũka wa au ũmwone e mũthei, ũla wasyaiwe nĩ au, nake nĩ mwĩĩtu wa au.
12
Ndũkavue mwĩĩtu‐a‐inyia wa au ũmwone e mũthei: nake nĩ wa mũvĩa wa au ũla wa vakuvĩ.
13
Ndũkavue mwĩĩtu wa inyia wa mwenyu ũmwone e mũthei: nũndũ nĩ wa mũvĩa wa mwenyu ũla wa vakuvĩ.
14
Ndũkavue mwana‐a‐inyia wa au ũmwone e mũthei, ndũkathengeee kĩveti kyake: nĩ inyia waku.
15
Ndũkavue kĩveti kya mwana waku ũmwone e mũthei: nĩ kĩveti kya mwana waku; ndũkakĩvue ũkyone kĩ kĩthei.
16
Ndũkavue kĩveti kya mwana‐a‐mwenyu ũkyone kĩ kĩthei: ũu nĩ kũvua mwana‐a‐mwenyu.
17
Ndũkavue mũndũ mũka na mwĩĩtu wake ũmone me athei; ndũkatwae mwĩĩtu wa mwana wa mũndũ mũka ũsu, kana mwĩĩtu wa mwĩĩtu wake, ũmũvue ũmwone e mũthei; nĩ aka ma ũko ũmwe: nĩ ũthũku mũno.
18
Ndũkatwaĩĩe mũndũ mũka mwĩĩtu‐a‐inyia wake, ethĩwe mũmũthĩn’ya, ũmũvue ũmwone e mũthei, ũla ũngĩ e thayũ.
19
Na ndũkathengee mũndũ mũka ũmũvue ũmwone e mũthei, yĩla ũvathĩtwe ũndũ wa kwĩalũla.
20
Na ndũkalaalae na kĩveti kya mũtũi waku, wĩvukye wĩ nakyo.
21
Na ndũkanengane ũmwe wa ũsyao waku ũmũvĩtĩlye mwakinĩ kwondũ wa Moleki; o na ndũkavukye syĩtwa ya Ngai waku: ninyie Yeova.
22
Ndũkakome na mbaa aũme, o ta mbaa aka: nĩ ũthatyo.
23
Na ndũkakome na nyamũ o na yĩva wĩvukye nayo; o na mũndũ mũka o na wĩva ndakaũngame mbee wa nyamũ, ĩmũlĩse: nĩ kĩthokoo.
24
Mũtikevukye maũndũnĩ asu o na meva: nũndũ nthĩnĩ wa asu onthe mbaĩ ila nalũngilye mbee wenyu nĩ mbukye;
25
na nthĩ nĩ mbukye: kwondũ wa ũu nĩngũmĩsilĩla ũndũ wa ũthũku wayo, na nthĩ nĩnĩũmatavĩka ala mamĩtwĩe.
26
Kwondũ wa ũu sũvĩai myamũlo yakwa na motw’ĩo makwa, na mũtikeke mothatyo asu o na meva; ũla wasyaĩwe kwenyu, o na mũeni ũla wĩkalaa ũeni katĩ wenyu
27
(nũndũ mothatyo asu onthe aũme ma ĩ nthĩ, ala maĩ mbee wenyu, nĩmamekĩte, na ĩ nthĩ nĩvukĩtw’e);
28
nĩ kana nthĩ ndĩkaamũtavĩke inyw’ĩ, yĩla mwĩmĩvukya, o tondũ yatavĩkie mbaĩ ĩla yaĩ mbee wenyu.
29
Nũndũ o ũla ũkeka mothatyo asu o na meva, o andũ ala makameka makavetwe andũnĩ moo.
30
Kwondũ wa ũu mũkasũvĩe wĩaĩo wakwa, mũtikekae syĩthĩo isu sya kũthatya, ila syeekawa mũte kw’o, na mũtikevukye maũndũnĩ asu: ninyie Yeova Ngai wenyu.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27