bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Leviticus 27
Leviticus 27
Kamba (Mbivilia) 1956
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Na Yeova aneena na Mose, akĩmwĩa,
2
Neena na ana ma Isilaeli, noimea, Yĩla mũndũ wĩĩvĩta wĩvĩto, andũ makeethĩwa ma Yeova kwĩanana na ũndũ wĩmatalĩla wovosyo.
3
Na ũtalo waku ũkethĩwe ũũ: wa mũndũ mũũme kuma ũla wa myaka mĩongo ĩlĩ kũvika ũla wa myaka mĩongo thanthatũ, ũtalo waku ũkethĩwe sekeli mĩongo ĩtano ya vetha, kwĩanana na sekeli ya vala vandũ vatheu.
4
Na ethĩwa nĩ mũndũ mũka, nĩvo ũtalo waku ũkethĩwe sekeli mĩongo ĩtatũ.
5
Na ethĩwa nĩ kuma myaka ĩtano kũvika myaka mĩongo ĩlĩ, nĩvo ũtalo waku wa mũndũ mũũme ũkethĩwe sekeli mĩongo ĩlĩ, na wa mũndũ mũka sekeli ĩkũmi.
6
Na ethĩwa nĩ kuma mwei ũmwe kũvika myaka ĩtano, nĩvo ũtalo waku wa mũndũ mũũme ũkethĩwe sekeli itano sya vetha, na wa mũndũ mũka ũtalo waku ũkethĩwe sekeli itatũ sya vetha.
7
Na ethĩwa nĩ kuma myaka mĩongo thanthatũ na mbee; ethĩwa nĩ mũndũ mũũme, ũtalo waku ũkethĩwe sekeli ĩkũmi na itano, na wa mũndũ mũka sekeli ĩkũmi.
8
Ĩndĩ ethĩwa nĩ ngya ũndũ ũtatonya kumya ũtalo ũsu waku, nĩvo ĩndĩ wĩetwe mbee wa mũthembi, na mũthembi akamũtw’ĩĩe thooa; kwĩanana na ũtonyi wa ũla wevĩtie nĩw’o mũthembi wĩmũtw’ĩĩa thooa.
9
Na ethĩwa nĩ nyamũ, ĩla andũ mamũthembeaa Yeova nthembo nayo, syonthe sya isu ila andũ mamũnengae Yeova ikeethĩwa ntheu.
10
Ndakamĩalyũle kana kũmĩkũan’ya, nzeo vandũ va nthũku, kana nthũku vandũ va nzeo: na ethĩwa akakũan’ya nyamũ kwa nyamũ, nĩvo ĩndĩ ĩsu na ĩla ngũan’ye syelĩ ikeethĩwa ntheu.
11
Na ethĩwa nĩ nyamũ mbuku o na yĩva, ĩla matamũthembeaa Yeova, nĩvo ĩndĩ akaete nyamũ mbee wa mũthembi;
12
na mũthembi akatw’e thooa wayo, ethĩwa nĩ nzeo kana nthũku: o tondũ we mũthembi wĩtw’a thooa wayo, kũkeethĩwa ũu.
13
Ĩndĩ ethĩwa nĩ w’o akamyovosya, akongeleele ũtalo waku kĩlungu kya katano kyaw’o.
14
Na yĩla mũndũ wĩmũvathĩa Yeova nyũmba yake yĩthĩwe ntheu, nĩvo mũthembi wĩtw’a thooa wayo, ethĩwa nĩ nzeo kana nthũku; o ũndũ mũthembi wĩtw’a thooa wayo, o ũu thooa ũkekala.
15
Na ethĩwa ũla wamĩvathie yĩthĩwe ntheu akenda kwovosya nyũmba yake, akawongeleele ũtalo waku kĩlungu kya katano kya mbesa, na ĩkeethĩwa yake.
16
Na ethĩwa mũndũ akamũvathĩa Yeova kĩlungu kya mũũnda wake wa ng’ũndũ yake kĩthĩwe kĩtheu, nĩvo ũtalo waku ũkethĩwe kwĩanana na kũvandwa kwaw’o: kũvandwa kwa omeli ya mbaale kũkatalwe thooa wakw’o sekeli mĩongo ĩtano sya vetha.
17
Ethĩwa akavatha mũũnda wake wĩthĩwe mũtheu kuma mwaka wa yuvilii, ũtalo waku o ũndũ wĩana ũkekale.
18
Ĩndĩ ethĩwa akavatha mũũnda wake wĩthĩwe mũtheu mwaka wa yuvilii wathela, nĩvo mũthembi ũkamũtalĩle mbesa kwĩanana na ũndũ myaka yĩana ĩla yĩtialĩte ya kũvika mwaka wa yuvilii; na ikaolwe ũtalonĩ waku.
19
Na ethĩwa ũla wavathie mũũnda wĩthĩwe mũtheu akenda kũwovosya, akongeleele ũtalo waku kĩlungu kya katano kya mbesa syaw’o, na ũkeethĩwa wake.
20
Na ethĩwa ndekwenda kwovosya mũũnda, kana ethĩwa nũmũthooesye mũndũ ũngĩ mũũnda ũsu, ndũtonyeka kwovow’a ĩngĩ:
21
ĩndĩ mũũnda, yĩla wĩekwa mwaka wa yuvilii, ũkeethĩwa wĩ mũtheu kwa Yeova, o ta mũũnda wavathiwe; ũkeethĩwa wa mũthembi.
22
Na ethĩwa akavatha mũũnda ũla wathooie wĩthĩwe mũtheu kwa Yeova, na ti mũũnda wa ng’ũndũ yake;
23
nĩvo ĩndĩ mũthembi wĩmũtalĩla thooa kwĩanana na ũtalo waku kũvika mwaka wa yuvilii: na mũthenya ũsu akanengane thooa ũla ũtalĩte, wĩthĩwe kĩndũ kĩtheu kwa Yeova.
24
Mwaka wa yuvilii mũũnda nũsyokee ũla wathooisye, o ũsu ũla ĩ nthĩ nĩ yake.
25
Na motalo maku onthe makethĩwe kwĩanana na sekeli wa vala vandũ vatheu: ngela mĩongo ĩlĩ ĩkeethĩwa sekeli.
26
Ĩndĩ kĩla kĩsyaawa mbee nĩ nyamũ, kĩla kĩvathĩwe Yeova kĩthĩwe ũsyao wa mbee, mũndũ o na wĩva ndakavathe kĩthĩwe kĩtheu; ethĩwa nĩ ng’ombe kana ĩlondu, nĩ ya Yeova.
27
Na ethĩwa nĩ kya nyamũ mbuku, nĩvo akakyovosya kwĩanana na ũtalo waku, na akakyongeleele kĩlungu kya katano kyakyo: kana ethĩwa kĩtiovow’a, nĩvo kĩkathoow’a kwĩanana na ũtalo waku.
28
Ĩndĩ, kĩndũ o na kĩva kĩvathe, kĩla mũndũ ũvathĩe Yeova kya syonthe ila wĩ nasyo, ethĩwa nĩ mũndũ kana nyamũ, kana mũũnda wa ng’ũndũ yake, kĩtikathoow’e kana kwovow’a: kĩla kĩndũ kĩvathe nĩ kĩtheu mũno kwa Yeova.
29
Mũndũ o na wĩva mũvathe, ũla ũkavathwa kuma andũnĩ, ndakovow’e; no mũvaka oawe.
30
Na kĩlungu kyonthe kya ĩkũmi kya nthĩ, ethĩwa nĩ kya mbeũ sya nthĩ, kana ũsyao wa mũtĩ, nĩ kya Yeova: nĩ kĩtheu kwa Yeova.
31
Na ethĩwa mũndũ akenda kwovosya kĩlungu kyake kya ĩkũmi, akakyongeleele kĩlungu kya katano.
32
Na kĩlungu kyonthe kya ĩkũmi kya ndĩthya ya ng’ombe kana ya mbũi na malondu, o kĩla kĩvĩtĩlaa ĩtheo wa ndata, kĩlungu kya ĩkũmi kĩkeethĩwa kĩtheu kwa Yeova.
33
Ndakasisye ethĩwa nĩ nzeo kana nthũku, na ndakakũan’ye: na ethĩwa akakũan’ya, nĩvo ĩndĩ ĩsu na ĩla ngũan’ye syelĩ ikeethĩwa ntheu; ndĩkovow’a.
34
Ĩsu nĩyo mĩao, ĩla Yeova wamwĩaĩe Mose kwondũ wa ana ma Isilaeli kĩĩmanĩ kya Sinai.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27