bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Leviticus 19
Leviticus 19
Kamba (Mbivilia) 1956
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
1
Na Yeova aneena na Mose, akĩmwĩa,
2
Neena na ũmbano w’onthe wa ana ma Isilaeli, na matavye, Ĩthĩwai atheu; nũndũ nyie Yeova Ngai wenyu nĩ mũtheu.
3
Kĩla mũndũ namũkĩe inyia wake na ĩthe wake; na lilikanai masavato makwa: ninyie Yeova Ngai wenyu.
4
Mũikethyũũĩe mĩvw’anano, kana mũikeseũvĩsye ngai na syĩndũ mũtwekethetye: ninyie Yeova Ngai wenyu.
5
Na mwamũthembea Yeova nthembo ya nthembo sya mũuo, mĩthembei nĩ kana mwĩtĩkĩlwe.
6
Ĩiwe o mũthenya ũsu mwĩmĩthemba, na ũnĩ ũsu: na ethĩwa ĩkatiala kũvika mũthenya wa katatũ, ĩvĩvw’e na mwaki.
7
Na ethĩwa ĩkaĩwa o na kanini mũthenya wa katatũ, nĩ ũthatyo; ndĩketĩkĩlwa:
8
ĩndĩ kĩla mũndũ ũla wĩmĩya akakua naĩ yake, nũndũ nũvukĩtye kĩndũ kĩtheu kya Yeova: na mũndũ ũsu akavetwe andũnĩ make.
9
Na mwaketha ngetha ya nthĩ yenyu, ndũkakethe ndee sya mũũnda waku, o na ndũkethĩan’ye ũtialyo wa ngetha yaku.
10
Na ndũkethĩan’ye mũũnda waku wa mĩsavivũ, o na ndũkakolan’ye ũsyao ũla mwĩtĩku wa mũũnda waku wa mĩsavivũ; ũeke kwondũ wa ngya na mwĩkali wa ũeninĩ: ninyie Yeova Ngai waku.
11
Mũikoye; o na mũikakengane, na mũikaneene movũngũ inyw’ĩ kwa inyw’ĩ.
12
Mũikevĩte ũvũngũ na syĩtwa yakwa, na kũvukya syĩtwa ya Ngai waku: ninyie Yeova.
13
Ndũkathĩn’ye mũtũi waku, kana kũmũvuta: ĩtuvi ya mũthũkũmi ũtuvawa yĩtikekale kwaku ũtukũ mũima kũvika kĩoko.
14
Ndũkaumanĩe ala mate matũ, kana kwĩkĩa kĩndũ kya kũlulutĩkya mbee wa ala matonaa nthĩ; ĩndĩ mũkĩe Ngai waku: ninyie Yeova.
15
Mũtikeke ũndũ ũte ũlũngalu mũisila: mũtikendeesye ngya, kana kũtaĩa ala me na ũtonyi; ĩndĩ tusĩaa mũtũi waku na ũlũngalu.
16
Ndũkaende kũũ na kũũ ta mwilĩanĩli andũnĩ maku: ndũkaũngamĩe ũvũngũ wa nthakame ya mũtũi waku: ninyie Yeova.
17
Ndũkamũmene mwana‐a‐au ngoonĩ yaku: ndũkatĩe kũkan’ya mũtũi waku, ndũkakue naĩ nũndũ wake.
18
Ndũkeĩvanĩsye, kana kwĩthĩwa na ũthũ na ana ma andũ maku; ĩndĩ mwende mũtũi waku o tondũ wĩyendete: ninyie Yeova.
19
Kwatai myamũlo yakwa. Ndũkaeke indo syaku kũsyaanaa na mũthemba ũngĩ: ndũkavande mũũnda waku mbeũ sya mĩthemba ĩlĩ: o na ndũkekĩe mwĩĩnĩ waku ngũa ĩvulanĩtw’e ndii sya mĩthemba ĩlĩ.
20
Na o ũla ũkalaalaa na mũndũ mũka, ngombo, wĩvaĩtw’e, nake ti mwovosye nongi, kana kũthaw’a; makasilĩlwe; maikoawe, nĩkwĩthĩwa mũndũ mũka ndaĩ mũthasye.
21
Na mũndũ mũũme ũsu akamũetee Yeova nthembo yake ya ĩvĩtyo, mũomonĩ wa ĩeema ya kũmbanĩa, o ndũũme yĩthĩwe nthembo ya ĩvĩtyo.
22
Na mũthembi akathembe nthembo ya kũmwĩw’anĩthya ũsu mbee wa Yeova, kwondũ wa ĩla ndũũme ya nthembo ya ĩvĩtyo kwondũ wa naĩ yake ĩla wavĩtisye: nake akaekewa naĩ ĩla wavĩtisye.
23
Na yĩla mwĩlika nthĩ ĩsu, na kũvanda mĩthemba yonthe ya mĩtĩ ĩla ĩĩsawa, nĩvo ĩndĩ mwĩtala mosyao mayo methĩwe ta ĩte myaĩke: myaka ĩtatũ ĩkeethĩwa kwenyu ta ĩte myaĩke; maikaĩwe.
24
Ĩndĩ mwaka wa kana mosyao onthe mayo makeethĩwa matheu, methĩwe ma kũmũtaĩa Yeova.
25
Na mwaka wa katano mũkaya mosyao mayo, nĩ kana ĩmwingĩvĩsye ũsyao wayo: ninyie Yeova Ngai wenyu.
26
Mũtikaye kĩndũ o na kĩva vamwe na nthakame yakyo: o na mũtikeke maũndũ ma mowe, o na mũikaingasye nyũnyi.
27
Mũikenze ithũkũ mĩtwenĩ yenyu, o na mũikatile mĩthya ya ing’ew’a syenyu.
28
Mũiketemange mĩĩ yenyu ũndũ wa akw’ũ, kana kwĩvana ũvano mĩĩnĩ yenyu: ninyie Yeova.
29
Ndũkatume mwĩĩtu waku atw’ĩka ĩlwaya; nthĩ ndĩkese kũatĩĩa ũlwaya, na nthĩ ĩkyusũwa nĩ ũthũku mũnene.
30
Lilikanai masavato makwa, na kũtaĩa vandũ vakwa vatheu: ninyie Yeova.
31
Mũikakũlye ala mesene na maveva, kana ala mombasya ithitũ; mũikamamanthe, mũvukw’e nĩo: ninyie Yeova Ngai wenyu.
32
Mũkĩlĩle ũla wĩ mũtwe wĩ mbuĩ, na kũtaĩa ũthyũ wa mũtumĩa, na mũkĩe Ngai waku: ninyie Yeova.
33
Na ethĩwa mũeni akekala ũeni kwaku nthĩ yaku, ndũkamwĩke naĩ.
34
Mũeni ũla wĩkalaa ũeni kwenyu akeethĩwa kwenyu ta ũla ũsyaawa kwenyu, na ũkamwende o tondũ wĩyendete; nũndũ inyw’ĩ mwaĩ ekali ma ũeninĩ nthĩ ya Misili: ninyie Yeova Ngai wenyu.
35
Ndũkeke ũndũ ũte ũlũngalu ũisila, kana kũthimanĩ kwa ũasa, kana kwa latili, kana kwa kĩvava.
36
Ĩthĩwai na ithimi sya w’o, na mavia ma w’o, na eva ya w’o, na ini ya w’o: nyie nĩ Yeova Ngai wenyu, ũla wamumisye nthĩ ya Misili.
37
Na kwatai myamũlo yakwa yonthe, na motw’ĩo makwa onthe, na kũmeka: ninyie Yeova.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27