bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Leviticus 20
Leviticus 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
1
Na Yeova aneena na Mose, akĩmwĩa,
2
Na ĩngĩ, tavya ana ma Isilaeli, O ũla wa ana ma Isilaeli, kana wa aeni ala mekalaa ũeni nthĩnĩ wa Isilaeli, ũla ũkanenga Moleki ũmwe wa ũsyao wake; no mũvaka oawe: andũ ma ĩ nthĩ makamũkimanga na mavia.
3
Nakwa ngamũlutĩla mũndũ ũsu ũthyũ wakwa, na ngamũveta andũnĩ make; nĩkwĩthĩwa nũnengete Moleki ũmwe wa ũsyao wake, avukye vala vandũ vakwa vatheu, na kũvukya syĩtwa yakwa ĩtheu.
4
Na ethĩwa andũ ma ĩ nthĩ makalalya metho moo matikone mũndũ ũsu, yĩla ũkũnenga Moleki ũmwe wa ũsyao wake, na makalea kũmũaa;
5
nĩvo ĩndĩ nĩmũlutĩla mũndũ ũsu ũthyũ wakwa, o na nyũmba yake, na ngamũveta, na onthe ala mekaa ũmalwaya kwa kũmũatĩĩa, kwĩkaa ũmalwaya na Moleki, kuma andũnĩ moo.
6
Na mũndũ ũla ũmethyũũĩaa ala mesene na maveva, na ala mombasya ithitũ, eke ũmalwaya kwa kũmaatĩĩa, o nakwa ngamũlutĩla mũndũ ũsu ũthyũ wakwa, na ngamũveta andũnĩ make.
7
Kwondũ wa ũu ĩvathan’yei, na ĩthĩwai atheu; nũndũ ninyie Yeova Ngai wenyu.
8
Na mũkasũvĩe myamũlo yakwa, na mũkĩmĩka: ninyie Yeova ũla ũmũvathanasya mwĩthĩwe atheu.
9
Nũndũ kĩla mũndũ ũla wĩmũuma ĩthe kana nyinyia, no mũvaka oawe: nũumĩte ĩthe kana nyinyia; nthakame yake ĩkeethĩwa ĩũlũ wake.
10
Na mũndũ ũla ũkeka ulaalai na kĩveti kya mũndũ ũngĩ, o ũsu ũkeka ũlaalai na kĩveti kya mũtũi wake, no mũvaka ilaalai isu mũndũ mũũme na mũndũ mũka moawe.
11
Na mũndũ ũla ũkakoma na kĩveti kya ĩthe wake nũvuĩte ĩthe wake amwone e mũthei: no mũvaka me elĩ moawe; nthakame yoo ĩkeethĩwa ĩũlũ woo.
12
Na ethĩwa mũndũ akakoma na mũka wa mwana wake, no mũvaka me elĩ moawe: nĩmekĩte kĩthokoan’yo; nthakame yoo ikeethĩwa ĩũlũ woo.
13
Na ethĩwa mũndũ mũũme akakoma na mbaa aũme, o ta mbaa aka, me elĩ nĩmekĩte ũthatyo; no mũvaka moawe; nthakame yoo ĩkeethĩwa ĩũlũ woo.
14
Na ethĩwa mũndũ mũũme akatwaanĩsya mwĩĩtu na nyinyia, nĩ ũthũku mũno: makavĩvw’a na mwaki, we namo; nĩ kana kũtikethĩwe ũthũku katĩ wenyu.
15
Na ethĩwa mũndũ mũũme akakoma na nyamũ, no mũvaka oawe; na no mũvaka mũae ĩ nyamũ.
16
Na ethĩwa mũndũ mũka akathengeea nyamũ, na ĩkĩmũlĩsa, no mũvaka ũae ũ mũndũ mũka, o na nyamũ; no mũvaka mũndũ mũka oawe o na ĩ nyamũ: nthakame yoo ĩkeethĩwa ĩũlũ woo.
17
Na ethĩwa mũndũ akatwaa mwĩĩtua‐ĩthe, kana mwĩĩtu‐a‐inyia, na kũmwona e mũthei, na ũ mũndũ mũka akona ũ mũndũ mũũme e mũthei; nĩ ũndũ wĩ nthonĩ na makavetwe methonĩ ma ana ma andũ moo: nũvuĩte mwĩĩtu‐a‐inyia amwone e mũthei; akakua ũthũku wake.
18
Na ethĩwa mũndũ akakoma na mũndũ mũka ũla wealũlĩte, na akamũvua amwone e mũthei; nũvuĩte nthongo yake na ũ mũndũ mũka nĩwĩvuĩte nthongo ya nthakame yake: me elĩ makavetwe andũnĩ moo.
19
Na ndũkavue mwĩĩtu‐a‐inyia wa mwenyu, kana mwĩĩtu‐a‐inyia wa au ũmwone e mũthei; nũndũ nake nũvuĩte ũla wa mũvĩa wake wa vakuvĩ nake: makakua ũthũku woo.
20
Na ethĩwa mũndũ akakoma na kĩveti kya mwendw’a ĩthe, nũvuĩte mwendw’a ĩthe amwone e mũthei: makakua naĩ syoo; makakw’a mate kana.
21
Na ethĩwa mũndũ akatwaa kĩveti kya mwana‐a‐inyia, nĩ ũvuku: nũvuĩte mwana‐a‐inyia amwone e mũthei; makeethĩwa mate kana.
22
Kwondũ wa ũu sũvĩai myamũlo yakwa yonthe, na motw’ĩo makwa onthe, mũkĩmeka; nĩ kana nthĩ ĩla nĩmũtwaĩte mũmĩtũe, ndĩkaamũtavĩke.
23
Na mũtikaaende syĩthĩonĩ sya mbaĩ, ĩla nalũngilye mbee wenyu: nũndũ nĩmeekaa maũndũ asu onthe, na kwondũ wa ũu namathĩtha.
24
Ĩndĩ nĩnĩmũtavĩtye, Mũkatiĩwa nthĩ yoo, na ngamũnenga mũmĩmesye, nthĩ yusũĩte ĩia na ũkĩ wa nzũkĩ: ninyie Yeova Ngai wenyu, ũla ũmũvathanĩtye na ngo sya andũ.
25
Kwondũ wa ũu vathũkanyai katĩ wa nyamũ ntheu na ĩla mbuku, na katĩ wa nyũnyi mbuku na ĩla ntheu: na mũtikaatw’ĩkĩthye mathayũ menyu kĩla kĩthatasya nũndũ wa nyamũ, kana nyũnyi, kana nũndũ wa kĩndũ o na kĩva kĩla kyusũĩte ĩũlũ wa nthĩ, kĩla nakĩvathĩte kwenyu kĩthĩwe kĩte kĩtheu.
26
Nenyu mũkeethĩwe atheu kwakwa: nũndũ nyie, Yeova, nĩ mũtheu, na nĩmũvathanĩtye na ngo sya andũ, nĩ kana mwĩthĩwe makwa.
27
Mũndũ mũũme kana mũndũ mũka ũla wĩsene na veva, kana ũla ũmbasya ithitũ, no mũvaka oawe: makamakimange na mavia; nthakame yoo ĩkeethĩwa ĩũlũ woo.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27