bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Kings 13
1 Kings 13
Kamba (MBIVILIA ŨVOO MŨSEO)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
1
Mũthenya ũmwe Yelovoamu nĩwaũngamĩte ũtee wa kĩthembeo nĩ kana avĩvye ũvani. Nĩvo ĩndĩ mwathani wookie kuma Yuta atũmĩtwe nĩ Mwĩai Ngai.
2
Kumana na mwĩao wa Mwĩai Ngai, mwathani ũsu nĩwaumanĩie kĩthembeo kĩu na wasya mũnene ayasya atĩĩ, “We kĩthembeo, kĩthembeo! Mwĩai Ngai easya ũũ: ‘Kana ka kavĩsĩ ketawa Yosia kakasyawa mũsyĩnĩ wa Ndeviti. Kana kau kakooaĩa ĩũlũ waku athembi ala mathũkũmaa ithembeonĩ ila syĩ iĩmanĩ, ala yu mathembeaa nthembo vaa, na mavĩndĩ ma andũ makavĩvĩw'a ĩũlũ waku.’ ”
3
Mũthenyanĩ o ũsu mwathani ũsu nĩwanenganie wonany'o ayasya, “Ũũ nĩw'o wonany'o ũla Mwĩai Ngai ũwetete: Kĩthembeo kĩĩ nĩkĩkwatũka, na mũu ũla wĩ ĩũlũ wakyo ũyĩtĩka.”
4
Yĩla Mũsumbĩ Yelovoamu weewie ũndũ mũndũ ũsu wa Ngai waneenie na wasya mũnene, aumanĩa kĩthembeo kĩu kya Mbethi-eli, nĩwoolootile mwathani ũsu na eeyĩaa ayasya, “Kwatai mũndũ ũyũ!” Vau kwa vau kw'oko kwa mũsumbĩ kũla woolootete mũndũ ũsu wa Ngai nakw'o nĩkwoomie, weethĩa ndatonya ũkũtũnga ĩngĩ.
5
O ta ũu kĩthembeo nĩkyaatũkie, na mũu ũla waĩ ĩũlũ wakyo wetĩka, kwĩanana na wonany'o ũla mwathani ũsu wawetie, o tondũ Mwĩai Ngai wamũtavĩtye.
6
Mũsumbĩ Yelovoamu nĩweeie mwathani ũsu atĩĩ, “Mwa nĩngũkwĩsũva ũmboyee kũla kwĩ Mwĩai Ngai, Ngai waku avosye kw'oko kwakwa.” Mwathani ũsu nĩwavoyie Mwĩai Ngai, na kw'oko kwa mũsumbĩ kwavoa kwekala ũndũ kwailyĩ mbeenĩ.
7
Nĩvo ĩndĩ mũsumbĩ weeie mwathani ũsu atĩĩ, “Ũka tũthi mũsyĩ kwakwa ũkaye kĩndũ na ngĩũnenga mũthĩnzĩo.”
8
Mwathani ũsu nĩwamũsũngĩie amwĩa atĩĩ, “O na ũkanenga nyusu ya ũthwii waku, ndyĩtĩkĩla kũendany'a naku, kana kũĩsanĩa kana kũnyusanĩa naku.
9
Mwĩai Ngai nũmbĩaĩĩte akambĩa ndikaye kana kũnyw'a kĩndũ, o na ndikasyokele nzĩanĩ ĩla nĩsĩlile nũkĩte.”
10
Nĩvo ĩndĩ mwathani ũsu wakwatie nzĩa enũke, na ndaasyokela nzĩanĩ ĩla wesĩlile okĩte Mbethi-eli.
11
Ĩvindanĩ yĩu vaĩ mwathani ũmwe mũkũũ watwĩe Mbethi-eli. Ana make nĩmookie na mamũtavya ũndũ mwathani ũla waumĩte Yuta weekie Mbethi-eli mũthenyanĩ ũsu, na maũndũ ala watavisye Mũsumbĩ Yelovoamu.
12
Ĩthe woo nĩwamakũlilye atĩĩ, “Mwathani ũsu aendie na nzĩa yĩva?” Ana make nĩmamwonisye nzĩa ĩla mwathani ũsu wa kuma Yuta waendele.
13
Nĩvo weeie ana make, “Ndandĩkĩei ĩng'oi matandĩko.” Yĩla maminie kũmũtandĩkĩa ĩng'oi matandĩko, nĩwayĩtũlile,
14
na athi aatĩĩe ũla mwathani. Nĩwamwĩthĩie ailyĩ nthĩ ungu wa mũtĩ wa mwalonĩ na amũkũlya atĩĩ, “Nue mwathani ũla wumĩte Yuta?” Nake amũsũngĩa, “Ĩĩ ninyie.”
15
Nĩvo ĩndĩ mwathani ũsu mũkũũ wamwĩie, “Ũka tũthi mũsyĩ ũkaye.”
16
Nake mwathani ũsu waumĩte Yuta amũsũngĩa amwĩa, “Nditonya kũsyokany'a naku, kana kũĩsanĩa naku, kana kũnyusanĩa naku nĩ kũũ.
17
Mwĩai Ngai nũneenete nakwa akambĩa kana ndikaye kana kũnyw'a kĩndũ kũũ, na ndikasyokele nzĩanĩ ĩla nĩsĩlile nũkĩte.”
18
Nĩvo ĩndĩ mwathani ũsu mũkũũ wamwĩie atĩĩ, “O nakwa nĩo mwathani taku. Mwĩai Ngai nũtũmie mũlaĩka oke kũmbĩa, ‘Syokany'a nake mũsyĩ kwaku nĩ kana aye na ainyw'a.’ ” Ĩndĩ mwathani ũsu mũkũũ nĩwakengaa ũsu waumĩte Yuta.
19
Kwoou mwathani ũsu wa kuma Yuta nĩwasyokanisye na ũsu ũngĩ mũsyĩ kwake, aya na anyw'a vo.
20
Me vau mesanĩ, Mwĩai Ngai nĩwaneenie na ũla mwathani mũkũũ, ũla waĩ anatũngĩthya mwathani ũla waumĩte Yuta.
21
Mwathani ũsu mũkũũ nĩwaneenie na wasya mũnene eea ũsu waumĩte Yuta atĩĩ, “Mwĩai Ngai easya kana nũleete kwĩka ũndũ ũkwĩaĩĩte, na nũleete kũatĩĩa mwĩao ũla Mwĩai Ngai, Ngai waku ũkũnengete,
22
na nũsyokete vaa vala Mwĩai Ngai wakwĩaĩie akwĩa, ‘Ndũkaye kana kũnyw'a vo,’ na nũĩte na kũnyw'a, kwoou yĩla wĩkw'a, mwĩĩ waku ndũkathikwa vala aaũmae maku mathikĩtwe.”
23
Mamina kũya na kũnyw'a, mwathani ũla mũkũũ nĩwatandĩkĩie mwathani ũsu waumĩte Yuta ĩng'oi.
24
Mwathani ũsu wa kuma Yuta e nzĩanĩ aendete, nĩwakomanie na mũnyambũ na wamũaa. Mwĩĩ wake nĩwavalũkĩte nthĩ lelũnĩ, na ĩng'oi na mũnyambũ syaũngamĩte ũtee wa mwĩĩ ũsu.
25
Andũ amwe mesĩlĩte vau nĩmoonie mwĩĩ ũsu wĩo vala wavalũkĩte, na mũnyambũ ũũngamĩte ũtee waw'o. Nĩmaendie ndũanĩ ĩla ũla mwathani mũkũũ watwĩe, na matavany'a kĩla moonie.
26
Yĩla ũla mwathani mũkũũ weewie ũvoo ũsu, nĩwaneenie asya atĩĩ, “Ũsu nĩ ũla mwathani waleile kũatĩĩa ũndũ Mwĩai Ngai wamwĩaĩie! Kwoou Mwĩai Ngai nũtũmie mũnyambũ wamũvithũkĩa na wamũaa, o tondũ Mwĩai Ngai ũnamũtavĩtye.”
27
Nĩvo ĩndĩ mwathani ũsu weeie ana make atĩĩ, “Ndandĩkĩei ĩng'oi matandĩko.” Ana asu nĩmeekie ũu.
28
Mwathani ũsu nĩwatũlile ĩng'oinĩ athi na eethĩa ũla mwĩĩ ũvalũkĩte nzĩanĩ; ĩng'oi na mũnyambũ iũngamĩte ũtee waw'o. Mũnyambũ ndwaĩ ũnaya mwĩĩ ũsu kana ũkakwata ĩng'oi.
29
Nĩvo ĩndĩ mwathani ũsu mũkũũ woosie mwĩĩ ũsu wa mwathani ũla waumĩte Yuta awilĩĩla ĩng'oinĩ, na aũkua aũtũnga Mbethi-eli, nĩ kana akethĩwe na ĩvinda ya kyeva nũndũ wake, na aĩthika mwĩĩ ũsu.
30
Nĩwathikie mwĩĩ ũsu mbũanĩ ĩla yathikawa andũ ma mũsyĩ wake. Mwathani ũsu e na ana make nĩmeethĩiwe na ĩvinda ya kyeva nũndũ wake, na nĩmaneenaa mayasya, “Ĩiaa, mwana-a-asa!”
31
Ĩtina wa mathiko, mwathani ũsu nĩweeie ana make atĩĩ, “Yĩla nĩkw'a, mwĩnthika mbũanĩ ĩno ĩthikĩtwe mwathani ũũ. Mwĩia mwĩĩ wakwa ũtee wa mwĩĩ wake.
32
Maũndũ ala mwathani ũũ waneenie, kwĩanana na ũndũ weeaĩwe nĩ Mwĩai Ngai aneene ĩũlũ wa kĩthembeo kĩla kĩ Mbethi-eli, na ĩũlũ wa kũndũ kwa ũthaithĩa kũla kwĩ ndũanĩ sya Samalia vate ndĩi makeanĩa.”
33
Ĩtina wa maũndũ asu Yelovoamu ndaaeeka kwĩka naĩ, ĩndĩ nĩwaendeeie kũnyuva athembi kuma andũnĩ ma mĩsyĩ ĩte ya kĩ-ũthembi, nĩ kana mathũkũmae ithembeonĩ ila waakĩte iĩmanĩ ĩũlũ. Nĩwatw'ĩkĩthasya mũthembi mũndũ o na wĩva ũla wenda kũtw'ĩka mũthembi.
34
Ĩsu nĩyo naĩ ĩla yatumie ũsumbĩ wa Yelovoamu ũthela vyũ, na andũ ma mũsyĩ wake maminwa.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
Recommended Reading
Commentary
1 Kings Commentaries
→
Devotional
1 Kings Devotional Guide
→
Get This Bible
Kamba (MBIVILIA ŨVOO MŨSEO) Study Bible
→