bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Kings 5
1 Kings 5
Kamba (MBIVILIA ŨVOO MŨSEO)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Yĩla Ilamu mũsumbĩ wa Tile, ũla kĩla ĩvinda weethĩawa e mũnyanyae wa Ndeviti, weewie kana Solomoni nũtw'ĩkĩte mũsumbĩ ĩtina wa ĩthe wake, nĩwatũmie anini make kũla kwĩ Solomoni.
2
Solomoni nĩwatũmanie kũla kwĩ Ilamu ayasya atĩĩ,
3
“We nĩwĩsĩ kana nũndũ wa makaũ ma kĩla ĩvinda, ala ĩthe wakwa Ndeviti wokitaa na nthĩ ila syaĩ amaitha make ila syamũthyũlũlũkĩte, ndaĩ atonya kwaka Ĩkalũ ya kũthaithĩa Mwĩai Ngai, Ngai wake, nginya yĩla Mwĩai Ngai watumie asinda amaitha make onthe.
4
Ĩndĩ yu Mwĩai Ngai, Ngai wakwa nũnengete mũuo mĩvakanĩ yakwa yonthe. Ndi na amaitha, na vai mũisyo wa kũvithũkĩwa.
5
Kwoou nĩnĩvangĩte kwaka Ĩkalũ vala Mwĩai Ngai, Ngai wakwa wĩthaithĩawa, o tondũ Mwĩai Ngai waneenie na ĩthe wakwa Ndeviti amwĩa atĩĩ, ‘Mwana waku ũla nĩtw'ĩkĩthya mũsumbĩ ĩtina waku, nĩwe wĩmbakĩa Ĩkalũ.’
6
Kwoou tũma athũkũmi maku mathi Levanoni makandemee mĩtĩ ya mĩkũũ. Athũkũmi makwa makatethasya wĩa me vamwe na athũkũmi maku, na ngaĩva athũkũmi maku kĩla wĩtw'a. O tondũ wĩsĩ, athũkũmi makwa mayĩsĩ kũtema mĩtĩ nesa ta athũkũmi maku.”
7
Yĩla Ilamu wataviw'e ũtũmani wa Solomoni, nĩwendeeiw'e mũno na asya atĩĩ, “Mwĩai Ngai nĩataĩwe ũmũnthĩ, nũndũ nũnengete Ndeviti mwana mũĩ asumbĩke andũ aa aingĩ!”
8
Nĩvo ĩndĩ Ilamu watũmĩie Solomoni ũtũmani ũũ: “Nĩngwatĩte ũtũmani waku, na nũnĩyũmbanĩtye kwĩka ũndũ ũngũlĩtye. Nganengane iting'ĩ sya mĩkũũ na mĩtalakwe.
9
Athũkũmi makwa makatheesya iting'ĩ isu kuma Levanoni kũvika ũkanganĩ, makasyovany'a vamwe ithambalale ndeenĩ sya ũkanga, ithee kũvika vala wĩnyuva. Makaithaĩsya vau, namo athũkũmi maku makasyosa na kũikua. Ngalĩkonĩ ĩla yaku nĩenda ũnenge andũ asu makwa lĩu.”
10
Kwoou Ilamu nĩwanengie Solomoni iting'ĩ syonthe ila wendaa sya mĩkũũ na sya mĩtalakwe,
11
nake Solomoni nĩwanengae Ilamu kĩla mwaka kĩlo milioni ilĩ sya nganũ, na lita ngili maana ana sya mauta, kwondũ wa andũ ma nyũmba yake ya kĩ-ũsumbĩ.
12
Mwĩai Ngai nĩwanengie Solomoni ũĩ o tondũ wamwathĩte. Vaĩ mũuo katĩ wa Ilamu na Solomoni, na me elĩ nĩmaseũvĩtye wĩw'ano.
13
Mũsumbĩ Solomoni nĩwoombanisye andũ ngili mĩongo ĩtatũ kuma nthĩ yonthe ya Ĩsilaeli, nĩ kana mathũkũmĩthaw'e na vinya.
14
Nĩwamaanisye ikundi itatũ sya andũ ngili ĩkũmi kĩla kĩmwe, na kĩla kĩkundi kyekalaa mwei ũmwe Levanoni, na mayĩkala mũsyĩ myei ĩlĩ. Solomoni nĩwaiĩte Atonilamu ethĩwe aũngamĩe andũ asu.
15
O ta ũu Solomoni aĩ na andũ ngili mĩongo mũonza ma kũkua syĩndũ, na andũ angĩ ngili mĩongo nyanya masĩaa mavia iĩmanĩ.
16
Nĩwaiĩte andũ ngili itatũ na maana atatũ maũngamĩe andũ ala matethasya wĩa asu.
17
Kumana na mwĩao wa mũsumbĩ, nĩmaalilye mavia manene na ma thooa mũnene, nĩ kana make mũsingi wa Ĩkalũ na mavia masũvye.
18
Athũkũmi ma Solomoni na ma Ilamu, na andũ kuma ndũanĩ ya Ngevali, nĩmaseũvisye mavia na mbwaũ sya kwaka Ĩkalũ.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22