bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Kings 18
1 Kings 18
Kamba (MBIVILIA ŨVOO MŨSEO)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Ĩtina wa ĩvinda ĩasa, mwakanĩ wa katatũ wa ĩvinda ya ũla mũnyao, Mwĩai Ngai nĩwaneenie na Eliya amwĩa atĩĩ, “Enda ũkeyumĩlye kũla kwĩ Mũsumbĩ Aavu, na nĩngusya mbua ĩũlũ wa nthĩ.”
2
Kwoou Eliya nĩwaendie kwĩyumĩlya kũla kwĩ Aavu. Ĩvindanĩ yĩu kwaĩ yũa ĩnene mũno Samalia.
3
Nĩvo ĩndĩ Aavu weetie Ovatia ũla waũngamĩe nyũmba ya kĩ-ũsumbĩ oke. (Ovatia aĩ mũthaithi wa Mwĩai Ngai weeyumĩtye vyũ.
4
Yĩla Yeseveli waendee na kũaa athani ma Mwĩai Ngai, Ovatia nĩwoosie athani ĩana yĩmwe amavitha ngunganĩ ilĩ, kĩla ngunga yĩna athani mĩongo ĩtano. Nĩwamanengae lĩu na kĩw'ũ.)
5
Aavu nĩweeie Ovatia atĩĩ, “Tũthi ithimanĩ syonthe na tũlũsĩnĩ tw'onthe twa nthĩ yaitũ, tũsisye kana nĩtũkwona nyeki ya kũĩthya mbalasi na nyũmbũ syĩkale thayũ, nĩ kana iikakw'e nĩ nzaa.”
6
Kwoou nĩmaanie nthĩ ĩsu me elĩ, vala kĩla ũmwe ũkũthi kũmanthĩla nyeki; Aavu nĩwaendie kũmanthĩla ngalĩko ĩmwe na Ovatia athi ĩla ĩngĩ.
7
Ovatia e nzĩanĩ aendete, nĩwakomanie na Eliya. Ovatia nĩwamanyie Eliya, na akumana atina nthĩ na ũthyũ amũnenge ndaĩa na amũkũlya atĩĩ, “Kwa w'o nue Eliya, mũnene wakwa?”
8
Eliya nĩwamũsũngĩie amwĩa, “Ĩĩ, ninyie.” “Enda ũkee mũnene waku mũsumbĩ kana nĩ vaa.”
9
Ovatia nĩwamũkũlilye atĩĩ, “Nyie mũthũkũmi waku nĩkĩte ũthũku mwaũ, ũla ũtuma wenda kũndikya mũisyonĩ wa kũawa nĩ Mũsumbĩ Aavu?
10
Nĩngwĩvĩta ĩsyĩtwanĩ ya Mwĩai Ngai waku ũla wĩ thayũ, kana vai nthĩ kana ũsumbĩ, vala mũnene wakwa ũtaatũma mũndũ akũmanthe. Mũsumbĩ o na wĩva ũla waneenaa akasya kana ndwaaoneka nthĩ yake, Aavu nĩwalasimĩthasya mũsumbĩ ũsu vamwe na andũ ma nthĩ yake mevĩte mayasya kana kwa w'o ndwĩ vo.
11
We yu wĩenda nĩthi ngatavye Aavu kana wĩ vaa?
12
Nĩ na w'ĩa kana nauma vaa oou, Veva wa Mwĩai Ngai nũũkwosa ũkũtwae vandũ ndesĩ! Nathi kwĩa Aavu kana we wĩ vaa, nake aikũmantha na ailea ũkwona nũkũmbũaa, o na vala nyie mũthũkũmi waku, nĩthĩĩtwe ngĩthaitha Mwĩai Ngai kuma wana wakwa.
13
We mũnene wakwa ndwaaĩw'a ũndũ neekie, yĩla Yeseveli waendee na kũaa athani ma Mwĩai Ngai? Nĩnavithie athani ĩana yĩmwe ngunganĩ ilĩ, kĩla ngunga yĩna athani mĩongo ĩtano, na nĩnamanengae lĩu na kĩw'ũ.
14
Yu wĩenda nĩthi ngee mũnene wakwa kana wĩ vaa, nake nũkũmbũaa!”
15
Eliya nĩwaneenie asya, “Nĩngwĩvĩta ĩsyĩtwanĩ ya Mwĩai Ngai Mwene Ũtonyi W'onthe, ũla wĩ thayũ na ũla nĩthũkũmaa, kana ũmũnthĩ nĩngwĩyumĩlya kũla kwĩ Aavu.”
16
Nĩvo ĩndĩ Ovatia waendie kũla kwĩ Mũsumbĩ Aavu amũtavya, nake Aavu athi kũkomana na Eliya.
17
Yĩla Aavu woonie Eliya nĩwamũkũlilye atĩĩ, “Kwa w'o we nue, we ũla ũthĩnasya Ĩsilaeli?”
18
Eliya nĩwamũsũngĩie amwĩa atĩĩ, “Ndyaathĩny'a Ĩsilaeli, ĩndĩ we, wĩ na andũ ma mũsyĩ wa ĩthe waku, ninyw'ĩ mũthĩnasya Ĩsilaeli. Nĩmwaekie kũatĩĩa mĩao ya Mwĩai Ngai, na mwambĩĩa kũthaitha mĩvw'anano ya ngai ĩla yĩtawa Mbaali.
19
Yu tũmana andũ onthe ma Ĩsilaeli metwe, tũkomanĩe Kĩĩmanĩ kya Kalimeli. O ta ũu tũmana ala athani maana ana na mĩongo ĩtano ma Mbaali, na ala athani maana ana ma Asela, ala maĩsanĩaa na Yeseveli.”
20
Kwoou Aavu nĩweetie andũ onthe ma Ĩsilaeli na athani ma Mbaali, mombanĩe Kĩĩmanĩ kya Kalimeli.
21
Eliya nĩwathengeeie vala ve andũ na amea atĩĩ, “Mwĩendeea kwĩkala mũaanĩtye ilĩko syenyu nginya ĩndĩĩ? Ethĩwa Mwĩai Ngai nĩwe Ngai, mũthaithei; ĩndĩ ethĩwa Mbaali nĩwe Ngai, mũthaithei!” Ĩndĩ andũ mayaaneena ũndũ o na ũmwe.
22
Nĩvo ĩndĩ Eliya wameie atĩĩ, “No inyie nĩ nyioka mwathani wa Mwĩai Ngai ũla ũtialĩte, ĩndĩ athani ma Mbaali nĩ maana ana na mĩongo ĩtano.
23
Etei tũsalũ twĩlĩ; athani ma Mbaali nĩmose kamwe makoae, makatilange ilungu, na kũkailĩĩla ngũnĩ, ĩndĩ maikakwatye mwaki. Nakwa nĩngwosa kasalũ kala kangĩ na kũkeka oou.
24
Ĩtina wa ũu athani ma Mbaali nĩmekaĩle ngai woo, nakwa ngĩkaĩla Mwĩai Ngai. Ngai ũla ũkũsũngĩa kwa kũete mwaki, ũsu nĩwe Ngai.” Andũ onthe nĩmasũngĩie masya, “Kĩla waneena nĩ kĩseo.”
25
Nĩvo ĩndĩ Eliya weeie athani asu ma Mbaali atĩĩ, “Nũndũ inyw'ĩ mwĩ aingĩ mũno, ambai kwosa kasalũ kamwe mũkaseũvye. Ĩkaĩlei ngai yenyu, ĩndĩ mũikakwatye ngũ mwaki.”
26
Kwoou nĩmoosie kasalũ kala manengiwe na makaseũvya. Nĩmeekaĩlile Mbaali na wasya mũnene, kuma kwakya nginya saa sita, maendee kwĩlingĩla kĩthembeo kĩla maseũvĩtye mayasya, “Ame Mbaali, twĩw'e!” Ĩndĩ vai ũsũngĩo maakwata.
27
Saa sita Eliya nĩwamavũthĩĩisye ayasya, “Voyai na wasya mũnenange! Mbaali nĩ ngai! Nĩvatonyeka akethĩwa e na mosũanĩo maingĩ, kana athi kwĩtethya, kana e kyalonĩ! Nĩvatonyeka akethĩwa akomete, na kwoou no nginya mũmũamũkye!”
28
Kwoou athani asu ma Mbaali nĩmavoyie na wasya mũnene, na meetemanga na tũvyũ na matumo kwĩanana na kĩthĩo kyoo, nginya nthakame yetĩka.
29
Nĩmaendeeie kũlonza nginya saa sita syavĩtũka, na maendeea kwathana nginya saa sya kũthemba nthembo ya wĩoo. Ĩndĩ vai ũsũngĩo maakwata, na vai mũndũ waaĩw'a mboya syoo.
30
Nĩvo ĩndĩ Eliya weeie andũ onthe atĩĩ, “Thengeeai vaa nĩĩ.” Andũ nĩmathengeeie vala ve Eliya, na aseũvya ĩngĩ kĩthembeo kya Mwĩai Ngai kĩla kyaĩ kĩomboe.
31
Nĩwoosie mavia ĩkũmi na elĩ, yĩmwe kwondũ wa kĩla mbaĩ yumanĩte na nzyawa sya Yakovo, ũla Mwĩai Ngai waneenie nake amwĩa, “Ũkeetawa Ĩsilaeli.”
32
Nĩwaakie ĩngĩ kĩthembeo kya kũthaithĩa Mwĩai Ngai aitũmĩa mavia asu, na enza mũtaũ ũtonya kũlika kĩw'ũ kya lita ta ĩkũmi na inya.
33
Nĩvo ĩndĩ wavangie ngũ, atilanga kasalũ, na akailĩĩla ngũnĩ isu. Ĩtina wa ũu nĩweeie andũ atĩĩ, “Ĩkĩai mĩtũngi ĩna mĩnene kĩw'ũ yusũe na kũkĩtulũla ĩũlũ wa nthembo ya kũvĩvw'a na ngũ.”
34
Nĩwasyokie amea, “Ĩkai oou ĩngĩ.” Andũ nĩmeekie ũu ĩvinda ya kelĩ, nake amea, “Tũngĩlĩĩlai ĩvinda ya katatũ.” Andũ nĩmeekie ũu ĩvinda ya katatũ.
35
Kĩw'ũ nĩkyetĩkie ngalĩko syonthe sya kĩthembeo, nginya kyausũa ũla mũtaũ.
36
Ĩvindanĩ ya kũthemba nthembo ya ĩa mawĩoo, mwathani Eliya nĩwathengeeie kĩthembeo na avoya ayasya, “Ame Mwĩai Ngai, Ngai wa Avalaamu, Isaka na Yakovo, eka kũmanyĩke ũmũnthĩ kana nue Ngai wa Ĩsilaeli, na kana nyie nĩ mũthũkũmi waku, na neeka maũndũ aa onthe kwĩanana na mwĩao waku.
37
Ame Mwĩai Ngai, nzũngĩe, nzũngĩe nĩ kana andũ mamanye kana we Mwĩai Ngai nue Ngai, na kana nũũtuma makũsyokea.”
38
Nĩvo ĩndĩ Mwĩai Ngai waetie mwaki wavĩvya kasalũ ka nthembo, ngũ, mavia, na mũthanga. O ta ũu mwaki ũsu nĩwanyaisye kĩw'ũ kĩla kyaĩ mũtaũnĩ.
39
Yĩla andũ onthe moonie ũu, nĩmakomie nthĩ na ĩvu mathaithe na masya, “Mwĩai Ngai nĩwe Ngai! Mwĩai Ngai nĩwe Ngai!”
40
Eliya nĩweeaie asya atĩĩ, “Kwatai athani onthe ma Mbaali, mũikaeke o na ũmwe woo akĩe athi!” Andũ nĩmakwatie athani onthe ma Mbaali, na Eliya amatheesya ũsĩnĩ wĩtawa Kisoni amoaĩa vo.
41
Ĩtina wa maũndũ asu, Eliya nĩwaneenie na Mũsumbĩ Aavu amwĩa atĩĩ, “Enda ũkaye na ũinyw'a, nũndũ nĩngwĩw'a kĩuumo kya mbua mbingĩ yũkĩte.”
42
Kwoou Aavu nĩwaendie kũya na kũnyw'a, ĩndĩ nake Eliya ambata Kĩĩmanĩ kya Kalimeli mũthya. E kũu kĩĩmanĩ, nĩwakumanie atina nthĩ na ũthyũ, mũtwe wake wĩ katĩ wa mau make.
43
Eliya nĩwaneenie na mũthũkũmi wake amwĩa atĩĩ, “Enda yu ũsisye kwelekela ngalĩko ya ũkanganĩ.” Mũthũkũmi ũsu nĩwaendie asisya, na asyoka kũla kwĩ Eliya amwĩa, “Ndinona kĩndũ.” Eliya eeie mũthũkũmi ũsu athi akasisye ĩngĩ mavinda mũonza.
44
Ĩvinda ya mũonza mũthũkũmi ũsu nĩwaendie na asyoka asya, “Nĩnoona ĩtu ĩnini yĩana ũvĩ wa kw'oko yũkĩlĩte kuma ũkanganĩ.” Nĩvo ĩndĩ Eliya wamwĩie, “Enda ũkatavye Aavu atũle ĩkasyanĩ yake ya kaũ enũke atanasiĩĩwa nĩ mbua.”
45
Ĩtina wa kavinda kanini matu nĩmaiie nũndũ wa mbua, kĩseve kyambĩĩa kũuutana na kwaua mbua nene mũno. Aavu nĩwatũlile ĩkasyanĩ yake ya kaũ asyoka Yesileeli.
46
Mwĩai Ngai nĩweekĩie Eliya vinya; Eliya nĩwoovie ngũa yake mũsivi kĩnyunyunĩ yalũma vyũ, na asemba e mbee wa Aavu nginya Yesileeli.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22