bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Kings 19
1 Kings 19
Kamba (MBIVILIA ŨVOO MŨSEO)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Mũsumbĩ Aavu nĩwatavisye Yeseveli mũka wake maũndũ onthe ala Eliya wĩkie, na ũndũ wũaie athani onthe ma ngai ĩla yĩtawa Mbaali na ũvyũ.
2
Nĩvo ĩndĩ Yeseveli watũmie mũndũ kũla kwĩ Eliya akamwĩe atĩĩ, “Ethĩwa ũnĩ saa ta ii tũĩ ndikethĩwa ngwĩkĩte ũndũ wĩkie athani asu, ngai nimbĩke ũu kana o na mbeange.”
3
Eliya nĩwakwatiwe nĩ w'ĩa na asemba akĩa ndakoawe. Yĩla wavikie Mbeeli-sieva, nĩwatiie mũthũkũmi wake vau.
4
Eliya nĩwaendie kyalo kya mũthenya mũima esĩlĩte weũnĩ. Nĩwaendie ekala nthĩ ungu wa mũtĩ wĩtawa Mũlutemu, na avoya akw'e ayasya atĩĩ, “Ame Mwĩai Ngai, yu nĩnĩvikĩte mũthya, osa thayũ wakwa! Nyie ndi mũseo mbee wa aaũmae makwa!”
5
Ĩtina wa ũu Eliya nĩwakomie ungu wa mũtĩ ũsu na alĩkwa. Mũlaĩka nĩwamũkiitie na amwĩa, “Amũka ũye.”
6
Eliya nĩwasiisye na oona mũkate ũuĩtwe na makaa, na o ta ũu oona sũva wa kĩw'ũ vakuvĩ na mũtwe wake. Nĩwaĩe, anyw'a na akoma ĩngĩ.
7
Mũlaĩka wa Mwĩai Ngai nĩwasyokie ĩvinda ya kelĩ, akiita Eliya na amwĩa, “Amũka ũye, walea kũya kyalo kyaku kĩĩthĩwa kĩna vinya mũno.”
8
Kwoou nĩwaamũkie, aya na anyw'a. Lĩu ũsu nĩwatumie akwata vinya wa kũthi kyalo kya mĩthenya mĩongo ĩna, ũtukũ na mũthenya, nginya avika Sinaĩ kĩĩmanĩ kya Ngai.
9
E vau nĩwalikile ngunganĩ na ũtukũ ũsu akoma vo. Eliya e ngunganĩ, Mwĩai Ngai nĩwaneenie nake amũkũlya atĩĩ, “Eliya, wĩĩka ata vaa?”
10
Nake asũngĩa, “Nĩnĩthĩĩtwe ngĩũthũkũma na kĩthito we Mwĩai Ngai, Ngai Mwene Ũtonyi W'onthe. Andũ ma Ĩsilaeli nĩmaleete kwĩanĩsya ũtianĩo waku namo, nĩmanangĩte ithembeo syaku, na makoaa athani maku na ũvyũ. No inyie nĩ nyioka ndialĩte, nayu o nakwa meenda kũmbũaa.”
11
Mwĩai Ngai nĩwamwĩie atĩĩ, “Umaala ũthi ũkaũngame kĩĩmanĩ mbee wa Mwĩai Ngai, nũndũ Mwĩai Ngai nũkilĩlye kũvĩtĩla vo.” Nĩvo ĩndĩ kĩseve kĩnene kĩna vinya kyaatũie iĩma na kyaatũanga mavia; ĩndĩ Mwĩai Ngai ndaĩ kĩsevenĩ kĩu. Ĩtina wa kĩseve kĩu kwaĩ na kĩtetemo kya nthĩ; ĩndĩ Mwĩai Ngai ndaĩ kĩtetemonĩ kĩu.
12
Ĩtina wa kĩtetemo kĩu nĩkwookie mwaki, ĩndĩ Mwĩai Ngai ndaĩ mwakinĩ ũsu. Ĩtina wa mwaki nĩkwookie wasya mũnini mũuu.
13
Yĩla Eliya weewie wasya ũsu, nĩweevw'ĩkie ũthyũ na suka yake, na aumaala athi kũũngama mũomonĩ wa ngunga. Nĩvo ĩndĩ weewie wasya ũimũkũlya, “Eliya, wĩĩka ata vaa?”
14
Nake asũngĩa, “Nĩnĩthĩĩtwe ngĩũthũkũma na kĩthito we Mwĩai Ngai, Ngai Mwene Ũtonyi W'onthe. Andũ ma Ĩsilaeli nĩmaleete kwĩanĩsya ũtianĩo waku, nĩmanangĩte ithembeo syaku, na makoaa athani maku na ũvyũ. No inyie nĩ nyioka ndialĩte, nayu o nakwa meenda kũmbũaa.”
15
Mwĩai Ngai nĩwamwĩie atĩĩ, “Syoka o ũndũ wauma, ũthi weũnĩ wa Ndamasikũ. Wavika kw'o ĩtĩkĩsya Aasaeli mauta atw'ĩke mũsumbĩ wa Silia.
16
O ta ũu ĩtĩkĩsya mauta Yeũ mwana wa Nimisi atw'ĩke mũsumbĩ wa Ĩsilaeli, na ũyĩtĩkĩsya mauta Elisa mwana wa Savati, ũla ũtwĩe Aveli-meola, atw'ĩke mwathani ĩtina waku.
17
Mũndũ o na wĩva ũla wĩvonoka alee kũawa nĩ Aasaeli, akooawa nĩ Yeũ, na mũndũ o na wĩva ũla wĩvonoka alee kũawa nĩ Yeũ, akooawa nĩ Elisa.
18
Ũu wĩ o vo ngatialya andũ ngili mũonza nthĩ ya Ĩsilaeli me thayũ; asu nĩ ala mataatulya ndu mathaithe ngai ĩla yĩtawa Mbaali, na ala mataamumunya mũvw'anano wa ngai ĩsu.”
19
Eliya nĩwaumie vau na athi kwĩthĩa Elisa mwana wa Savati, aiĩma na nzaũ ilĩ syovetwe vamwe; mbee wake vaĩ andũ ĩkũmi na ũmwe, kĩla ũmwe aiĩma na nzaũ ilĩ syovetwe vamwe. Eliya nĩwaumisye suka yake na ekĩsya Elisa.
20
Nĩvo ĩndĩ Elisa watiie nzaũ ila waĩmaa nasyo, asemba aatĩĩe Eliya na amwĩa, “Eka nĩthi ngakethye nau na mwaitũ ngethi ya wendo ya kũtaanĩsya, na ĩndĩ ndyũka ngũatĩĩe.” Eliya nĩwamũsũngĩie amwĩa, “Nũtonya kũthi, nyie ndikũsiĩĩe.”
21
Elisa nĩwatiie Eliya na asyoka vala ve ila nzaũ waĩmaa nasyo. Nĩwooaie nzaũ isu, na atũmĩa mĩtĩ ya ĩsoki yĩla yasyovanĩtye kũua nyama syasyo. Nĩwanengie andũ nyama isu maya. Nĩvo ĩndĩ waendie aatĩĩa Eliya na atw'ĩka mũthũkũmi wake.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22