bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Kings 21
1 Kings 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Mũndũ ũmwe weetawa Navothi, ũla watwĩe Yesileeli, aĩ na mũũnda wa mĩsavivũ vau Yesileeli, vakuvĩ na nyũmba ya kĩ-ũsumbĩ ya Aavu mũsumbĩ wa Samalia.
2
Mũthenya ũmwe Aavu nĩwaneenie na Navothi amwĩa atĩĩ, “Nenge mũũnda waku wa mĩsavivũ nĩũtw'ĩkĩthye mũũnda wakwa wa kũvanda mboka, nũndũ mũũnda ũsu wĩ vakuvĩ na nyũmba yakwa ya kĩ-ũsumbĩ. Nĩngũũkũanĩsya mũũnda ũsu na ũngĩ mũseo wa mĩsavivũ, kana wendeew'a ngũnenge mbesa syĩanĩe thooa waw'o.”
3
Navothi nĩwasũngĩie mũsumbĩ amwĩa atĩĩ, “Mũũnda ũũ nĩ ũtiĩwa kuma kwa aaũmae makwa; ndikũnenga w'o!”
4
Aavu nĩwenũkie e na woo na kĩmako kingĩ, nũndũ wa ndeto ila Navothi wamũtavisye ayasya, “Ndikũnenga ũtiĩwa wa aaĩthe makwa.” Aavu nĩwaendie akoma ũkomonĩ wake asyaĩtye ũkũtanĩ na alea lĩu.
5
Yeseveli mũka wake nĩwaendie vala waĩ na amũkũlya atĩĩ, “Ũmakĩtw'e ũu nĩ kyaũ ũkethĩa o na ndũya?”
6
Aavu nĩwamũsũngĩie amwĩa atĩĩ, “Nũndũ nĩneenie na Navothi ũla ũtwĩe Yesileeli ngĩmũkũlya anthooesye mũũnda wake wa mĩsavivũ, kana endeew'a nĩmũnenge mũũnda ũngĩ vandũ vaw'o. Navothi nũleile na ambĩa, ‘Ndikũnenga mũũnda wakwa wa mĩsavivũ.’ ”
7
Yeseveli mũka wake nĩwamũsũngĩie amwĩa atĩĩ, “We tue ũsumbĩkĩte Ĩsilaeli? Ũkĩla ũye na ũitanĩthya ngoo yaku. Nyie mwene nĩngũkwosea mũũnda wa mĩsavivũ wa Navothi ũla Mũyesileeli!”
8
Nĩvo ĩndĩ Yeseveli waandĩkie valũa aitũmĩa ĩsyĩtwa ya Aavu, na aitumba mũulĩ wa mũsumbĩ. Nĩwanenganie valũa isu itwaĩwe atumĩa na andũ me ndaĩa, ala mekalaa na Navothi ndũanĩ ĩla watwĩe.
9
Valũa isu syaandĩkĩtwe ũũ: “Tavany'ai ĩvinda ya kũtĩĩa kũya, andũ mombanĩe vamwe, na mũyĩkalya Navothi vala andũ me ndaĩa mailyĩ.
10
Mwamina kwĩka ũu manthai andũ elĩ athe mekale ngalĩko ĩla ĩngĩ ya vala wĩkalĩte, na mayumya ũkũsĩ masye, ‘Navothi nũumĩte Ngai na mũsumbĩ.’ Ĩtina wa ũu mumaalyei nza wa ndũa, na mũimũkimanga na mavia akw'e.”
11
Kwoou atumĩa na andũ me ndaĩa, ala matwĩe ndũanĩ ĩla Navothi watwĩe, nĩmeekie ũndũ Yeseveli weeaĩte valũanĩ isu.
12
Nĩmatavanisye ĩvinda ya kũtĩĩa kũya, na meeta andũ mombanĩe vamwe, na mekalya Navothi vala andũ me ndaĩa mailyĩ.
13
Ala andũ elĩ athe mekalile ngalĩko ĩla ĩngĩ ya vala Navothi wailyĩ, nĩmamũsikatie mayasya atĩĩ, “Navothi nũumĩte Ngai na mũsumbĩ.” Nĩvo ĩndĩ mamumaalilye nza wa ndũa na mamũkimanga na mavia akw'a.
14
Nĩmatũmanie kũla kwĩ Yeseveli akanengwe ũtũmani ũũ: “Navothi nĩwakimangwa na mavia akw'a.”
15
Yĩla Yeseveli weewie kana Navothi nũkimangiwe na mavia akw'a, nĩwaneenie na Aavu amwĩa atĩĩ, “Navothi nde thayũ, nĩ mũkw'ũ! Kwoou ũkĩla ũthi ũkose ũmesye mũũnda wake wa mĩsavivũ, ũla ũnaleete ũkũthooesya.”
16
Mũsumbĩ Aavu eew'a kana Navothi nĩ mũkw'ũ oou, nĩwookĩlile athi akose mũũnda ũsu wa Navothi aũmesye.
17
Nĩvo ĩndĩ Mwĩai Ngai waneenie na Eliya ũla mwathani waumĩte Tisive amwĩa atĩĩ,
18
“Enda vala ve Aavu mũsumbĩ wa Ĩsilaeli ũla wĩ Samalia. Yu e mũũndanĩ wa mĩsavivũ wa Navothi ayenda kũwosa aũmesye.
19
Enda ũkamwĩe nyie Mwĩai Ngai nĩkũlya atĩĩ, ‘Ĩtina wa kũaa Navothi, yu wĩenda kwosa mũũnda wake ũũmesye?’ Mũtavye ũmwĩe nyie Mwĩai Ngai nĩasya, ‘Vandũnĩ o vala ngitĩ inalambalambĩlye nthakame ya Navothi, novo syĩlambalambĩlya nthakame yaku!’ ”
20
Yĩla Aavu woonie Eliya, nĩwamũkũlilye atĩĩ, “We mũmaitha wakwa, yu nĩwangwatya ĩngĩ?” Eliya nĩwamũsũngĩie amwĩa, “Ĩĩ, nĩnakũkwatya. Nĩwĩyumĩtye kwĩka maũndũ ala mathũku vyũ matamwendeeasya Mwĩai Ngai.
21
Kwoou Mwĩai Ngai ekwĩa, ‘Ngakũetee thĩna mũnene. Ngakũaa na o ta ũu ngĩmina aũme onthe ma mũsyĩ waku; o na ethĩwa nĩ ngombo kana nĩ athasye.
22
Ngeekana na mũsyĩ waku ũndũ neekanie na mũsyĩ wa Yelovoamu mwana wa Nevati, na mũsyĩ wa Mbaasa mwana wa Aiya, nũndũ nũmbĩw'ĩthĩtye woo, na ũkatuma andũ ma Ĩsilaeli malika naĩnĩ.’
23
O ta ũu Mwĩai Ngai eneena ũũ ĩũlũ wa Yeseveli, ‘Ngitĩ ikaĩĩa mwĩĩ wa Yeseveli ndũanĩ ya Yesileeli.
24
Kwa w'o, mũndũ o na wĩva wa mũsyĩ waku ũla wĩkw'ĩĩa ndũanĩ akaĩwa nĩ ngitĩ, na mũndũ o na wĩva ũla wĩkw'ĩĩa isesinĩ akaĩwa nĩ ndei.’ ”
25
(Vai mũndũ o na wĩva weeyumĩtye kwĩka maũndũ ala matamwendeeasya Mwĩai Ngai ta Aavu, ĩtina wa kwĩkĩwa vinya nĩ Yeseveli mũka wake.
26
Nĩweekie maũndũ ma kũthatya mũno, kwa kũthaitha ngai sya mĩvw'anano o tondũ Aamoli meekaa tene. Mwĩai Ngai alũngilye Aamoli mauma nthĩ ya Kanaani ĩvindanĩ yĩla andũ ma Ĩsilaeli maendee kũmĩlika.)
27
Yĩla Aavu weewie ndeto isu, nĩwatembũangie ngũa syake nĩ kyeva, eekĩa ngũa ngaamu sya makunia na atĩĩa kũya. Nĩwakomaa ekĩĩte ngũa isu ngaamu sya makunia na kwanganga emakĩe.
28
Nĩvo ĩndĩ Mwĩai Ngai waneenie na mwathani Eliya amwĩa atĩĩ,
29
“Nĩwonie ũndũ Aavu ũmbĩnyivĩisye? Nũndũ nũmbĩnyivĩisye, ndiete ũthũku ũsu ĩvindanĩ ya thayũ wake, ĩndĩ ĩvindanĩ ya thayũ wa mwana wake, ngaetee mũsyĩ wake ũthũku ũsu.”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
Recommended Reading
Commentary
1 Kings Commentaries
→
Devotional
1 Kings Devotional Guide
→
Get This Bible
Kamba (MBIVILIA ŨVOO MŨSEO) Study Bible
→