bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Kings 3
1 Kings 3
Kamba (MBIVILIA ŨVOO MŨSEO)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Solomoni nĩwaseũvisye wĩw'ano na Valao mũsumbĩ wa Misili, na atwaa mwĩĩtu wake. Nĩwaetie mwĩĩtu ũsu ekala Ndũanĩ ya Ndeviti, nginya yĩla waminie kwaka nyũmba yake ya kĩ-ũsumbĩ, na Ĩkalũ ya Mwĩai Ngai, na ũkũta kwĩlingĩla Yelũsalemu.
2
Mwĩai Ngai ndaĩ anamba kwakĩwa Ĩkalũ, na kwoou andũ maendee kũthembea nthembo syoo ithembeonĩ mbingĩ syĩ kĩvathũkany'o.
3
Solomoni nĩwoonanasya wendo wake kũla kwĩ Mwĩai Ngai. Eekaa ũu kwĩanana na motw'ĩo ma Ndeviti ĩthe wake, ate o nĩwathembeaa nthembo na kũvĩvĩsya ũvani ithembeonĩ syĩ kĩvathũkany'o.
4
Mũsumbĩ Solomoni nĩwaendie Ngiveoni athembe nthembo, nũndũ vau nĩvo vaĩ kĩthembeo kĩla kyaĩ nguma mũno. Vau mbeenĩ Solomoni nĩwaumisye nthembo sya kũvĩvw'a ngili kĩthembeonĩ kĩu.
5
E vau Ngiveoni Mwĩai Ngai nĩwamumĩlĩĩle ndotonĩ ũtukũ na amwĩa atĩĩ, “Mbĩtye kĩla ũkwenda ngũnenge.”
6
Solomoni nĩwamũsũngĩie amwĩa atĩĩ, “Kĩla ĩvinda nĩwoonanasya wendo mwingĩ kũla kwĩ ĩthe wakwa Ndeviti mũthũkũmi waku, nũndũ aĩ mũndũ mũseo, mwĩwi na mũĩkĩĩku kũla ũĩ. Nĩwaendeeie kũmwony'a wendo ũsu waku mwingĩ na mũlũmu, kwa kũmũnenga mwana ũla ũmũnthĩ ũsumbĩkĩte vandũ vake.
7
Na yu, ame Mwĩai Ngai, Ngai wakwa, nũndw'ĩkĩthĩtye nyie mũthũkũmi waku mũsumbĩ ĩtina wa Ndeviti ĩthe wakwa, o na vala nĩ kana kanini na ndyĩsĩ ũndũ ndonya kũsumbĩka.
8
Nyie mũthũkũmi waku nĩ vaa katĩ wa andũ ala wanyuvie, andũ aingĩ mũno, ũndũ matatonya kũtalĩka.
9
Kwoou nenga ũĩ nyie mũthũkũmi waku, nĩ kana ndonye kũsumbĩka andũ maku na ũsili wa katĩ, na kũmanya kĩvathũkany'o kya ũseo na ũthũku. Ethĩwa ti ũu, nyie ngatonya ata kũsumbĩka andũ aa maku maingĩvĩte ũu?”
10
Mwĩai Ngai nĩwendeeiw'e nĩ ũndũ ũsu Solomoni weetisye.
11
Kwoou Ngai nĩweeie Solomoni atĩĩ, “Nũndũ nĩweetya ũĩ, na ndũnetya thayũ mũasa, kana ũkeyĩtĩsya ũthwii, o na ndũnavoya nĩ kana amaitha maku moawe, ĩndĩ nĩweetya ũĩ, nĩ kana ũsumbĩkae ũyumya ũsili wa katĩ,
12
nĩngũũnenga kĩla weetya. Nĩngũũnenga ũĩ mwingĩ na ũmanyi ũtaaĩthĩwa na mũndũ ũngĩ, na ũtakethĩwa ĩngĩ na mũndũ o na ũmwe.
13
O ta ũu nĩngũũnenga kĩla ũtanambĩtya; ĩvindanĩ yonthe ya thayũ waku ũkeethĩawa na ũthwii na ndaĩa; vai mũsumbĩ ũngĩ ũkethĩwa ailyĩ taku ĩvindanĩ yonthe ya thayũ waku.
14
Ethĩwa ũkambĩw'aa na kwĩanĩasya motw'ĩo na mĩao yakwa, o tondũ ĩthe waku Ndeviti weekaa, ngakũnenga kwĩkala thayũ ĩvinda ĩasa.”
15
Yĩla Solomoni waamũkie nĩweethĩie kana nũkũotaa. Nĩvo ĩndĩ waendie Yelũsalemu na aũngama mbee wa Ĩsandũkũ ya Ũtianĩo ya Mwĩai Ngai, na athembea Mwĩai Ngai nthembo sya kũvĩvw'a na sya ngwatanĩo. Ĩtina wa ũu nĩwaseũvĩisye anini make onthe mboka.
16
Mũthenya ũmwe aka elĩ malwaya, nĩmaendie vala ve Mũsumbĩ Solomoni na maũngama mbee wake.
17
Ũmwe wa aka asu nĩwamwĩie atĩĩ, “Mũnene wakwa, nyie na mũndũ mũka ũũ twĩkalaa nyũmba ĩmwe. Ndyĩkala nyũmbanĩ ĩsu nake, nĩnĩnasyaie.
18
Mũthenyanĩ wa katatũ ĩtina wa kũsyaa kana kakwa, mũndũ mũka ũũ o nake nũnasyaie. Tũnaĩ ithyoka; vai naĩ mũndũ ũngĩ nyũmbanĩ ĩsu ate o ithyĩ twĩ elĩ.
19
Ũtukũ ũmwe, mũndũ mũka ũũ nũnakomeie kana kake na kakw'a.
20
Ũtukũ katĩ nyie mũthũkũmi waku nĩkomete, nũnookĩlile na oosa kana kakwa ke ũtee wakwa. Nũnakaiie kĩthũinĩ kyake, na aia kana kala kake ke kakw'ũ kĩthũinĩ kyakwa.
21
Naamũka kĩoko nongye kana kakwa, nĩneethĩie ke kakw'ũ! Ĩndĩ yĩla nĩnakasyaisye nesa kwakya, nĩnĩnoonie ti kana kala kakwa nĩnasyaie.”
22
Mũndũ mũka ũsu ũngĩ nĩwaneenie asya, “Aiee! Kana kala ke thayũ nĩ kakwa; kala kakw'ũ nĩ kaku!” Mũndũ mũka ũla wa mbee nĩwaneenie asya atĩĩ, “Aiee! Kana kala kakw'ũ nĩ kaku, na kala ke thayũ nĩ kakwa!” Ũu nĩw'o maendeeie kũkananĩa me mbee wa mũsumbĩ.
23
Nĩvo ĩndĩ Mũsumbĩ Solomoni waisye, “Kĩla ũmwe wenyu easya kana kala ke thayũ nĩ kake, na kala kakw'ũ nĩ ka ũla ũngĩ.”
24
Mũsumbĩ nĩwatũmanie ũvyũ ũetwe, na yĩla waetiwe
25
asya atĩĩ, “Tilanĩlya kana kala ke thayũ katĩ, na ũinenga mũndũ mũka ũmwe nyusu na ũla ũngĩ nyusu.”
26
Mũndũ mũka ũla kana kake kaĩ thayũ nĩweew'ĩie kana kake tei na eea mũsumbĩ atĩĩ, “Ame, mũnene wakwa, ndũkakoae, mũnenge ko.” Ĩndĩ mũndũ mũka ũsu ũngĩ asya, “Ndũkakanengane o na kwa ũmwe waitũ; katilanĩlye katĩ!”
27
Nĩvo ĩndĩ mũsumbĩ waumisye ũtw'ĩo wake asya atĩĩ, “Nengane kana kala ke thayũ kwa mũndũ mũka ũla wa mbee. Ndũkakoae; ũsu nĩwe inyia wako.”
28
Yĩla andũ onthe ma Ĩsilaeli meewie ũtw'ĩo ũla mũsumbĩ waumisye, nĩmamũnengie ndaĩa nene, nũndũ nĩmamanyie kana aĩ na ũĩ kuma kwa Ngai, nĩ kana aumasye ũsili wa katĩ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22