Isaiah 21

Kituba (BIBILIYA NA KITUBA)

← Chapter 20 Jump to: Chapter 22 →

1Yayi ni nsembolo samu na Yinsi ya kuyuma ya Mubu: Mutindu mupepe ya ngolo ke lutaka na Nengeve, mbeni mpe me katuka na yinsi ya kuyuma, na yinsi mosi ya nsisi.

2Ya kele lumoni mosi ya nsisi mu kuzwaka. Ndiku ya ntama me kuma kiyekudi, kimwangisi ke na kumwangisa. Ba-Elame beno kwenda nwana! Beno kwenda zunga Mede samu na kubaka yawu! Mu ke sukisa kuyawula nyonso.

3Ni yawu yina, mu me fuluka na manyongo, bampasi me lwata munu, mutindu bampasi ya kento na ntangu ya kubuta, bankwamusu me kanga munu makutu, boma me kufwa munu meso.

4Ntima ya munu ke dyaka ve na kizunu, mu ke na kutekita na boma. Mpimpa yina vwandaka pesa munu kilengi, yawu me kuma mpimpa yina ke na kutalisa munu boma.

5Ba me yidika mesa, ba me fuka yawu na lele, ba ke na kudya mpe kunwa. Na mpamukunu ba me looka: Bamfumu, beno telama, beno tula mafuta na binwanunu ya beno!

6Mfumu me tuba na munu mutindu yayi: Kwenda, tula nkebi. Yandi kusamuna yina bawu ke na kutala.

7Kana yandi tala kipusu-pusu yina ke na bampunda zole-zole, mpe binati bambuluku na zulu ya bambuluku, mpe bantu ya nkaka na zulu ya basamo, bika ti yandi kutala bawu mbote, mbote-mbote.

8Mpe yandi lookaka mutindu nkosi: Mfumu ya munu, bilumbu nyonso mu ke vwandaka ya kukubama! Mu ke kayaka meso bampimpa nyonso, na kisika ya munu ya bankebi.

9Bapusu-pusu ya mvita ke na kukwiza na bantu, bampunda zole-zole! Yandi ke na kutuba: Babilone me kubwa! Yawu me kubwa! Biteki nyonso ya banzambi ya yawu, yawu yayi na ntoto, yawu me mwangana!

10Beno bayina ba bulaka, mutindu ba ke bulaka bambuma, na kisika ya munu, yina ba ke kukabula bambuma na matiti ya yawu, mambu yina mu me kuwa na sika ya Yave, Mfumu ya Binwani, Nzambi ya Isayeli, mu me zabisa beno yawu.

11Mambu ya nsembolo samu na mbanza «Duma» ni yayi: Kuna na Seyile ba ke na kulooka, samu na munu mutindu yayi: «Nkebi, yinki nge ke na kutuba na yina me tadila mpimpa? Nkebi, yinki nge ke na kutuba samu na mpimpa?»

12Nkebi vutulaka: «Suka ke na kwiza, mpimpa mpe ke na kwiza. Kana beno zola kuyufula byuvu, beno yufula! Beno kwiza! Ee, beno kwiza ya beno dyaka!»

13Mambu ya nsembolo ya kizunga Alabi ni yayi: «Beno bantu yina ke zyetaka na zulu ya basamo ya Dedane, beno ke lutisa mpimpa na kati ya matiti ya Alabi!

14Beno kwenda bwabana bayina ke na mpwila ya maza, beno natina bawu maza. Beno bantu yina ke zingaka na Tema, beno kwenda na mantwala ya bayina kimaka, beno natina bawu mampa.

15Samu ti bawu kimaka na mantwala ya mbele ya mvita, mbele ya mvita ya kutelama, mpe na mantwala ya munani ya kukubama, na mantwala ya mvita ya ngolo.»

16Mfumu tubaka na munu mutindu yayi: Na kati ya mvula mosi, mutindu ba ke tangilaka mvula ya muvimba ya muvondi, nkembo nyonso ya Kedale ke zimbana.

17Ya ke bikana kaka mwa lutangu ya fyoti ya binwani yina ke sadila minani, mpe ya binwani na sika ya bantu ya Kedale. Ni Yave Nzambi ya Isayeli me tuba yawu.

← Chapter 20 Jump to: Chapter 22 →