1 Kings 4

Luganda (BIBU1) (BIBULIYA ENTUKUVU)

← Chapter 3 Jump to: Chapter 5 →

1Kabaka Solomoni yali afuga Yisirayeli yenna.

2Bano be bakungu be yabeeranga nabo: Azariya, mutabani wa Zadoki, ye yali kabona;

3Elikorefu ne Akiya batabani ba Sisa, nga bawandiisi; Yosafati mutabani wa Akiludi nga y'akuuma ebyafaayo;

4Benaaya mutabani wa Yoyada nga y'ali ku ggye, ye Zadoki ne Abiyatari nga bakabona;

5Azariya mutabani wa Natani nga ye mukulu w'abaamasaza; Zabudi mutabani wa Natani kabona, nga ye Munywanyi wa kabaka;

6Akisari nga ye mulabirizi w'olubiri, ne Adoniramu mutabani wa Abuda nga y'akulira akasanvu.

7Solomoni yali alina abaamasaza kkumi na babiri mu Yisirayeli yenna abaasakiriranga kabaka n'ennyumba ye emmere; buli omu yaleetanga ebyetaagibwa omwezi gumu mu mwaka.

8Gano ge mannya gaabwe: Beni-Kuri mu nsozi za Efurayimu;

9Beni-Dekeri mu Makazi ne mu Saalubimu, Beti-Semesi, ne Eloni-Beti-Kanaani.

10Beni-Kesedi mu Arubboti, Soko kyalinga kikye n'ensi yonna ey'e Keferi.

11Beni-Abinadabu nga y'alina ekitundu kyonna ekya Nafoti Dori; yali awasizza Tafati muwala wa Solomoni.

12Baana, mutabani wa Akiludi, ng'ali mu Taanaki ne Megiddo ne Beti-Seyani yenna ekiri okumpi ne Zeretana emmanga wa Yezureeli, okuva e Beti-Sani okutuuka e Abeli-Mekola n'eri emitala wa Yokumewamu;

13Beni-Geberi mu Ramoti-Gileyaadi yalinanga ebyalo bya Yayiri muzzukulu wa Manasse mu Gileyaadi, era ne mu kitundu kyonna eky'e Arugobu ekiri mu Basani, ebibuga nkaaga ebinene okuli ne bbugwe, enzigi n'emiyingo egy'ekikomo;

14Akinadabu, mutabani wa Yiddo nga mu Makanayimu;

15Akimaazi mu Nafutali naye yali awasizza Basemati muwala wa Solomoni;

16Baana mutabani wa Kusayi mu Aseeri ne mu Beyaloti;

17Yosafati, mutabani wa Paruwa mu Yissakari;

18Semeyi, mutabani wa Ela mu Benyamiini;

19Geberi, mutabani wa Wuri mu nsi y'e Gileyaadi, mu nsi y'e Sikoni kabaka w'Abaamori ne Ogi kabaka w'e Basani. Mu nsi ya kabaka eya Yuda mwalimu owessaza omu.

20Abantu ba Yuda ne Yisirayeli baali bangi okwenkana omusenyu gw'ennyanja; balyanga ne banywa nga basanyufu.

← Chapter 3 Jump to: Chapter 5 →