bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
1 Samuel 8
1 Samuel 8
Lahu Bible Edited © Thailand Bible Society and Bible Society of Myanmar, 2010, 2020.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
1
Saˍmo-eˍlaˆ mawˇ la ve teˇ yanˇ, yawˇ ve yaˇ teˇ hpaˍ hta‸ Iˉsaˍreˍlaˆ chaw hui awˬ hkʼoˆ lo suhˉ jehˬ shehˍ hpaˇ kʼaw‸ te tcuh ve yoˬ.
2
Yawˇ ve yaˇ paˍ uiˍ lehˬ, Yawˇlaˆ hpeh‸ leh, awˬ nyi paˍ teˇ gʼaˇ lehˬ Aˍbiˇyaˆ hpeh‸ ve yoˬ. Yawˇ huiˉ maˬ lehˬ Beˍraˍsheˍbaˆ venˇ hkʼaw lo suhˉ jehˬ shehˍ hpaˇ te chehˇ ve yoˬ.
3
Ya‸ hkʼaˇ, yawˇ huiˉ maˬ lehˬ awˬ pa hkʼe maˇ heˆ. Hpu gʼa kuiˬ awˬ hkʼaˇ hta‸ tiˉ ca leh, shu geh la‸ shawnˍ yuˬ caˇ ve yoˬ. Shu hta‸ hteˇ ve cawˇ ve hkʼaw suhˉ maˇ jehˬ piˇ.
4
Oˇ htaˇ, Iˉsaˍreˍlaˆ chaw awˬ hoˉ awˬ naˬ hkʼa peu-eˬ Saˍmo-eˍlaˆ chehˇ taˍ kuiˬ Raˍmaˆ venˇ lo hpawnˬ laˬ leh,
5
Nyi loˬ, nawˬ lehˬ mawˇ la peuˬ leh, nawˬ yaˇ teˇ hpaˍ lehˬ nawˬ te ve hkʼe maˇ te. Chi hta‸ pa taw, awˬ nu ve mvuhˇmiˬ teˇ hpaˍ a shu yawˇ jawˇmawˇ cawˬ ve hkʼe, ngaˬ hui hta‸ htawˇ jawˇmawˇ teˇ gʼaˇ ca laˇ-oˆ, teh‸ yawˇ hta‸ kʼoˆ piˇ ve yoˬ.
6
Yawˇ hui jawˇmawˇ lawˬ ve hta‸ Saˍmo-eˍlaˆ nyi ma maˇ cawˇ. Hkʼe te leh, yawˇ Gʼuiˬsha geh bon lawˬ ve yoˬ.
7
Oˇ htaˇ, Gʼuiˬsha yawˇ hta‸ kʼoˆ piˇ ve, Chaw yaˇ teˇ hpaˍ nawˬ hta‸ hkʼa kʼoˆ laˇ ve tawˇ hkʼa peu-eˬ hta‸ na yuˬ leh te piˇ-oˆ. Awˬ lawn kʼo, yawˇ hui nawˬ hta‸ chiˇ baˬ ve maˇ heˆ. Ngaˬ yawˇ hui hta‸ maˇ gʼa kʼaw‸ uˉ peunˍ tuˬ, yawˇ hui ngaˬ hta‸ chiˇ baˬ ve yoˬ.
8
Ngaˬ yawˇ hui hta‸ Eˇjiˇtu‸ mvuhˇmiˬ hkʼaw shiˍ tawˆ la piˇ ve teˇ nyi hta‸ te leh ya‸ nyi hkʼa gaˬ, yawˇ hui ngaˬ hta‸ baˬ taˉ leh awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ pui chehˇ ve yoˬ. Yawˇ hui ngaˬ hta‸ te laˇ chehˇ ve hkʼe, chi beu‸ nawˬ hta‸ htawˇ oˇ hkʼe kʼaw‸ te laˇ chehˇ ve yoˬ.
9
Chi hta‸ pa taw, chi beu‸ yawˇ hui kʼoˆ ve hkʼe na yuˬ leh te piˇ-oˆ. Ya‸ hkʼaˇ, yawˇ hui jawˇmawˇ cawˬ la ve teˇ yanˇ, jawˇmawˇ oˇ ve yawˇ hui hta‸ hkʼaˬ hkʼe te piˇ tuˬ ve awˬ lawn yawˇ hui hta‸ hkʼa deh‸ kʼoˆ maˍ piˇ-oˆ, teh‸ yawˇ hta‸ kʼoˆ piˇ ve yoˬ.
10
Oˇ htaˇ, Saˍmo-eˍlaˆ lehˬ Gʼuiˬsha yawˇ hta‸ hkʼa kʼoˆ piˇ taˍ ve tawˇ oˇ ve hkʼa peu-eˬ yawˇ hui hta‸ kʼaw‸ kʼoˆ maˍ piˇ ve yoˬ.
11
Saˍmo-eˍlaˆ kʼoˆ ve, Nawˬ hui ve jawˇmawˇ nawˬ hui hta‸ chi hkʼe te laˇ tuˬ yoˬ. Nawˬ hui ve yaˇ teˇ hpaˍ hta‸ yawˇ yuˬ leh, ma‸ yaˇ te tcuh tuˬ yoˬ. Teˇ hpaˍ hpaˍ hta‸ iˉ mvuhˇ lawˬ hpawˇ kanˉ te tcuh leh, teˇ hpaˍ hpaˍ hta‸ ma‸ bawˆ paˍ te tcuh tuˬ yoˬ.
12
Teˇ hpaˍ hpaˍ hta‸ chaw teˇ hinˉ gʼaˇ awˬ hkʼoˆ awˬ hoˉ te tcuh leh, teˇ hpaˍhpaˍ hta‸ chaw ngaˇ chi gʼaˇ awˬ hkʼoˆ awˬ hoˉ te tcuh tuˬ yoˬ. Nawˬ hui ve yaˇ teˇ hpaˍ lehˬ, yawˇ ve ti mi hta‸ gʼa mehˇ leh awˬ shiˍ awˬ nu gʼa gʼeu‸ jaw‸ keu piˇ tuˬ yoˬ. Chi awˬ hkʼoˆ, yawˇ hui lehˬ yawˇ ve la‸ caˉ leh yawˇ ve iˉ mvuhˇ lawˬ teˇ hpaˍ awˬ pon loˍ ve mawˇ teˇ hpaˍ hta‸ gʼa te piˇ tuˬ yoˬ.
13
Nawˬ hui ve yaˇ miˇ teˇ hpaˍ htawˇ, yawˇ awˬ pon naˍ manˇ hawnˉ gʼa te piˇ leh, yawˇ hta‸ gʼa te caˍ te taw piˇ tuˬ yoˬ.
14
Yawˇ lehˬ nawˬ hui ve ti mi, a pehˉ meuˇ hko, shaˍlonˍ hko teˇ hpaˍ hta‸ yuˬ leh yawˇ ve ma‸ poˍ lonˉ teˇ hpaˍ hta‸ piˇ tuˬ yoˬ.
15
Nawˬ hui ve caˬ shiˍ leh a pehˉ meuˇ shiˍ teˇ chi pun teˇ pun hta‸ yawˇ yuˬ leh, shaˉ nanˉ hkʼaw kanˉ te chehˇ ve chaw hui hta‸ piˇ tuˬ yoˬ.
16
Yawˇ lehˬ, nawˬ hui ve awˬ ceˬ paˍ teˇ hpaˍ leh nawˬ hui ve ceˇ teˇ hpaˍ hta‸ yuˬ leh, yawˇ awˬ pon yehˇ tuˬ yoˬ.
17
Yawˇ lehˬ nawˬ hui ve ceˇ teˇ chi pun teˇ pun hta‸ yuˬ kʼai leh, nawˬ hui yawˇ ve awˬ ceˬ gʼa te tuˬ yoˬ.
18
Oˇ hkʼe hpeh‸ la ve teˇ yanˇ, nawˬ hui hkʼaˇ nawˬ hui leuˆyuˬ taˍ ve jawˇmawˇ oˇ ve hta‸ pa taw, nawˬ hui gʼa hkʼanˇ chehˇ tuˬ yoˬ. Ya‸ hkʼaˇ, Gʼuiˬsha lehˬ nawˬ hui hkʼanˇ chehˇ ve awˬ hkawˇ hta‸ na yuˬ laˇ tuˬ ve maˇ heˆ, teh‸ yawˇ hui hta‸ kʼoˆ maˍ piˇ ve yoˬ.
19
Ya‸ hkʼaˇ, chaw oˇ ve teˇ hpaˍ lehˬ Saˍmo-eˍlaˆ kʼoˆ maˍ piˇ chehˇ ve tawˇ hta‸ maˇ na yuˬ. Ngaˬ hui hta‸ jawˇmawˇ teˇ gʼaˇ ca laˇ-oˆ.
20
Oˇ hkʼe te ve kʼo, ngaˬ hui htawˇ awˬ nu ve chaw ceuˬ teˇ hpaˍ hkʼa shuˍ jawˇmawˇ cawˬ la leh, ngaˬ hui hta‸ ma‸ bawˆ kuiˬ lo shiˍ kʼai laˇ hpeh‸ tuˬ yoˬ, teh‸ yawˇ hta‸ kʼaw‸ yaw hkʼaw‸ piˇ ve yoˬ.
21
Saˍmo-eˍlaˆ lehˬ yawˇ hui kʼo ve tawˇ hkʼa peu-eˬ hta‸ na yuˬ leh, Gʼuiˬsha hta‸ kʼaw‸ kʼoˆ piˇ ve yoˬ.
22
Oˇ htaˇ Gʼuiˬsha lehˬ, Yawˇ hui kʼoˆ ve hkʼe te leh yawˇ hui hta‸ jawˇmawˇ teˇ gʼaˇ ca piˇ-oˆ, teh‸ yawˇ hta‸ kʼoˆ piˇ ve yoˬ. Oˇ ve hkʼaw‸ nawˉ, Saˍmo-eˍlaˆ yawˇ hui hta‸ kʼaw‸ kʼo‸-e tcuh ve yoˬ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31