Joshua 15

Lahu Bible Edited © Thailand Bible Society and Bible Society of Myanmar, 2010, 2020.

← Chapter 14 Jump to: Chapter 16 →

1Yuˇda‸ awˬ ceuˬ awˬ hkʼaˇ teˇ hpaˍ htawˇ, awˬ hawˉ lo bvuh‸ taˍ ve hkʼe mvuhˇmiˬ teˇ peˆ gʼa ve yoˬ. Yawˇ hui ve mvuhˇmiˬ awˬ hawˉ hpawˇ teˇ tawn lehˬ, Ziˇnaˆ hteunˍ lonˉ hta‸ te leh, Eˇdonˍ miˬ tcuhˉ lo hkʼa gaˬ hpeh‸ ve yoˬ.

2Awˬ hawˉ hpawˇ ve miˬ tcuhˉ lehˬ, Suh ve laˇ tsuhˇ gʼuiˬ awˬ hawˉ paˉ teˇ tawn hta‸ te leh,

3Aˍkaˍraˍbenˍ kʼaˍ le‸ hta‸ hpanˍ kʼai peuˬ hkʼaw‸ nawˉ, Ziˇnaˆ venˇ lo hkʼa gaˬ hpeh‸ ve yoˬ. Oˇ kaˬ lo kʼaw‸ te leh, awˬ na hpawˇ Kaˍdeˍshaˆbaˍnaˍ venˇ, Heˍzaˍronˍ venˇ, Aˍdaˍ venˇ leh Kaˍkaˍ venˇ lo hkʼa gaˬ hpeh‸ ve yoˬ.

4Peuˬ hkʼaw‸ nawˉ, Aˍzaˍmonˍ venˇ hta‸ kʼaw‸ te leh Eˇjiˇtu‸ miˬ tcuhˉ lo cawˬ ve iˉ kaˆ lawˬ hkʼaˇ suh te leh, Awˬ kʼaw ji ve laˇ tsuhˇ gʼuiˬ lo hkʼa gaˬ hpeh‸ ve yoˬ. Chi lehˬ, Yuˇda‸ chaw hui ve awˬ hawˉ hpawˇ teˇ tawn ve miˬ tcuhˉ hpeh‸ ve yoˬ.

5Mvuhˇ nyi tawˆ hpawˇ ve miˬ tcuhˉ lehˬ, Suh ve laˇ tsuhˇ gʼuiˬ hta‸ te leh awˬ na hpawˇ Yawˇdanˍ gʼuiˬ ceh la kuiˬ lo hkʼa gaˬ hpeh‸ ve yoˬ. Awˬ na hpawˇ teˇ tawn ve miˬ tcuhˉ htawˇ oˇ kaˬ lo te leh,

6Beˍtawˇgaˍlaˆ venˇ, Beˍtaˍraˍbaˆ venˇ leh Ruˇbenˍ yaˇ Bawˇhanˍ ve haˉ pui shiˍ lo hkʼa gaˬ hpeh‸ ve yoˬ.

7Oˇ ve hkʼaw‸ nawˉ, Aˍhkawˍ teh‸ kʼoˆ ve lawˬ hkʼo‸ hta‸ kʼaw‸ te leh Deˍbiˇraˆ venˇ hta‸ hpanˍ kʼai peuˬ hkʼaw‸ nawˉ, Giˇlaˍgaˍ venˇ hpawˇ lo kʼaw‸ caw kʼai leh Aˍduˇminˍ kʼaˍ le‸ teˇ hkʼaˇ hteˇ lehˍ lo cawˬ ve Giˇlaˍgaˍ venˇ hpawˇ lo kʼaw‸ caw kʼai ve yoˬ. Oˇ ve hkʼaw‸ nawˉ, Enˍseˍmehˆ iˉ kaˆ tawˆ kuiˬ lo hpanˍ kʼai leh, Eˍyawˇgeˬlaˆ venˇ lo hkʼa gaˬ hpeh‸ ve yoˬ.

8Oˇ ve hkʼaw‸ nawˉ, Heˍnonˍ yaˇ paˍ ve miˬguiˬ hta‸ hpanˍ kʼai leh, Yeˍruˆsaˍlehnˍ venˇ lo hkʼa gaˬ hpeh‸ ve yoˬ. Oˇ kaˬ lo kʼaw‸ te leh, mvuhˇ nyi kʼehˬ hpawˇ Heˍnonˍ miˬ tawˬ kuiˬ teˇ hkʼaˇ hteˇ lehˍ cawˬ ve hkʼaw hkʼoˆ lo kʼaw‸ caw kʼai leh, awˬ na hpawˇ Yaˍhpenˍ miˬ tawˬ kuiˬ lo hkʼa gaˬ hpeh‸ ve yoˬ.

9Oˇ kaˬ lo kʼaw‸ te leh, Neˍhpaˍtawˆ iˉ kaˆ tawˆ kuiˬ leh Eˇhpaˍronˍ hkʼaw paˇ lo cawˬ ve venˇ teˇ hpaˍ lo hkʼa gaˬ hpeh‸ ve yoˬ. Oˇ ve hkʼaw‸ nawˉ, Kiˇriˇyaˆyaˍrenˍ teh‸ kʼoˆ ve Baˍlanˍ venˇ hta‸ hpanˍ kʼai leh,

10Siˇraˆ hkʼaw Hkeˍtaˍlonˍ teh‸ kʼoˆ ve Yaˍrenˍ hkʼaw, Beˍseˍmaˆ venˇ, Tiˉmaˍnaˆ venˇ lo kʼaw‸ ya‸-e ve yoˬ.

11Oˇ kaˬ lo kʼaw‸ te leh Eˇkaˍronˍ venˇ awˬ na hpawˇ hkʼaw tcuhˉ lonˉ hta‸ hpanˍ kʼai leh, Shiˉkaˍronˍ venˇ, Baˍlanˍ hkʼaw, Yaˍbaˍneˍlaˆ venˇ hta‸ te taˉ peuˬ hkʼaw‸ nawˉ, Awˬ kʼaw ji ve laˇ tsuhˇ gʼuiˬ hkʼa gaˬ hpeh‸ ve yoˬ.

12Mvuhˇ nyi kʼehˬ hpawˇ ve miˬ tcuhˉ lehˬ, Awˬ kʼaw ji ve laˇ tsuhˇ gʼuiˬ hpeh‸ ve yoˬ. Chi ve lehˬ, Yuˇda‸ chaw hui ve miˬ tcuhˉ teˇ hpaˍ hpeh‸ ve yoˬ.

13Gʼuiˬsha Yawˇsuˆ hta‸ kʼoˆ piˇ taˍ ve hkʼe, Yuˇda‸ mvuhˇmiˬ teˇ tawn ehˉ Yeˍhpuˇnaˍ ve yaˇ paˍ Kaˍlehˆ hta‸ piˇ ve yoˬ. Mvuhˇmiˬ oˇ ve lehˬ, Heˍbronˍ teh‸ kʼoˆ ve mvuhˇmiˬ hpeh‸ leh, Aˍnaˆ awˬ pa Aˍbaˆ uˉ peunˍ chehˇ ve mvuhˇmiˬ hpeh‸ ve yoˬ.

14Kaˍlehˆ lehˬ, Aˍnaˆ ve yaˆ paˍ Yeˍsehˇ, Aˍhiˆmanˍ, leh Taˍlaˍmehˇ chaw chi ve shehˆ gʼaˇ hta‸ gʼa‸ kʼoˬ piˇ ve yoˬ.

15Oˇ ve hkʼaw‸ nawˉ, Kiˇriˇyaˆseˍhpaˍ teh‸ kʼoˆ ve Deˍbiˇraˆ venˇ hta‸ ca kʼaw‸ bawˆ yuˬ ve yoˬ.

16Oˇ htaˇ Kaˍlehˆ lehˬ, Kiˇriˆyaˆseˍhpaˍ venˇ hta‸ bawˆ gʼaˇ ve chaw hta‸ ngaˬ yaˇ miˇ Aˍhkaˍtaˆ piˇ laˇ tuˬ yoˬ, teh‸ kʼoˆ ve yoˬ.

17Oˇ htaˇ Kaˍlehˆ ve awˬ nyi paˍ, Keˍnaˆ ve awˬ ceuˬ awˬ hkʼaˇ Awˇtanˍyeˍlaˆ lehˬ, venˇ oˇ ve hta‸ ca bawˆ leh gʼaˇ ve yoˬ. Hkʼe te leh, Kaˍlehˆ lehˬ yawˇ hta‸ yawˇ ve yaˇ miˇ piˇ ve yoˬ.

18Yaˇ miˇ gaˬ la ve teˇ yanˇ, Awˇtanˍyeˍlaˆ lehˬ yawˇ ve awˬ pa geh ti mi teˇ peˆ ca lawˬ tcuh ve yoˬ. Yaˇ miˇ oˇ ve htawˇ, yawˇ awˬ pa Kaˍlehˆ geh piˉ laˬ ciˇ kʼo‸-e ve yoˬ. Yawˇ piˉ laˬ hkʼoˆ ya‸-e ve teˇ yanˇ yawˇ ve awˬ pa lehˬ, Nawˬ aˬ hto‸ ma heuˆ gaˇ ve le, teh‸ na nyi ve yoˬ.

19Yaˇ miˇ oˇ ve lehˬ, Ngaˬ iˉ kaˆ nanˬ bawˍ heuˆ gaˇ ve yoˬ. Nawˬ ngaˬ hta‸ piˇ laˇ ve mvuhˇmiˬ oˇ ve lehˬ goˇ choˆ jaˇ ve yoˬ, teh‸ kʼoˆ piˇ ve yoˬ. Hkʼe te leh, Kaˍlehˆ yawˇ hta‸ awˬ na hpaw ve iˉ kaˆ nanˬ bawˍ leh awˬ hawˉ hpawˇ ve iˉ kaˆ nanˬ bawˍ teˇ hpaˍ piˇ ve yoˬ.

20Chi ve lehˬ, Yuˇda‸ awˬ ceuˬ awˬ hkʼaˇ teˇ hpaˍ gʼa taˍ ve mvuhˇmiˬ hpeh‸ ve yoˬ.

21Yawˇ hui ve mvuhˇmiˬ awˬ hawˉ hpawˇ teˇ tawn, Eˇdonˍ miˬ tcuhˉ paˇ lo cawˬ ve venˇ teˇ hpaˍ lehˬ, Kaˆzeˍlaˆ, Eˇdaˍ, Yaˍguˇraˆ,

22Kiˇnaˆ, Diˆmawˇnaˆ, Aˍdaˍdaˍ,

23Keˍdeˍshaˆ, Haˍzawˇ, Iˉtaˍnanˍ,

24Ziˇhpaˆ, Teˍlanˍ, Baˍlaˆ,

25Haˍzawˇhaˍdaˍtanˍ, Haˍzawˇ teh‸ kʼoˆ ve Kiˇriˇawˆtaˍronˍ

26Aˍmanˍ, Sheˍmaˆ, Mawˇlaˍdaˆ,

27Haˍsaˍgaˍdaˆ, Heˍsaˍmonˍ, Behˆpaˍlehˆ,

28Haˍzaˍsuˍlaˆ, Beˍraˍsheˍbaˆ, Beˍzawˇtiˍ,

29Baˍlanˍ,Iˇenˍ, Aˍzenˍ,

30Eˇlaˆtawˇlaˆ, Hkeˍtiˇlaˆ, Hawˇmaˍ,

31Ziˇkaˍlaˆ, Maˍdaˍmaˍnaˆ, Saˍsaˍnaˍ,

32Leˍbawˆ, Shiˇlaˍhenˍ, Enˍ, Riˇmonˍ, hkʼa peu-eˬ nyiˇ chi kʼawˇ venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi awˬ hkʼaw lo‸-e taˍ ve yoˬ.

33Miˬ tawˬ kuiˬ lo cawˬ ve venˇ teˇ hpaˍ lehˬ, Eˇshaˍkawˇlaˆ, Zawˇraˆ, Aˍshaˍnaˍ,

34Zaˍnawˇ, Enˍgaˍnenˍ, Taˍpawˍ, Eˍnanˍ,

35Yaˍmoˆ, Aˍduˆlanˍ, Sawˇhkawˇ, Aˍzeˍkaˍ,

36Shaˍrenˍ, Aˍdiˆtenˍ, Gaˍdeˍraˆ, Geˍdeˍroˍtenˍ, hkʼa peu-eˬ teˇ chi awˇ venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi awˬ hkʼaw lo‸-e taˍ ve yoˬ.

37Chi awˬ hkʼoˆ, Zeˍnanˍ, Haˍdaˍshaˆ, Miˆgaˆdaˍlaˍgaˆ,

38Diˆlanˍ, Miˆsaˍpaˍ, Yawˇdaˍteˍlaˆ,

39Laˍhkiˇshaˆ, Bawˇzaˍkaˆ, Eˇkaˍlonˍ,

40Kaˍbonˍ, Laˍmaˍ, Kiˇtaˍleˆ,

41Gaˍdeˍroˆ, Behˆdaˍgonˍ, Meˍmaˍ, Maˍkeˍdaˍ, hkʼa peu-eˬ teˇ chi hkaw‸ venˇ hpeh‸ leh awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

42Liˆbaˍnaˍ, Eˇtaˍ, Aˍshaˍ,

43Yiˇhpaˍtaˆ, Aˍshaˍnaˍ, Neˍziˆ,

44Kiˇlaˆ, Aˍhkaˍziˆ, Maˍreˍshaˆ, hkʼa peu-eˬ kʼawˇ venˇ hpeh‸ leh, awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

45Eˇkaˍronˍ venˇ leh awˬ nu ve venˇ ehˉ teˇ hpaˍ,

46Eˇkaˍronˍ venˇ hta‸ te leh laˇ tsuhˇ gʼuiˬ lo hkʼa gaˬ, Aˍshoˆ venˇ awˬ paˇ awˬ kui lo cawˬ ve venˇ ehˉ hkʼa peu-eˬ,

47Eˇjiˇtu‸ miˬ tcuhˉ lo cawˬ ve iˉ kaˆ lawˬ hta‸ te leh Awˬ kʼaw ji ve laˇ tsuhˇ gʼuiˬ lo hkʼa gaˬ, Aˍshoˆ venˇ, Gaˍsaˍ venˇ leh awˬ paˇ awˬ kui lo cawˬ ve venˇ ehˉ hkʼa peu-eˬ hpeh‸ ve yoˬ.

48Hkʼaw hkʼoˆ lo cawˬ ve venˇ teˇ hpaˍ lehˬ, Shaˍmiˇraˆ, Yaˍtiˇraˆ, Sawˇhkawˇ,

49Daˍnaˍ, Deˍbiˇraˆ teh‸ kʼoˆ ve Kiˇriˇyaˆsaˍnaˍ,

50Aˍnaˆ, Eˇshaˍtaˍmawˇ, Aˍnenˍ,

51Gawˇshenˍ, Hawˇlonˍ, Giˇlawˇ, hkʼa peu-eˬ teˇ chi teˇ venˇ cawˬ leh, awˬ nu ve venˇ ehˉ teˇ hpaˍ htawˇ chi hkʼaw lo‸-e taˍ ve yoˬ.

52Aˍraˆ, Duˇmaˍ, Eˇshanˍ,

53Yaˍnunˍ, Behˆtaˍpawˍ, Aˍhpehˆ,

54Huˇtaˍ, Heˍbronˍ teh‸ kʼoˆ ve Kiˇriˇyaˆtaˍbaˆ, Ziˆawˇyaˆ, hkʼa peu-eˬ kʼawˇ venˇ cawˬ leh, awˬ nu ve venˇ ehˇ teˇ hpaˍ htawˇ chi ve hkʼaw lo‸-e taˍ ve yoˬ.

55Mawˇnaˆ, Kaˍraˍmeˍlaˆ, Ziˇhpaˆ, Yuˇtaˆ,

56Yeˍzaˍreˍlaˆ, Yawˇkaˍdanˍ, Zaˍnawˇ,

57Kaˍiˇnaˆ, Giˇbaˍ, Tiˇmaˍnaˆ, hkʼa peu-eˬ teˇ chi venˇ cawˬ leh awˬ nu ve venˇ teˇ hpaˍ htawˇ chi ve hkʼaw lo‸-e taˍ ve yoˬ.

58Haˍlaˍhuˇlaˆ, Behˆzuˇraˆ, Geˍdawˇ,

59Maˍraˆ, Beˍtaˍnoˆ, Eˇlaˆteˍkonˍ, hkʼa peu-eˬ hkaw‸ venˇ cawˬ leh, awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

60Kiˇriˇyaˆyaˍrenˍ teh‸ kʼoˆ ve Kiˇriˇyaˆbaˍlaˆ venˇ, Raˍbaˆ venˇ, hkʼa peu-eˬ nyiˇ venˇ cawˬ leh, awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

61Heh puiˉ hkʼaw lo htawˇ, Beˍraˍraˍbaˆ, Miˆdinˍ, Saˍkaˍkaˍ,

62Niˆbaˍshanˍ, Aˉlehˆ, Enˍgaˍdiˆ, hkʼa peu-eˬ hkaw‸ venˇ cawˬ leh awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

63Ya‸ hkʼaˇ, Yuˇda‸ chaw teˇ hpaˍ lehˬ, Yeˍruˆsaˍlehnˍ venˇ hkʼaw chehˇ ve Yeˍbuˇsiˆ chaw hui hta‸ gʼa‸ kʼoˬ piˇ maˇ gʼa. Hkʼe te leh Yeˍbuˇsiˆ chaw hui lehˬ, Yuˇda‸ chaw hui geh teˇ geh Yeˍruˆsaˍlehnˍ venˇ hkʼaw chehˇ taˍ ve yoˬ.

← Chapter 14 Jump to: Chapter 16 →