Joshua 19

Lahu Bible Edited © Thailand Bible Society and Bible Society of Myanmar, 2010, 2020.

← Chapter 18 Jump to: Chapter 20 →

1Suˉmonˍ awˬ ceuˬ awˬ hkʼaˇ teˇ hpaˍ hta‸ htawˇ, mvuhˇmiˬ pehˬ piˇ taˍ ve yoˬ. Yawˇ hui ve mvuhˇmiˬ lehˬ, Yuˇda‸ chaw hui hta‸ pehˬ piˇ taˍ ve mvuhˇmiˬ awˬ kʼaw ji lo cawˬ ve yoˬ.

2Yawˇ hui gʼa taˍ ve venˇ teˇ hpaˍ lehˬ, Beˍraˍsheˍbaˆ, Sheˍbaˆ, Mawˇlaˍdaˆ,

3Haˍzaˍshuˍlaˆ, Baˍlanˍ, Aˍzenˍ,

4Eˇlaˆtawˇlaˆ, Beˍruˇlaˆ, Hawˇmaˍ,

5Ziˆkaˍlaˆ, Behˆmaˍkaˍboˆ, Haˍsaˍsuˇsaˍ,

6Behˆleˍbaoˇ Shaˍruˆhenˍ, hkʼa peu-eˬ teˇ chi shehˆ venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

7Chi ve teˇ hpaˍ awˬ hkʼoˆ, Enˍ, Riˇmonˍ, Eˇtaˍ, Aˍshaˍ, hkʼa peu-eˬ awˇ venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

8Venˇ chi teˇ hpaˍ lehˬ, Baˍlaˆbeˍraˆ venˇ leh Neˍgehˇ mvuhˇmiˬ, Raˍmaˆ venˇ awˬ kaˍ lo cawˬ ve venˇ teˇ hpaˍ hpeh‸ ve yoˬ. Mvuhˇmiˬ chi teˇ tawn lehˬ, Suˉmonˍ awˬ ceuˬ awˬ hkʼaˇ teˇ hpaˍ gʼa taˍ ve mvuhˇmiˬ hpeh‸ ve yoˬ.

9Yuˇda‸ awˬ ceuˬ awˬ hkʼaˇ teˇ hpaˍ gʼa taˍ ve mvuhˇmiˬ lehˬ uiˍ jaˇ ve pa taw, yawˇ hui ve mvuhˇmiˬ teˇ hpaˍ hpaˍ hta‸ Suˉmonˍ awˬ ceuˬ awˬ hkʼaˇ teˇ hpaˍ gʼa ve yoˬ.

10Zaˍbuˆlonˍ awˬ ceuˬ awˬ hkʼaˇ teˇ hpaˍ hta‸ htawˇ, mvuhˇmiˬ pehˬ piˇ taˍ ve yoˬ. Yawˇ hui ve mvuhˇmiˬ lehˬ, Suˇriˆ venˇ lo hkʼa gaˬ hpeh‸ ve yoˬ.

11Mvuhˇ nyi kʼehˬ hpawˇ lo cawˬ ve yawˇ hui ve miˬ tcuhˉ lehˬ, Maˍreˍlaˆ venˇ, Daˍbaˍsehˆ venˇ leh Yawˇkaˍnanˍ venˇ mvuhˇ nyi tawˆ hpawˇ lo cawˬ ve iˉ kʼaˆ lawˬ lo hkʼa gaˬ hpeh‸ ve yoˬ.

12Mvuhˇ nyi tawˆ hpawˇ lo cawˬ ve yawˇ hui ve miˬ tcuhˉ lehˬ, Maˍreˍlaˆ venˇ, Hkiˇsaˍlawˇtaˆ bawˍ venˇ, Daˍbaˍraˆ venˇ hta‸ te leh Yaˍhpi-aˍ venˇ lo hkʼa gaˬ hpeh‸ ve yoˬ.

13Oˇ kaˬ lo kʼaw‸ te leh, mvuhˇ nyi tawˆ hpawˇ lo cawˬ ve Gaˍteˍhpaˍ, Iˉtaˍkaˍzehˍ, Riˇmonˍ leh Neˍ-aˍ venˇ lo hkʼa gaˬ hpeh‸ ve yoˬ.

14Awˬ na hpawˇ lo cawˬ ve yawˇ hui ve miˬ tcuhˉ lehˬ, Haˍnaˍtonˍ venˇ hta‸ te leh, Iˇhpaˍteˍlaˆ miˬ tawˬ kuiˬ lo hkʼa gaˬ hpeh‸ ve yoˬ.

15Yawˇ hui gʼa taˍ ve venˇ teˇ hpaˍ lehˬ, Kaˍtaˍ, Naˍhaˍleˍlaˆ, Shiˉmaˍronˍ, Iˉdaˍlaˆ, Behˍlehˍ hehnˍ venˇ hkʼa peu-eˬ teˇ chi nyi venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

16Venˇ chi teˇ hpaˍ lehˬ, Zaˍbuˆlonˍ chaw hui gʼa taˍ ve venˇ teˇ hpaˍ hpeh‸ ve yoˬ.

17Iˉsaˍhkaˍ awˬ ceuˬ awˬ hkʼaˇ teˇ hpaˍ hta‸ htawˇ, mvuhˇmiˬ pehˬ piˇ taˍ ve yoˬ.

18Yawˇ hui gʼa taˍ ve venˇ teˇ hpaˍ lehˬ, Yeˍzaˍreˍlaˆ, Hkeˍsuˇloˆ, Shuˆnenˍ,

19Haˍhpaˍrenˍ, Siˉhonˍ, Aˍnaˍhaˍraˆ,

20Raˍbiˆ, Kiˇshonˍ, Aˍbehˆ,

21Reˍmehˆ, Eˇgaˍnenˍ, Eˇhaˍdaˍ, leh Behˆpaˍzehˆ,

22Taˍbawˇ, Shaˍhaˍzuˇmaˍ, Behˆsaˍmehˆ venˇ teˇ hpaˍ hpeh‸ leh, yawˇ hui ve miˬ tcuhˉ lehˬ, Yawˇdanˍ iˉ kaˆ lawˬ lo hkʼa gaˬ hpeh‸ ve yoˬ. Yawˇ hui ve venˇ hkʼa peu-eˬ teˇ chi hkaw‸ venˇ cawˬ ve yoˬ.

23Venˇ chi teˇ hpaˍ lehˬ, Iˉsaˍhkaˍ awˬ ceuˬ awˬ hkʼaˇ teˇ hpaˍ gʼa taˍ ve venˇ hpeh‸ ve yoˬ.

24Aˍshaˍ awˬ ceuˬ awˬ hkʼaˇ teˇ hpaˍ hta‸ htawˇ, mvuhˇmiˬ pehˬ piˇ taˍ ve yoˬ.

25Yawˇ hui gʼa taˍ ve venˇ teˇ hpaˍ lehˬ, Heˍlaˍkaˆ, Haˍliˍ, Beˍtenˍ, Aˍhkaˍshaˆ,

26Aˍlaˍmeˍlehˆ, Aˍmaˆ, Miˆsaˍlaˆ, venˇ chi teˇ hpaˍ hpeh‸ leh, mvuhˇ nyi kʼehˬ hpawˇ lo cawˬ ve yawˇ hui ve miˬ tcuhˉ lehˬ, Kaˍraˍmeˍlaˆ hkʼaw leh Shiˆhawˇraˆliˇbaˍnaˍ iˉ kaˆ lawˬ lo hkʼa gaˬ hpeh‸ ve yoˬ.

27Mvuhˇ nyi tawˆ hpawˇ lo cawˬ ve yawˇ hui ve miˬ tcuhˉ lehˬ, Behˆdaˍgonˍ venˇ hta‸ te leh awˬ na hpawˇ lo cawˬ ve Zeˍbuˆlonˍ miˬ tcuhˉ, Iˉhpaˆteˍlaˆ miˬ tawˬ kuiˬ hta‸ hpanˍ kʼai leh, awˬ na hpawˇ lo cawˬ ve Behˆteˍmehˆ leh Naˍyeˍlaˆ venˇ lo hkʼa gaˬ hpeh‸ ve yoˬ. Oˇ kaˬ lo kʼaw‸ te leh, awˬ na hpawˇ lo cawˬ ve Kaˍbuˇlaˆ venˇ,

28Eˇbronˍ, Reˍhawˇbaˆ, Haˍmonˍ, Kaˍnaˆ leh Siˉdonˍ venˇ lonˉ lo hkʼa gaˬ hpeh‸ ve yoˬ.

29Teˇ pawˆ oˇ kaˬ lo kʼaw‸ te leh, Raˍmaˆ, Tuˇruˆ, Hawˇsaˍ venˇ hta‸ hpanˍ kʼai peuˬ hkʼaw‸ nawˉ, Awˬ kʼaw ji ve laˇ tsuhˇ gʼuiˬ lo hkʼa gaˬ hpeh‸ ve yoˬ. Maˍhaˍlaˆ, Aˍhkaˍziˆ,

30Uˇmaˍ, Aˍhpehˆ, Reˍhawˇbaˆ, hkʼa peu-eˬ ngaˇ chi nyiˇ venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

31Venˇ chi teˇ hpaˍ lehˬ, Aˍshaˍ awˬ ceuˬ awˬ hkʼaˇ teˇ hpaˍ gʼa taˍ ve venˇ hpeh‸ ve yoˬ.

32Naˍtaˍliˆ awˬ ceuˬ awˬ hkʼaˇ teˇ hpaˍ hta‸ htawˇ, mvuhˇmiˬ pehˬ piˇ taˍ ve yoˬ.

33Yawˇ hui ve miˬ tcuhˉ lehˬ, Haˍlaˆ venˇ, Zaˍnaˍninˍ teh‸ kʼo ve chehˇ kuiˬ lo cawˬ ve maˉ kuˇ cehˬ hta‸ te leh, Aˍdaˍmiˆneˍkaˆ venˇ, Yaˍbaˍneˍlaˆ venˇ, Laˍkonˍ venˇ hta‸ hpanˍ kʼai peuˬ hkʼaw‸ nawˉ, Yawˇdanˍ iˉ kaˆ lawˬ lo hkʼa gaˬ hpeh‸ ve yoˬ.

34Mvuhˇ nyi kʼehˬ hpawˇ lo cawˬ ve yawˇ hui ve miˬ tcuhˉ lehˬ, Aˍzaˆnoˆtaˍbawˍ venˇ, Huˇkoˆ venˇ hta‸ te leh awˬ hawˉ hpawˇ lo cawˬ ve Zaˍbuˆlonˍ miˬ tcuhˉ lo hkʼa gaˬ, mvuhˇ nyi tawˆ hpawˇ lo cawˬ ve Yawˇdanˍ iˉ kaˆ lawˬ lo hkʼa gaˬ hpeh‸ ve yoˬ.

35Yawˇ hui ve venˇ teˇ hpaˍ lehˬ, Ziˉdonˍ, Zeˍraˆ, Haˍmaˆ, Raˍkaˆ, Geˍbaˍtaˍrehˆ, Aˍdaˍmaˍ,

36Raˍmaˆ, Haˍzawˇ,

37Kaˍdeˍshaˆ, Enˍdiˆ, Enˍhaˍzawˍ,

38Yiˇronˍ, Miˆgaˆdaˍlaˆ, Hawˇyenˍ, Beˍtaˍnaˆ, Behˆseˍmehˆ, hkʼa peu-eˬ teˇ chi kʼawˇ venˇ hpeh‸ ve yoˬ. Awˬ nu ve venˇ ehˉ teˇ hpaˍ htawˇ chi ve hkʼaw lo‸-e taˍ ve yoˬ.

39Venˇ chi teˇ hpaˍ lehˬ, Naˍtaˍliˆ awˬ ceuˬ awˬ hkʼaˇ teˇ hpaˍ gʼa taˍ ve venˇ hpeh‸ ve yoˬ.

40Danˍ ve awˬ ceuˬ awˬ hkʼaˇ teˇ hpaˍ hta‸ htawˇ, mvuhˇmiˬ pehˬ piˇ taˍ ve yoˬ.

41Yawˇ hui ve venˇ teˇ hpaˍ lehˬ, Zawˇraˆ, Eˇshaˍtawˇlaˆ, Iˉraˆmeˍshehˆ,

42Shaˍlaˍbenˍ, Aˍjaˍlonˍ, Iˉtaˍlaˆ,

43Eˇlonˍ, Tiˉmaˍnaˆ, Eˇkaˍronˍ

44Eˇlaˍteˍkaˆ, Giˇbaˍtonˍ, Baˍlaˆ,

45Jeˍhuˆ, Beˍnaˍbeˍrehˆ, Gaˍtaˍriˆmonˍ

46Meˍjaˍkonˍ, Raˍkonˍ leh Yuˇpeˍ venˇ paˇ lo cawˬ ve mvuhˇmiˬ hpeh‸ ve yoˬ.

47Danˍ awˬ ceuˬ awˬ hkʼaˇ teˇ hpaˍ lehˬ, yawˇ hui ve mvuhˇmiˬ mehˉ kʼai ve teˇ yanˇ, yawˇ hui Leˍshanˍ venˇ hta‸ ca bawˆ yuˬ ve yoˬ. Yawˇ hui lehˬ, venˇ oˇ ve hta‸ bawˆ yuˬ gʼa peuˬ ve teˇ yanˇ, venˇ yaˇ oˇ ve teˇ hpaˍ hta‸ tiˇ pehˍ piˇ ve yoˬ. Oˇ hkʼe te peuˬ hkʼaw‸ nawˉ, mvuhˇmiˬ oˇ ve hta‸ yawˇ hui ve mvuhˇmiˬ teh‸ shawˍ leh, oˇ kaˬ lo chehˇ taˍ ve yoˬ. Leˍshanˍ venˇ hta‸ yawˇ hui Danˍ venˇ teh‸ kʼaw‸ meh piˇ ve yoˬ.

48Venˇ chi teˇ Hpaˍ lehˬ, Danˍ awˬ ceuˬ awˬ hkʼaˇ teˇ hpaˍ gʼa taˍ ve venˇ hpeh‸ ve yoˬ.

49Iˉsaˍreˍlaˆ chaw teˇ hpaˍ lehˬ, mvuhˇmiˬ pehˬ da‸ peuˬ hkʼaw‸ nawˉ, Nunˍ ve yaˇ paˍ Yawˇsuˆ hta‸ htawˇ mvuhˇmiˬ teˇ peˆ pehˬ piˇ ve yoˬ.

50Gʼuiˬsha kʼoˆ taˍ ve hkʼe, yawˇ hui lehˬ yawˇ lawˬ ve Eˇhpaˍrenˍ hkʼaw hkʼoˆ lo cawˬ ve Tiˇmaˍnaˆseˍraˆ venˇ yawˇ hta‸ piˇ ve yoˬ. Hkʼe te leh, yawˇ oˇ kaˬ lo venˇ te chehˇ ve yoˬ.

51Paw hkuˇ Eˇlaˍsaˍ, Nunˍ yaˇ paˍ Yawˇsuˆ leh Iˉsaˍreˍlaˆ chaw awˬ hoˉ awˬ naˬ teˇ hpaˍ lehˬ, Shiˉlonˍ venˇ hkʼaw cawˬ ve aˉ po kʼo bon yehˬ yehˬmiˉhpe‸ lo Gʼuiˬsha hta‸ na nyi leh, mvuhˇmiˬ oˇ ve teˇ hpaˍ Iˉsaˍreˍlaˆ chaw hui hta‸ pehˬ piˇ ve yoˬ.

← Chapter 18 Jump to: Chapter 20 →