bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Joshua 21
Joshua 21
Lahu Bible Edited © Thailand Bible Society and Bible Society of Myanmar, 2010, 2020.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
Leˍviˆ awˬ ceuˬ awˬ hkʼaˇ ve awˬ hoˉ awˬ naˬ teˇ hpaˍ lehˬ, paw hkuˇ Eˇlaˍsaˍ, Nunˍ ve yaˇ paˍ Yawˇsuˆ leh Iˉsaˍreˍlaˆ chaw awˬ hoˉ awˬ naˬ teˇ hpaˍ geh laˬ ve yoˬ.
2
Yawˇ hui Hkaˍnanˍ mvuhˇmiˬ, Shiˉlonˍ venˇ lo laˬ leh kʼoˆ ve, Ngaˬ hui hta‸ chehˇ kuiˬ venˇ leh, ngaˬ hui ve ceˇ teˇ hpaˍ awˬ pon kʼaˆ caˇ kuiˬ piˇ tuˬ Gʼuiˬsha Moˉseˍ hta‸ kʼoˆ piˇ taˍ ve yoˬ, teh‸ yawˇ hui hta‸ kʼoˆ piˇ ve yoˬ.
3
Gʼuiˬsha kʼoˆ taˍ ve hkʼe, Iˉsaˍreˍlaˆ chaw teˇ hpaˍ lehˬ, Leˍviˆ chaw hui hta‸ venˇ teˇ hpaˍ leh, yawˇ hui ve ceˇ teˇ hpaˍ awˬ pon kʼaˆ caˇ kuiˬ miˬguiˬ piˇ ve yoˬ.
4
Kawˇ haˆ awˬ ceuˬ awˬ hkʼaˇ teˇ hpaˍ lehˬ, venˇ teˇ hpaˍ hta‸ awˉ lawˉ peuˇ gʼa ve yoˬ. Paw hkuˇ Aˍronˍ ve awˬ ceuˬ awˬ hkʼaˇ teˇ hpaˍ lehˬ, Yuˇda‸, Suˉmonˍ, Beˍyaˍmenˍ chaw hui ve venˇ teˇ chi shehˆ venˇ gʼa ve yoˬ.
5
Awˬ nu ve Kawˇhaˆ awˬ ceuˬ awˬ hkʼaˇ teˇ hpaˍ lehˬ, Eˇhpaˍrenˍ, Danˍ, leh Maˍnaˍseˍ chaw teˇ hkoˇ ve venˇ teˇ chi venˇ gʼa ve yoˬ.
6
Geˍraˍsonˍ awˬ ceuˬ awˬ hkʼaˇ teˇ hpaˍ lehˬ, Iˉsaˍhkaˍ, Aˍshaˍ, Naˍtaˍliˆ leh Baˍshanˍ mvuhˇmiˬ hkʼaw chehˇ ve Maˍnaˍseˍ chaw teˇ hkoˇ ve venˇ teˇ chi shehˆ venˇ gʼa ve yoˬ.
7
Meˍraˍriˆ awˬ ceuˬ awˬ hkʼaˇ teˇ hpaˍ lehˬ, Ruˇbenˍ, Gaˆ, Zaˍbuˆlonˍ chaw hui ve venˇ teˇ chi nyiˇ venˇ gʼa ve yoˬ.
8
Gʼuiˬsha Moˉseˍ hta‸ kʼoˆ piˇ taˍ ve hkʼe, Iˉsaˍreˍlaˆ chaw awˬ hoˉ awˬ naˬ teˇ hpaˍ lehˬ, Gʼuiˬsha hta‸ na nyi leh, Leˍviˆ chaw hui hta‸ venˇ teˇ hpaˍ leh, yawˇ hui ve ceˇ teˇ hpaˍ awˬ pon miˬguiˬ pehˬ piˇ ve yoˬ.
9
Aˍronˍ ve awˬ ceuˬ awˬ hkʼaˇ Kawˇhaˆ chaw teˇ hpaˍ hta‸,
10
Yuˇda‸, Suˉmonˍ, chaw hui pehˬ piˇ taˍ ve venˇ teˇ hpaˍ lehˬ, awˬ hawˉ lo bvuh‸ taˍ ve venˇ teˇ hpaˍ hpeh‸ ve yoˬ.
11
Yuˇda‸ mvuhˇmiˬ hkʼaw cawˬ ve Heˍbronˍ teh‸ kʼoˆ ve Kiˇriˆyaˆtaˍbaˆ venˇ (Aˍbaˆ lehˬ, Aˍnaˆ ve awˬ pa) hpeh‸ ve yoˬ.
12
Ya‸ hkʼaˇ, venˇ oˇ ve leh venˇ oˇ ve awˬ paˇ awˬ kui lo cawˬ ve miˬguiˬ lehˬ, Yeˍhpuˇnaˍ ve yaˇ paˍ Kaˍlehˆ hta‸ yawˇ hui piˇ taˍ peuˬ ve yoˬ.
13
Maˇ dawˇ maˇ gaˇ ve hkʼaw shu ve a sha‸ hta‸ gʼa tiˇ pehˍ peuˬ ve chaw teˇ gʼaˇ ca hpaw va‸ taˍ kuiˬ venˇ hpeh‸ ve Heˍbronˍ venˇ leh, venˇ oˇ ve awˬ paˇ lo cawˬ ve kʼaˆ caˇ kuiˬ miˬguiˬ teˇ hpaˍ yawˇ hui paw hkuˇ Aˍronˍ ve awˬ ceuˬ awˬ hkʼaˇ teˇ hpaˍ hta‸ piˇ ve yoˬ.
14
Oˇ ve awˬ hkʼoˆ, Liˆbaˍnaˍ venˇ, Yaˍtiˆ venˇ, Eˇshaˍteˍmawˇ venˇ,
15
Hawˇlonˍ venˇ, Daˍbiˇraˆ venˇ,
16
Aˍiˆnaˆ venˇ, Yuˇtaˆ venˇ, Behˆseˍmehˆ venˇ, venˇ chi kʼawˇ venˇ leh kʼaˆ caˇ kuiˬ miˬguiˬ teˇ hpaˍ yawˇ hui hta‸ piˇ ve yoˬ.
17
Beˍyaˍmenˍ awˬ ceuˬ awˬ hkʼaˇ teˇ hpaˍ yawˇ hui hta‸ Giˇbonˍ venˇ, Beˍbaˆ venˇ,
18
Aˍnaˍtoˆ venˇ, Aˍlaˍmonˍ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ piˇ ve yoˬ.
19
Hkʼe te leh, Aˍronˍ awˬ ceuˬ awˬ hkʼaˇ teˇ hpaˍ gʼa ve venˇ hkʼa peu-eˬ, teˇ chi shehˆ venˇ hpeh‸ ve yoˬ.
20
Awˬ nu ve Leˍviˆ chaw Kawˇhaˆ awˬ ceuˬ awˬ hkʼaˇ teˇ hpaˍ lehˬ, Eˇhpaˍrenˍ chaw hui geh venˇ teˇ hpaˍ gʼa ve yoˬ.
21
Shu hta‸ tiˇ pehˍ peuˬ ve chaw teˇ gʼaˇ ca hpaw va‸ taˍ kuiˬ venˇ hpeh‸ ve Sheˍhkenˍ venˇ, Eˇhpaˍrenˍ chaw teˇ hpaˍ yawˇ hui hta‸ piˇ ve yoˬ.
22
Oˇ ve awˬ hkʼoˆ, Geˍza venˇ, Kiˇbaˍzenˍ venˇ Beˍtawˇronˍ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ yawˇ hui hta‸ piˇ ve yoˬ.
23
Danˍ awˬ ceuˬ awˬ hkʼaˇ teˇ hpaˍ lehˬ, Eˇlaˍteˍkaˆ venˇ, Giˇbaˍtonˍ venˇ,
24
Aˍjaˍlonˍ venˇ, Gaˍtaˍriˆmonˍ venˇ, venˇ chi awˇ venˇ leh kʼaˆ caˇ kuiˬ miˬguiˬ teˇ hpaˍ yawˇ hui hta‸ piˇ ve yoˬ.
25
Maˍnaˍseˍ chaw teˇ hkoˇ lehˬ, Taˍnehˆ venˇ, Gaˍtaˍriˆmonˍ venˇ, venˇ chi ve nyiˇ venˇ leh kʼaˆ caˇ kuiˬ miˬguiˬ teˇ hpaˍ yawˇ hui hta‸ piˇ ve yoˬ.
26
Kawˇhaˆ awˬ ceuˬ awˬ hkʼaˇ chi ve teˇ hpaˍ lehˬ, venˇ teˇ chi venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
27
Awˬ nu ve Leˍviˆ chaw Geˍraˍsonˍ awˬ ceuˬ awˬ hkʼaˇ teˇ hpaˍ lehˬ, Maˍnaˍseˍ chaw teˇ hkoˇ geh lo, shu hta‸ gʼa tiˇ pehˍ peuˬ ve chaw teˇ gʼaˇ ca hpaw va‸ taˍ kuiˬ venˇ hpeh‸ ve, Baˍ shanˍ mvuhˇmiˬ hkʼaw cawˬ ve Goˍlanˍ venˇ leh Beˍshaˆteˍraˆ venˇ, venˇ chi ve nyiˇ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
28
Yawˇ hui lehˬ Iˉsaˍhkaˍ chaw hui geh lo Kiˇshonˍ venˇ, Daˍbeˍgaˆ venˇ,
29
Yaˍmoˆ venˇ, Enˍgaˍnenˍ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
30
Yawˇ hui lehˬ, Aˍshaˍ chaw hui geh lo Miˆsaˍlaˆ venˇ, Aˍbaˍdonˍ venˇ,
31
Heˍlaˍkaˆ venˇ, Reˍhawˇbaˆ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
32
Yawˇ hui lehˬ, Naˍtaˍliˆ chaw hui geh htawˇ, shu hta‸ tiˇ pehˍ ve chaw ca hpaw va‸ taˍ kuiˬ venˇ hpeh‸ ve, Gaˍliˍlehˇ mvuhˇmiˬ hkʼaw cawˬ ve Keˍdeˍshaˆ venˇ, Haˍmoˍdawˇraˆ venˇ, Kaˍtaˍ venˇ, venˇ chi ve shehˆ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
33
Geˍraˍsonˍ awˬ ceuˬ awˬ hkʼaˇ teˇ hpaˍ lehˬ, venˇ hkʼa peu-eˬ teˇ chi shehˆ venˇ leh kʼaˆ caˇ kuiˬ teˇ hpaˍ gʼa ve yoˬ.
34
Awˬ nu ve Leˍviˆ chaw Meˍraˍriˆ awˬ ceuˬ awˬ hkʼaˇ teˇ hpaˍ lehˬ, Zaˍbuˆlonˍ chaw hui geh Yawˇkaˍnanˍ venˇ, Kaˍtaˍ venˇ,
35
Diˇmaˍnaˆ venˇ, Naˍheˍleˍlaˆ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
36
Yawˇ hui lehˬ, Ruˇbenˍ chaw hui geh lo Beˍzaˍ venˇ, Yaˍhaˆ venˇ,
37
Keˍdaˍmoˆ venˇ, Meˍhpaˆ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
38
Yawˇ hui lehˬ Gaˆ chaw hui geh lo, shu hta‸ gʼa tiˇ pehˍ peuˬ ve chaw teˇ gʼaˇ ca hpaw va‸ taˍ kuiˬ venˇ hpeh‸ ve, Giˇlaˆ mvuhˇmiˬ hkʼaw cawˬ ve Yaˍmoˆ venˇ, Maˍhaˍnenˍ venˇ,
39
Heˍsaˍbonˍ venˇ, Yaˍzaˍ venˇ, venˇ chi ve awˇ venˇ leh kʼaˆ caˇ kuiˬ miˬguiˬ teˇ hpaˍ gʼa ve yoˬ.
40
Awˬ nu ve Leˍviˆ chaw Meˍraˍriˆ awˬ ceuˬ awˬ hkʼaˇ teˇ hpaˍ lehˬ, venˇ hkʼa peu-eˬ teˇ chi nyiˇ venˇ gʼa ve yoˬ.
41
Iˉsaˍreˍlaˆ chaw hui gʼa taˍ ve mvuhˇmiˬ hkʼaw cawˬ ve venˇ awˇ chi hinˉ venˇ Leˍviˆ chaw hui hta‸ yawˇ hui pehˬ piˇ ve yoˬ.
42
Venˇ chi teˇ hpaˍ awˬ paˇ awˬ kui lo ceˇ teˇ hpaˍ awˬ pon kʼaˆ caˇ kuiˬ hkʼa deh‸ cawˬ taˍ ve yoˬ.
43
Hkʼe te leh, Gʼuiˬsha lehˬ Iˉsaˍreˍlaˆ chaw hui ve awˬ puˍ awˬ pi teˇ hpaˍ hta‸ ka ti‸ te taˍ ve hkʼe, yawˇ hui hta‸ mvuhˇmiˬ pehˬ piˇ ve yoˬ. Yawˇ hui lehˬ, mvuhˇmiˬ oˇ ve teˇ hpaˍ hta‸ bawˆ yuˬ peuˬ hkʼaw‸ nawˉ, oˇ kaˬ lo ca lo‸ chehˇ kʼai ve yoˬ.
44
Gʼuiˬsha lehˬ, yawˇ hui ve awˬ puˍ awˬ pi teˇ hpaˍ hta‸ ka ti‸ te taˍ ve hkʼe, yawˇ hui hta‸ mvuhˇmiˬ hkʼaw lo gawˬ lehˍ chehˇ tcuh piˇ lawˬ ve yoˬ. Gʼuiˬsha lehˬ, yawˇ hui hta‸ gʼaˇ shehˍ hpaˇ hpeh‸ la piˇ taˍ ve pa taw, yawˇ hui ve canˇ paˍ teˇ gʼaˇ ka‸ yawˇ hui hta‸ tawˍ taˍ maˇ hpeh‸.
45
Gʼuiˬsha lehˬ, Iˉsaˍreˍlaˆ chaw hui hta‸ te piˇ taˍ ve ka ti‸ teˇ maˬ le le ve hta‸ biˇ la piˇ ve yoˬ.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24