Joshua 12

Lahu Bible Edited © Thailand Bible Society and Bible Society of Myanmar, 2010, 2020.

← Chapter 11 Jump to: Chapter 13 →

1Iˉsaˍreˍlaˆ chaw teˇ hpaˍ lehˬ, Aˍnonˍ miˬ tawˬ kuiˬ hta‸ te leh Heˍraˍmonˍ hkʼaw hkuiˉ puiˍ, Yawˇdanˍ miˬ tawˬ kuiˬ lo cawˬ ve Yawˇdanˍ lawˬ mvuhˇ nyi tawˆ hpawˇ ve mvuhˇmiˬ hkʼa peu-eˬ ve hta‸ bawˆ yuˬ ve yoˬ. Iˉsaˍreˍlaˆ chaw hui lehˬ jawˇmawˇ nyiˇ gʼaˇ hta‸ tiˇ pehˍ piˇ ve yoˬ.

2Awˉ lawˉ teˇ gʼaˇ lehˬ, Heˍsaˍbonˍ venˇ hkʼaw chehˇ ve Aˍmawˇriˆ jawˇmawˇ Siˉhonˍ hpeh‸ ve yoˬ. Yawˇ ve mvuhˇmiˬ lehˬ, Aˍnonˍ miˬ tawˬ kuiˬ paˇ lo cawˬ ve Aˍyawˇ venˇ hta‸ te leh Aˍmonˍ chaw hui ve miˬ tcuhˉ lo cawˬ ve Yaˍboˆ iˉ kaˆ lawˬ lo hkʼa gaˬ hpeh‸ ve yoˬ. Mvuhˇmiˬ chi Giˇlaˆ mvuhˇmiˬ htawˇ teˇ hkoˇ lo‸-e taˍ ve yoˬ.

3Chi hkʼoˆ ka‸ yawˇ ve mvuhˇmiˬ lehˬ, Yawˇdanˍ gʼuiˬ mvuhˇnyi tawˆ hpawˇ Gaˍliˍlehˇ gʼuiˬ po hta‸ te leh awˬ hawˉ hpawˇ Piˉsaˍgaˍ hkʼaw hkuiˉ puiˍ, Suh ve laˇ tsuhˇ gʼuiˬ mvuhˇ nyi tawˆ hpawˇ Behˆyeˍsiˇmoˆ venˇ lo hkʼa gaˬ hpeh‸ ve yoˬ.

4Yawˇ hui lehˬ, Yeˍhpenˍ chaw hui awˬ hkʼaw lo awˬ leh meuˇ ve jawˇmawˇ teˇ gʼaˇ hpeh‸ ve Baˍshanˍ jawˇmawˇ Awˇgaˆ hta‸ htawˇ tiˇ pehˍ piˇ ve yoˬ. Yawˇ lehˬ, Enˍdiˍ leh Aˍshaˆtaˍroˆ venˇ hkʼaw chehˇ taˍ ve yoˬ.

5Yawˇ ve mvuhˇmiˬ lehˬ, Heˍraˍmonˍ hkʼaw, Taˍlaˍkaˆ hkʼaw, Geˍsuˇriˆ leh Maˍhkaˍriˆchaw hui ve miˬ tcuhˉ lo hkʼa gaˬ, Baˍshanˍ mvuhˇmiˬ hkʼa peu-eˬ leh, Heˍsaˍbon jawˇmawˇ Siˉhonˍ uˉ peunˍ chehˇ ve mvuhˇmiˬ lo hkʼa gaˬ leh, Giˇlaˆ mvuhˇmiˬ teˇ hkoˇ hpeh‸ ve yoˬ.

6Moˉseˍ leh Iˉsaˍreˍlaˆ chaw teˇ hpaˍ, yawˇ hui hta‸ te luˬ te sheˆ piˇ ve yoˬ. Gʼuiˬsha ve awˬ ceˬ paˍ Moˉseˍ lehˬ, mvuhˇmiˬ chi ve teˇ hpaˍ, Ruˇbenˍ, Gaˆ leh Maˍnaˍseˍ chaw teˇ hkoˇ hta‸ piˇ taˍ ve yoˬ.

7Yawˇsuˆ leh Iˉsaˍreˍlaˆ chaw teˇ hpaˍ lehˬ, Leˍbaˍnonˍ miˬ tawˬ kuiˬ lo cawˬ ve Baˍlaˍgaˆ venˇ hta‸ te leh Eˇdonˍ venˇ paˇ lo cawˬ ve Haˍlehˆ hkʼaw hkʼoˆ lo hkʼa gaˬ, Yawˇdanˍ lawˬ mvuhˇ nyi kʼehˬ hpawˇ lo cawˬ ve mvuhˇmiˬ teˇ hpaˍ hta‸ bawˆ yuˬ ve yoˬ. Yawˇsuˆ lehˬ, mvuhˇmiˬ chi ve teˇ hpaˍ Iˉsaˍreˍlaˆ chaw hui hta‸ pehˬ piˇ ve yoˬ.

8Mvuhˇmiˬ chi teˇ hpaˍ lehˬ, Yawˇdanˍ miˬ tawˬ kuiˬ hta‸ te leh awˬ hawˉ hpawˇ shehˇ de lo hkʼa gaˬ, awˬ kaˍ lo cawˬ taˍ ve mvuhˇmiˬ teˇ hpaˍ hpeh‸ ve yoˬ. Mvuhˇmiˬ chi teˇ hpaˍ lehˬ, Hiˇtiˆ chaw, Aˍmawˇriˆ chaw, Hkaˍnaˍniˆ chaw, Hpeˍraˍziˆ chaw, Hiˇviˆ chaw leh Yeˍbuˇsiˆ chaw hui ve mvuhˇmiˬ hpeh‸ ve yoˬ.

9Iˉsaˍreˍlaˆ chaw hui tiˇ pehˍ piˇ ve jawˇmawˇ teˇ hpaˍ lehˬ, Yeˍriˆhkoˇ jawˇmawˇ, Beˍteˍlaˆ venˇ awˬ paˇ lo cawˬ ve Aˍiˆ ve jawˇmawˇ,

10Yeˍruˆsaˍlehnˍ jawˇmawˇ, Heˍbronˍ jawˇmawˇ,

11Yaˍmoˆ jawˇmawˇ, Laˍhkiˇshaˆ jawˇmawˇ,

12Eˇgaˍlonˍ jawˇmawˇ, Geˍzaˍ jawˇmawˇ,

13Deˍbiˇraˆ jawˇmawˇ, Geˍdaˍ jawˇmawˇ,

14Hawˇmaˍ jawˇmawˇ, Aˍraˆ jawˇmawˇ,

15Liˆbaˍnaˍ jawˇmawˇ, Aˍduˆlanˍ jawˇmawˇ,

16Maˍkaˍdaˍ jawˇmawˇ, Beˍteˍlaˆ jawˇmawˇ,

17Taˍpawˍ jawˇmawˇ, Heˍhpaˍ jawˇmawˇ,

18Aˍhpehˆ jawˇmawˇ, Laˍshaˍronˍ jawˇmawˇ,

19Maˍdonˍ jawˇmawˇ, Haˍzawˇ jawˇmawˇ,

20Shiˉmaˍronˍ jawˇmawˇ, Aˍhkaˍshaˆ jawˇmawˇ,

21Aˍnehˆ jawˇmawˇ, Mehˆgiˇdoˍ jawˇmawˇ,

22Keˍdeˍshaˆ jawˇmawˇ, Kaˍmeˍlaˆ hkʼaw hkʼoˆ lo chehˇ ve Yawˇkaˍnanˍ jawˇmawˇ,

23gʼuiˬ pfuhˍ paˇ lo chehˇ ve Dawˇraˆ jawˇmawˇ, Gaˍliˍlehˇ mvuhˇmiˬ hkʼaw chehˇ ve Gawˇenˍ jawˇmawˇ,

24leh Riˇraˍzaˍ jawˇmawˇ, hkʼa peu-eˬ 31 gʼaˇ hpeh‸ ve yoˬ.

← Chapter 11 Jump to: Chapter 13 →