1 Chronicles 2 — Lao Bible 2012 (ພຣະຄຳພີສັກສິ)

1ຢາໂຄບມີລູກຊາຍສິບສອງຄົນ ດັ່ງນີ້: ຣູເບັນ, ຊີເມໂອນ, ເລວີ, ຢູດາ, ອິດຊາຄາ, ເຊບູໂລນ,

2ດານ, ໂຢເຊັບ, ເບັນຢາມິນ, ເນັບທາລີ, ກາດ ແລະອາເຊ.

3ຢູດາມີລູກຊາຍຫ້າຄົນ. ລູກຊາຍສາມຄົນທີ່ເກີດຈາກນາງບັດຊູອາ ຊາວການາອານ ມີດັ່ງນີ້: ເອຣະ, ໂອນານ ແລະເຊລາ. ເອຣະຜູ້ເປັນລູກຊາຍກົກໄດ້ເຮັດຊົ່ວຮ້າຍຕໍ່ສາຍຕາຂອງພຣະເຈົ້າຢາເວ ແລະພຣະອົງຈຶ່ງຂ້າລາວ.

4ລູກຊາຍສອງຄົນທີ່ເກີດຈາກນາງຕາມາລູກໃພ້ຂອງຕົນ ມີດັ່ງນີ້: ເປເຣັດແລະເຊຣາ.

5ເປເຣັດມີລູກຊາຍສອງຄົນຊື່ວ່າ ເຮຊະໂຣນແລະຮາມູນ.

6ເຊຣານ້ອງຊາຍຂອງລາວ ມີລູກຊາຍຫ້າຄົນ ດັ່ງນີ້: ຊິມຣີ, ເອທານ, ເຮມານ, ການໂກນ ແລະດາກດາ.

7ອາການ ລູກຊາຍຂອງການໝີແລະໜຶ່ງໃນເຊື້ອສາຍຂອງເຊຣາ ໄດ້ນຳຄວາມຈິບຫາຍມາສູ່ປະຊາຊົນອິດສະຣາເອນ ໂດຍຮັກສາຂອງທີ່ປຸ້ນມາໄດ້ໄວ້ ຊຶ່ງຂອງເຫຼົ່ານັ້ນໄດ້ມອບຖວາຍແລ້ວ.

8ເອທານມີລູກຊາຍຜູ້ໜຶ່ງຊື່ວ່າ ອາຊາຣີຢາ.

9ເຮຊະໂຣນມີລູກຊາຍສາມຄົນ ດັ່ງນີ້: ເຢຣາເມເອນ, ຣາມ ແລະເຄລູໄບ (ກາເລັບ).

10ເຊື້ອສາຍຄອບຄົວທີ່ສືບຈາກຣາມເຖິງເຢຊີ ມີດັ່ງນີ້: ຣາມເປັນພໍ່ຂອງອຳມີນາດາບ, ອຳມີນາດາບເປັນພໍ່ຂອງນາໂຊນ, (ບຸກຄົນສຳຄັນຂອງເຜົ່າຢູດາຍ)

11ນາໂຊນເປັນພໍ່ຂອງສານໂມນ, ສານໂມນເປັນພໍ່ຂອງໂບອາດ,

12ໂບອາດເປັນພໍ່ຂອງໂອເບັດ ແລະໂອເບັດເປັນພໍ່ຂອງເຢຊີ.

13ເຢຊີມີລູກຊາຍເຈັດຄົນ. ເມື່ອໄລ່ຕາມລຳດັບອາຍຸແລ້ວ ມີດັ່ງນີ້: ເອລີອາບ, ອາບີນາດາບ, ຊາມມາ,

14ເນທາເນນ, ຣັດດາຍ,

15ໂອເຊມ ແລະດາວິດ.

16ເພິ່ນຍັງມີລູກສາວສອງຄົນ ດັ່ງນີ້: ນາງເຊຣູອີຢາ ແລະນາງອາບີກາຍ. ນາງເຊຣູອີຢາລູກສາວຂອງເຢຊີມີລູກຊາຍສາມຄົນ ດັ່ງນີ້: ອາບີໄຊ, ໂຢອາບ ແລະອາສາເຮນ.

17ນາງອາບີກາຍລູກສາວຜູ້ໜຶ່ງອີກໄດ້ແຕ່ງງານກັບເຢເທີ ຜູ້ສືບເຊື້ອສາຍມາຈາກອິດຊະມາເອນ ແລະພວກເຂົາມີລູກຊາຍຜູ້ໜຶ່ງຊື່ວ່າ ອາມາສາ.

18ກາເລັບລູກຊາຍຂອງເຮຊະໂຣນໄດ້ແຕ່ງງານກັບນາງອາຊູບາ ແລະມີລູກສາວຜູ້ໜຶ່ງຊື່ວ່າ ເຢຣີໂອດ. ນາງມີ ລູກຊາຍສາມຄົນ ດັ່ງນີ້: ເຢເຊ, ໂຊບັບ ແລະອາກໂດນ.

19ຫລັງຈາກອາຊູບາໄດ້ຕາຍໄປແລ້ວ ກາເລັບກໍໄດ້ແຕ່ງງານກັບເອຟຣັດ ແລະພວກເຂົາມີລູກຊາຍຜູ້ໜຶ່ງຊື່ວ່າ ຮູເຣ.

20ລູກຊາຍຂອງຮູເຣຊື່ວ່າ ອູຣິ ແລະຫລານຊາຍຊື່ວ່າ ເບຊາເລນ.

21ເມື່ອເຮຊະໂຣນມີອາຍຸໄດ້ຫົກສິບປີ ເພິ່ນໄດ້ແຕ່ງງານກັບລູກສາວຂອງມາກີ ນ້ອງສາວຂອງກີເລອາດ ພວກເຂົາມີລູກຊາຍຜູ້ໜຶ່ງຊື່ວ່າ ເສກຸບ,

22ແລະເສກຸບມີລູກຊາຍຜູ້ໜຶ່ງຊື່ວ່າ ຢາອີ ຢາອີໄດ້ປົກຄອງ ຊາວສາມເມືອງໃນເຂດແດນກີເລອາດ.

23ແຕ່ເພິ່ນໄດ້ໃຊ້ກຳລັງຢຶດເອົາອານາຈັກຕ່າງໆຂອງເກຊູ ແລະຂອງອາຣາມຫົກສິບຕົວເມືອງ ລວມທັງໝູ່ບ້ານທັງຫລາຍຂອງຢາອີແລະເກນາດ ຕະຫລອດທັງເມືອງຕ່າງໆທີ່ຢູ່ອ້ອມແອ້ມນັ້ນ. ຊາວເມືອງທີ່ອາໄສຢູ່ທີ່ນັ້ນ ແມ່ນໄດ້ສືບເຊື້ອສາຍມາຈາກມາກີ ຜູ້ເປັນພໍ່ຂອງກີເລອາດ.

24ຫລັງຈາກເຮຊະໂຣນໄດ້ຕາຍໄປແລ້ວ ກາເລັບຜູ້ເປັນລູກຊາຍຈຶ່ງໄດ້ແຕ່ງງານກັບນາງເອຟຣັດ ເມຍໝ້າຍຂອງພໍ່ຕົນ. ພວກເຂົາມີລູກຊາຍຜູ້ໜຶ່ງຊື່ວ່າອາຊະຮູ ຜູ້ທີ່ໄດ້ສ້າງເມືອງເຕກົວ.

25ເຢຣາເມເອນລູກຊາຍກົກຂອງເຮຊະໂຣນມີລູກຊາຍຫ້າຄົນ ດັ່ງນີ້: ຣາມເປັນລູກກົກ, ບູນາ, ໂອເຣນ, ໂອເຊມ ແລະອາຮີຢາ.

26ຣາມມີລູກຊາຍສາມຄົນ ດັ່ງນີ້: ມາອາ, ຢາມິນ ແລະເອເກ. ເຢຣາເມເອນມີເມຍອີກຜູ້ໜຶ່ງຊື່ວ່າ ອາຕາຣາ ແລະພວກເຂົາມີລູກຊາຍຜູ້ໜຶ່ງຊື່ວ່າ ໂອນາມ.

28ໂອນາມມີລູກຊາຍສອງຄົນຊື່ວ່າ ຊາມມາຍແລະຢາດາ ແລະຊາມມາຍມີລູກຊາຍສອງຄົນ ດັ່ງນີ້: ນາດາບແລະອາບີຊູ.

29ອາບີຊູໄດ້ແຕ່ງງານກັບຍິງຜູ້ໜຶ່ງຊື່ວ່າ ອາບີໄຮ ແລະພວກເຂົາມີລູກຊາຍສອງຄົນ ດັ່ງນີ້: ອາບານແລະໂມລິດ.

30ນາດາບອ້າຍຂອງອາບີຊູມີລູກຊາຍສອງຄົນຊື່ວ່າ ເສເລັດແລະອັບປາອິມ, ແຕ່ເສເລັດໄດ້ຕາຍໄປໂດຍບໍ່ມີລູກ.

31ອັບປາອິມເປັນພໍ່ຂອງອີຊີ ແລະອີຊີເປັນພໍ່ຂອງເຊຊານ ແລະເຊຊານເປັນພໍ່ຂອງອາຮະໄລ.

32ຢາດານ້ອງຂອງຊາມມາຍມີລູກຊາຍສອງຄົນຊື່ວ່າ ເຢເທີ ແລະ ໂຢນາທານ; ແຕ່ເຢເທີໄດ້ຕາຍໄປໂດຍບໍ່ມີລູກ.

33ໂຢນາທານມີລູກຊາຍສອງຄົນຊື່ວ່າ ເປເລັດແລະຊາຊາ. ທັງໝົດນີ້ແມ່ນເຊື້ອສາຍຂອງເຢຣາເມເອນ.

34ເຊຊານບໍ່ມີລູກຜູ້ຊາຍ ມີແຕ່ລູກຜູ້ຍິງ ລາວມີຄົນຮັບໃຊ້ຊາຍຊາວເອຢິບຜູ້ໜຶ່ງຊື່ວ່າ ຢາຣະຮາ

35ແລະໄດ້ຍົກລູກສາວຄົນໜຶ່ງໃຫ້ແຕ່ງງານກັບຄົນຮັບໃຊ້ຜູ້ນີ້ ພວກເຂົາມີລູກຊາຍຜູ້ໜຶ່ງຊື່ວ່າ ອັດໄຕ.

36ສາຍຄອບຄົວແຕ່ອັດໄຕເຖິງເອລີຊາມາ ມີດັ່ງນີ້: ອັດໄຕເປັນພໍ່ຂອງນາທານ, ນາທານເປັນພໍ່ຊາບັດ,

37ຊາບັດເປັນພໍ່ຂອງເອຟະລານ, ເອຟະລານເປັນພໍ່ຂອງໂອເບັດ,

38ໂອເບັດເປັນພໍ່ຂອງເຢຮູ, ເຢຮູເປັນພໍ່ຂອງອາຊາຣີຢາ,

39ອາຊາຣີຢາເປັນພໍ່ຂອງເຮເລັດ, ເຮເລັດເປັນພໍ່ຂອງເອເລອາສາ,

40ເອເລອາສາເປັນພໍ່ຂອງສີສະໝາຍ, ສີສະໝາຍເປັນພໍ່ຂອງຊານລູມ,

41ຊານລູມເປັນພໍ່ຂອງເຢກາມີຢາ ແລະເຢກາມີຢາເປັນພໍ່ຂອງເອລີຊາມາ.

42ລູກຊາຍກົກຂອງກາເລັບນ້ອງຂອງເຢຣາເມເອນຊື່ວ່າ ເມຊາ ລາວເປັນພໍ່ຂອງຊີເຟ ຊີເຟເປັນພໍ່ຂອງມາເຣຊາ ແລະມາເຣຊາເປັນພໍ່ຂອງເຮັບໂຣນ.

43ເຮັບໂຣນມີລູກຊາຍສີ່ຄົນ ດັ່ງນີ້: ໂກຣາ, ຕັບປູອາ, ເຣເກມ ແລະເຊມາ.

44ເຊມາເປັນພໍ່ຂອງຣາຮາມ ແລະເປັນປູ່ຂອງຢອກເກອາມ. ເຣເກມ ອ້າຍຂອງເຊມາ ເປັນພໍ່ຂອງຊາມມາຍ

45ຊາມມາຍເປັນພໍ່ຂອງມາໂອນ ແລະມາໂອນເປັນພໍ່ຂອງເບັດຊູເຣ.

46ກາເລັບມີເມຍນ້ອຍຜູ້ໜຶ່ງຊື່ວ່າ ເອຟາ. ໂດຍທາງນາງເອຟາ ເພິ່ນມີລູກຊາຍສາມຄົນ ດັ່ງນີ້: ຮາຣານ, ໂມຊາ ແລະກາເຊ. ຮາຣານມີລູກຊາຍຜູ້ໜຶ່ງຄືກັນຊື່ວ່າ ກາເຊ.

47ມີຊາຍຄົນໜຶ່ງຊື່ວ່າ ຢາດາຍ. ລາວມີລູກຊາຍຢູ່ຫົກຄົນ ດັ່ງນີ້: ເຣເຄມ, ໂຢທາມ, ເກຊານ, ເປເລດ, ເອຟາ ແລະຊາອາບ.

48ກາເລັບມີເມຍນ້ອຍຜູ້ອື່ນອີກຊື່ວ່າ ມາອາກາ ແລະນາງໄດ້ເກີດລູກຊາຍໃຫ້ເພິ່ນສອງຄົນ ດັ່ງນີ້: ເຊເບ ແລະຕີຮານາ.

49ຕໍ່ມາ ນາງກໍມີລູກຊາຍອີກສອງຄົນ ດັ່ງນີ້: ຊາອາບ ຜູ້ທີ່ໄດ້ສ້າງເມືອງມາດມານນາ ແລະເຊວາ ຜູ້ທີ່ໄດ້ສ້າງເມືອງມັກເບນາ ແລະກີເບອາ. ນອກນີ້ ກາເລັບຍັງມີລູກສາວຄົນໜຶ່ງຊື່ວ່າ ອັກສາ.

50ຕໍ່ໄປນີ້ແມ່ນເຊື້ອສາຍຂອງກາເລັບອີກ ດັ່ງນີ້: ຮູເຣແມ່ນລູກຊາຍກົກຂອງກາເລັບທີ່ໄດ້ກັບນາງເອຟຣັດ ເມຍຂອງເພິ່ນ. ໂຊບານລູກຊາຍຂອງຮູເຣ ຜູ້ທີ່ໄດ້ສ້າງເມືອງກີຣີອາດເຢອາຣີມ.

51ສານມາລູກຊາຍຜູ້ທີສອງ ຜູ້ທີ່ໄດ້ສ້າງເມືອງເບັດເລເຮັມ ແລະຮາເຣັບລູກຊາຍຜູ້ທີສາມ ຜູ້ທີ່ໄດ້ສ້າງເມືອງເບັດກາເດ.

52ໂຊບານ ຜູ້ທີ່ໄດ້ສ້າງເມືອງກີຣີອາດເຢອາຣີມ ເປັນບັນພະບຸລຸດຂອງປະຊາຊົນເມືອງຮາໂລເອ, ປະຊາຊົນເຄິ່ງໜຶ່ງຂອງຊາວເມນູໂຮດ,

53ແລະຕະກຸນຕ່າງໆທີ່ໄດ້ອາໄສຢູ່ໃນເມືອງກີຣີອາດເຢອາຣີມ ມີດັ່ງນີ້: ຊາວອີທາ, ປູທະ, ຊູມາ ແລະມິດຊະຣາ. (ປະຊາຊົນໃນເມືອງຕ່າງໆຂອງໂຊຣາ ແລະເອຊະຕາໂອນ ເປັນສະມາຊິກຂອງຄອບຄົວເຫຼົ່ານີ້.)

54ສານມາ ຜູ້ທີ່ໄດ້ສ້າງເມືອງເບັດເລເຮັມ ຊາວເນໂຕຟັດ ຊາວອາໂຣດເບັດໂຢອາບ ແລະເຄິ່ງໜຶ່ງຂອງຊາວມານາຮາດກັບຊາວໂຊເຣ.

55ຕະກຸນຕ່າງໆຂອງຜູ້ຊ່ຽວຊານທາງການຂຽນ ແລະລອກເອກະສານ ທີ່ອາໄສຢູ່ຕາມເມືອງຢາເບດ ມີດັ່ງນີ້: ຕີຣາດ, ຊີເມອາດ ແລະສູກາດ. ພວກເຂົາແມ່ນຊາວເກນິດ ທີ່ໄດ້ແຕ່ງງານກັບຊາວເຣກາບ.