1 Chronicles 4

Lao Bible 2012 (ພຣະຄຳພີສັກສິ)

← Chapter 3 Jump to: Chapter 5 →

1ຄົນເຫຼົ່ານີ້ແມ່ນເຊື້ອສາຍບາງສ່ວນຂອງຢູດາ ມີດັ່ງນີ້: ເປເຣັດ, ເຮຊະໂຣນ, ການໝີ, ຮູເຣ ແລະໂຊບານ.

2ໂຊບານເປັນພໍ່ຂອງເຣອາອີຢາ ແລະເຣອາອີຢາເປັນພໍ່ຂອງຢາຮາດ; ຢາຮາດເປັນພໍ່ຂອງອາຮູມາຍແລະລາຮາດ ຊຶ່ງເປັນບັນພະບຸລຸດຂອງຊົນຊາດໂຊຣາ.

3ຮູເຣແມ່ນລູກຊາຍກົກຂອງກາເລັບທີ່ໄດ້ກັບນາງເອຟຣັດ. ແມ່ນເຊື້ອສາຍຂອງຮູເຣທີ່ເປັນຜູ້ໄດ້ສ້າງເມືອງເບັດເລເຮັມ. ຮູເຣມີລູກຊາຍສາມຄົນ ດັ່ງນີ້: ເອຕາມ, ເປນູເອນ ແລະເອເຊ. ເອຕາມມີລູກຊາຍ ສາມຄົນດັ່ງນີ້: ຢິດຊະເຣນ, ອີຊະມາ ແລະອີດະບັດ ແລະມີລູກສາວຜູ້ໜຶ່ງຊື່ວ່າ ຮັດເຊເລນໂປນີ. ເປນູເອນໄດ້ສ້າງເມືອງເກໂດເຣ ແລະເອເຊໄດ້ສ້າງເມືອງຮູຊາ.

5ອາຊະຮູຜູ້ໄດ້ສ້າງເມືອງເຕກົວ ມີເມຍສອງຄົນດັ່ງນີ້: ເຮລາແລະນາອາຣາ.

6ລາວມີລູກຊາຍກັບນາງນາອາຣາສີ່ຄົນ ດັ່ງນີ້: ອາຮູດຊຳ, ເຮເຟ, ເຕເມນີ ແລະຮາຮັດສະຕາຣີ.

7ແລະລາວຍັງມີລູກຊາຍກັບນາງເຮລາສາມຄົນ ດັ່ງນີ້: ເຊເຣດ, ອີຊະຮາດ ແລະເອັດນັນ.

8ໂກເຊເປັນພໍ່ຂອງອານຸບແລະໂຊເບບາ ແລະເປັນບັນພະບຸລຸດຂອງຕະກຸນຕ່າງໆ ທີ່ສືບເຊື້ອສາຍມາຈາກອາຮາເຮນລູກຊາຍຂອງຮາຣູມ.

9ມີຊາຍຄົນໜຶ່ງຊື່ວ່າຢາເບດ ແລະລາວໄດ້ຮັບການນັບຖືຫລາຍກວ່າໝູ່ໃນຄອບຄົວ. ແມ່ຂອງລາວໄດ້ໃສ່ຊື່ໃຫ້ວ່າຢາເບດ ເພາະເມື່ອຄອດລາວອອກມານັ້ນ ນາງໄດ້ຮັບຄວາມເຈັບປວດຫລາຍ.

10ແຕ່ຢາເບດໄດ້ພາວັນນາອະທິຖານຕໍ່ພຣະເຈົ້າແຫ່ງຊາດອິດສະຣາເອນວ່າ, “ໂອ ພຣະເຈົ້າເອີຍ ໂຜດອວຍພອນຂ້ານ້ອຍ ແລະໃຫ້ຂ້ານ້ອຍມີດິນແດນຢ່າງຫລວງຫລາຍແດ່ທ້ອນ. ໂຜດສະຖິດຢູ່ນຳຂ້ານ້ອຍແລະຮັກສາຂ້ານ້ອຍ ໃຫ້ພົ້ນຈາກການຊົ່ວຮ້າຍນາໆປະການແດ່ທ້ອນ ຊຶ່ງອາດເຮັດໃຫ້ຂ້ານ້ອຍໄດ້ຮັບຄວາມເຈັບປວດ.” ພຣະເຈົ້າໄດ້ໃຫ້ສິ່ງທີ່ລາວໄດ້ພາວັນນາອະທິຖານຂໍນັ້ນ.

11ເກລຸບອ້າຍຂອງຊູຮາ ມີລູກຊາຍຜູ້ໜຶ່ງຊື່ວ່າ ເມຮີ. ເມເຮຍເປັນພໍ່ຂອງເອຊະໂຕນ,

12ແລະເອຊະໂຕນມີລູກຊາຍສາມຄົນ ດັ່ງນີ້: ເບັດຣາພາ, ປາເສຢາ ແລະເຕຮີນນາ. ເຕຮີນນາເປັນຜູ້ສ້າງເມືອງນາຮາດ. ພວກເຊື້ອສາຍຂອງຄົນເຫຼົ່ານີ້ໄດ້ອາໄສຢູ່ໃນເມືອງເຣກາ.

13ເກນາດມີລູກຊາຍສອງຄົນດັ່ງນີ້: ໂອດນີເອນແລະເສຣາອີຢາ. ໂອດນີເອນມີລູກຊາຍສອງຄົນເຊັ່ນກັນ ດັ່ງນີ້: ຮາທັດ ແລະເມໂອໂນໄທ.

14ເມໂອໂນໄທເປັນພໍ່ຂອງໂອຟະຣາ. ເສຣາອີຢາເປັນພໍ່ຂອງໂຢອາບ ຜູ້ທີ່ໄດ້ກໍຕັ້ງບ້ານແຫ່ງຮ່ອມພູຊ່າງສີມື ຊຶ່ງເປັນບ່ອນທີ່ພວກນາຍຊ່າງສີມືທຸກຄົນອາໄສຢູ່.

15ກາເລັບລູກຊາຍຂອງເຢຟຸນເນ ມີລູກຊາຍສາມຄົນດັ່ງນີ້: ອີຣູ, ເອລາ ແລະນາອາມ. ເອລາເປັນພໍ່ຂອງເກນາດ.

16ເຢຮັນເລເລນມີລູກຊາຍສີ່ຄົນ ດັ່ງນີ້: ຊີເຟ, ຊີຟາ, ຕີຣີອາ ແລະອາສາເຣນ.

17ເອຊະຣາ ມີລູກຊາຍສີ່ຄົນ ດັ່ງນີ້: ເຢເທ, ເມເຣດ, ເອເຟ ແລະຢາໂລນ. ເມເຣດໄດ້ແຕ່ງງານກັບບີທີຢາ ລູກສາວຂອງກະສັດຟາໂຣແຫ່ງປະເທດເອຢິບ; ແລະພວກເຂົາມີລູກສາວຄົນໜຶ່ງຊື່ວ່າ ມີຣີອາມ ແລະມີລູກຊາຍສອງຄົນຊື່ວ່າ ຊາມມາຍ ແລະອີຊະບາ. ອີຊະບາໄດ້ສ້າງເມືອງເອຊະເຕມົວ. ເມເຣດຍັງໄດ້ແຕ່ງງານກັບຍິງຄົນໜຶ່ງໃນເຜົ່າຢູດາເຊັ່ນກັນ ແລະພວກເຂົາມີລູກຊາຍສາມຄົນ ດັ່ງນີ້: ເຢເຣັດຜູ້ໄດ້ສ້າງເມືອງເກໂດເຣ; ເຮເບຜູ້ໄດ້ສ້າງເມືອງໂສໂກ; ແລະເຢກູທິເອນຜູ້ໄດ້ສ້າງເມືອງຊາໂນອາ.

19ໂຮດີຢາໄດ້ແຕ່ງງານກັບເອື້ອຍຂອງນາຮາມ. ເຊື້ອສາຍຂອງພວກເຂົາໄດ້ກໍ່ຕັ້ງຕະກຸນຄາມ ຊຶ່ງໄດ້ອາໄສຢູ່ໃນເມືອງເກອີລາ ແລະຕະກຸນມາອາກາດໄດ້ອາໄສຢູ່ໃນເມືອງເອຊະເຕມົວ.

20ຊີໂມນມີລູກຊາຍສີ່ຄົນ ດັ່ງນີ້: ອາມໂນນ, ຣິນນາ, ເບນຮານານ ແລະຕີໂລນ. ອີຊີມີລູກຊາຍສອງຄົນ ດັ່ງນີ້: ໂຊເຮັດແລະເບນໂຊເຫັດ.

21ເຊລາແມ່ນລູກຊາຍຄົນໜຶ່ງໃນບັນດາລູກຊາຍທັງຫລາຍຂອງຢູດາ. ເຊື້ອສາຍຂອງເພິ່ນ ມີດັ່ງນີ້: ເອຣະຜູ້ທີ່ໄດ້ສ້າງເມືອງເລກາ; ລາອາດາຜູ້ທີ່ໄດ້ສ້າງເມືອງມາເຣຊາ; ຕະກຸນຂອງຊ່າງຕໍ່າຜ້າຜູ້ທີ່ໄດ້ອາໄສຢູ່ເມືອງເບັດອາຊະເບອາ;

22ໂຢກີມແລະປະຊາຊົນທີ່ໄດ້ອາໄສຢູ່ໃນເມືອງໂກເຊບາ; ແລະໂຢອາດກັບສາຣາບຜູ້ທີ່ໄດ້ແຕ່ງງານກັບຍິງຊາວໂມອາບ; ແລະຕໍ່ມາໄດ້ຕັ້ງຖິ່ນຖານຢູ່ເລີຍທີ່ເບັດເລເຮັມ. (ສ່ວນຂະນົບທຳນຽມເຫຼົ່ານີ້ເປັນເລື່ອງບູຮານຫລາຍ.)

23ພວກເຂົາເປັນຊ່າງປັ້ນໝໍ້ຮັບໃຊ້ກະສັດ ແລະໄດ້ອາໄສຢູ່ໃນເມືອງເນຕາອີມແລະເກເດຣາ.

24ຊີເມໂອນມີລູກຊາຍຫ້າຄົນ ດັ່ງນີ້: ເນມູເອນ, ຢາມິນ, ຢາຣິບ, ເຊຣາ ແລະຊາອູນ.

25ລູກຊາຍຂອງຊາອູນແມ່ນຊານລູມ, ຫລານຊາຍຂອງເພິ່ນແມ່ນມິບສາມ ແລະເຫຼັນຂອງເພິ່ນແມ່ນມີຊະມາ.

26ແລ້ວເຊື້ອສາຍທີ່ສືບຕໍ່ຈາກມີຊະມາ ມີດັ່ງນີ້: ຮາມມູເອນ, ຊັກກູເຣ ແລະຊີເມອີ.

27ຊີເມອີມີລູກຊາຍສິບຫົກຄົນແລະລູກສາວຫົກຄົນ ແຕ່ພີ່ນ້ອງຂອງລາວມີລູກບໍ່ຫລາຍຄົນ ແລະຕະກຸນທັງໝົດຂອງພວກເຂົາບໍ່ມີຄົນເພີ່ມຂຶ້ນຫລາຍເທົ່າກັບເຜົ່າຢູດາ.

28ນັບລົງໄປເຖິງສະໄໝຂອງກະສັດດາວິດ ເຊື້ອສາຍຂອງຊີເມໂອນໄດ້ອາໄສຢູ່ໃນເມືອງ ດັ່ງຕໍ່ໄປນີ້: ເບເອນເຊບາ, ໂມລາດາ, ຮາຊາຊູອານ,

29ບີນຮາ, ເອເຊມ, ໂຕລາດ,

30ເບທູເອນ, ໂຮມາ, ຊິກລັກ,

31ເບັດມັກກາໂບດ, ຮາຊາສູສິມ, ເບັດບີຣີ ແລະຊາອາຣາອິມ.

32ພວກເຂົາຍັງໄດ້ອາໄສຢູ່ໃນບ່ອນອື່ນໆອີກ ດັ່ງນີ້: ເອຕາມ, ອາອິນ, ຣິມໂມນ, ໂຕເກນ ແລະອາຊານ,

33ແລະບ້ານທັງຫລາຍທີ່ຢູ່ອ້ອມແອ້ມນັ້ນ ໄກໄປຈົນເຖິງທິດຕາເວັນຕົກສ່ຽງໃຕ້ຂອງເມືອງບາອາລາດ. ນີ້ແຫລະ ຄືການບັນທຶກສຳມະໂນຄົວແລະບ່ອນຕ່າງໆທີ່ພວກເຂົາອາໄສຢູ່.

34ບຸກຄົນດັ່ງຕໍ່ໄປນີ້ແມ່ນຫົວໜ້າຕະກຸນຂອງພວກເຂົາ ມີດັ່ງນີ້: ເມໂຊບັບ, ຢາມເລັກ, ໂຢຊາ ຜູ້ເປັນລູກຊາຍຂອງອາມາຊີຢາ,

35ໂຢເອນ, ເຢຮູ (ເປັນລູກຊາຍຂອງໂຢຊີບີຢາ, ຫລານຊາຍຂອງເສຣາອີຢາ, ເຫຼັນຂອງອາສີເອນ),

36ເອລີໂອນາຍ, ຢາອາໂກບາດ, ເຢໂຊຮາອີຢາ, ອາສາອີຢາ, ອາດີເອນ, ເຢສີມີເອນ, ເບນາອີຢາ.

37ຊີຊາ (ລູກຊາຍຂອງຊິບຟີ, ຫລານຊາຍຂອງອັນໂລນ, ເຊື້ອສາຍຂອງເຢດາອີຢາ, ຊິມຣີ ແລະເຊມາອີຢາ).

38ຊື່ເຫຼົ່ານີ້ເປັນຜູ້ນຳໃນຄອບຄົວ ຍ້ອນຄອບຄົວຂອງພວກເຂົາສືບຕໍ່ເພີ່ມຂຶ້ນ,

39ພວກເຂົາຈຶ່ງໄດ້ແຜ່ຜາຍກະຈາຍອອກໄປ ທາງທິດຕາເວັນຕົກເກືອບຮອດເກຣາກ ແລະໄດ້ລ້ຽງຝູງແກະຂອງພວກເຂົາຢູ່ທາງພາກຕາເວັນອອກຂອງຮ່ອມພູໃນບ່ອນທີ່ຕັ້ງເມືອງຢູ່.

40ພວກເຂົາໄດ້ພົບທົ່ງຫຍ້າຢ່າງອຸດົມສົມບູນ ທັງກວ້າງຂວາງແລະງຽບສະຫງົບດີຢູ່ນອກເມືອງ. ປະຊາຊົນທີ່ໄດ້ອາໄສຢູ່ກ່ອນພວກເຂົາແມ່ນຊາວຮາມ.

41ໃນສະໄໝຂອງກະສັດເຮເຊກີຢາແຫ່ງອານາຈັກຢູດາຍ ພວກຜູ້ຊາຍທີ່ມີຊື່ໃນຂ້າງເທິງນັ້ນໄດ້ໄປທີ່ເມືອງເກຣາກ ແລະທຳລາຍເຕັນກັບຕູບຂອງປະຊາຊົນທີ່ອາໄສຢູ່ທີ່ນັ້ນ. ພວກເຂົາຂັບໄລ່ປະຊາຊົນເຫຼົ່ານັ້ນອອກໄປ ແລະໄດ້ຕັ້ງຫຼັກແຫຼ່ງຢູ່ທີ່ນັ້ນຢ່າງຖາວອນ ຍ້ອນບ່ອນນີ້ມີດິນທີ່ອຸດົມສົມບູນສຳລັບຝູງແກະຂອງພວກເຂົາ.

42ຄົນໃນເຜົ່າຂອງຊີເມໂອນອື່ນໆ ຫ້າຮ້ອຍຄົນໄດ້ພາກັນໄປ ທີ່ທາງທິດຕາເວັນອອກຂອງເມືອງເອໂດມ. ພວກຜູ້ນຳຂອງພວກເຂົາ ຜູ້ທີ່ເປັນລູກຊາຍຂອງອີຊີ ມີດັ່ງນີ້: ເປລາຕີຢາ, ເນອາຣີຢາ, ເຣຟາອີຢາ ແລະອຸດຊີເອນ.

43ຢູ່ໃນທີ່ນັ້ນ ພວກເຂົາໄດ້ສັງຫານຊາວອາມາເຫຼັກຜູ້ທີ່ລອດຊີວິດມາໄດ້ ແລະໄດ້ອາໄສຢູ່ທີ່ນັ້ນຈົນເຖິງທຸກວັນນີ້.

← Chapter 3 Jump to: Chapter 5 →